ބީއެމްއެލް ލުއި ލޯނުގެ ލިމިޓު 1.2 މިލިއަނަށް އިތުރުކޮށްފި

ވިޔަފާރި ކުރުމަށާއި އަމިއްލަ އެކި ބޭނުންތަކަށް ދޫކުރާ ބީއެމްއެލްގެ ލުއި ލޯނުގެ ލިމިޓް ވަނީ މިހާރު ބޮޑުކޮށްފައި. -- ފޮޓޯ: ބީއެމްއެލް

ފާތިމަތު ޝަނާ މުހައްމަދު، މިހާރު

25 ޖެނުއަރީ 2023 - 09:52

54 comments

ބީއެމްއެލް އިން ރަހުނަކާ ނުލައި 1.2 މިލިއަން އާ ހަމަޔަށް ލޯނާއި ފައިނޭންސިން ނެގޭ ގޮތަށް "ލުއި ލޯނު" ގެ ލިމިޓް އިތުރުކޮށްފި އެވެ.

ބީއެމްއެލް އިން ބުނީ މިއަދުން ފެށިގެން، އަމިއްލަ އެކި ބޭނުންތަކަށް ނަގާ ލޯނުތައް އެއްކޮށްލައިގެން ލޯނު ދޫކުރަމުންދާނީ "ބީއެމްއެލް ލުއި ލޯނު" ގެ ގޮތުގައި ކަމަށެވެ.

މި ބަދަލާ އެކު ބީއެމްއެލް އިސްލާމިކް ޕާސަނަލް ފައިނޭންސިން މެދުވެރިކޮށް ވެސް ކަސްޓަމަރުންނަށް 1.2 މިލިއަނާ ހަމަޔަށް މުދާ ގަތުމަށް ނުވަތަ ނަގުދު ފައިސާ ލިބޭ ގޮތަށް ފައިނޭންސިން ދޫކުރާނެ އެވެ.

ކުރިން ބީއެމްއެލް އިން ލުއި ލޯނާއި އިސްލާމިކް ޕާސަނަލް ފައިނޭންސިން ދޫކުރަނީ ތިން ލައްކަ ރުފިޔާއާ ހަމައަށެވެ.

ލޯނުގެ ލިމިޓް ބޮޑު ކުރި އިރު ބީއެމްއެލް އިން ވަނީ ލުއި ލޯނު ދިނުމާއި ޕާސަނަލް ފައިނޭންސިން ދޫކުރާއިރު މުސާރައިގެ އިތުރުން އެހެން އާމްދަނީތައް ވެސް ހިމެނޭ ގޮތް ހަދައިފަ އެވެ. މި ލޯނުތަކުގެ ލިމިޓް ބޮޑު ކުރި ނަމަވެސް، ކޮންމެ މީހަކަށް ވެސް ލޯނުގެ ލިމިޓް ކަނޑައަޅާފައިވާނީ އެ މީހެއްގެ ޖުމްލަ އާމްދަނީއަށް ބިނާކޮށެވެ.

ބޭންކުން ދޫކުރާ މި ލޯނުގެ އެންމެ ބޮޑު އަދަދަކަށްވާ 1.2 މިލިއަން ރުފިޔާ ލިބޭނީ، އެ މީހެއްގެ ކޮންމެ މަހެއްގެ ޖުމްލަ އާމްދަނީ 100،000ރ. އަށް އަރާ ނަމަ އެވެ.

ބޭންކުން ދޫކުރާ ލުއި ލޯނުގެ އިންޓްރެސްޓް ރޭޓަކީ 15 ޕަސެންޓެވެ. އަދި ފަސް އަހަރުގެ ތެރޭގައި ލޯނު އަނބުރާ ދައްކަން ޖެހެ އެވެ.

