ފައިވާނުގެ ތެރޭގައި ފޮރުވައިގެން ވައިގެ މަގުން ޑްރަގް އެތެރެ ކުރުމުން 25 އަހަރަށް ޖަލަށް

ޑްރަގްގެ މައްސަލައެއްގައި ފުލުހުން މީހަކު ހުއްޓުވައި ޖީބު ބަލައި ފާސް ކުރަނީ: ފައިވާނުން ޑްރަގް ފެނުނު މީހަކަށް ވަނީ 25 އަހަރުގެ ޖަލު ހުކުމެއް އިއްވާފައި. -- ފޮޓޯ: ނިޝާން އަލީ | މިހާރު

ނަޖާހް މަސްއޫދު، މިހާރު

20 ފެބުރުއަރީ 2023 - 11:46

8 comments

ފައިވާނުގެ ދަށް ފުށުގައި ޑްރަގް ފޮރުވައިގެން ވައިގެ މަގުން ގދ. ކާޑެއްދުއަށް ގޮސް ހުއްޓައި ހައްޔަރު ކުރި މީހަކު 25 އަހަރަށް ޖަލަށްލާން ކްރިމިނަލް ކޯޓުން މިދިޔަ ބުރާސްފަތި ދުވަހު ހުކުމްކޮށްފި އެވެ.

ޖެނުއަރީ 17، 2016 ގައި މުހައްމަދު މިސްބާހު ހުޅުލެއިން ފުރައިގެން ގދ. ކާނޑެއްދުއަށް ގޮސް ހުއްޓައި އެ އާޕޯޓުން އޭނާ ހައްޔަރު ކުރީ އޭނާ ޑްރަގް އެތެރެ ކުރި ކަމަށް ފުލުހުންނަށް ލިބުނު މައުލޫމާތަކާ ގުޅިގެންނެވެ.

އޭނާގެ އަތުން ޑްރަގް ފެނުނީ ފުލުހުންގެ ބެލުމުގެ ދަށުން ގދ. ތިނަދޫ ޕޮލިސް ސްޓޭޝަނަށް ގެންގޮސް ޝައްކުކުރެވިގެން ބެލި ބެލުމުންނެވެ. އޭނާގެ ފައިވާނުގެ ދަށްފުށް ނައްޓައި ބެލި އިރު ރަބަރު ޕެކެޓެއް ފެނިފައިވެ އެވެ. އެ ރަބަރު ޕެކެޓުން 19.65 ގްރާމުގެ ޑައިމޯފިން ހުރިކަން ފަހުން ހެދި ތަހުލީލުން އެނގުނެވެ.

އެ މައްސަލައިގައި ދައުލަތުން މިސްބާހުގެ މައްޗަށް ކުރީ ޑައިމޯފިިން ޓްރެފިކް ކުރުމުގެ ދައުވާ އެވެ. ޓްރެފިކިންގެ ކުށަށް އޮންނަ އަދަބަކީ 25 އަހަރަށް ޖަލަށްލުމާއެކު 100،000ރ. އާއި 10 މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރުމެވެ.

އޮކްޓޯބަރު 31، 2018ގައި ކޯޓަށް ހުށަހެޅި އެ މައްސަލަ ބަލައި ކްރިމިނަލް ކޯޓުން ހުކުމް ކުރީ މިދިޔަ ބުރާސްފަތި ދުވަހު އެވެ.

ގާޒީ އަލީ އާދަމް ބެއްލެވި އެ މައްސަލައިގެ ހުކުމުގައި ފާހަގަ ކުރީ އޭނާގެ ފައިވާނުގެ ތެރެއިން ޑްރަގް ކަމަށް ޝައްކު ކުރެވޭ އެއްޗެއް އަޅާފައި ހުރި ޕެކެޓެއް ފެނުނު ކަމަށް ތިން ފުލުހަކު ހެކިބަސް ދީފައިވާ ކަމެވެ. އަދި އެކަމަށް މިސްބާހު ވެސް އިންކާރު ނުކުރާއިރު، އޭނާގެ ހިޔާޒަތުގެ ދަށުން ޑްރަގް ކަމަށް ބެލެވޭ އެއްޗެއް ފެނުނު ކަމާ މެދު ޝައްކު އުފެއްދޭނެ ހާލަތެއް ނެތް ކަމަށް ހުކުމުގައިވެ އެވެ.

ފައިވާނުގެ ތެރެއިން ފެނުނު ތަކެތީގެ ތަހުލީލު ރިޕޯޓުުން އެއީ ޑައިމޯފިންކަން އެނގިފައިވާކަން ހުކުމުގައި ފާހަގަކުރި އެވެ. އަދި ފުލުހުން ނެގި ޑްރަގުގެ ޗެއިން އޮފް ކަސްޓަޑީގައި ވެސް މައްސަލައެއް ނެތްކަން ފާހަގަކުރި އެވެ.

މިސްބާހުގެ ފަރާތުން ހުށަހެޅި ހެއްކަކު ބުނެފައިވާ ގޮތުގައި އެ ފައިވާނަކީ އޭނާ ރަށަށް ދާތީ މުރުޝިދު ކިޔާ މީހަކު ހަދިޔާއަކަށް ދިން ފައިވާނެކެވެ. އެކަމަކު ދެވަނަ ހެކިވެރިޔާ ބުނީ އެއީ މުރޭ ކިޔާ މީހަކު އެހެން މީހަކާ ހަވާލުކުރަން އޭނާ އަތަށް ދިން ފައިވާނެއް ކަމަށެވެ.

