ރާއްޖެއިން މި އަހަރު ހައްޖަށް ދިޔަ ހައްޖާޖީން ފުރަން ވެލާނާ އިންޓަނޭޝަނަލް އެއާޕޯޓުގައި -- ފޮޓޯ: ނިޝާން އަލީ | މިހާރު
15 ނޮވެމްބަރ 2022 - 19:48
5 comments
ހައްޖާއި އުމްރާއަށް މީހުން ގެންދިއުމުގައި އަމަލުކުރާނެ އުސޫލުތަކާއި ކުންފުނިތަކުން ދިނުން ލާޒިމްވާ ހިދުމަތްތައް ބަޔާންކުރާ ބިލު ރައްޔިތުންގެ މަޖިލީހަށް ހުށަހެޅުމަށް އެޓާނީ ޖެނެރަލްގެ އޮފީހުން ރައީސް އޮފީހަށް މިއަދު ފޮނުވައިިފި އެވެ.
ބަންޑާރަ ނައިބުގެ އޮފީހުން ބުނީ މިއީ ހައްޖާއި އުމްރާގެ އަޅުކަން އަދާކުރުމަށް ރާއްޖެއިން މީހުން ގެންދިއުމުގެ ނިޒާމު ހަރުދަނާކުރުމަށާއި މިކަމާ ގުޅޭ ގޮތުން ހައްޖާއި އުމްރާއާ ގުޅޭ އުސޫލުތައް ކަނޑައަޅާ ބިލެއް ކަމަށެވެ.
މި ބިލުގައި ހިމަނައިފައިވާ މައިގަނޑު ކަންތައްތަކުގެ ތެރޭގައި ހައްޖު ކޯޕަރޭޝަނަށާއި އަމިއްލަ ފަރާތްތަކުން ހައްޖަށް މީހުން ގެންދިއުމުގައި އަމަލުކުރަން ޖެހޭނެ އުސޫލުތަކާއި ހައްޖާއި އުމްރާގެ ހިދުމަތްދޭ އަމިއްލަ ފަރާތްތަކަށް ހުއްދަ ދިނުމާއި ހުއްދަ ބާތިލުކުރުމުގެ އިތުރުން ހުއްދަ ހިފެހެއްޓުމުގެ އުސޫލު ހިމެނެ އެވެ.
ބިލުގައިވާ އެހެެން ކަންތައްތަކުގެ ތެރޭގައި ހައްޖާއި އުމްރާގެ ހިދުމަތްދޭ ފަރާތްތަކުން ހައްޖުވެރިންނާއި އުމްރާވެރިންނަށް ދިނުން ލާޒިމް ހިދުމަތްތަކާއި އެފަދަ ހިދުމަތްތައް ހުންނަން ޖެހޭނެ އަސާސީ މިންގަނޑުތައް ވެސް ހިމެނެ އެވެ. އެކަމަކު ބިލްގައި ހުރި މި ތަފްސީލްތައް ބަންޑާރަ އަދި ހާމައެއް ނުކުރެ އެވެ.
ހައްޖާއި އުމްރާގެ ހިދުމަތްތަކަށް ފައިސާ ނެގުމުގައި އަމަލުކުރަން ޖެހޭނެ އުސޫލުތަކާއި ހައްޖާއި އުމްރާގެ ހިދުމަތްތައް ފޯރުކޮށްދިނުމުގެ އާންމު އުސޫލާއި ހައްޖާއި އުމްރާގެ ކަންކަމާ ގުޅޭ ގޮތުން އިސްލާމިކް މިނިސްޓްރީގެ ދައުރު އޮންނާނެ ގޮތް ވެސް މި ބިލުގައި ހިމެނޭ ކަމަށް ބުނެފައިވެ އެެވެ.
މީގެ އިތުރުން ދެން ހިމެނެނީ ގާނޫނާއި ގަވައިދާ ހިލާފަށް އަމަލުކުރާ ފަރާތްތަކާ މެދު ފިޔަވަޅު އެޅޭނެ އުސޫލުތަކެވެ.