އިންޓަނެޓް އަދި މޯބައިލް ބޭންކިން މެދުވެރިކޮށް ލުއި ލޯނު އަދި ޕާސަނަލް ފައިނޭންސިން އަށް އެދި ހުށަހެޅޭނެ އެވެ. އަދި ފަސް ދުވަހުގެ ތެރޭގައި ލޯނު ހަމަޖެހޭނެ އެވެ.

ބޭންކްގެ ސީއީއޯ ކާލް ސްޓުމްކަ ވިދާޅުވީ އެ ބޭންކްގެ ޕޯޓްފޯލިއޯ އަށް މި ގެނައި ބަދަލާ އެކު ކަސްޓަމަރުންނަށް އަމިއްލަ ބޭނުންތަކަށް، އެއީ ކޮންމެ ބޭނުމެއް ކަމުގައިވީ ނަމަވެސް ގިނަ އަދަދެއްގެ ފައިސާ ހޯދުމަށް އެދި ހުށަހެޅުމުގެ ފުރުސަތު ލިބޭނެ ކަމަށެވެ.

"ބީއެމްއެލް އަކީ ދިވެހިން ހިޔާރުކުރާ ބޭންކަށްވީ ހިނދު، ކަސްޓަމަރުން ބޭނުންވާ ފަދަ އަދި އުންމީދު ކުރާ ފެންވަރަށްވުރެ ރަނގަޅު ހިދުމަތެއް ދިނުމަށް ނުހަނު ބުރަކޮށް މަސައްކަތް ކުރަމުންދާނަން." އޭނާ ވިދާޅުވި އެވެ.

ބީއެމްއެލް ބޭންކް ލޯން

54 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާނިމް ދީދީ

28 January 2023

ބޭންކް އޮފް މޮލްޑިވްސް އިން ލުއި އެކްސްޕްރެސްލޯނު ހުއްޓާލީ %12 ޕަސަންޓްލޯނު ނަގާމިހުން ގިނަ ކަމުން، ދެން މީގެ ސަބަބުން %15 ފަސަންޓް ލޯނަށް ދާން މަޖުބޫރު އެވީ ، ސާބަހޭ 40 އަހަރުގެ އަހަރީ ބޯނަސް އަހަރުމެންގެ ބޭންކުން ރައްޔިތުންނަށް އެދީނީ. ނިކަން ނޫސްވެރިން މިސުރުހީ ޖަހާލަދީބަލަ " ބޭންކް އޮފްމޯލްޑިވްސް އިން ލުއި މައިކްރޯ ލޯނު ދޫކުރުން ހުއްޓާލައިފި """ އެއީ 12% ގެ ލޯނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުބާރިކް ހަސަން

28 January 2023

އާންމު މީހުންގެ ފައިސާ ރައްކަލަކައް ބެހެއްޓީމަ %2 ފައިދާ ދެނީ. އިންފްލޭޝަން %9. ފައިސާ ބެހެއްޓިމީހުންނައް %7 ގެ ގެެއްލުމެއް! ހަމަ އެފައިސާ، ލޯނުގެ ގޮތުގަ އެހެންމީހުންނައް ދެނީ %12 އިންޓަރެސްޓް ގޮތުގަ. އާންމުންގެ ފައިސާ ރޯލް ކޮއްލައިގެން އެހެންބަޔަކު ދަރަނި އަރުވާލުމަކީ ބޭންކުގެ ބިޒްނަސް ސްޓްރެޓެޖީ! ޔަގީންކަމާ އެކު ފައިސާ “ޗާޕުކުރުމުގެ” ވައްތަރެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިއްލޫރި

