ނޭޕާލުގައި މަތިންދާބޯޓެއް ވެއްޓި އެތައް ބަޔަކު މަރުވެއްޖެ

15 ޖެނުއަރީ 2023 - 13:08

ނޭޕާލުގައި 72 މީހުންނާ އެކު ދަތުރުކުރި މަތިންދާބޯޓެއް ވެއްޓި، މިހާތަނަށް މަރުވި މީހުންގެ އަދަދު 40 އަށް އަރައިފި އެވެ.

ނޭޕާލުގެ މެދުތެރޭ އޮންނަ އެއާޕޯޓެއްގެ ކައިރިއަށް ވެއްޓުނީ ވެރިރަށް ކަތުމަންޑޫން ފުރައިގެން، ޓޫރިސްޓުން އާންމުކޮށް ޒިޔާރަތްކުރާ ޕޮކާރާ އަވަށަށް ދަތުރުކުރި ޔެޓީ އެއާލައިންގެ ބޯޓެކެވެ. ބޯޓު ވެއްޓުނީ އޭގައި އަލިފާން ރޯވުމަށް ފަހުގަ އެވެ.

ސޯޝަލް މީޑިއާގައި އާންމުވެފައިވާ ވީޑިއޯތަކުން ފެންނަ ގޮތުގައި ބޯޓު ވެއްޓުނީ މީހުން އުޅޭ ހިސާބުން ވަރަށް ތިރިން ދިއުމަށް ފަހު އެނބުރެމުން ގޮހެވެ. ބޯޓު ވެއްޓުނު ގޮތަށް ގޮވައި، އޮލަ ދުން އަރަން ފެށި އެވެ.

ބޯޓުގައި 68 ފަސިންޖަރުން ތިއްބެވެ. އޭގެ ތެރޭގައި އެންމެ މަދުވެގެން 15 ޓޫރިސްޓުން ހިމެނެ އެވެ. ބޯޓުގެ ކްރޫންގެ އަދަދަކީ ހަތަރެކެވެ.

नेपाल में बड़ा विमान हादसा! काठमांडू से पोखरा पहुंची फ्लाइट एयरपोर्ट के रनवे पर क्रैश। प्लेन पूरा जलकर खाक हो गया। विमान में 68 यात्री और 4 क्रू मेंबर सवार थे‼️#Nepal #YetiAirlines #planecrash #plane ✈️ pic.twitter.com/lPQwhy9En9
— Dn choudhry (@choudhry_dn) January 15, 2023

ބޯޓު ވެއްޓޭ މަންޒަރު ފެންނަ ވީޑިއޯއެއް

ބޯޓުން ދަތުރުކުރި މީހުންގެ ހަށިތައް ހޯދުމުގެ މަސައްކަތް ސިފައިން މިހާރު އަންނަނީ ކުރަމުންނެވެ.

"މަރުވެފައިވާ އިތުރު މީހުންގެ ހަށިގަނޑުތައް އަދިވެސް ފެންނާނެ ކަމަށް ބެލެވޭ،" ސިފައިންގެ ތަރުޖަމާނަކު ރޮއިޓާސް އަށް ވިދާޅުވި އެވެ.

އޭނާ ވިދާޅުވި ގޮތުގައި މުޅި ބޯޓު އޮތީ ފުނޑުފުނޑު ވެފަ އެވެ.

ބޯޓުން ދަތުރުކުރި މީހުންގެ ތެރޭގައި ނޭޕާލުގެ 53 މީހަކު ހިމެނޭ ކަމަށް މިހާތަނަށް ވަނީ ކަށަވަރުކުރެވިފަ އެވެ. ދެން ހިމެނެނީ އިންޑިއާގެ ފަސް މީހަކާއި ރަޝިއާގެ ހަތަރު މީހަކާއި ކޮރެއާގެ ދެ މީހަކާއި އަޔަލެންޑް، އޮސްޓްރޭލިއާ، އާޖެންޓީނާ އަދި ފްރާންސުން ކޮންމެ ގައުމަކުން މީހެކެވެ. -- ބީބީސީ

ނޭޕާލް މަތިންދާބޯޓު ވެއްޓުން

3 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަންނެއްގޮލާ

15 January 2023

މިހެން އެކްސިޑެންޓްތއް ފެނުނީމަ ފާހަގަ ވަނީ ރާއްޖޭގެ މެއިންޓެނަންސް އެންޑް ސޭފްޓީ ރަންގަޅުކަން. މުޅިންހެން ލޮނުގަ އެ ގެންގުޅެލަނީ މުޅިދުވަހު ފްލީޓް އެއްވެސް ސްޓރަކްޝަރަލް ފެއިލިޔާ އެކްސިޑެންޓެއްނުވެ.ހުސް ޕައިލެޓް އެރާ އެކްސިޑެންޓް.މެއިންޓެނަންސް ވަރައް ފުރިހަމައޭ ބުނެވޭނީ. ޢަދި ރާއްޖޭގަ އޭވިއޭށަން ފެށިތާ ބޯޑު އެކްސިޑެންތެއް ނެއް ހިނގާފަކާ ގިނަބަޔަކު މަރުވި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެޕްޓަން ސާމިހް

15 January 2023

ޓްރެއިނިންތަކާ ޕައިލެޓުންގެ ކޮލިޓީ ދަށީ. މައުޅޭ އެއަލައިންގަ ހުރިހާ އެފްއޯއިން ޓްރެއިން މިކުރަނީ މަބޭނުންވާ ގޮތަށް. އެއްޗެއް ނޭގުނަަސް މޮޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމޭ

15 January 2023

ނޭޕާލް ފްލައިޓަކަށް ބޯޑް ކޮށްފިނަމަ އެއީ ޑެތް ސެންޓެންސެއްބާ؟ ތިނޫން ވަރެއްނުވޭ. 40 އަހަރު ވެފަ ހުންނަ ފްލައިޓްތައް. އެތަކެއް ހާދިސާއެއް. މުޅި ދުނިޔެއިން ތިބައިގަނޑައް ފިޔަވަޅު އަޅއަިގެން ތިކަން ހައްލު ކުރާނީ.