ގައުމީ ޓީމުގެ ކޯޗު ފްރެންޗެސްކޯ މޮރިއޭރޯ: އޭނާ ބުނީ ބަންގަލަދޭޝްއާ ދެކޮޅަށް ކުޅޭ މެޗަކީ ޒުވާން ކުޅުންތެރިންނަށް ތަޖުރިބާ ހޯދައިދިނުމުގެ މެޗެއް ކަމަށް --- ފޮޓޯ: އެފްއޭއެމް
04 ޖެނުއަރީ 2023 - 09:39
ރާއްޖޭގެ ގައުމީ ޓީމުގެ ކޯޗުގެ މަގާމަކީ ފަސޭހަ މަސައްކަތެއް ނޫން ކަމަށް ގައުމީ ފުޓްބޯޅަ ޓީމުގެ ކޯޗު ފްރެންޗެސްކޯ މޮރިއޭރޯ ބުނެފި އެވެ.
ރާއްޖޭގެ ކޯޗު ކަމުގައި އޭނާގެ ދެވަނަ އަހަރު ގުނަމުންދާ މޮރިއޭރޯ ބުނީ އެންމެ ބޮޑު ގޮންޖެހުމަކީ ދިވެހި ކުޅުންތެރިންނަކީ ހަމައެކަނި ފުޓްބޯޅަ އަށް ހުސްވެެގެން ތިބި ކުޅުންތެރިންނަށް ނުވުން ކަމަށެވެ.
ތި ހީކުރާ ވަރަށް ވުރެ އުނދަގޫ. ވަރަށް ގިނަ މީހުން ބުނި މޮރިއޭރޯއޭ ކަލޭ އަށް އެނގޭނެ ނޫންހޭ ހުރިހާ ކަމެއް. އެކަމަކު އެމީހުން އެ ހީކުރާހާ ކަންކަން ފަސޭހައެއް ނޫން،" އޭނާ ނިސްބަތްވާ އިޓަލީގެ "ލަ ރިޕަބްލިކާ" ނޫހަށް ދިން އިންޓަވިއުގައި މޮރިއޭރޯ ބުންޏެވެ.
"އަހަރެން ކޯޗުކޮށް ދެނީ ޕްރޮފެޝަނަލް ނޫން ކުޅުންތެރިންނަށް. މާނައަކީ އެ މީހުންނަކީ އެހެން ވަޒީފާތައް އަދާކުރަމުން ފުޓްބޯޅަ ކުޅޭ ކުޅުންތެރިންނޭ. އެކަމަކު އެ ކުޅުންތެރިންގެ މެދުގައި މަސައްކަތް ކުރުމަށް ދޭ އަހަމިއްޔަތުކަން ބޮޑު. އިތުރަށް ކުރިއެރުން ހޯދުމަށް މަސައްކަތް ކުރުމުގައި އެ ކުޅުންތެރިންގެ ފަރާތުން ހިތްވަރު ފެނޭ. އެކަމަކު ފުޓްބޯޅައިގެ ނަޒަރުން ބަލާއިރު އެއީ ފަސޭހަ ކަމެއް ނޫން."
މޮރިއޭރޯ ގައުމީ ޓީމުގެ ޕްރެކްޓިހުގައި: އޭނާ ބުނީ ދިވެހި ކުޅުންތެރިންނަކީ ޕްރޮފެޝަނަލް ކުޅުންތެރިންނަށް ނުވާތީ އުނދަގޫތަކެއް ހުންނަ ކަމަށް --- ފައިލް ފޮޓޯ: އެފްއޭއެމް
އޮކްޓޯބަރު މަހު ރާއްޖޭޣެ ކޮންޓްރެކްޓް އާ ކުރި މޮރިއޭރޯ ބުނީ އޭނާގެ އާއިލާ އާ ދުރުގައި ހުންނަން ޖެހުމުން އުނދަގޫތަކެއް ހުރި ނަމަވެސް އޭނާގެ ހުރިހާ ސަމާލުކަމެއް ހުރީ ރާއްޖޭގެ ގައުމީ ޓީމަށް ކަމަށެވެ.
