ޖަރުމަންގެ ޗާންސެލާ އޮލަފް ޝޮލްޒް (ކ) އާއި ޕޮލެންޑްގެ ބޮޑު ވަޒީރު މަޓިއުސް މޮރަވިއެކްކީ ނޮވެމްބަރު މަހު ބޭއްވި ބައްދަލުވުމުގެ ތެރެއިން
04 ޖެނުއަރީ 2023 - 14:29
8 comments
ވާސާ (ޖެނުއަރީ 4) - ދެވަނަ ބޮޑު ހަނގުރާމައިގައި ޖަރުމަނުން، ޕޮލެންޑަށް ދިން ގެއްލުމުގެ ބަދަލު ހޯދަން އެ ގައުމުގެ ސަރުކާރުން ޔޫއެން އަށް މައްސަލަ ހުށަހަޅައިފި އެވެ.
ޕޮލެންޑްގެ ފޮރިން މިނިސްޓްރީން އިއްޔެ ބުނީ ހަނގުރާމައިގައި 1.3 ޓްރިލިއަން ޑޮލަރުގެ ގެއްލުމުގެ ބަދަލު ހޯދަން ޔޫއެން އަށް ހުށަހަޅައިފައިވާ ކަމަށެވެ. ޖަރުމަންގެ ނާޒީން ވަނީ ދެވަނަ ބޮޑު ހަނގުރާމައިގެ ތެރޭގައި 1939-1945 އަށް ޕޮލެންޑަށް އަރައި ބޮޑެތި ގެއްލުންތަކެއް ދީފަ އެވެ. ޕޮލެންޑުން ބުނީ އެ ގެއްލުންތަކުގެ ބަދަލެއް ގޮތުގައި މިހާރު އެ ގައުމުން ބޭނުން ވަނީ 1،2 ބިލިއަން ޑޮލަރު ޖަރުމަންގެ ކިބައިން ހޯދަން ކަމަށެވެ.
ޖަރުމަނުން ޕޮލެންޑަށް ދިން ގެއްލުންތަކާ ބެހޭގޮތުން މަޝްވަރާ ކުރަން ޖަރުމަނުން ބޭނުން ނުވާކަން އެންގި ލިޔުންތައް ވެސް ޔޫއެން އަށް ހުށަހަޅައިފައި ވާނެ ކަމަށް ޕޮލެންޑްގެ ސަރުކާރުން ބުނެ އެވެ.
އީޔޫ އާއި ނޭޓޯގެ މެންބަރު ދެ ގައުމުގެ ދެމެދުގައި ހިޔާލު ތަފާތުވުންތައް އުފެދުނީ ހަނގުރާމައިގައި ލިބުނު ގެއްލުންތަކުގެ މައްސަލަ ނިންމާލާފައިވާ ކަމަށް ޖަރުމަނުން ބުނުމުންނެވެ. ޕޮލެންޑުން ވަނީ ޖަރުމަންގެ ކިބައިން ބަދަލު ހޯދައިދިނުމަށް ޔޫއެންގެ ސެކެރެޓަރީ ޖެނަރަލްގެ އެންޓޯނިއޯ ގުޓަރެސްގެ އަރިހުން ވެސް އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސައީދު
04 January 2023
މިހިރަ ފެންނަނީ މަންޒަރުތައް،ދުނިޔޭގަ ތިބި ބަޔަކު ދެކޭނެ، އެމެރިކާއާއި އެމެރިކާގެ ބައިވެރިންގެ ފަހަތުން ފަހަމުން އިރާގް،ސީރިޔާ، ލީބިޔާ،އަފްޤާނިސްތާން ،ފަލަސްތީންގެ ރައްޔަތުން ދުވާ މަންޒަރު.އޭރު ދެއްކޭނެ މާބޮޑު ބާރެއް ނޯންނާނެ.ހަމަ ސައިޒްވެފަ ތިބެން ޖެހޭނީ.އިންސާﷲ.
