ރައްޔިތުންގެ މަޖިލީހުގެ ސަރުކާރު ކުންފުނިތަކާ ބެހޭ ކޮމިޓީ (އެސްއޯއީ) އިން ބޭއްވި ބައްދަލުވުމެއް: ބީއެމްއެލްގެ މައްސަލަ އެމްއެންޕީން ވަނީ ހުށަހަޅާފައި-- ފައިލް ފޮޓޯ: މިހާރު
22 ފެބުރުއަރީ 2023 - 19:53
34 comments
ބީއެމްއެލްގެ އެކައުންޓުތަކުން ފައިސާ ގެއްލޭ ކަމަށް ބުނާ މައްސަލައެއް މޯލްޑިވްސް ނޭޝަނަލް ޕާޓީ (އެމްއެންޕީ) އިން ރައްޔިތުންގެ މަޖިލީހަށް މިއަދު ހުށަހަޅައިފި އެވެ.
އެމްއެންޕީގެ ފަރާތުން އެ ޕާޓީގެ ޕާލިމެންޓަރީ ގްރޫޕް ލީޑަރު އަދި ތިމަރަފުށީ ދާއިރާގެ މެންބަރު އަބްދުﷲ ރިޔާޒް އެ މައްސަލަ ހުށަހެޅުއްވީ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ އަށެވެ.
އެ މައްސަލާގައި ބުނާ ގޮތުން ބީއެމްއެލްގެ ބައެއް ކަސްޓަމަރުންގެ އެކައުންޓުތަކުން ފައިސާ ގެއްލުން ނަމަވެސް އެ ކުންފުންޏާއި މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އެ މައްސަލަ އާ ގުޅޭ ގޮތުން އެއްވެސް ޖަވާބެއް ދީފައި ނުވާ ކަމަށެވެ.
އެ ކަންބޮޑުވުންތައް ހައްލު ކޮށްދިނުމަށްޓަކައި މަޖިލީހުގެ އެސްއޯއީ ކޮމިޓީން އެ މައްސަލަ ބަލަން އެ މައްސަލާގައި ވަނީ އެދިފަ އެވެ.
ސްކޭމް ކޮށްގެން މީހުންގެ އެކައުންޓްތަކުން ގިނަ އަދަދެއްގެ ފައިސާ ނަގާ ކަމުގެ ޝަކުވާތައް ފަހަކަށް އައިސް ވަނީ ވަރަށް ބޮޑުވެފަ އެވެ.
ދާދި ފަހުން ވެސް ދެ ލައްކަ އަށް ވުރެ ގިނަ ރުފިޔާ މީހެއްގެ އެކައުންޓުން ބޭނުން ކުރި މައްސަލައެއް ފެންމަތިވެ އެ މައްސަލާގައި ދެ މީހަކު ވަނީ ހައްޔަރު ކޮށްފަ އެވެ.
އެކަމާ ގުޅިގެން ބީއެމްއެލް އިން މިފަހުން ވެސް ވަނީ ސެކިއުރިޓީ އިތުރަށް ވަރުގަދަ ކުރުމަށް ބައެއް ފިޔަވަޅުތައް އަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެމި
23 February 2023
ސަރުކާރު ހިއްސާއޮންނަ އަދިހުރިހާ ބާރެއްލިބިފަ އޮތްބޭންކަކީ ވަރަށް ނުރައްކާތެރިތަނެއް. ރަގަަޅުކަމެއް މިގައުމުގަ ވޭތަ/
ބޮޑު
23 February 2023
