17 ޖެނުއަރީ 2023 - 19:50
16 comments
އިދިކޮޅުން ސިލްސިލާކޮށް މާލޭގައި ބާއްވަމުން އަންނަ މުޒާހަރާގެ ތެރެއިން ހައްޔަރުކުރި ޗެނަލް 13ގެ ނޫސްވެރިޔަކު ކޮންމެ ދުވަހަކު 12 ގަޑިއިރަށް ގޭ ބަންދުކުރަން ކޯޓުން އަމުރުކޮށްފައި ވާތީ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން މިއަދު ކަންބޮޑުވުން ފާޅުކޮށްފި އެވެ.
އެ ޖަމިއްޔާއިން ނެރުނު ނޫސްބަޔާނެއްގައި ބުނީ ޗެނަލް 13ގެ ސީއޯއޯ މުހައްމަދު ސަމާހު ހައްޔަރުކޮށްފައި ވަނީ ނޫސްވެރިކަމުގެ ފާސް އަޅައިގެން އުޅެނިކޮށް ކަމާއި އޭނާ މުޒާހަރާ ކުރާ ސަރަހައްދަށް ދިޔައީ އެ ޗެނަލްގެ ލައިވް ވިއުއަށް މައްސަލަ ޖެހިގެން އެ މައްސަލަ ހައްލުކުރަން ކަން އެނގިފައިވާ ކަމަށެވެ.
ނަމަވެސް، މުޒާހަރާއަށް އިތުރު މީހުން ގެންދިއުމާއި އާންމު ދަތުރުފަތުރަށް ހުރަސްއެޅިކަމުގެ ތުހުމަތު ފުލުހުން ސަމާހުގެ މައްޗަށް ކޮށްފައިވާ ކަމަށް އެ ބަޔާނުގައި ބުންޏެވެ.
ސަމާހު ހައްޔަރުކުރީ މި މަހުގެ އަށް ވަނަ ދުވަހުގެ ރޭ އިދިކޮޅުން މާލޭގައި ކުރި މުޒާހަރާގެ ތެރެއިންނެވެ. ޖެހިގެން އައި ދުވަހު އޭނާ ބަންދުން ދޫކޮށްލީ 30 ދުވަސް ވަންދެން ކޮންމެ ދުވަހެއްގައި އިރުއޮއްސި 6 އިން ހެނދުނު 6 އަށް ގެއިން ބޭރަށް ދިއުން މަނާކޮށް ޝަރުތުކޮށްފަ އެވެ.
އެމްޖޭއޭއިން ބުނިގޮތުގައި، އެކަމުގެ ސަބަބުން ސަމާހުއަށް ނޫސްވެރިކަމުގެ މަސްއޫލިއްޔަތު އަދާކުރުމަށް ވަނީ ހުރަސްއެޅިފަ އެވެ. ރޭގަނޑު ވަޒީފާއަށް ދިއުމަށް އޭނާ ފުލުހުންގެ ހުއްދައަށް އެދުމުން އެކަން ވެސް ހަމަޖައްސައި ނުދިން ކަމަށް އެ ޖަމިއްޔާގެ ބަޔާނުގައި ބުނެފައިވެ އެވެ.
"އެހެންކަމުން، މި ޖަމިއްޔާއިން ގޮވާލަނީ ނޫސްވެރިކަމުގެ މަސްއޫލިއްޔަތަށް ހުރަސްއެޅޭ ގޮތަށް އޮތް މި ބަންދު ވީއެންމެ އަވަހަކަށް އުވާލުމަށެވެ،" އެ ބަޔާނުގައި ބުންޏެވެ.
އިދިކޮޅުގެ މުޒާހަރާ ކަވަރުކުރަން ދާ ޗެނަލް 13ގެ ނޫސްވެރިންނާ މެދު ފުލުހުން ތަފާތުކުރުން ގެންގުޅޭ ކަމުގެ ޝަކުވާ ލިބިފައިވާ ކަމަށް ވެސް އެ ޖަމިއްޔާއިން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަންނީ
18 January 2023
މި އަދި މާ މޮޅު ގޮތެއް. އެންމެންވެސް ނޫސްވެރިކަމުގެ ފާސް ހޯދަންވީ މުޒާހަރާ ކުރަން
މާހިރު
18 January 2023
ނޫސްވެރިއަކަސް ސިޔާސީ ބޭފުޅަކަސް ހިތުހުރިހާ އެއްޗެއް ކިޔާ ހިތުހުރި ގޮތަކަށް އުޅުމުގެ ފުރުސަތު އޮވެގެން ނުވާނެއެވެ. އެފަދަ ފަރާތްތަކުން ފަތުރާ ދޮގު ޚަބަރުތަކުގެ ސަބަބުން ރައްޔިތުމީހާއަށް ތެދެއްދޮގެއް ވަކިކުރަން ނޭނގި ފިތުނަވެރިކަން އުފެދެއެވެ. މިސަބަބަށްޓަކައި ޢާއްމު މީހާއަށްވުރެ ބޮޑު އަދަބުތަކެއް އެފަރާތްތަކަށް ދޭންވެސް ޖެހެއެވެ. ކުށެއް ކޮށްފިނަމަ އެކުށަކަށް ކަނޑައަޅާފައި އޮންނަ އަދަބު ކޮންމެ ބޭފުޅަކަށްވިޔަސް ދޭން ޖެހެއެވެ.
