އިނގިރޭސި ވިލާތުގެ ކުރީގެ ރާނީ އެލިޒަބަތު 1972 ވަނަ އަހަރު ރާއްޖެއަށް ވަޑައިގަތް ދުވަހު މާލޭ މަގުމަތީގައި ދެ ކުއްޖަކު އިނގިރޭސި ވިލާތުގެ ދިދަ ހިފައިގެން -- ފޮޓޯ: ޖޯން ހޯލިޖް
03 މާޗް 2023 - 06:56
މީގެ ބައި ގަރުނު ކުރިން އިނގިރޭސި ވިލާތުގެ ކުރީގެ ރާނީ އެލިޒަބަތު ރާއްޖެއަށް ވަޑައިގަތް އިރު އެ ކަމަނާއާ އެކު ދަތުރުކުރި އިނގިރޭސި ސިފައިންގެ ތެރޭގައި ހިމެނުނު ޖޯން ހޯލީޖްގެ އުމުރުން 21 އަހަރެވެ. އެމްއެމްއެސް އަރެތޫސާގައި މިޑްޝިޕްމަން އަކަށް އޭރު އުޅުނު ހޮލީޖްގެ އެ ދަތުރަށް ފަހު މިހާރު އަނެއްކާވެސް ހުރީ ރާއްޖޭގަ އެވެ.
އަސްކަރިއްޔާއިން 2006 ވަނަ އަހަރު ރިޓަޔަކުރުމަށް ފަހު ޔޮޓެއް ގަނެ ދުނިޔެ ވަށައި ފެށި ދަތުރުގައި މިހާރު އޭނާ ހުރީ 51 އަހަރު ފަހުން އެނބުރި ރާއްޖެ އައިސް، ހއ. އުލިގަމު ބަނދަރުގައި އޮތް އޭނާގެ ޔޮޓްގަ އެވެ.
ރާނީ އެލިޒަބަތު ކޮމަންވެލްތު ގައުމުތަކަށް ކުރެއްވި ޒިޔާރަތުގައި މާޗް 13، 1972 ގައި ރާއްޖެއަށް ވަޑައިގަތް ދުވަހުގެ ހަނދާންތައް އާކުރަމުން ހޮލީޖް "މިހާރު" އަށް ދިން އިންޓަވިއުގައި ބުނީ އެއީ ވަރަށް އާދައިގެ ހިތްފަސޭހަ ދިރިއުޅުމެއްގައި ދިވެހިން އުޅުނު ދުވަސްވަރެއް ކަމަށެވެ.
"ރާނީއަށް ކީ ހޫނު މަރުހަބާ އާއި އާންމުން އޭރު އެ މީހުންނާ ލިބިފައި ހުރި ވަސީލަތްތަކާ އެކު ހިތްހަމަޖެހިގެން އެ އުޅުނީ ވަރަށް ސާދާކޮށް. ޒަމާނީ ގޮތްގަނޑެއް ނެތް،" އަންނަ މަހު 73 އަހަރު ފުރޭ ހޮލީޖް ފޯނުން ދިން ކުރު އިންޓަވިއުގައި ބުންޏެވެ.
އިނގިރޭސި ވިލާތުގެ ކުރީގެ ރާނީ އެލިޒަބަތު 1972 ވަނަ އަހަރު ރާއްޖެއަށް ވަޑައިގަތް ދުވަހު މާލޭ ބަނދަރުމަތީގައި ހަދާފައިވާ ގިޑިގެއެއް ކައިރީ އިނގިރޭސި ވިލާތުގެ ސިފައިން. -- ފޮޓޯ: ޖޯން ހޯލިޖް
ހޮލީޖްގެ ތާރީހީ ފުރަތަމަ ޒިޔާރަތުގެ ހަނދާން އާކުރަމުން ބުނީ އެ ދުވަހު މުޅި މާލޭގައި އިމާރާތްތައް ހުރީ "ހުދުކުލަ ލާފައި" ކަމަށެވެ. އެއީ ރަށުތެރެއަށް ދޮންވެލި ލައި، ފާރުތަކުގައި އުވަ ލައި ހުދުކޮށް ރާނީގެ ދަތުރުފުޅަށް ވެފައިވާ ތައްޔާރީގެ ވާހަކަ އެވެ.
މި ލިޔުމުގައި މި ހުރި ރާއްޖޭގެ އޭރު ފޮޓޯތަކަކީ ހޮލީޖް ރައްކާކޮށްގެން ގެންގުޅޭ ހާއްސަ ހަނދާންތަކެވެ.
