އާ ޓާމިނަލްގެ މަސައްކަތްތައް ކުރިއަށްދަނީ. އެތަނުގެ މިހާރު ކުރިއަށްދަނީ ފުރާޅު ހަރުކުރުމުގެ މަސައްކަތްތައް--ފޮޓޯ:މިހާރު
22 ޑިސެމްބަރ 2022 - 13:19
18 comments
ސައުދީ އަރަބިއްޔާގެ ބިންލާދިން ގްރޫޕާ ހަވާލުކޮށްގެން ކުރީ ސަރުކާރުން ހަދަން ފެށި ވީއައިއޭގެ އާ ޓާމިނަލްގެ މަސައްކަތް ލަސްވެ، މުޅި ޕްރޮޖެކްޓް ނިންމާ ތާރީހު އިތުރު ދެ އަހަރު ލަސްކޮށްފި އެވެ.
އެމްއޭސީއެލްގެ ކޯޕަރޭޓް ކޮމިއުނިކޭޝަންސް މެނޭޖަރު ޝަމްއާން ޝާކިރު ވިދާޅުވީ، ޕްރޮޖެކްޓް ނިމޭ ތާރީހު އިތުރަށް ލަސްވީ، ކޮވިޑާ ގުޅިގެން އައި ޑިލޭތަކުގެ ސަބަބުން ކަމަށެވެ. އާ ޓާމިނަލްގެ މަސައްކަތް ކުރިއަށް ގެންދާ ސަބް ކޮންޓްރެކްޓަރަކީ ޗައިނާގެ ކުންފުންޏަކަށް ވާތީ، ޗައިނާއިން ލޭބަރުންނާއި މެޓީރިއަލް ގެނައުމުގައި ޑިލޭތައް ކުރިމަތިވި ކަމަށް އޭނާ ވިދާޅުވި އެވެ.
އާ ޓާމިނަލްގެ މަސައްކަތް އެންމެ ފުރަތަމަ އަމާޒު ހިފީ 2022 ވަނަ އަހަރު ނިންމާށެވެ. އެހެން ނަމަވެސް ވެރިކަން ބަދަލުވެ، ޕްރޮޖެކްޓްގެ ފަންޑުގެ މައްސަލަތަކެއް ކުރިމަތިވެ އަމަލީ މަސައްކަތްތައް ކުރުމުގައި ޑިލޭތައް ކުރިމަތިވި އެވެ. އަދި ކޮވިޑާ ގުޅިގެން އައި ޑިލޭތަކާ އެކު އަނެއްކާ އެ ޕްރޮޖެކްޓް ނިމޭނެ ކަމަށް ލަފާކުރީ 2023 ވަނަ އަހަރު އެވެ. އެހެން ނަމަވެސް، މިހާރު މަސައްކަތްތައް ދާ ގޮތުން އެތަން ބޭނުން ކުރަން ފެށޭނީ 2025 ވަނަ އަހަރު ކަމަށް ޝަމްއާން ވިދާޅުވި އެވެ.
އޭނާ ވިދާޅުވީ، ވޭތުވެދިޔަ ދެ އަހަރު ދުވަހު އާ ޓާމިނަލްގެ މަސައްކަތް ވަރަށް ބޮޑަށް ލަސްވެގެން ދިއުމަށްފަހު، މިދިޔަ އޮގަސްޓުން ފެށިގެން އެތަނުގެ މަސައްކަތް އަނެއްކާ ވެސް ވަރަށް ބާރަށް ކުރިއަށްދާ ކަމަށެވެ.
"އެތަނުގައި މިހާރު ވަރަށް ބާރު ސްޕީޑުގައި މަސައްކަތްތައް އެބަ ކުރިއަށްދޭ. މިހާރު ކުރިއަށްދަނީ ބިލްޑިން އެތެރެ ފަޔާ ޕްރޫފް ކުރުމުގެ މަސައްކަތްތަކާއި ފުރާޅު ހަރުކުމުގެ މަސައްކަތް،" އޭނާ ވިދާޅުވި އެވެ.
އާ ޓާމިނަލް އެޅުމަށް ސައުދީ ބިންލާދިން ގްރޫޕާ ސަރުކާރުން ހަވާލުކޮށްފައި ވަނީ 2016 ވަނަ އަހަރު އެވެ. ރާއްޖޭގެ އެންމެ ބޮޑު އެއާޕޯޓްގައި ހަދާ، ގާތްގަނޑަކަށް 78،000 އަކަމީޓަރުގެ ޓާމިނަލަށް 5.5 ބިލިއަން ރުފިޔާ ހޭދަވާނެ ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާހިރު
22 December 2022
ދިވެހިރާއްޖެއަށްވުރެ މާ ފަގީރު ޤައުމުތަކުގައިވެސް ހާދަ ރީތި އެއަރޕޯރޓްތައް މިޒަމާނުގައި އެބައަޅައެވެ. ނަމަވެސް ދިވެހިންނަކަށް އުޅެއުޅެވެސް އެއަރޕޯރޓް ތަރައްޤީ ކޮށްލެވޭގޮތެއް ނުވިއެވެ. ސަރުކާރު ބަދަލުވާ ކޮންމެފަހަރަކު މަސައްކަތްހުއްޓި ޑިޒައިނަށް ބަދަލު އާދެއެވެ. ނަމަވެސް ތަފާތު ރީތި ޑިޒައިނެއް ނުފެންނަތާ އެއަރޕޯރޓް ނިމޭނެ ދުވަހެއްވެސް ނޭނގެއެވެ.