ބީއެމް އެލް ލުއި ލޯން ނަމުގަ ވެސް ރައްޔިތުން ފެލަނީ . ލޯން ދައްކާ ނިމޭއިރު އޮންނާނީ ނެގި ޢަދަދު ގެ %50 ދެއްކިފަ. އެކަމު %18 ލޯންއެކޭ ބުނެ މީހުން ގުބޯ ހެދެނީ. ގުޅާއިރަށް ބުނާނެ ބާކީ ބެލެންސްއިންނޭ އިންޓްރެސްޓް ކަލްކުލޭޓް ކުރާވެނީ . އަވަހަށް ދައްކާލީމަ ކުޑަ އިންޓަރެސްޓެެކޭ . ބަލަ ލޯނު ނަގަނީ ނުވެގެން. އިންޓްރެސްޓް އަރާފާނެތީ އަވަހަށް ދައްކަނީ ކޮންތަނަކުން. 05 އަހަރުގެ މުއްދަތު ޙަލާސްކޮށް ނިމޭއިރު ލޯނު އަދަދުގެ %50 މިހާ ވަރަކަށް ލުއި ވާނި
ހީވާހެން ނުވެދާނެ
23 February 2023
ދެކޮޅުވެސް އޮތް މައްސަލައެއް. ހަމަ އަސްލުގައިވެސް ފައިސާ ހަރަދުކޮށްފައި، ސްކޭމަކުން ފޭރުނިއްޔޭ ބުނެ ބޭންކްން އެބައި ހޯދަން އުޅުމަކީވެސް ސްކޭމަކަށް ވެެދާނެ. އަނެއްކޮޅުން ހަމަ ހަގީގަތުގައިވެސް މިފަދަ ކަންކަން ހިނގާފާނެ. އެއީ އަމިއްލަ އިހްމާލުން ނުވަތަ ބޭންކްން. އެހެންކަމުން އަހަރެމެން މި ހީކުރާހާ ފަސޭހަ އަދިި އިންސާފުވެރި ގޮތަކަށްވެސް ނުވެދާނެ ހަމަ ބުނެލާއިރަށް ބޭންކްން ބަދަލުދިނުން. އެކަމަކު ޕޮލިހުންގެ ދައުރު ވަރުގަދަވާން އެބަޖެހޭ ބޮޑުތަނުން.
ފާހި
23 February 2023
ބީ.އެމް.އެލް ތިޔައީ ވަރަށް ގޮތެއް ފޮތެއް ނެތް މުވައްޒަފުންތަކެއް އުޅޭތަނެއް، ލައްކަދުވަހު ވައްކަންކޮށްފި އަދި ޢާންމު ރައްޔިތުންގެ ބޮލުގައި ވަގުބަދުނާމު އެޅުވުމާއި ރިޝްވަތުގެ ކަންކަންވެސް އިންތިހާއަށްވަނީ ކޮށްފައި.......
ބަޑިތަކުރު
23 February 2023
އަލަށް ފާސްކުރެވޭ ޤާނޫނުގައި މިފަދަ ގޮތްގޮތަށް ވައްކަންކުރާ ފަރާތްތަކަށް ދެވޭ އަދަބަކީ އެފަދަ ކަމެއް ކުރުމަށް ފުރުޞަތު ނުލިބޭނެގޮތަކަށް (ޖަލަށްލުންފަދަ އަދަބެއް) ދިގު މުއްދަތަކަށް ކަނޑައެޅެން ވާނެއެވެ. އެހެންނޫނީ ޖޫރިމަނާއަކުން ނުވަތަ ގޭބަންދަކުން އެފަދަ ކަމެއް ނުހުއްޓުވޭނެއެވެ. އަދި ޖަލުން ދޫކޮށްލުމަށްފަހު ވެސް އެފަދަ މީހުންގެ ހަރަކާތްތައް ބެލޭނެ އިންތިޒާމެއް ހަމަޖެހެން ވާނެއެވެ.
އާދަނު33
23 February 2023
ގަމާރުކަމުން ކޮންމެވެސްކަހަލަ ލިންކަކަށް ފިތިގެން ކޮންމެވެސް ގޮތަކަށް އީމެއިލް ހެކް ވެގެން އެކައުންޓުން ލާރި ގެއްލުނީމަ ބޭންކު ބަދުނާމުކުރަނީ އެމީހާގެ ގަމާރުކަން އެހެންމީހުނަށް ފޮރުވަން.
ތޮއިލާ
23 February 2023
ލިންކަށް ނުފިތިޔަސް ފައިސާ އެކައުންޓުން ފައިސާ ގެއްލޭ ވާހަކަ މި ދައްކަނީ ބުރާންޗާ.
