މާލޭ ނޯތު ހާބަރު ބޭރުގައި ސައިކަލު ޕާކުކޮށްފައި: މާދަމާއިން ފެށިގެން ސައިކަލަށް ވެސް ބަނދަރު ހުޅުވާލާނެ.-- ފޮޓޯ: ނިޝާން އަލީ/ މިހާރު
17 ޖެނުއަރީ 2017 - 14:08
20 comments
ނޯތު ހާބަރަށް ސައިކަލަށް ވަދެވޭގޮތް ހަދައި، އެތަނަށް ވަންނަ އުޅަނދުތަކުން ނަގާ ފީއަށް މާދަމާއިން ފެށިގެން ބަދަލު ގެނައުމަށް ނިންމައިފި އެވެ.
ނޯތު ހާބަރަށް މީގެ ކުރިން ސައިކަލަށް ނުވަދެވުނު ނަމަވެސް، މާދަމާއިން ފެށިގެން އެތަން ސައިކަލުތަކަށް ހުޅުވާލާނެ އެވެ. އަދި އެތަނުގައި ހާއްސަ ޕާކިން އޭރިއާއެއް ހަދައި، ޕާކު ކުރާ ކޮންމެ ސައިކަލަކުން ގަޑިއިރަކަށް ފަސް ރުފިޔާ ނަގާ ގޮތަށް ވަނީ ހަމަޖައްސާފަ އެވެ.
މީގެ އިތުރުން އެތަނަށް ވަންނަ އެހެން އުޅަނދުތަކުން ނަގާ ފީއަށް ވެސް ވަނީ ބަދަލު ގެނެސްފަ އެވެ.
އެމްޕީއެލް އިން ބުނީ މާދަމާ އިން ފެށިގެން ނޯތު ހާބަރަށް ވަންނަ ކޮންމެ ކާރަކާއި ކުދި ޕިކަޕަކުން ފަސް ރުފިޔާ ނަގާއިރު، ބޮޑު ކިޕަކާއި ލޮރީ އަދި ވޭން ފަދަ އުޅަނދުތަކުން ދިހަ ރުފިޔާ ނަގާނެ ކަމަށެވެ.
ބަނދަރަށް ވަންނަ ކޮންމެ ފަހަރަކު ވެސް މި އުޅަނދުތަކުން ފީ ނަގާނެ ކަމަށް އެތަނުން ބުންޏެވެ.
ކުރިން ބަނދަރަށް ވަންނަ އުޅަނދުތަކުން ނަގަނީ ދުވާލަކަށް 11 ރުފިޔާ އެވެ.
އެމްޕީއެލްގެ އޮފިޝަލަކު ވިދާޅުވީ އުޅަނދުތަކުން ނަގާ ފީއަށް ބަދަލު ގެނައުމަށް ނިންމީ އާއްމުންގެ ޝަކުވާތަކާ ގުޅިގެން ކަމަށެވެ.
"ކުރިން އަޅުގަނޑުމެން މި ނަގަނީ، ކިތަންމެ ގިނައިން ބަނދަރަށް ވަނަސް ދުވާލަކަށް 11 ރުފިޔާ. އެކަމަކު ބައެއް ވެހިކަލްތަކުން މި ތަނަށް ވަންނަން އާއްމުންގެ އަތުން އެބަ ކޮންމެ ފަހަރަކު ވެސް ލާރި ނަގާ. އެހެންވެ، އެ ޝަކުވާތަކާ ގުޅިގެން ފީ ނަގަން ނިންމީ،" އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޑާ
18 January 2017
މިހާރު ކުރީން އަންނި ޖެޓީގައި މިސަރުކާރުން 2 ބަދަރު ހަދާފިއެވެ. މިހާރު އަލަށްމިކިޔާ ނޯތު ހާބަރާއި ކުރީންކީ ކޮންމެ ވެސް އިއްޒަތްދީނު ހާބާރު ؟؟؟
އަައްޑަނަ
17 January 2017
ރަނގަޅަށް ތިހެދީ. ކާރުތަކާއި ޕިކަޕްތަކުން ރައްޔިތުން ފެލަނީ ކަރަކުން ބައެއްފަހަރު 60 ރުފިޔަެސް ނަގާފައި އެބަހުރި އެކަމަކު އެހިސާބަށް ދަން ނަގަނީ އެންމެ 10 މިނިޓް
ސަރުޖީ
17 January 2017
ތީ ޢާންމުން ޝަކުވާއެއް ކުރާތީ ކުރިކަމެއްނޫން.. ކޮންމެ ފަހަރަކު ޢާންމު މީޙާއަތުން އެނަގާތީ ކަންބޮޑުވެގެން މިހާރު ތިހެއްދެވި ގޮތަކީ 11.00 ރުފިޔާއަށްވުރެ ގިނަ ފައިސާ އާންމުންގެ އަތުން ތިޔަތަނަށް ނަގާގޮތަށް. އޮޅުވާލައިގެންވެސް ދޮގު ހަދައިގެންވެސް ރައްޔިތުން ކަރު ފެލުން ތީ.
