ކާނި ހޮޓެލްސް އިން ސާވިސް ޗާޖުގެ ގޮތުގައި ކޮންމެ މުވައްޒަފަކަށް 420 ޑޮލަރު ދީފި--ފޮޓޯ:ކާނި
16 ޖެނުއަރީ 2023 - 13:44
16 comments
ރާއްޖޭގައި އެންމެ ފުޅާ ދާއިރާއެއްގައި ގެސްޓް ހައުސް ވިޔަފާރި ކުރާ ކާނި ހޮޓެލްސް އިން ސާވިސް ޗާޖުގެ ގޮތުގައި އެ ކުންފުނީގެ 180 މުވައްޒަފުންނަށް 75،600 ޑޮލަރު (1.1 މިލިއަން ރުފިޔާ) ދީފި އެވެ.
ކާނި ހޮޓެލްސް އިން ވަނީ އެ ގެސްޓް ހައުސްގެ ކޮންމެ މުވައްޒަފަކަށް މިދިޔަ މަހުގެ ސާވިސް ޗާޖުގެ ގޮތުގައި 420 ޑޮލަރު (6،476ރ.) ދިނެވެ. މިއީ ގެސްޓް ހައުސް އަކުން މިހާތަނަށް މުވައްޒަފުންނަށް ދިން އެންމެ ބޮޑު ސާވިސް ޗާޖެވެ. މިދިޔަ ނޮވެމްބަރު މަހު އެ ކުންފުނިން ސާވިސް ޗާޖުގެ ގޮތުގައި ކޮންމެ މުވައްޒަފަކަށް ދިނީ 370 ޑޮލަރު (5،705ރ.) އެވެ.
މިއީ ރާއްޖޭގެ ބައެއް ރިސޯޓުތަކުން ވެސް ސާވިސް ޗާޖުގެ ގޮތުގައި ދެމުން އަންނަ އަދަދެކެެވެ.
ޓޫރިސްޓުންނަށް ހިދުމަތް ދޭ ހުރިހާ ތަނަކުން އެ ކުންފުންޏަކަށް އެ މަހަކު ލިބުނު އާމްދަނީގެ 10 ޕަސެންޓު ސާވިސް ޗާޖުގެ ގޮތުގައި ނެގުން ގާނޫނީ ގޮތުން ވަނީ މަޖުބޫރުކޮށްފަ އެވެ. ސާވިސް ޗާޖު ނުދީފި ނަމަ ވަޒީފާ ދޭ ފަރާތް ބައި ލައްކަ ރުފިޔާ އަށް ވުރެ ބޮޑު ނޫން އަދަދަކުން ޖޫރިމަނާ ކުރުމުގެ ބާރު، ލޭބާ ރިލޭޝަންސް އޮތޯރިޓީ (އެލްއާރުއޭ) އަށް އޮވެ އެވެ.
ކާނި ހޮޓެލްސްގެ ޗެއާމަން އަދި ގެސްޓް ހައުސް އެސޯސިއޭޝަންގެ ރައީސް އަބްދުﷲ ނަޝީދު ވިދާޅުވީ، އެހާ ބޮޑު ސާވިސް ޗާޖެއް މުވައްޒަފުންނަށް ދިނީ ވޭތުވެދިޔަ ދެ މަހުގެ އާމްދަނީ ވެސް ވަރަށް ބޮޑަށް ރަނގަޅުވުމުން ކަމަށެވެ. އޭނާ ވިދާޅުވީ، ކޮވިޑްގެ ކުރިއަށް ވުރެ ވެސް އެ ގެސްޓް ހައުސްގެ ދަށުން ހިންގާ ހުރިހާތަނެއްގެ ޖުމްލަ އާމްދަނީ ރަނގަޅު ވެފައިވާ ކަމަށެވެ.
"އަންނަ މަހު މުވައްޒަފުންނަށް ލިބޭ ސާވިސް ޗާޖު އިތުރަށް ރަނގަޅުވާނެ ކަމަށް މި ބަލަނީ،" އޭނާ ވިދާޅުވި އެވެ
ކާނިން ޖުމްލަކޮށް ކޮންމެ މަހަކު ވެސް ސާވިސް ޗާޖުގެ ގޮތުގައި ދެމުން އައީ 300 ޑޮލަރާއި 250 ޑޮލަރާ ދެމެދުގެ އަދަދެކެވެ. އެ ރަށުގެ ގިނަ ގެސްޓް ހައުސްތަކުން ވެސް ސާވިސް ޗާޖުގެ ގޮތުގައި ދެމުން އަންނަނީ 200 ޑޮލަރާއި 300 ޑޮލަރާ ދެމެދުގެ އަދަދުތަކެވެ.
ކާނިން އަންނަނީ ކ. މާފުށީގައި ހަތަރު ގެސްޓް ހައުސް ހިންގަމުންނެވެ. އެ ތަންތަނުގައި 400 އެނދު ހިމެނެ އެވެ. މާލޭގައި 26 އެނދުގެ ގެސްޓް ހައުސްއެއް ވެސް ހިންގަ އެވެ. އއ. އުކުޅަހުގައި 250 އެނދުގެ ސިޓީ ހޮޓަލެއް މިހާރު އަންނަނީ ހަދަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
20 January 2023
ލިޔުމުން އެނގޭގޮތުގަ، މާފުށީގެ ގިނަ ގެސްޓްހައުސް ތަކުންވެސް ހަމަ ތިޔަ ޢަދަދާއި އެބަ ގާތްކުރޭ! އުއްމީދަކީ %75 އަށްވުރެ ގިނަ މުވައްޒަފުންނީ ދިވެހިންނަށްވުން!
