މެދުޒިޔާރަތުގައި އިހު ހުރި ގޮތަށް ދިދަ ނަގައިފައި -- ފޮޓޯ: މިހާރު
11 ނޮވެމްބަރ 2022 - 12:10
35 comments
މާލޭގެ މެދުޒިޔާރަތުގައި އިހު ހުރި ގޮތަށް އަލުން ދިދަ ނަގަން މި ސަރުކާރުން ފަށައިފި އެވެ.
ގާތްގަނޑަކަށް 30-35 އަހަރުގެ މެދުކެނޑުމަކަށް ފަހު މެދުޒިޔާރަތުގައި ދިދަ ނަގަން ފެށީ އިއްޔެ އެވެ. އެ ޒިޔާރަތުގައި ހުރި ދިދަ ދަނޑިތަކުގައި މިހާރު ހުރީ ރާއްޖޭގައި އެންމެ އިހުޒަމާނުގައި ވެސް ހުންނަ ގޮތަށް ހުދު ދިދަ ނަގައިފަ އެވެ.
ރާއްޖޭގެ ސަގާފަތާއި ތާރީހަށް ހިދުމަތް ކުރާ ގައުމީ މަރުކަޒުގެ އޮފިޝަލަކު މިއަދު "މިހާރު" އަށް ވިދާޅުވީ މެދުޒިޔާރަތުގައި އަލުން ދިދަ ނަގަން ފެށީ މާލޭގައި ހުރި އާސާރީ ތަންތަން ކުރީގައި ހުރި ގޮތަށް އަނބުރާ އިއާދަކޮށް، ދިވެހި ސަގާފަތާއި ތާރީހު ދެމެހެއްޓުމަށް އެ މިނިސްޓްރީއިން ކުރަމުން އަންނަ މަސައްކަތުގެ ތެރެއިން ކަމަށެވެ.
މެދުޒިޔާރަތުގައި އިހު ހުރި ގޮތަށް ނަގާފައި ހުރި ބޮޑު ދިދަ -- ފޮޓޯ: މިހާރު
"ތާރީހީ ތަންތަނަށް އާނުލެވި ހަލާކުވާން ދޫކޮށްލާފައި ބެހެއްޓުމުގެ ބަދަލުގައި، އިހުގައި ވެސް އެ ތަންތަނުން ފެންނަން ހުރި ރީތިކަން ދެމެހެއްޓޭނެ ގޮތް ހެދުމުގެ މަސައްކަތުގެ ތެރެއިން މިކަން ކުރީ،" އޮފިޝަލް ވިދާޅުވި އެވެ.
"މި ތަންތަން އިހު ހުރި ގޮތަށް އަންނަން އޮތް ޖީލުތަކަށް ފެންނަން ހުރުން ވަރަށް މުހިންމު ކަމަށް އަޅުގަނޑުމެން ދެކެނީ."
މެދުޒިޔާރަތުގައި އިހު ހުރި ގޮތަށް ދިދަ ނަގައިފައި -- ފޮޓޯ: މިހާރު
އޭނާ ވިދާޅުވި ގޮތުގައި، މެދުޒިޔާރާތުގެ އާބާތުރަފިލުވުމުގެ މަސައްކަތް މިދިޔަ މަހުން ފެށިގެން އެ މަރުކަޒުން އަންނަނީ ކުރަމުންނެވެ. މިދިޔަ މަހު ފާހަގަކުރި ރާއްޖެ އިސްލާމްވީ ދުވަހާ ދިމާކޮށް، މެދުޒިޔާރާތުގައި ކުލަކުލުމުގެ މަސައްކަތް ވެސް އެ މަރުކަޒުގެ މުވައްޒަފުން ކުރި އެވެ. އަދި އެ ޒިޔާރަތުގެ އެތެރޭގައި ކުރިން ހުރި ފާނޫޒު ބައްތިތައް ވެސް އަލުން ހެދުމުގެ މަސައްކަތް އަންނަނީ ކުރަމުންނެވެ.
މެދުޒިޔާރަތުގެ އިތުރުން، މީގެ ކުރިން މާލޭގައި ދިދަ ނަގާފައި ހުރި ބޮޑުތަކުރުފާނުގެ ޒިޔާރަތުގެ އާބާތުރަ ފިލުވައި، އެ ތަނުގައި ވެސް ދިދަ ނަގަން ނިންމާފައިވާ ކަމަށް އޭނާ ވިދާޅުވި އެވެ. އަދި އަތޮޅު ތެރޭގައި ހުރި މި ކަހަލަ ތަންތަނުގައި އެކަން ކުރަން ރޭވިފައިވާ ކަމަށެވެ.