"ދާ ކޮންމެ ތަނަކުން ކުލަ ވަސް ދުވަނީ ކީއްވެހޭ ރާނީ ސުވާލުކުރައްވާ ކަމަށް ބުނެ އަހަރެމެންގެ ތެރޭ އެ ވާހަކަ ޖޯކަކަށް ވެސް ހަދައިގެން އެތައް ދުވަހެއް ވަންދެން ކިޔައި އުޅުނު،" އޭރު ތިން ދުވަހަށް ރާއްޖެއަށް ކުރި ދަތުރުން ހަނދާން ހުންނަ އެއް ކަމަކީ ކޮބައިތޯ އެހުމުން ބުންޏެވެ.
އަސްކަރިއްޔާއިން 2006 ވަނަ އަހަރު ރިޓަޔާކުރި އިރު ނޭވަލް ކެޕްޓަނެއްގެ ގޮތުގައި ހުރި ހޮލީޖް ވަނީ ނޭވަލް އިޓަލީއަށް ކަނޑައަޅާފައި ހުންނަ ނޭވަލް އެންޑް އެއާ އަޓާޗޭގެ މަގާމާއި މޯލްޓާއަށް ކަނޑައަޅާފައި ހުންނަ ޑިފެންސް އެޑްވައިޒަރުގެ މަގާމު ވެސް އަދާކުރި އެވެ.
އިނގިރޭސި ވިލާތުގެ ކުރީގެ ރާނީ އެލިޒަބަތު 1972 ވަނަ އަހަރު ރާއްޖެއަށް ވަޑައިގަތް ދުވަހު ރާއްޖެ އައި އިނގިރޭސި ވިލާތުގެ ސިފައިންގެ ތެރޭގައި ހިމެނުނު ޖޯން ހޯލިޖް އޭނާގެ ހއ. އުލިގަމު ބަނދަރުގައި މިހާރު އޭނާ ދަތުރުކުރާ ޔޮޓްގައި.
މިހާރު ދުނިޔެ ވަށައި ބުރެއް ޖަހަން ކުރާ ދަތުރުގައި ހއ. އުލިގަމުގައި ހުރެގެން ހޮލީޖް ބުނީ އޭނާ އަދި މާލެއަށް އަންނާނެ ކަމަށާއި 1972 އިން ފެށިގެން މި ހޭދަވި ދިގު މުއްދަތުގައި ރާއްޖެއަށް އައި ބަދަލު ކިޔައިދޭން އެނގޭނީ އޭރުން ކަމަށެވެ.
"އެކަމަކު އުލިގަމުން ކީ މަރުހަބާ އަކީ 1972 ގެ ހަނދާންތައް އާކޮށްދިން ކަމެއް،" ދިވެހިންގެ މެހްމާންދާރީ ދެގޮތެއްނުވެ ދެމި އޮތްކަން ފާހަގަކޮށް އޭނާ ބުންޏެވެ.
އިނގިރޭސި ވިލާތުގެ ކުރީގެ ރާނީ އެލިޒަބަތު 1972 ވަނަ އަހަރު ރާއްޖެއަށް ވަޑައިގަތް ރަސްމީ ޔޮޓް އެމްއެމްވައި ބްރިޓޭނިއާ މާލޭ ބަނދަރުގައި. -- ފޮޓޯ: ޖޯން ހޯލިޖް
ރާނީގެ ދަތުރުފުޅުގެ ފްލީޓްގައި ހިމެނުނު ހޮލީޖް އެ ހަނދާންތައް އާކުރަމުން ބުނީ އޭނާ ރޯޔަލް ނޭވީގައި އޭނާ މެރިން އިންޖިނިއަ އޮފިސަރެއްގެ މަގާމާއި އެއާކްރާފްޓް ކެރިއަ އެޗްއެމްއެސް އިންވިސިބްލްގެ އިންޖިނިއަ އޮފިސަރެއްގެ މަގާމު ވެސް އަދާކުރި ކަމަށެވެ. އެއީ 1990ގެ ތެރޭ ބޯލްކަން ހަނގުރާމައިގެ ތެރޭގައި ވެސް އުޅުނު އުޅަނދެކެވެ.