މީމުހާ
17 January 2017
ދެންވެސް ޝަކުވާ ނުކުރާތި. ޢާއްމުން ހޭލުންތެރި ކުރުވުމުގެ ބަދަލުގައި އަދަބު މިދެނީ. ޝުކުރިއްޔާ ސަރުކާރަށް
ނިންމާލާނަން
17 January 2017
ނޯތު ހާބަރަށް ސައިކަލް ވަދެވޭ ގޮތަށް ހަދާ ފީ ނަގަން ފެށުމުން ވެސް އެ ސަރަހައްދުގެ ޓްރެފިކް ޖޭމް ވުމަށް ވަރަށް ބޮޑު ހައްލެއް ލިބިގެން އެދިޔައީ އެވެ. މަމެން މިއުޅެނީ އެފަދަ ކަންކަން ވަރަށް ކޮލިޓީ ކޮށް ކޮށް ނިންމާލަން އެވެ.
ޗިކުސް
17 January 2017
ރައްޔިތުން ނަށް ލުއި ފަސޭހަ ކޮއްދިނުމުގެ ބަދަލުގައި ރައްޔިތުން ހަނާކޮއްލަނީތި! ތި ތަނުގަ ތަކެތި އުފުއްލާ ، ބޯޓާ ހަމަޔަށް ގެންދެވޭނެ ފަސޭހަ ގޮތްތަކެއް ހޯދަދީބަލަ. 5ރ ނޫނީ 10ރ ބޭރުމީހަކަށް ދީގެން މިގެންދަންޖެހެނީ. ރައްޔިތުމީހާ އަށް ތަކެތި އުލެވޭނެ ރަގަޅު ނިޒާމެއް ނެތް. ތި ތަނުގަ ބަހައްޓާފަ ހުރި ޓްރޯލިން އުފުލަން ވެއްޖިއްޔާ ބޮޑު ވޭނަކައްވަނީ. ނަން ބަދަލް ކުރުމަކުން އަދި ނުފުދޭ.
ތިމަންނަ
17 January 2017
ރަގަޅު ފެންވަރަށް މަޖީދީމަގު ހަދާނިމިމުން އެ މަގުގައި ދުއްވާ އުޅަދުތަކުން "އެއްޗެއް" އަނެއްކާ ނަގާނެ ބާ؟؟؟؟؟؟؟؟؟؟؟؟؟؟؟؟؟؟؟
ޗެރީ
17 January 2017
ދެން ނަން ބަދަލުކޮށްފާނެ ޔާނު ބަނދަރަށް
ތަމް
17 January 2017
ތިތަނަށް ކިޔަނީ އަންނި ޖެޓީ. މީހުންނަށް އޮޅުންފިލާގޮތަށް ޙަބަރު ލިޔެބަލަ.
ނޯންނާނެ
17 January 2017
ތަމެން ބުނާ ނަމެއް ތޭ އެތަނަށް ކިޔަން ޖެހެނީ. އަންނި ޖެޓީ ނޯތް ހާބަރަށް ކިޔާ ކަން މަމެން ނުދަންނަ. ތިޔާ ވާނީ ގަލްފް ހަނގުރާމަ ގޮތަށް ރަށް ފުށު މީހުން ދުއްވި ޕިކަޕްސް ތަކުގައި މާރުކޭޓް ގައި ފެތުރި ޖަންގަލީ ރޭޑިއޯގެ ޚަބަރު ތަކެއް ކަމަށް ތީ އަންނި ޖެޓީ ތި ތަނަށް ކިޔަނީ. ގާނޫނީ ގޮތުން އެތަނަށް ކިޔަނީ ނޯތް ހާބަރު އިނގޭ. އަންޑަރސްޓޫޑް. ދެން ހެޔޮ ނުވާނެ ތަމެން އެތަނަށް ކިޔާ ބަލަ ނޯތް ހާބަރޭ. ކޮން އަންނި ޖެޓީ އެއްތޭ އޭން ބުނެބަލަ. އެއްވެސް އަންނި ޖެޓީ އެެއް އަދި އެއްވެސް އައި އެން އޭ އެއް އަދި އެެއްވެސް ކާރބަން ނިއުޓްރަލް ޕޮލިސީ މީ ނޯންނާނެ މަމެން ޕިންކީންގެ ވެރިކަމުގައި އިނގޭ.
ުނުވައްދާތި
17 January 2017
މިހާރު ރަނގަޅު ވެއްޖެ ތިޔާ ހާބަރަށް ކިޔާ ނަމުން. ނޯތް ހާބަރު ކިޔުން އޯކޭ. ދެން ކޮން އަންނި ހާބަރެއްތޭ ތިޔާ ޕިކަޕް ޑްރައިވަރުން ކިޔަނީ. އަންނި ހާބަރު ކިޔާ ޕިކަޕްސް ތައް ނުވައްދަގަ ވަގުތީ ގޮތުން ނޯތް ހާބަރަށް. އެއިރަށް ހުންނާނެ އެމެންނަށް އަލާ ފިލާފައި ދޯ.