މީލާދީން 1153 ވަނަ އަހަރު ރާއްޖެ އަށް އިސްލާމް ދީން ގެނެސްދެއްވި އަބުލް ބަރަކާތު ޔޫސުފުލް ބަރުބަރީ ފަސްދާނުލެވިފައި ވަނީ މެދުޒިޔާރަތުގަ އެވެ. ބަރުބަރީގެ އިތުރުން 1692 ވަނަ އަހަރު ރާއްޖޭގައި ރަސްކަން ކުރެއްވި އަރަބިކަރައިގެ ބޭފުޅެއް ކަމަށްވާ ސައްޔިދު ވެސް އެ ޒިޔާރަތުގައި ފަސްދާނުލާފައިވެ އެވެ.
ކުރީގައި މެދުޒިޔާރަތުގައި ދިދަ ނަގާފައި ހުރި ތަން ފެންނަ ފޮޓޯއެއް. މިއީ ދިވެހި ތާރީހު ދިރާސާކުރައްވާ ނާޖިހު ދީދީ ޓުވިޓާގައި ހިއްސާކުރައްވާފައިވާ ފޮޓޯއެއް.
އެ ޒިޔާރަތަކީ ކުރިން މީހުން ނަދުރު ބުނެ އުޅުނު ތަނެކެވެ. ނަމަވެސް، އެ ތަނަށް ނަދުރު ބުނުން ސަރުކާރުން 1957 ގައި މަނާކުރި އެވެ. އެ ޒިޔާރަތް ބިނާކުރި ސީދާ ތާރީހު ނެނގޭއިރު، ތާރީހީ ލިޔުންތަކުން އެނގޭ ގޮތުގައި، އެ ޒިޔާރަތް މިހާރު އެ ހުރި ގޮތަށް ހެއްދެވީ ޝަމްސުއްދީނުގެ ރަސްކަމުގަ އެވެ.
މެދުޒިޔާރަތުގައި އަލުން ދިދަ ނަގަން ފެށުމުން ބައެއް ދީނީ އިލްމުވެރިން ދަނީ އެއީ ބިދުއައެއް ކަމަށް ބުނެ އެކަމަށް ފާޑުކިޔަމުންނެވެ.
އުތީމުގައި ގަނޑުވަރުގައި ވަރަށް ކުރިއްސުރެ މިގޮތަށް އަންނަނީ ދިދަ ނަގަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާނިއު
11 November 2022
ތަރިކަ މިނިސްޓްރީ އެކު ތިޔަ ބައްދަލުވުމުގައި ބައިވެރިވީ ސިޓީ ކައުންސިލް ފަރާތުން ނަރީޝް އާއި އައިފާން! ތަރިކަ މިނިސްޓްރީގެ ޓުވިޓާ ބައްލަވާލައްވާ! މިއަދު ޔުމްނާ ބޮލަށް ކަނޑާލީމަ ނިމުނީ އެއްނޫން ދޯ؟
ސައިކޯ
11 November 2022
ކޮންމެ ކަމެއް އަފުގާނު ހެދުން އެޅިމީހުންގެ ރައުޔަށް ނިއްމާކަށް ނުޖެހޭ. ސަގާފަތަކީ ސަގާފަތް އެކަންކަން އަންނަނިވި ޖީލު ތަކަށް ފެންނާނެ ހެން ބެހެއްޓެން ޖެހޭ. އިސްލާމް ވުމުގެ ކުރީގެ ތަރިކަވެސް އާސާރުން ފެންނަން ޖެހޭ. އެއީ ދީންބަދަލު ކުރާކަށް ކުރާކަމެއްނޫން.
ޖުހާ.
11 November 2022
މިރާއްޖެ މިވަނީ ނުބައި ނުލަފާ ބައެއްގެ އަތްދަށުވެފަ. ޢިލްމުވެރިންނޭ ޝޭހުންނޭ ކިއައިގެން އިސްލާމުން މަގުފުރެއްދުމުގަ. މިއީ ފަހުޒަމާން.
މާރިން
11 November 2022
މިކަން ވެސް އެމްޑީޕީ އަތަށް ގޮވާނެ... ބަލައްޗޭ!
އަފްރާސިޔާބު
11 November 2022
މަހާނަ ގާ ޖެހުމަކީވެސް ބިދުއައެއް. ކޯޓު ފަޓުލޫނު ލުމަކީވެސް ބިދުއައެއް. މިސްކިތުގައި ތާޅަފިލި ބެހެއްޓުމަކީވެސް ބިދުއައެއް. މަތިންދާ ބޯޓުގައި ހައްޖަށް ދިއުމަކީވެސް ބިދުއައެއް. ބަޑި ހިފައިގެން ހަނގުރާމަ ކުރުމަކީވެސް ބިދުއައެއް. މިބައިމީހުންނަށް ފަސޭހައެއް ނުވަތަ އެއްޗެއް ބިދުއައަކަށް. އެއްޗެއް ލިބޭ ނުވަތަ ފަސޭހަ ކަމެއް ވިއްޔާ ބިދުއަކަށް ނުވޭ.