އިނގިރޭސި ވިލާތުގެ ކުރީގެ ރާނީ އެލިޒަބަތު 1972 ވަނަ އަހަރު ރާއްޖެއަށް ވަޑައިގަތް ދުވަހު ރާއްޖެ އައި އިނގިރޭސި ވިލާތުގެ ސިފައިންގެ ތެރޭގައި ހިމެނުނު ޖޯން ހޯލިޖް އޭނާގެ ހއ. އުލިގަމު ބަނދަރުގައި މިހާރު އޭނާ ދަތުރުކުރާ ޔޮޓްގައި.
ހޮލީޖް އަސްކަރިއްޔާއިން ރިޓަޔާކޮށް ޔޮޓެއް ގަތުމަށް ފަހު، ހޫނު މޫސުމުގައި، މެޑިޓެރޭނިއަންގައި މިހާތަނަށް 10 އަހަރު ދަތުރުކޮށްފި އެވެ. އަދި ދުނިޔެ ވަށައި ބުރެއް ޖެހުމުގެ ދަތުރު 2016 ވަނަ އަހަރު ތުރުކީން އޭނާ ފަށައި މިހާރު ރާއްޖެ އައިސްފައި ވާއިރު ސުއެޒް ކެނަލުން ގޮސް އަލުން ތުރުކީއަށް ވަނުމުން އޭނާގެ ދަތުރުގެ ބުރު ހަމަވާނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ހަންނާނުގެމުންނާރު
08 March 2023
ކަންކަމާމެދު މީހުން ދެކޭގޮތް ކިހާ ތަފާތު ހެއްޔެވެ.؟ ބައެއް ގައުމުގައި ވިއްސަކަށް އަހަރު ވެރިކަން ކޮށްފިނަމަ އެއީ ޑިކްޓޭޓަރެކެވެ. އަނެއްބައި ގައުމުގައި މުޅި ޢުމުރު ވެރިކަމުގައި ހުއްޓަސް އެއީ މައްސަލައެއް ނޫނެވެ. އަދި ކީއްހެއްޔެވެ. އެއީ މާތްވެގެންވާ ބޭކަނބަލެކެވެ.
މޮހިތު
03 March 2023
އިނގިރޭސިން މިގައުމުން ނުފޭބިނަމަ މާރަނގަޅުވީސް، އޭރުން އިނގިރޭސި ޕާސްޕޯޓެއް ލިބޭނެތާ! މިހާރު އިންޑިޔާ ޕާސްޕޯޓް މިއޮތީ..!
ބޮއްލޮ
03 March 2023
ބައެއް ކޮމެންޓުތައް ކިޔާލީމަ މިހުންގެ ހަސަދަވެރިކަމާއި ހިތްދަތިކަން ފެނިގެން ދޭ. އެއީ ނުރަނގަޅު އަލާަމާތެއް. މައްސަލައެއް އެބަ އުޅޭ.
ފުޅިމަދު
04 March 2023
މުގާބޭގެ ހަބަރުގަ އޮންނަނީ ޑިކްޓޭޓަރެކޭ، އުފަންވިގޮތަކުން ތަހުތަށް ފުންމާލައިގެން 80-70 އަހަރު ދުއްވާލިމީހާ ވަނީ ކަމަނާފާނަކަށް. މިއިރު މުގާބޭގެ ވެރިކަމުގަ ނެތޭ ގައުމުތަކަށް ބޮންއަޅާ އެތައްލައްކަ ބަޔަކު މަރާ ޖެހުނު ގައުމެއް އަޅުވެތިކޮށް އާއިލާ އެންމެނަށް ކޮލިލައިގެން ބައިތުލްމާލު އޮއްސާފައެއް.
އައްޑޫ ބެއްޔާ
03 March 2023
ﷲ ނާސިރަށް ހެޔޮ ރަޙުމަތް ލައްވާށި. މަގު މަތީގައި ކޭބަލް ދަމާފައެއް ނެތް. އެ ހެރަ ފެންނަނީ ބޮކި ދަނޑި 1972ގައި ހުރި ކަން. ސިފައިންގެ މީހާ ފޮޓޯ ނަގާފައި ހުރީ ކުލަކޮށް ބާ؟ ކުލަ ނަމަ އެއީ ކޮޑެކް ކެމެރާއެއްބާ؟ އެއިރުގެ ކުލަ ފުލްމު ފީތާ އީސްޓްމަންއަކާ ވައްތަރު މިމީހާއަށް ޖުލައި 26ގައި ދައުވަތެއް ދޭން ފެނޭ މިހާރުގެ ޚަރަދުގައި މާލެ ގެންނަން
ދިއްދޫމީހާ
03 March 2023
ބޭބެމެން ރިޓަޔާ ކޮއްފާ ޖެހިގެން ހުރި ގެޔަވެސް ނުވަދެވޭ ބެއްޔާމެން ރިޓަޔާކޮއްގެން މުޅި ދުނިޔެ ވަށާ ބުރު ޖަހަނ
އިހްސާސް..