ޢައިންސްޓައިން
23 February 2023
ބީއެމެއެލް ގަ އެކައުންޓް ހުޅުވެނީ އައި.ކިއު ލެވަލް ވަކި ވަރަކަށް ވުރެ މަތިވީމަ އޭ ޝަރުތުކުރަން ވީ ނުން. ނާގާބިލުކަން ފޮރުވަން އަދި މޮޅު ކަމަށް ހީވާ ކޮމެންޓު ކުރެޔެ އެބަ
އެމީހ
23 February 2023
އިންޓަރނެޓް ބޭންކިން އަދި މޯބައިލް ބޭންކިން ނަހަދާ ހުންނަ މީހުންގެ އެކައުންޓުންވެސް ފައިސާ ގެއްލޭއިރު ކަލޭ ކީކޭ ބުނަނީ....
ގަމާރުގަމާރު
23 February 2023
ގަމާރުކަމުން ދެން ކީއްވެ އެހެން ބޭންކުތަކުގަ ހުންނަ އެކައުންޓްތަކުން މިގޮތަށް ފައިސާ ނުގެއްލެނީ؟ ސްކޭމަރުންނަށް ފައިސާ ހުންނަކަން އިނގެނީ ހަމއެކަނި ބޭންކް އޮފް މޯލްޑިވްސްގަތަ؟ އަނެއްކާ މީ ދިވެހިރާއްޖެ، ބޭންކް އޮފް މޯލްޑިވްސްއަކީ ދިވެހިންގެ ބޭންކޯ! އެހެންވިއްޔާ އެންގެންވާނެ އެ ބޭންކުގައި ފައިސާ ރައްކާކުރާ ހުރިހާ އުމުރެއްގެ ތަޢުލީމީ ހުރިހާ ފެންވަރެއްގެ މީހުންނަށްވެސް ރައްކާތެރި ގޮތަކަށް ސެކިއުރިޓީ ބައްޓަންކުރަން. މީ 1900 ގަރުނެއް ނޫން
ބިސް މަނިކް
23 February 2023
އެހެންވެ ދޯ ބައްތި ފޯން ގެންގުޅޭ ބޭބެގެ 2 ލައްކަ ރުފިޔާ ގެއްލިގެން ވިޔަފާރި ބަނގުރޫޓް ވެގެން އެ އުޅެނީ. ބައްތި ފޯނުން ލިންކަށް ފިތައިގެން
ޣަނިއަ
23 February 2023
ހަމައެކަނި ބީއެމްއެލް ގެ ލިއްކަންދޯމިފިތެނި ކިއެއްވެތަ އެހެން ބެންކުތަކުންގެ މިހެންނުވަނި.
LaamuonlineDOTcom
23 February 2023
ހަމަތެދެއްތީ! އަޅުގަނޑުމީ މޯބައިލްފޯނު ރިޕެއަރ ކުރާ ސޮޕެއްހިންގާމީހެއް، ހަދަންގެންނަ ގިނަފޯނުތަކުގެ ސުކުރީންޕެޓަަން ދެތިންފަހަރުން ދިމާކޮށްލުމަކީ ފެންތައްޓެއްބޯލުންހާ ފަސޭހަކަމެއް، ހުންނަނީ ޒެޑް ނުވަތަ އެން އަކުރުފަދަ ޕެޓަން، އެންމެ ފަހުގެ ފޯނުތައް ހިފާފައި ތިބިޔަސް ދިވެހިންގެ ގިނަމީހުނަށް އެ އެއްޗެހި ރައްކާތެރިކޮށް ބޭހުންކުރާކަށް އެއްގޮތަކަށްވެސް ނޭންގެ، ހަދަންގެންނަ %90 ފޯނުތަކުން ޕޯންސައިޓުތަކަށް ވަދެފައިހުރޭ، ހައްލަކީ ހޭލުންތެރިކުރުވުން
އާދަނު33
23 February 2023
ދިވެހިންގެ އާބާދީގެ ބޮޑުބައެއް އެކައުންޓް ހުޅުވާފައޮންނަނީ ބީއެމްލްގައި. ގިނައީ ހަމަ ތަންދޮތުނުފިލާމީހުން ހެކަރުންގެ ޓާގެޓަކަށްވެފައިއޮންނަނީ އެމީހުން. ކޮންމެވެސއގޮތަކުން ޕާސވޯޑްހޯދަިގެން އެމީހުންއެވަންނަނީ.