ބީރުބޮލުވަޒީރު
12 November 2022
ހަޖޫޖަހާނެކަމެއްނެތް، ކުރީ ޒަމާނުގަވެސް ހަގުރާމަކުރީ ބަޑިޔަކުންނޫން، އެހެންވީމަ މިޒަމާނުގަވެސް ބަޑި ބޭނުންކޮއްގެންނުވާނެ. ކަނޑި ހަގުރާމަ އެއީ ހުއްދަގޮތަކީ.
ސުމަޕާ
11 November 2022
އަހަރެމެންގެ އިހުގެ އެވޭލާ ކަންކަން ދިރުވާ ދެމެހެއްޓުމަކީ އެއްވެސް މައްސަލައެއްނޫން
ވައްހާބީ
11 November 2022
ސަލަފްގެ ޝޭޚުން، ވަކިން ޚާއްސަކޮށް ޢައްލާމާ ޒަމްޒަމް ފާރިޝް އާއި ޢަައްލާމާ ޢަލީ ރަމީޒު ފަދަ ބޭބޭފުޅުންނަށް ވަރަށް ފޯރި އަންނާނެ ކަމެއް ތިކުރީ. ޢާންމުގޮތެއްގައި ވައްހާބީ ފިކުރުގެ ޝޭޚުން ރާއްޖޭގައި މިއުޅެނީ. ތިކަންތައް ވަރަށް ބޮޑުކަމަކަށް ހަދާ، ބަޔާން ނެރެ، ޖަލްސާ ބާއްވާ ހިސާބަށް ދާނެ. ވައްހާބީ ފިކުރަކީވެސް ދީނީ މަސްރަޙު ބެލެންސް ކުރުމަށް އޮންނަން ޖެހޭ އެއްޗެއް. އެކަމަކު މަސްއަލަޔަކީ އެމީހުން ހީކުރަނީ އެމީހުން ނޫން ދެން ތިބި އެންމެހައި މުސްލިމުން ވަނީ މަގު ފުރެދިފައި ކަމަށް. ހުންނާނެ ކުޅިވަރު ތި ދިދައެއް ނަގައިގެން. ޝިރުކަށް ގޮވާ، ކުފުރު ކުރާ ދަރަޖަޔަށް ގެންދާނެ.
ތާއީދު
11 November 2022
ތިޔަކަމަށް މަވެސް ތާއީދު ކޮށްފިން. މީގެ 42 އަހަރު ކުރިން ނުގުޑާހުރި އިސްލާމީ ވަޙުދަތުގެ އެއްބައިވަންތަކަމާ އެކުވެރިކަން ޤައުމުގައި ހިފެހެޓި ކަރޮލިތަކުރުގެ އަބޫބަކުރު ބުނި ނަދުރުވެސް ދަމަހައްޓަންވީ. ރަށްތަކުގައި ޖަމާޢަތްހަދައިގެން ގިނަގިނައިން ޞަލާތް ކިޔަވަންވީ. މުންނާރުން މުނާޖާވެސް ކިޔަންވީ. ޢުނދަގޫ ނުވާވަރަށްވެސް އެކަންކުރެވޭނެ. މުނާޖާއަކީ ރާއްޖެ ކާފިރުންގެ ކިބައިން ސަލާމަތް ކޮށްނުމުގައި ބައިވެރިއެއް. 42 އަހަރުތެރޭ ޤައުމު ދީނީފަސާދަކުރުންއޮތީ
އ
11 November 2022
އެއްވެސް މޮޅުކަމެއްނޫން.... އަދިވެސް އެފްރިކާ ބައްރުގެ ގައުމުތަކުގައި ފެނޭ ތިކަހަލަ ގަޅި ވައްޓަފާޅި ޖައްސާތަން... ތީއަކީ ދީނާ އެއްވެސް އެއްވެސް ގުޅުމެއް ވާކަމެއްނޫން.....
ވސނ
11 November 2022
ވަރަށްވެސް ބޭކާރު ޚަރަދެއް. ތިފަދަތަންތަނުގަ ދިދަނަގަންޖެހޭނަމަ މަސްޖިދު ނަބަވީގަ ދިދަނަގާނެ.
ބަލްގާ
11 November 2022
ބިދުއަކަށްވާނީ ދީނާ ހިލާފްކަންތައް. ތި ކަމެއް ދީނާ ހިލާފްއެއްނޫން. ވަރަށް ރަގަޅުކަމެއް ތީ. ދިވެހިން ދިވެހިންގެ ގޮތުގައި ކުރިއަރަމާ ހިނގާ.