13 March 2023
އެއި އެގައުމުތަކުގަ ޕެންޝަން ފައިސާ ބޭނުން ކުރާ ގޮތުން.
20000
19 March 2023
ރާއްޖޭގެ ޕެންޝަން ފަންޑަކީ ވަޒީފާ އަދާ ކުރާ މީހުންނަށް ޖެހިފައިވާ ނޮހުރުއްޕާނެއް. ވަބާއެއް. މުޅިއުމުރުގައި ކުރި މަސައްކަތުން މުސްކުޅިވީމާ ދެނީ ހިތައް އެރިވަރެއް.
ބގބފބބގފގބ
03 March 2023
އެންމެ މަތީގަ އިން ފޮޓޯއިން އެ ފެންނަނީ މާލޭގެ ކޮން މަގެއްތަ؟
އޯކޭ
06 March 2023
މަޖީދީ މަގުގެ އިރުމަތި
އ
03 March 2023
އަހަރުމެން ރިޓަޔަރުކޮއްފައި ޖެހޭނެ ބުރެއް ނޯވެ... ފިހާރައެއްގެ ކުރިމަތީގައި ގޮޑިއަޅައިގެން އިންނަންޖެހޭނީ މަރުވެދަންދެން...
މުގުލަން
03 March 2023
އެހެން އެވަނީ އެމީހުންގެ ގައުމު މުއްސަދިވެފައި ލިބޭ މުސާރައާއި ދޭ އިނާޔަތްތައް ބޮޑުވީމަ ކަލޭވެސް އިނގިރޭސިއަކަށްވީނަމަ އުޅޭނީ އެހެން
ޝާހީދާ
03 March 2023
އަހަރުމެންގެ ޤައުމުގަ ކޮރަޕްޓެޑް ޕޮލިޓިކަލް ކެރިއަރ ފެށޭއިރު ބެކާރީއެއް ކޮންމެވެސް އިސް މީހެއްގެ ކުޑައިގެ ދަށުން ތާސްބައިގެ ރަނގަ ބަދަލު ކުރާހެން އެއިރަކު އޮތްނަ ވެރިކަމަކަށް ސަނާ ކިޔަމުން ގޮސް ސިޔާސީ މައިދާނުން ތަރިއޮއްސޭ އިރު އެކައުންޓްފުރި ވިޔަފާރި ތައް ފެށި ބޭރުޤައުމު ތަކާ ހުޅުމާލެ އިން ބިން/އެޕާރޓްމަންޓް ގަނެ މި ދުނިޔެ މަތީ އަރާމު ދިރިއުޅުން ފެށިފަ.ނިކަމެތި ރައްޔިތުން ދުނިޔޭގަ އަޖަލު ހަމަ ވަންދެން ލިބޭ މަދު އެތިކޮޅުން ދެ ކޮޅުޖައްސާލުން އޮތީ
އަންދަލޫސިޔާ
04 March 2023
އަވަހަށް ރިޓަޔަރމަންޓް ސޭވިންގސް އެކައުންޓަށް ފައިސާ ޖަމާކުރަންވީނުން. އޭރުން ތިކަން ވާނީ. މިހާރު ހުރިހާ ފައިސާއެއް ކައި ހުސްކޮށްގެން ފަހުން ޖެހޭނީ ގަނަތެޅެން.
ޝާހީދާއަށް
04 March 2023
މުއްސަނދިންގެ ދިރިއުޅުން ކީއްކުރަން ބަލަންވީ؟ އަޑުއަހާ ގޮތުންވިއްޔާ ސުވަރުގެ ވަންނަނީ ގިނައިން ފަގީރުން. އެއީ އެމީހުން މުއްސަނދިނުވީތީ ބޮޑަށް ދީންވެރިވެ އަޅުކަމުގަ އުޅުމުގެ ދޮރު ހުޅުވިފައިވާނެތީ. ދުނިޔެމަތީގަ މުއްސަނދިންނަށް ދެއްވާ ކަންކަމަކީ އިމްތިހާންތަކެއް ކަމަށް އޮންނައިރު އެއިމްތިހާންތައް ނުލިބި މަރުވުމުގެ ފަހުން ސުވަރުގެ ލިބުމަކީ މާ އުފާވެރި ގޮތެއް. ޔަގީނުންވެސް މަރު އެއީ ވާނެ އެއްޗެއް. ފަހު ދުވަހަށް ހަގީގަތުގަ ތައްޔާރުވާންވީ.