އެ ވާހަކަތަކުގައި ފުށުއެރުން ހުރި އިރު ހުކުމުގައި ވަނީ މިސްބާހުގެ ފަރާތުން ހުށަހެޅި ހެކިތަކުން ދައުލަތުގެ ހެކިތައް ނަފީ ނުކުރެވޭ ކަމަށެވެ.

ކްރިމިނަލް ކޯޓުން ހުކުމް ކުރީ އޭނާގެ މައްޗަށް ހުށަހެޅިފައިވާ ހެކިތަކުން ކުށް ސާބިތުވާ ކަމަށެވެ. އެހެންވެ، އޭނާ 25 އަހަރަށް ޖަލަށްލައި 100،000ރ. އިން ޖޫރިމަނާ ކުރި އެވެ.

އެކަމަކު، ޝަރީއަތް ނިމެންދެން އޭނާ ފަސް އަހަރާއި ހަ ދުވަސް ޖަލުގައި ހޭދަކޮށްފައިވާތީ ތަންފީޒު ކުރަން ބާކީ އޮތީ 19 އަހަރާއި 11 މަހާއި 24 ދުވަހެވެ.

މަސްތުވާތަކެތި ޑްރަގް ޓްރެފިކްކުރުން ކުށްކުރުން ޑްރަގް ކޯޓް

8 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖައުހަރު

21 February 2023

ކްރިމިނަލް ކޯޓްގަ 5 އަހަރު. ހައިކޯޓްގަ 5 އަހަރު. ސުޕްރީމްކޯޓްގަ ފަސް އަހަރުކޮށްފަ، ކުށް ސާބިތުނުވާކަމަށް ހުކުމްކޮށްފަ ދޫކޮށްލާއިރު އެމީހާގެ ހުކުމުގެ 4 ބައިކުޅަ 3 ބައި ދިޔައީ!!! މީވާވަރު. ސިޔާސީހުކުމްތައް ވަރަށް ބާރަށް އަވަހަށް ޖަހާނެ. މޭޒުދަށުންނާއި ގޭގެ ބަދިގެ ފަރާރުން ލިބޭ ޚައިރާތް ބޮޑުވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

20 February 2023

މިގައުމަށް ޑްރަގް އެތެރެކުރާ ބޮޑުންނަށް އެއްވެސް އަދަބެއް ނުލިބި، މިކަމުގައި ޝާމިލުވާ ކުދިންނަށް އުމުރު ދުވަހުގެ ޖަލު ހުކުމް އައުމަކީ ހާދަހާ ދެރަކަމެކޭ، ޑްރަގް ހުއްޓުވޭނީ އެތެރެ ކުރާ ކޮޅު ހުއްޓިގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމޭން

20 February 2023

"ޝަރީއަތް ނިމެންދެން އޭނާ ފަސް އަހަރާއި ހަ ދުވަސް ޖަލުގައި ހޭދަކޮށްފައިވާތީ ތަންފީޒު ކުރަން ބާކީ އޮތީ 19 އަހަރާއި 11 މަހާއި 24 ދުވަހެވެ." ހާދަ ރަނގަޅޭ، ދެން މާދުވަހެއް ނެތްތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

20 February 2023

ދެހާސް އަށާރައިގަ ހުށައެޅި މައްސަލަ ދެހާސްތޭވީހުގަ ނިމުނީ, މިހުރީ އިންސާފު އަރާފުރިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑްމުންޑޯ

20 February 2023

އޮކްޓޫބަރ 2018 ގެ ހިގި ޑްރަގުގެ މައްސަލައެއް ހުކުމްކުރީ 2023 ގައި ، ކިހާ ހިތްގައިމު ، މިއީ ސިންގަލް ކޭހެއް ، ގޭންގް ކޭސްތަކެއްވެސް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމާ

20 February 2023

އަނަނިވި އިބާރާތްކޮޅު ކިޔާލީމާ ރާއްޖޭގެ ޖުޑިޝަރީގެ ހުރި ފެންވަރު އެގިގެންދޭ ކީއްވެބާ ޝަރީއަށް ނުނިމި އެތައްއަހަރަކު ވާނުވާޖަހާފަ މީހާ ބަހައްޓަނީ. އެކަމަކު، ޝަރީއަތް ނިމެންދެން އޭނާ ފަސް އަހަރާއި ހަ ދުވަސް ޖަލުގައި ހޭދަކޮށްފައިވާތީ ތަންފީޒު ކުރަން ބާކީ އޮތީ 19 އަހަރާއި 11 މަހާއި 24 ދުވަހެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުމްލާ

21 February 2023

ސިޔާސީ ހުކުމެއްނަމަ ވަރަށް އަވަހަށް ޖަހާނެ. ގާޒީއަށް މިލިއަނުންލިބޭތީ. ގާޒީގެ އާއިލާއަށް ވެސް ވަޒީފާގެ ފުރުސަތުތަކާއި އެހެނިހެން އިނާޔަތް އޮހޭތީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯސަން

20 February 2023

ކުދިކުދި ބޭކަލުން 10 ގުރާމު ޑުރަގު ފެނިގެން 25 އަހަރަށް ޖަލަށް. ބޮޑު ބޭކަލުންގެ އަތުން 10 ކިލޯ ޑުރަގު ފެނުނީމާ އިދާރީ ކުށެއް ލިޔެގެން ދޫކޮށް ލަނީ. ޑުރަގު ބޮޑުންގެ އިންސާފީ ޚާންދާން.