"އަހަރެންގެ ހުރިހާ ސަމާލުކަމެއް މި ހުރީ މި މަސައްކަތަށް ސަރަހައްދީ މުބާރާތުގެ ޗެމްޕިއަންކަން ހޯދަން އަހަރެމެން ބޭނުން. ޒުވާން ކުޅުންތެރިން ޑިވެލޮޕް ކުރަން ޖެހޭ. އަދި ކޮލިފައިންގައި މުހިންމު މުބާރާތަކަށް ކޮލިފައިވާން ވެސް އެއީ އުންމީދެއް،" މޮރިއޭރޯ ބުންޏެވެ.
އޭނާގެ ކޯޗު ކަމުގެ ދަށުން މިދިޔަ އަހަރު ރާއްޖެއިން ކުޅުނު ނުވަ މެޗުގެ ތެރެއިން ހަތަރު މެޗުން މޮޅުވި އެވެ. މާޗް މަހު ބަންގްލަދޭޝްއާ ދެކޮޅަށް މާލޭގައި ކުޅުނު މެޗު ދިވެހި ޓީމުން ކާމިޔާބު ކުރީ 2-0 ންނެވެ. އެ މެޗުގައި ރާއްޖެއިން ރަނގަޅު އެޓޭކިން ގޭމެއް ކުޅުނެވެ.
ގައުމީ ޓީމުގެ ޓްރޭނިންގައި މޮރިއޭރޯ: އޭނާ ބުނީ އޭނާގެ ހުރިހާ ސަމާލުކަމެއް ހުރީ ރާއްޖޭގެ ޓީމަށް ކަމަށް --- ފައިލް ފޮޓޯ: އެފްއޭއެމް
އޭގެ ފަހުން އޭޝިއަން ކަޕް ކޮލިފިކޭޝަންގައި އުޒްބެކިސްތާނާއި ތައިލެންޑް އަތުން ރާއްޖެ ބަލިވި އެވެ. އެކަމަކު ކޮލިފައިންގައި ސްރީ ލަންކާ އަތުން މޮޅުވި އެވެ. ބުރުނާއީ ދާރުއްސަލާމްގައި ކުޅުނު އެކުވެރި ކަމުގެ ދެ މެޗުގައި ލާއޯސް އާއި ބުރުނާއީ އަތުން މޮޅުވި އެވެ. ނޮވެމްބަރު މަހު ސިންގަޕޫރާއި މެލޭޝިއާ އާ ދެކޮޅަށް ކުޅުނު މެޗުތަކުން ރާއްޖެ ބަލިވީ އެވެ.
އޮކްޓޯބަރުގައި މޮރިއޭރޯގެ ކޮންޓްރެކްޓް އާ ކުރި ނަމަވެސް އޭނާ އަށް ވެސް ބަރާބަރަށް މުސާރަ ދީފައި ނުވާ މައްސަލަ ވަނީ ފެންމަތި ވެފަ އެވެ. އެ މައްސަލަ މީޑިއާގައި ފެންމަތި ކުރީ މޮރިއޭރޯގެ އެސިސްޓެންޓް ކޯޗަކަށް ރާއްޖޭގައި މަސައްކަތް ކުރި ސިމާއޯ ކޮސްޓާ އެވެ. އެކަމަކު އެކަމާ ބެހޭގޮތުން އެފްއޭއެމް އާއި މޮރިއޭރޯ ވެސް ވާހަކަ ދައްކައިފައެއް ނުވެ އެވެ.
