ތިން އަހަރުގެ އެއްބަސްވުމެއްގައި އިއްބެ އީގަލްސް އަށް

އިއްބެ (ކ) އީގަލްސް އަށް ސޮއި ކުރުމަށް ފަހު އެ ކްލަބްގެ ޗެއާޕަސަން އާއެކު ޓީމުގެ ޖޯޒީގައި ހިފަހައްޓާލައިގެން --- ފޮޓޯ: އީގަލްސް

12 ފެބުރުއަރީ 2023 - 15:34

1 comments

ގައުމީ ޓީމުގެ ފޯވާޑް އިބްރާހިމް މަހްދީ ހުސައިން (ފޭދޫ އިއްބެ) ކްލަބް އީގަލްސް އަށް ސޮއިކޮށްފި އެވެ.

މިދިޔަ ހަތަރު އަހަރު މާޒިޔާ އަށް ކުޅުނު ފޯވާޑް އިއްބެ އީގަލްސް އަށް ސޮއި ކުރީ ތިން އަހަރަށެވެ. ކޮންޓްރެކްޓް ހަމަވުމުން މާޒިޔާ ދޫކޮށްލި ތިން ކުޅުންތެރިންގެ ތެރެއިން އެއް ކުޅުންތެރިޔަކީ އޭނާ އެވެ. ދެން ހިމެނެނީ އިބްރާހިމް ވަހީދު ހަސަން އާއި އަހްމަދު އަބްދުﷲ (ލިލީ) އެވެ.

ކުރިން އަތޮޅުތަކުގެ ރަށްތަކަށް ހާއްސަކޮށް ބޭއްވި މިނިވަން ޗެމްޕިއަންޝިޕްގައި އަމިއްލަ ރަށް. ސ. ފޭދޫ ޓީމުން ވިދާލި އިއްބެ 2016 ގައި ޓީސީ އަށް ބަދަލުވި އެވެ. ގައުމީ ޓީމުގެ ޖާގަ ގަވާއިދުން އޭނާ އަށް ލިބެން ފެށީ 2018 ގަ އެވެ. އެ އަހަރުގެ ދިވެހި ޕްރިމިއާ ލީގު ޗެމްޕިއަންކަން ޓީސީ އަށް ހޯދައި ދިނުމުގައި އޭނާ މުހިންމު ދައުރެއް އަދާ ކުރި އެވެ.

ވިންގް ފޯވާޑަކަށް ކުޅޭ އިއްބެ އީގަލްސް އަށް ބަދަލުވި ހަމަ އެ މަގާމުގައި އީގަލްސް އަށް ކުޅުނު ހަސަން ރާއިފް އަހުމަދު (ހަންނަ) މާޒިޔާ އަށް ބަދަލުވުމުންނެވެ. އީގަލްސްގެ ފޯވާޑްލައިންގައި ދެން ހިމެނެނީ ގައުމީ ޓީމުގެ އަހްމަދު ރިޒްވާން އާއި ޒުވާން ޒައިން ޒަފަރު އެވެ. އީގަލްސްގެ އޮފިޝަލަކު ބުނީ ޓީމުގެ ފޯވާޑްލައިން ވަރުގަދަ ކުރުމުގެ ގޮތުން ބިދޭސީ ފޯވާޑެއް ވެސް ގެންނާނެ ކަމަށެވެ.

ކުރިއަށް އޮތް ސީޒަންގައި އީގަލްސް އަށް އިރުޝާދު ދޭނީ ކުރިން ވެސް އެ ޓީމަށް ކޯޗުކޮށް ދިން އިހްސާން އަބްދުލް ގަނީ (ސާންތީ) އެވެ. ހަ އަހަރަށް ފަހު އީގަލްސް އަށް އެނބުރި އައިސް ސާންތީ ބުނީ އޭނާ ރިޓާޔާ ކުރާނީ އީގަލްސްގައި ކަމަށެވެ. މިދިޔަ ދެ ސީޒަންގައި އޭނާ ކޯޗުކޮށް ދިނީ ޔުނައިޓެޑް ވިކްޓަރީ އަށެވެ.

ކްލަބް އީގަލްސް ފުޓްބޯޅަ

1 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޚަބަރު

12 February 2023

މާޒިޔާކޮޅަށް ލަޑުފަށެއް އަޅާލާނެހެން ހީވަނީ. ދެން މިބަލަނީ އިބްރަހިމް ވަހީދު ހަދާނެ އެއްޗަކަށް. އެކަމަކު މިކުޅުންތެރިން އަމިއްލަ އަތޮޅަށް ކުޅޭނަމަ ދޯ!