ޖޯކަރު
18 January 2023
ސަމާހަކީ ނޫސްވެރިއެއްތަ ސިޔާސީ މީހެއްތަ؟ ނޫސްވެރިންގެ ސުލޫކު ރަނގަޅުކުރަން އެމްޖޭއޭގެ އަޑަށް ތިވަރަށް ބާރު ނުލާ ސަބަބަކީ ކޮބާ؟ ތިވެސް ފާޑެއްގެ ގޭންގަކަށް ބަދަލުވީތަ؟
އައްޔަ
18 January 2023
ނޫސްވެރިންނަކީކޮންތާކުން އައިބައެއްތޯ, ކަރުގަ ފާސްއޮތިއްުޔާ ހަމަކޮންމެ ގޮތަކައް އުޅުނަސް އޯކޭދޯ. ފާޑުފާޑުގެ ބަޔާންތައް ނެއްލާއިރު ދެކޮޅުބަލާލުމަކީ އެންމެ ރަނގަޅު ގޮތްކަމައްފެނޭ,
ޕުޓީން
17 January 2023
ފުރީޑޮމް އޮފު އެކުސުޕުރެސަން އަރާ އުތުރެނީ ކައެނޭ. އަދިވެސް އަނގަފުޅާ ކޮއްހަ ޑިމޮކްރެސީއޭ ފަތަފޮޅިއޭ ކިޔެތޭ ސޯލިހު ރާޖާ
ތައްޓޭ
17 January 2023
ސާފެއްނޫން ނޫސްވެރިއެއްތޯ؟ ނުވަތަ އެކްޓިވެސްޓެއްތޯ؟
ނޫސްތަކުން
17 January 2023
ނޫސްވެރިޔެކޭ ޓެގް އަޅުވާގެން މުޅި ގައުމަށް ދުއްތުރާކުރުން އިންތިހާ އެއްމެހައި ހަޔާތް ކުޑަަ 13 އަށް އަރާ އެންމެންހެން ހާދަހައި ހަޔާތް ކުޑަ އޭބަހުރަވަ ހުންނަލެ.
ބަރި
17 January 2023
ނޫސްވެރިޔެއްތޯ އެކްޓިވިސްޓެއްތޯ؟ މީޑިޔާގަ މަސައްކަތްކުރިއަސް ޖިނާއީ ކުށެއްކުރުމަކީ އެކަމުން ރެކެވޭނެ ކަމެއް ނޫން. ނޫސްވެރިކަމާ ގުޅޭ ކަމެއްގައެއް ނޫނެއްނޫންތޯ ބަންދުގައި ހުރީ
ފުއްކޮ
17 January 2023
ބަލަގަ ރައީސް ޔާމީނު ވެރިކަމުގޭ ރާއްޖެޓީވީ މީހުން އެކުޓިވިސްޓު ވެގެން ތެޅުނު އިރު ކަލޭ ކީއްވެއޯ ތިސުވާލުނުކުރީ؟ އޭރު ނޫސްވެރިން މިހާރު އެކްޓިވިސްޓުން. ވަޓު ނޮންސަންސް މޭން؟؟؟؟
ހަސަނު
17 January 2023
އާން... އޭތި ރަނގަޅެއް ނޫން.. ޖަލަށް ބަދަލުކުރޭ.. ޖަލުގާ ބަހައްްޓާ..
ތުނޑުހަސަނު
17 January 2023
މޭޔަރަށް ވެދުން ސަލާމަށްފަހު ދަންނަވަމެވެ. 150ރ ގެ ފީދައްކަމުން ދިޔައީ އެޕާޓްމަންޓް ދޮރުމަތިން ކުނިނަގަން. މިކަން ގަވާއިދުން ނުކުރެވުނު. ދެންއެންގީ މަގުމައްޗަށް ކުނިނެރެން. ގަވާއިދުން ފީދައްކަމުން ދަނިކޮށް ދެން ރަޖިސްޓްރޭޝަން ކެންސަލްކޮށްލީ. ދެން އެންގީ އަނބުރާ ނުލިބޭނެ 500ރ ދައްްކައިގެން ރަޖިސްޓްރީ ކުރުމަށް. މިއީ މިކަން ވާންޖެހޭނެ ގޮތެއްނޫން. އަނެއްކޮޅުން ގޭތެރޭގައި ކުނިބަހައްޓައިގެން ނުތިބެވޭނެ. ފަސޭހަ ނިޒާމަކަށް މިކަން ޙައްލުކޮށްދެއްވާ.
ސްޓްރީޓް
18 January 2023
މި ހަމަ ސީދާ ސިޓީ ކައުންސިލް ބޮޓަކު ކުރި ޓްވީޓެއް