27 January 2023

ތީކޮންބަޔަކަށް ފަހާހެދުމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

27 January 2023

ނުކައި ނުބޮއި އުޅެންްޖެހުނަސް ލޯނުނުނަގާ މަ ބުނާނެ ވާހަކައެއްނެތް ލޯނުނެގުމަކީ ތިމާގެ ދިރިއުޅުން މުސީބާތަކަށްވެއްޓި ކުރަންނުޖެހޭ އެތަށްހަރަދެއްކުރަންޖެހިދާނެކަމެއް. ޢަހަރެމެންނަށްްވުރެ ބާރުގަދަފަރާތެއް ހެކިވެ އަޅުކަންކުރާބައެއް އަހަރެމެންނަކީ ވީމާ މުސީބާތްޖެއްސެވުމަށްވެސް އެއަށްވުރެ ބާރުގަދަފަރާތެއްނުވޭ ބިރުވެތިިވޭ ތިިމާގެލޭ ތިމާގެދަރިން ލޯބިވާ މައިންބަފައިންގެލޭ ހަރާބުނުކުރޭ ޝުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮންސަލްޓަންޓްސ

26 January 2023

ބޭންކެއްތަ ނޫނީ ލޯން ޝާކެއްތަމީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަރަނީގެމައްޗަށްދަރަނި

26 January 2023

މިކަހަލަ ސްކީމްތަކަށް ދުނިޔޭގެ އެއްވެސް ޤައުމަކުން ނުނަގާވަރުގެ ފަލަ އިންޓަރެސްޓް ރޭޓެއް ނަގާނެކަމަށް ކީއްވެ ޚަބަރުގަ ނުޖެހީ. ލޯނުގެވާހަކަ ފުރިހަމަވާނީ އިންޓަރެސްޓް ރޭޓް އަދި ރިޕޭމެންޓްގެ ތަފްޞީލުވެސް ލިއުމުން. ކިތަށް މީހުން އުޅޭނެބާ މަހަކު 1 ލައްކަ ރުފިޔާ އާމްދަނީއަށް ލިބޭ. ރައީސް، މަޖްލީހު މެންބަރުން، ފަނޑިޔާރުން، ޑްރަގް ޑީލަރުން، ވަގުން، ބްލެކްމެއިލް ކުރާމީހުން. މިހާރުވެސް މުއްސަނދި މީހުންނާ މުޖްރިމުންނަށް އަދިވެސް ފުރުޞަތުތައް ހުޅުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

25 January 2023

މީ ރައްޔިތުންގެ ބޭންކުގެ ފެންވަރު..ބޯހިޔާވެހިކަމާއި ތަކެތީގެ އަގު އުފުލުމުގެ އެންމެ ބޮޑު ސަބަބަކީ ބޭންކު ލޯނުގެ އިންޓަރެސްޓް ބޮޑީ. މިކަހަލަ ގައުމީ މައްސަލަތަކުގަ ރައްޔިތުން ކެރިގެން ބަސްބުނަންޖެހޭ. މިފަދަ ކެމްޕޭނު ދުވަސްވަރަކީ މިފަދަ ކަންކަން އިސްލާހުވުމަށް ލިބޭ ފުރުސަތެއް. އެކަމަކު އެންމެންވެސް މިއުޅެނީ އަމިއްލަ ފައިދާއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގޭ ހިޔާލު

25 January 2023

ލުއި ވަނީ ބެންކަށް. މިތަނުގަ ކޮމެންޓު ކުރާ ބޭފުޅުންނަށް ވަރަށް ބޮޑަށް އޮޅިވަޑައިގެންފައި އޮތުމުން ބުނެލީ. ލުއި ލޯނޭ އެކިޔަނީ ބަލަގަ އެނަގާމީހުންނަށް ލުއިވާތީއެއްނޫނޭ. މީ ބެންކުގެ މަސައްކަތަށް ލުއިކަމެއް ހޯދުމަށް ކުރާކަމެކޭ. ރައްޔިތުން ގަމާރުހައްދާފަ ދަރަނިބޮލުގަ އަޅުވާފަ ބެންކަށް ކިހާފަސޭހަތަ، ރަހުނެއްއެއްޗެއް ވެސް މެނޭޖުކުރާކަށް ނުޖެހޭ.