މޮރިއޭރޯގެ ކޯޗުކަމުގެ ދަށުން މި އަހަރު ރާއްޖެއަށް އޮތް އެންމެ މުހިންމު ޗެލެންޖަކީ ވޯލްޑް ކަޕު ކޮލިފައިންނެވެ. އަދި މި އަހަރު ސާފް ޗެމްޕިއަންޝިޕް ވެސް އޮންނާނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޢެމް ބީ އޭ
06 January 2023
ކިސް ގެންނައްވީ ރާއްޖޭގެ ކޯޗަކައް
ވިސްނާށޭ
05 January 2023
ރާއްޖެއަކީ ފުޓްބޯޅައިގެ ނަޒަރަކުންބަލާއިރު ހުނަރާއި އަދި ޖޯށުވެސް އެއްދުވަސްވަރުހުރި، އެކަމަކު ޖުމްލަކޮށް ބަލާއިރު، ވަރަށް ހިތާމަވެރި، ބޮޑުފެއިލްއަކުން ލަތްގަޑެއް ޖެހިފައިވާ ގައުމެއް. ފީފާއާއި، އޭއެފްސީއާއި، ގަތަރާއި، އިޓަލީ ކަހަލަ ގައުމުތައް އެހީތެރިވާން މަސައްކަތްކުރޭ، އެކަމަކުވެސް ހަބޭސްޖަހާފައި ބަލަބަލާތިއްބަ އަޑިގަޑަކަށް ފަހު އަޑިގަޑަކަށް ވެއްޓެމުންދަނީ.
މައުރން2023
04 January 2023
ފަސޭހަ އެއް ނުވާނެކަން އެނގޭ އަހަރެމެންނަށް ވެސް. މުސާރަކޮޅު ނުލިބޭތާ ކުޅޭ މެޗަކުން ވިއްޔާ ވަނީ ބަލި. ނޭނގެ އުޅޭތަނަށް ކުލި ދައްކަދޭ ކަމެއް ވެސް. އަނެއްކާ ކަރަންޓް ފެން ލިބޭތަ؟ އެބިލްތައް ދައްކާތަ ބަރާބަރަށް؟
ާއަލިމޯޑު
04 January 2023
މިވަގުތު ރާއްޖޭގެ ކޯޗުކަމުގެ މަގާމަކީ ވަރަށް ފަސޭހަ ވަޒީފާއެއް.ކޯޗަށް ޕްރެޝަރެއް ނެތް ސަޕޯޓަރުންގެ ފަރާތުންވެސް.އެއީ ސަޕޯޓަރުން ތިބީ ދިވެހި ފުޓްބޯޅަ ޓީމާމެދު އުއްމީދު ކަނޑާލައިފަ. ދެން އޮތީ ވަޒީފާ ދޭ ފަރާތް އާދެ އެފްއޭއެމް.ކޯޗަށް އެފްއޭއެމް ޕްރެޝަރެއް ނެތް.ކޯޗަށް މުސާރަ ނުދެންޏާ ކޯޗު ވަޒީފާއިން ވަކިކުރާކަށްވެސް ނުކެރޭނެ.އޭރުން އެއްފަހަރާ އެތައް ލައްކަ ޑޮލަރެއް ދޭން ޖެހޭނީ
ވިސްނާށޭ
05 January 2023
މީގެ އަޑިގައިވަނީ ނާގާބިލު މެނޭޖްމެންޓާއި ގަވަނަންސް. ރިސޯސްތައް ބޭނުންކުރާގޮތްބަލާ ޖަވާބުދާރީ ކުރެވޭނެ އެއްމެ ގޮތެއްވެސްނެތެވެ.
ރީފްކޯ ޕޫޓާނިކު
04 January 2023
ޜާއްޖެއަށް ހަނދުން ކޯޗަކު ގެނަޔަސް ދިވެހި ފުޓުބޯޅަ އިތުރަކަށް ކުރިއެއް ނާރާނެ.
ސަަި
04 January 2023
މޮރިއޭރޯ އެއް ނޫން މޮރީނިއޯ ނޫނީ ގާރޑިއޯލާއާރ ރާއްޖެ ޓީމް ހަވާލު ކުރިޔަސް ވާނީ ހަމަ އެއް ގޮތެއް. މުސާރައެއް ނުދޭނެ.
ރަދީފު ބިން ރަފައިދާ
04 January 2023
މޮރިއޭރޯ ދުރުކޮށް މޮރީނިއޯ ގެންނަންވީ.
ބްރައިޓްވޭ
06 January 2023
ނޫނޭ ބައްސާމު ޓީމާ ހަވާލުވާންވީ. އޭރުން މުސާރަ ބަރާބަރަށް ހިނގާނެ.