ބޭދަނާ
04 January 2023
މިހާރު ދުނިޔެއަށްވެސް އެނގޭނެ ޖަރުމަނުގެ ވެރިކަން ކުރި އެންގެލާ މާކެލް އެއީ ކިހާ ކުޅަދާނަ ލީޑަރެއްކަން! ރަޝިޔާ އާ ޖެހިނުގަނެ އަދި އަވަށްޓެރި ގައުމަތަކަށް ކަމޭހިތި ލީޑަރެއްކަން! މިކަހަލަ ލީޑަރުން އިލެކްޓް ކުރުމުން ދުނިޔެ ސުލްހަވެރި ތަނަކަށްވޭ! އެކަމަކު މިހާރު ހުރީ ހަރުކަށި ފިކުރުގެ މީހެއް! އެފަދަ މީހިން އައުމުން ހަމަނުޖެހުމާއި ހަނގުރާމަ ފެށޭ! ދިވެހިން މިފަދަ ކަންކަމަށް ވިސްނާ! މައުމޫނަކީ މިބުނި މާކެލް ކަހަލަ ދުރުވިސްނޭ ވެރިއެއް
މޫންމޭ
05 January 2023
މައުމޫނަކީ ނޭފަތު ކުރިއަށް ވިސްނެވި ވެރިއެއް ދުރުވިސްނިނަމަ، އެއްވެސް އިދިކޮޅު މީހަކު ނެތި ހިތަކަށް ޤައުމެއް ލިބި 30 އަހަރު ވެރިކަން ކޮށް ނިންމި އިރު ދިވެހިން ތިބޭނީ މިހާލެއްގައެއްނޫން
އޮނަރަބްލް އަފީފު ދީދީ
04 January 2023
ދެވަނަ ބޮޑު ހަނޤުރާމައިގަ "ޖެޕާނުގެ އަނިޔާވެރި ސިފައިން" އައްޑޫގެ މަޝަހޫރު އާގުބޯޓް "ޔާހުންބަރާ" އާއި އޭގެފަޅުވެރިންނާއި އަދި ވިޔަފާރިވެރިންނާއިއެކު (އެންމެ 2 މީހުންފިޔަވާ) އެންމެން ކަނޑުފައްތާފަ. # އެއާއިލާތަކުން އިޤިރޭސި ދައުލަތަށް މައްސަލަހުށަހަޅައި "ގެއްލުމުގެބަދަލު ޖެޕާންސަރުކާރުން ނަގައިދިނުމަށްއެދުމުން" އިގިރޭސި ސަރުކާރުންއެންގީ ބަދަލުނެގިކަމަށާއި "ފައިސާ މާލޭސަރުކާރާއި ޙަވާލުކޮށްފައިވާނެ" ކަމަށް. މިމައްސަލަވެސް ހޭގަށް ހުށަހަޅައި ސާފުކުރޭ.
އެޑްމުންޑޯ
05 January 2023
ދެވަނަ ބޮޑުހަގުރާމައިގެ ދުވަސްވަރު ރާއްޖޭގެ ބައެއް ފަރުދުންނަށްވުރެ ދިވެހިސަރުކާރު ފަގީރު ނިކަމަތި ، އެހެންވީމާ ތިގޮތަށް ލިބޭ ބަދަލުތައްވެސް ފޯރުކޮއްދިނުގެ ގާބިލުކަމެއް ނުުހުންނާނެތާ ،
ބަދަލުދިން
05 January 2023
ޖަޕާނުން ބަދަލު ދިން' ބަދަލު ހަވާލުވީ މާލެ ސަރުކާރު އޭރު ހުރި ވެރިޔާ 'ދެން އެ ލާރިގަނޑު ހިފައިނގެން އެ ވެރިޔާ ދިޔައީ ޔޫރަޕް ޓުއަރ އަކަށް' މީ ދިވެހި ތާރީހުގަ ލިޔެވިފައި ހުރި މައުލޫމާތު.
އެންޖެލާ މާކެލް
04 January 2023
އަނެއްކާ ކޮން ޒާތެއްގެ ޖެއްސުމެއް ކުރަން އުޅޭ ބައިގަނޑެއް!
އެމްސް
04 January 2023
ތިޔަކަންވެސް އެންމެ ފަސޭހައިން ހިނގާނީ ދިވެހި ސަރުކާރު ތިޔަކަމާ ބައްސައިގެން، އޭރުން ހަމަ ގައިމުވެސް ތިޔަ ބަދަލު ނަގާދޭނެ! އީޔޫ ތެރެއިން ނުވިއްޔާ ރާއްޖޭގެ ބަޖެޓުންވެސް ކަން ނިއްމާނެ!