އޮނަރަބްލް އަފީފު ދީދީ
22 December 2022
ކ.އަތޮޅު މާލޭއެެއަރޕޯޓް އަޕްގުރޭޑްކުރުމުގެނަމުގައި ދައުލަތްދަރަނިކޮށް ވޭތުވެދިޔަ 15 ވަރަކަށްއަހަރުތެރޭ 6 ބިލިޔަން ޑޮލަރާއި ގާތްކުރާއަދަދަކަށް ލޯނުނަގައިފި. # އެކަމަކު ތިކަމެއްނުވި. އެހެންކަމުން ދެންކުރާންވީކަމަކީ ހަނިމާދުއާއި ގޭންއިންޓަރނޭޝަނަލް އެއަރޕޯޓްތަރައްޤީކޮށް ވާދަވެރި 3 އެއަރޕޯޓް ރާއްޖޭގައިއުފައްދާ ކުންފުނިތަކުން އަމިއްލައަށް ހޭދަކޮށް ދައުލަތަށް ބުރަނުވާގޮތަށް މިކަންކަން ކުރުމަށް އިސްކަން ދިނުން. އެކަމަކު އޭގެ ކުރިން މިކަން ކުރާންވާނެ.
ކޮރަލް
22 December 2022
ވެރިކަ ބަދަލުވާ ކޮންމެ ފަހަރަކު ބައެއް ބޮޑެތި ޕްރޮޖެކްޓް ތައް ހުއްޓު ވާލަ އެވެ. އޭގެ ގެއްލުން ވަނީ އާއްމު ރައްޔިތުންނަށެވެ. އޭގެ ފައިދާ ވަނީ ސިޔާސީ ބޮޑެތި މީހުންނަށެވެ. އެއީ ކަޓް އެއް ނަގާފަ އަލުން ކުރިއަށް ދާން ހުއްދަ ދޭތީ އެވެ.
ހުސްނީ77
22 December 2022
ފުރަތަމަ ތި ވޯކްވޭއެއް 2025 ގެ ކުރިން ހިޔާ ކުރެވޭތޯ ބަލާބަލަ. އެވެސް މެދަށް ވާރޭ ވެހެ ގޮތަށް އަވިދޭ ގޮތަށް
ޥިސްނާލަބަލަ
22 December 2022
ޓާމިނަލައް ވުރެއް އަވަހަށް ތިލަފުށި ބުރިޖުވެސް ނިމޭ..
ބައިސާކަޏޑާ
22 December 2022
ނުވިއެއް ނޫން ފައިބާ
ހައްގުބަސް.
22 December 2022
ޢެކި ނަންނަމުގަ ލޯނު ނަގާފަ އެ ލޯނުގެ ނާޖައިޒު ފައިދާ ނަގާ ބަޔަކު އެމްޑީޕީ ތެރޭގަ އެބައުޅެ.
ފަލަސްތީން
22 December 2022
މިސަރުކާރު ކޮންކަމެއްތަ ރަނގަޅައް ކުރަނީ. ބްރިޖު އަޅާ ހޮޅީގެ ތެރޭ ހުރި ވެލިތައް ނުނަގާ ކޮންކުރިޓު އަޅަނީ.
ސޯދް
22 December 2022
ދައުލަތަށް އާމްދަނީ ވަންނަން ހުންނަ ކަންތައް ލަސްވެ، ރިކަންރަންޓް ހަރަދަށް ބުރަވާ ބޭކާރު ހާބަރު ކަހަލަ ޕްރޮޖެކްޓައް ހަރަދުކުރަނީ ކޮންކަހަލަ އިކޮނޮމިސްޓެއްބާ؟
ޢެމެރިކާ
22 December 2022
ރައިސް ޔާމިން ހޮވުނުނަމަ މިހާރު އާ ޓާމިނަލް ނިމްމާފަ ހޮޅުވީސް. މިއަންނަ އައު ސަރުކާރުގަ ހޮޅުވާނެ. އިންޝާﷲ
ޢިހްސާސް
22 December 2022
ޜައީސް ޔާމީނު ޗައިނާއިން ގެނެސްގެން ނިންމި ހިޔާ ފުލެޓުގެ ހާލު ދެނަހުރިންތަ؟ ލިފްޓު މައްސަލަ، ވެންޓިލޭޝަން މައްސަލަ، ފެންލީކު މައްސަލަ ދެން ކިޔާނެކަމެއްނެތް.