އެމީހ
17 January 2023
ސަރވިސްޗާޖަކީ ދޭން ޖެހޭ އެއްޗެއް. ޤާނޫނުން މަތިކޮއްފައިވާ ކަމެއް. މި ލިޔުމުން ހީވާ ކަހަލަ ކުންފުނީގެ ރަނގަޅުކަމުން ދިނީކަމަށް..
ހިތަދޫ 2
17 January 2023
ނުދީ ބައިލައްކަ ރުފިޔާ ޖުރިމަނާ ދައްކައިގެން ވެސް ފަރުގެހޭ، ޓެކްސް ވެސް ގާނޫނުން ދައްކަން މަޖުބޫރު ކިތަށް ރިސޯޓް އޯނަރުން ނުދީ ހެވި ދިލިފަ؟
ކުޑަ ސައިހު
17 January 2023
ތިއަކީ ގެސްޓު ހައުސް ވިއަފާރިޔެއްނޫން
ބުރުގާ
16 January 2023
ހެހެހެހެހެ..... ސުރުހީގަ އިންގޮތުން ހީވަނީ ކާނި ހޮޓެލްސް ކޮންމެ މުވަޒަފަކައް 1 މިލިއައް ރުފިޔާ ދިނީހެން...
ބުރުގާ އަމާ
17 January 2023
ތީ ސުކޫލަށް ނުދިޔައީމަ ވާގޮތް
މިލިއަން
16 January 2023
ތީ ކޮންމެ މުވައްޒަފަކަށް ޖެހުނު ވަރުނަމަ ސަޅިވީސް!
އުމަރުބެ
16 January 2023
ވެރިކަމައްކުރިމަތިލާގެން އުޅޭ ސަން ސިޔާމުގެ ރިސޯޓް ތަކުންވެސް ތިވަރުނުލިބޭ
ޒަހަޅޭ
16 January 2023
މަނިކުފާނަށް އެނގިލައްވާތޯ 1094 މުވައްޒަފުން ތިބި ސިޔާމް ވޯލްޑްގަ މިދިޔަ މަހުވެސް 759 ޑޮލަރު މުވައްޒަފަކަށް ދިނޭ ސާވިސް ޗާޖް.
1828
16 January 2023
"އަބްދުﷲ ނަޝީދު ވިދާޅުވީ، އެހާ ބޮޑު ސާވިސް ޗާޖެއް މުވައްޒަފުންނަށް ދިނީ ވޭތުވެދިޔަ ދެ މަހުގެ އާމްދަނީ ވެސް ވަރަށް ބޮޑަށް ރަނގަޅުވުމުން ކަމަށެވެ." ސުވާލަކީ ސަރވިސް ޗަރޖު ދެނީ އާމްދަނީންތޯ؟ ސަރވިސް ޗަރޖުން މުޅިންވެސް ހަދަނީ މަކަރު. ސަރުކާރަކުން އެކަން މޮނީޓަރއެެއް ނުކުރޭ.
އޮޅުން
16 January 2023
ރަނގަޅު. ސާވިސް ޗާޖްއަކީ އާމްދަނީއިން ދޭ އެއްޗެއް. ސާވިސް އިތުރުވީމަ އާމްދަނީ އިތުވާނީ.
މީރާ
16 January 2023
ސާވިސް ޗރޖް މީރާއިން ނަގާފަ ބަހަންވީނު؟
1882
16 January 2023
ސާވިސް ޗާޖް ދޭގޮތް ނޭނގުނަސް ވާނެ ކޮމެންޓް ލިޔަން. އާމްދަނީގެ ތެރެއަށް ލާފަ އިންނަ %10 އެއީ ސާވިސް ޗާޖްގެ ގޮތުގަ ނަގާ އަދަދު. މަސް ނިމުނީމާ އެބައި ބަހަނީ މުވައްޒަފުންނަށް ހަމަހަމައަށް. އާމްދަނީ މަތިވިވަރަކަށް ސާވިސް ޗާޖް މަތިވާނެއެއްނު. ނަމަކަށް ހިސާބު ނަންބަރު ޖަހާފަ އޮތަކަސް ހިސާބު ދަސްކުރަންވާނީ އަދި
1828
17 January 2023
އޮޅުން. ސަރވިސް ޗަރޖަކީ އާމްދަނީއިން ދޭއެއްޗެއް ނޫން. އެއީ ދޭ ޚިދުމަތުން ވަކިން ޖެނެރޭޓްކުރާ 10%. އެކަމަކާއި އާމްދަނީއާ ގުޅުމެއް ނެތް.
ކޮސްގޮވާ
17 January 2023
ރޫމް ރޭޓްގަވެސް ހިމެނޭނެ 10 ޕަސެންޓް ސާވިސް ޗާރޖް. އޭގެ މާނައަކީ ހަމައެކަނި ދޭ ހިދުމަތުން ނަގާ އެއްޗެއް ނޫނޭ ސާވިސް ޗާރޖަކީ.
ދަންނަބޭކަލު
18 January 2023
މަހީކުރަނީ ކޮޓަރި ވިއްކުމަކީވެސް ދެވޭހިދުމަތެއް ކަމަށް. ކޮމެންޓުތައް ކިއާލުމުން އެންގިއްޖެ ކިއަވަން މިދެވުނީ ވަކަރު ގެއަށްކަން ?