ހައްޖާއި އުމްރާއަށް މީހުން ގެންދިއުމުގައި އަމިއްލަ ބައެއް ކުންފުނިތަކުން އަމަލުކޮށްފައިވާ ގޮތުން މީގެ ކުރިން އެތައް ބަޔަކަށް ބޮޑެތި ގެއްލުންތައްވެފައިވެ އެވެ. މިފަދަ މައްސަލަތަކުގައި ބައެއް ކުންފުނިތަކުގެ ވެރިންނާ ދެކޮޅަށް ދައުލަތުން ޖިނާއީ ދައުވާ ވެސް ކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިލްޔާސް1111
16 November 2022
ޙައްޖުކޯޕަރޭޝަން ހަދައިގެން ލިސްޓުގަ ޖައްސައިގެން ދެވޭނެ ނުދަވަހެއް ނޭގޭ. ތި ތަނާހުރެ އަވަހަށް ދާން ބޭނުން މީހުންނަށް ނުދެވޭ. ތިމީހުންނަށް ކަންކަންވެސް ރަނގަޅަށް ނުކުރެވޭ. ނުވާވަރުން 500 މީހުން ގެންގޮސްގެން މީހުންނަށް ހިދުމަތެއް ނުދެވޭ. އެއްބަޔަކު ކާން އަންނައިރު ކާއެތިކޮޅު ހުސްވެފަ. ޙައްޖުގެ އަޅުކަންވެސް ނޭގޭ ފުރިހަމަ ކުރެވޭކަމެއް.ކުރީގަވެސް އޮންނަގޮތަށް ވަކި ގުރޫޕްތަކަށް ދޭންވީ.އުސޫލުތަކާއި ކުންފުނިތައް ޒިންމާދާރު ކުރުވައިގެން.
ކަކުނިބޯ 2
16 November 2022
ޙައްޖުކޯޕަރޭޝަން ހައްޖަށް،ގެންދާ ދަށްއަގު ހިފަހަށްޓަން ޖެހޭ. ޙައްޖުކޯޕަރޭޝަން ނަފާހޯދަން ބޮޑަށް މަސައްކަތް ކުރަންޖެހޭނީ ހައްުޖުގެ ވަސީލަތްތަށް ގްރޫޕްތަކަށް ވިއްކާގެން. މިސާލު ފްލައިޓް ޓިކެޓް ޗަޓަރ ކުރުމަށްފަހު، ހޮޓެލްބުކިން ދިގުމުއްދަތަށް ހިފުމަށްފަހު. މިނިސްޓްރީއިން މަތީއަގު ކަނޑައަޅަހިފަހަށްޓަންޖެހޭ، ގްރޫޕްތަކުގެ ޕްކޭޖްތަކުގައި ބުނާހިދުމަތް ދޭތޯއާއި ޕްކޭޖްތަކުގެ އެންމެ ކުޑަމިންވަރު މިނސްޓްރީއިން ފާސްކޮށް ހުއްދަ ދޭބަޔަކަށ ވާންޖެހޭ
ކަކުނިބޯ
16 November 2022
ޙައްޖާއި އުމްރާއަށް ދިޔުމުގެ ކަންތަށް ހަރުދަނާވުން އުންމީދަކީ ހާއްސަކޮށް ހައްޖު. ޙައްޖުގެ ކޯޓާއަކީ ހައްޖު ގުރޫޕްތަކަށް،ދޭއެއްޗެއްގެ ބަދަލުގައި ހައްޖަށް ދާން ބޭނުންވާމީހާއަށް ދޭއެއްޗަކަށްވާންޖެހޭ. ޙައްޖު ޕެކޭޖްތަށް އެކިފެންވަރުގައި ހައްޖުގްރޫޕްތަކުން ހަދާމަރކެޓްކޮށް ހައްޖުވެރިން ހައްޖަށްގެންދާނޭ ވާދަވެރިމާހަައުލެއް ބިނާކުރަންޖެހޭ. ޢަދި ގުރޫޕްތަކަށް ކޯޓާދީފައިވާފަރާތްތަށް،ވެބްސައިޓް މެދުވެރިކޮށް ގުޅޭނެ ނަންބަރާއެކު އެގެންޖެހޭ ބާކީ ކަކުނިބޯ2 ގައި
ދހސތވސ
16 November 2022
އުސޫލު ހަރުދަނާވާއިރު ހައްޖާއި އުމުރާއަށް ދިޔުމަށް ކިހާވަރެއްގެ ތަކުލީފެއް އުފުލަން ޖެހޭނެބާ.
ށަވިޔަނި
16 November 2022
މަގޭހިތަށްވެސް އެރީ ތިވާހަކަ.