ސީދާސަދާ
23 February 2023
އެއީ ބޭންކުގެ ތެރެއިން ލީކްވާ މައުލޫމާތު ބޭނުން ކޮށްގެން ހިންގާ ޖަރީމާއެއް. އެއްވެސް ހާސްކަމެއް ނެތި އެގުޅާލަނީ ބިދޭސީންގެ ނަމުގައި ނަގާފައި ތިބޭ ނަންބަރުތަކުން. ފުލުހަށް ނަންބަރުދިނަސް ލޮކޭޝަން ބެލެނީކީ ނޫން. ފުލުހުން މައްސަލަތައް ނޯޓުކުރަނީ ހަމައެކަނި އަހަރީ ރިޕޯޓަށް ބޭނުންވާ ސްޓެޓް ނެގުމަށް.
ތޮއިލާ
23 February 2023
އެތަނެއްގައި އުޅޭ ބަޔަކަށް އެތަނެއް ދަވާލަން އެންމެ މޮޅުވާނީ. މީގެ ކުުރީންވެސް އެތާ 2 މީހަކު ބައެއްގެ އެކައުންޓުން ފައިސާ ނަގައިގެން ފުލެޓް ގަނެފައިވޭ.
އެ ސޭޓް
22 February 2023
ހުސެން ބުނަންތަ، ޕީއޯއެސް މެޝިންބޭނުންކޮށްގެން ހިންގާ ކޮންމެ އެއް ލައްކަ ރުފިޔާއަކުން، މެޝިންގެ އެވްރެޖް ޗާޖަކީ 4،000.00ރ. ކޮންމެ މިލިއަން ރުފިޔާއަކުން 40،000.00ރ. ވިސްނާލާ، މުޅި ރާއްޖޭގައި ބޭނުންކުރާ ޕީއޯއެސް މެޝިންތަކަށް އެކަނި ކޮންމެ 24 ގަޑިއިރަކަށް ކިތަށް މިލިއަން ރުފިޔާ ބޭންކަށް ލިބޭނެ!
ދޮންކަބިލި
23 February 2023
ސޯވަޓް؟! އެއީ ބޭންކުތަކުގެ ބޭނުމަކީ. ހިލޭ އެއްވެސް ޙިދުމަތެއްނުދޭނެ އެއްވެސް ބޭންކަކުން. ދެން ޕީއޯއެސް ބޭނުންނުކޮށް ކޭޝް އެކަނި ނަގަންވީނު.
ސީޓްރެކް
22 February 2023
ބޭންކަށް އައިޓީ މަސައްކަތްކުރަން މިއަދު ނަގާ މީހާއަށް މާދަމާ ކަސްޓަމަރުންގެ ހުރިހާ މައުލޫމާތު ހުންނަ ޑޭޓާބޭސް އަށް ވަދެވޭ! އަނެއްކާ ބޮޑެތި އައިޓީ މަސައްކަތްކުރަން ކުރު މުއްދަތަށް ނަގާމީހުން ބޭންކުގެ އަގު ހިފާއްޓަން މަސައްކުރުމުގެ ބަދަލުގައި އުޅޭނީ، ނެގުނު ފައިދާއެއް ނަގަންނޫންބާއެވެ! އަނެއްކާ ވަކި ބަޔަކު އިސްވެ އޮވެ ވެރިކަމަށް އަންނަ ކޮންމެ ފަހަރަކު ބޭންކްގެ އަގު ވައްޓާލުމުގެ މަސައްކަތް މެކުހަށް ޖަހައެވެ! 2008 ގައި ވެރިކަމަށް އައިފަހަރު، އޭޓީއެމްތަކުން ވެސް އަންނަނީ، ވަގު ނޫޓޭކިޔައިގެން ވެސް އަޑުއެރުވިއެވެ! ދިވެހި ބޭންކް ބަނގުރޫޓުވޭތޯ ރާއްޖޭގައި ފުރަތަމަ ހުޅުވި ބޭންކުން އުޅޭނެކަމީ، ނުވުމަށްވުރެ ވުން ގާތްކަމެކެވެ!
ލޯލާލަލާލީލާ
22 February 2023
މަގޭ އެކައުންޓަކުން ނުގެއްލޭ އަދި ލޯލާރިޔެއްވެސް
ދަހިކޫދު
22 February 2023
ދީބަލަ ރުފިޔާކޮޅެއް
ހުސެންް
23 February 2023
އެކައުންޓުން ފައިސާ ދައުރު ނުވަންޏާ ކޮން ފައިސާއެއް ގެއްލޭނީ.