ޝާހު ރުކް ހާން: މިއަދަކީ އޭނާގެ 57 ވަނަ އުފަން ދުވަސް
03 ނޮވެމްބަރ 2022 - 07:58
އިއްޔެއަކީ ގިނަ ބަޔަކު "އައިޑޮލް" އެއްގެ ގޮތަށް ދެކެމުން އަންނަ މަޝްހޫރު ފިލްމީ ތަރި، ޝާހުރުކް ހާންގެ އުމުރުން 57 އަހަރު ވީ ދުވަހެވެ.
ނޮވެމްބަރު މަހުގެ ދެ ވަނަ ދުވަހަކީ ބޮލީވުޑްގެ އެންމެ މަޝްހޫރު އެއްތަރި ޝާހުރުކްގެ އުފަންދުވަހެވެ.
ފިލްމީ ދާއިރާ އަށް އޭނާ ނުކުތީ ޓީވީ ޝޯ "ފޯޖީ އެންޑް ސާކަސް" ކިޔާ ސީރީޒް އަކުންނެވެ. އަދި 1992 ވަނަ އަހަރު ބޮލީވުޑް ފިލްމް "ދީވާނާ" އިން ވަނީ ބޮލީވުޑަށް ތައާރަފު ވި އެވެ.
އެ އަށް ފަހު، ދިލް ވާލޭ ދުންހަނިޔާ ލޭ ޖައިގޭ، ކުޗް ކުޗް ހޯތާ ހޭ، ކަލް ހޯނަ ހޯ، ވީރް ޒާރާ އަދި މޮހައްބަތޭން ފަދަ ކާމިޔާބު އެތައް ފިލްމެއް ކުޅުމަށް ފަހު، ޝާހުރުކް ވަނީ ދުނިޔޭގެ ގިނަ ބައެއްގެ މަގުބޫލު ކަން ހޯދައިފަ އެވެ.
ޝާހުރުކް، ދުވަސްކޮޅަކަށް ފިލްމީ ދާއިރާއާ ކުޑަކޮށް ދުރަށް ޖެހިލި އެވެ. އެންމެ ފަހުން އޭނާ ފެނިފައި ވަނީ ފިލްމު "ޒީރޯ" އިންނެވެ. ނަމަވެސް އެ ފިލްމު ގިނަ ބަޔަކަށް ކަމަކު ނުދިޔަ އެވެ.
ކުރިއަށް އޮތް ފިލްމު ތަކުގެ ތެރޭގައި ޕަތާން، ޖަވާން، ދުންކީ އަދި ޓައިގާ 3 ހިމެނެ އެވެ.
މި އަހަރުގެ މާޗު މަހު ވަނީ ޝާހުރުކްގެ ފިލްމް ޕަތާންގެ ވާހަކަ އިއުލާނުކޮށްފަ އެވެ. އިންސްޓްގްރާމަށް ޝާހުރުކް ޕޯސްޓް ކުރި ފޮޓޯގައި އޭނާ ހުރީ ފިލްމް ޕަތާން ގައި ފެންނަ ކެރެކްޓާގަ އެވެ. ސިދާތު އާނަންދު ޑައިރެކްޓު ކުރާ އެ ފިލްމުގައި ދެން ފެންނާނީ އަންހެން ފަންނާނު ދީޕިކާ ޕަޑުކޯންގެ އިތުރުން އެކްޓަރު ޖޯން އަބްރަހަމެވެ. އެ ފިލްމުގައި ސަލްމާން ހާންގެ ހާއްސަ ފެނިލުމެއް ވެސް އުޅެ އެވެ.
ފާތާން އަށް ފަހު ދެން އިވުނީ ފިލްމު ޖަވާންގެ ވާހަކަ އެވެ. ރެޑް ޗިލީ އެންޓަޓެއިންމަންޓުން އުފައްދާ އެ ފިލްމުގެ ޑައިރެކްޓަރަކީ އަތުލީ އެވެ. އެ ފިލްމު ރިލީޒް ކުރުމަށް ހަމަޖެހިފައި އޮތީ އަންނަ އަހަރު ޖޫން 2 ގަ އެވެ.
ޑައިރެކްޓަރު ރާޖު ކުމާރީއާއެކު ފަށާ ޕްރޮޖެކްޓަކީ ފިލްމް "ދަންކީ" އެވެ. އެ ފިލްމުގައި ޝާހުރުކްއާއެކު ފެންނާނީ ތާޕްސީ ޕަންނޫ އާއި ބޯމަން އިރާނީ އެވެ. އެ ފިލްމު ރިލީޒް ކުރާނީ އަންނަ އަހަރުގެ ޑިސެމްބަރު 22 ގަ އެވެ.
ކެޓްރީނާ ކައިފް އާއި ސަލްމާން ހާންގެ އެކްޝަން ތުރިލާ ފިލްމް "ޓައިގާ 3" ގައި ޝާހުރުކްގެ ކުޑަ ރޯލެއް ވެސް ފެންނާނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އިދާރީ މައްސަލަ
03 November 2022
ފުރަތަމަ ފަށައިގަންއިރު ރަގަޅު އެކަމަކު މިހާރު ކުޅެނީ އެއްވެސްވަރަކަށް މީހާއާ ނުގުޅޭ ލާޖާރ ދެން ލައިފް ކެރެކްޓާތައް. އެރޯތަކަށް މީހުން ގަޔާ ނުވާތަނުގައި މާ ވްޑުން އޯވާރ އެކްޓް ހުންނަނީ. ތަންކޮޅެއް ސިންޕަލް ރިއަލިސްޓިކް ސްކްރިޕްޓްތަކަށް ފިލްމު ކުޅޭނަމަ މާރަގަޅުވީސް.
ޝާޚު
05 November 2022
ތި ކޮމެންޓް ކިޔަަކަށް ނޭގުނު