ކޮޔާ
03 March 2023
ތަފްސީލެއް ތޮޔަކު ނުހުންނާނެ އޭނާގެވެސް އަނދިރު ފަރާތެއްވޭ އެފަރާތުގެ ވާހަކަތައް އެނގޭ މީހުން ވަރަށް މަދުވާނެ
ކިރު ސައި
03 March 2023
ކަލޭގެ އަނދިފަރާތުގެ ވާހަކަވެސް ދައްކަބަލަ.
2023
03 March 2023
ޚޮލީޖު ނިކަން މާލެ ސަރަހައްދަށް ޖައްސާލަބަލަ.... ތަފާތު ފެންނާނެ..... ބޮއިހަލަކި
ދަގަތްފާނު
03 March 2023
ހާ މެޖެސްޓީ އިނގިރޭސި ޑިކްޓޭޓަރު ރާއްޖެ ވަޑައިގަތްއިރު ދިވެހިންނާ ސަލާންކުރިއިރު ހުރީ އަތަށް އަންގި އަރުވައިގެން.
ގުދުގުދާބެއްޔާ
03 March 2023
އެއީ އެމީހުންގެ ސަގާފަތް! އެފަދަ ރާނީން އުޅޭނީއެގޮތައް! ދުނިޔޭގެ ކަންކަމަށް ލޯ ނުހުޅުވި ތިބި މީހުންނަށް އިގޭނީ އަފްޢާނިސްތާން މީހުން އުޅޭގޮތް! އެމީހުންގެވިސްނުން ވެސް ހުރީ އަންހެނުންނަށް ކިޔަވައި ނުދިނުން! ރާއްޖޭގައިވެސް މިބައިގަނޑު އެބައުޅޭ!
ސާންޑު
03 March 2023
އަންގިއެރުވުން އެއީ މައްސަލައެއްނޫން.
ކެބެޖު
03 March 2023
އޭރު އިނގިރޭސިންކުރިމަތީ ދިވެހިންނަކީ ތާޑުވޯޑު ބަޔަކަށްވެފައި ސަލާންކުރުމުގެތެރޭ ބައްޔެއް އަރާފާނެކަމަށްބަލައި އަންގި ލައްވައިގެން ހުރުމަކީ މައްސަލައެއްނޫން.
އިބްރާހިމް52
03 March 2023
އަންގި އެރުވުން އެއީ އޭރުގައި އޮންނަ ފެޝަންއެއް
ބިލްބާއޯ
03 March 2023
ކަލޭވެސް އަންގިއަރުވައުގެން އުޅެބަލަ. ކާކުބުނީ އަންގި ނާރުވާށޭ.
އަލީ1
03 March 2023
އަންގި އެެރުވުން އެއީ ކޮން ހިސާބު ގަނޑެއްގައި ކިޔާ ގޮތެއްތަ؟. އަހަރުމެން ހިސާބުގައި ކިޔަނީ އަންގި ލެއްވުން ނުވަތަ އަންގި ތުރުކުރެއްވުން. ރާނީ އަންގި ތުރުކުރައްވައިގެން ސަލާމް ކުރެއްވުން އެއީ މައްސަލައެއް ކަމަކަށް ނުފެނޭ.
ހަރުމެޖެސްޓީ
03 March 2023
އަންގިލެއްވުމަކީ އެއީ އިނގިރޭސި ޝާހީއާއިލާގެ އަންހެންވެރިން އޭރު އަޅާ ހެދުމުގެބައެއްް އިގިރޭސި ވިލާތުގަވެސް ބޭރަށް ނުކުންނާނީ އަންގި ލައްވައިގެން އެކަމަކު އިގިރޭސިން މުއްސަދިވީ އެމީހުން އަޅުވެތިކުރި ގައުމިތަކުން ވަގަށްގެންދިޔަ ފައިސާއާއި ޖަވާހިރާ މައުދަން ވިއްކައިގެން
ދޯޕައްޓާ
03 March 2023
ވެދާނެއެއްނު އެއީ ސިގެއްލާ ދުވަސްވަރުކަމަށްވެސް.