ޚަބަރު / އާބަންކޯ

ހުޅުމާލެ 2 ގައި ހަދާ ހަތްވަނަ މިސްކިތް އަޅަން ހަވާލުކޮށްފި

ހުޅުމާލެ 2 ގައި ހަދާ ހަތްވަނަ މިސްކިތް އިމާރާތްކުރުމަށް ބަޔަކާ ހަވާލުކުރުމަށް ބޭއްވި ރަސްމިއްޔާތު.-- ފޮޓޯ: އާބަންކޯ

އިފްރާޒް އަލީ، މިހާރު

11 އެޕްރީލް 2023 - 17:02

10 comments

ހުޅުމާލެ ދެވަނަ ފިޔަވަހީގައި ހަދާ ހަތް ވަނަ މިސްކިތް އިމާރާތްކުރަން ބަޔަކާ މިއަދު ހަވާލުކޮށްފި އެވެ.

އާބަންކޯގެ ބަޔާނެއްގައި ބުނީ ހުޅުމާލެ 2 ގައި އިތުރު މިސްކިތެއް އިމާރާތް ކުރުމަށް އިންޓަނޭޝަނަލް ޗެއިން މޯލްޑިވްސް ޕްރައިވެޓް ލިމިޑެޓާއެކު އެއްބަސްވުމުގައި ސޮއިކޮށްފައިވާ ކަމަށެވެ. އެ އެއްބަސްވުމުގައި ސޮއިކުރީ މިއަދު އާންބަކޯގެ އޮފީހުގައި ބޭއްވި ހާއްސަ ރަސްމިއްޔާތެއްގައި ކަމަށް ވެސް އެ ބަޔާނުގައި ބުންޏެވެ.

އެ އެއްބަސްވުމުގައި އާބަންކޯގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އާތިފެވެ. އަދި އިންޓަނޭޝަނަލް ޗެއިން މޯލްޑިވްސްގެ ފަރާތުން ސޮއިކުރެއްވީ މެނޭޖިން ޑިރެކްޓަރު މުހައްމަދު ފަޔާޒެވެ.

އެ މިސްކިތް އިމާރާތް ކުރާނީ ހުޅުމާލޭ 2ގެ ލޮޓް ނަންބަރު 20،243 ގަ އެވެ. އެއީ 11،643.74 އަކަފޫޓުގެ ބިމެކެވެ. ތިން ފުލޯއަށް ހަދާ އެ މިސްކިތުގައި 521 މީހުންގެ ޖާގަ އޮންނާނެ އެވެ.

މި މަސައްކަތަށް ހޭދަކުރަނީ ކިހާ ފައިސާއެއް ކަމެއް އެ ކުންފުނިން އަދި ނުބުނެ އެވެ.

އާބަންކޯ އިން ބުނި ގޮތުގައި، މިއަދު ސޮއިކުރި އެއްބަސްވުމާއެކު، ހުޅުމާލެ 2 ގައި ޖުމްލަ ހަތް މިސްކިތެއް އިމާރާތްކުރަން މިހާރު ހަވާލުކޮށްފައިވެ އެވެ. އަދި އޭގެ ތެރެއިން ގިނަ މިސްކިތްތަކުގެ އަމަލީ މަސައްކަތް މިހާރު ވަނީ ފަށައިފަ އެވެ.

ހުޅުމާލެ 2 ގައި ވަގުތީ ދެ މިސްކިތުގެ އިތުރުން ދާއިމީ އެއް މިސްކިތް މިހާރު ހުރެ އެވެ.

އާބަންކޯ އިން ބުނީ ހުޅުމާލެއަކީ އެ އަވަށުގައި ދިރިއުޅޭ ހުރިހާ މީހުންނަށާއި އެކި ބޭނުންތަކަށް ހުޅުމާލެއަށް ޒިޔާރަތް ކުރާ މީހުންނަށް ބޭނުންވާނެ ހުރިހާ ބެނުންތަކެއް ހިމެނިގެން ތަރައްގީކުރެވޭ ރަށަކަށް ހެދުމަށް ގިނަ މަސައްކަތްތަކެއް ކުރަމުން އަންނަ ކަމަށެވެ.

ހުޅުމާލެ މިސްކިތްތައް ހުޅުމާލޭ ދެ ވަނަ ފިޔަވަހި އާބަންކޯ

10 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަދީފްއޮފިޝަލް

12 April 2023

''ތިން ފުލޯއަށް ހަދާ އެ މިސްކިތުގައި 521 މީހުންގެ ޖާގަ އޮންނާނެ އެވެ.'' އަދަދު ވަރަށް މަދު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޟއަލީ

12 April 2023

އަނެއްކާ ޓިނުންތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަންގަނާ

12 April 2023

ކީއްވެ އެސްޖޭ ކޮންސްޓްރަކްޝަން އާއި ހަވާލު ނުކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާގަ

12 April 2023

11 ހާސް 6 ސަތޭކަ އަކަފޫޓުގަ 3 ބުރި މިސްކިތެއް އެޅީމަ 500 މީހުންގެ ޖާގަ ލިބެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

12 April 2023

ސަރުކާރުން އަޅާ އެއްވެސް މިސްކިތެއް ނިމިއްޖެތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަހޭބެ

12 April 2023

މާތްﷲގެ މަގުގައި މިސްކެތެއް ބިނާކުރުމަަކީ ވަރަށް މަތިވެރިކަމެއް. ކޮންމެބަޔަކު ކުރިކަމުގަ ވީނަމަވެސް އާބަންކޯއިން ހަވާލުކުރާ ބިމުގަ މިސްކިތެއް ބިނާކުރެވުނީމަ މިސްކިތުގެ ބޭނުން ހުޅުމާލޭގެ ރައްޔިތުންނަށް ކުރެވޭނެ. ދެފާރާތުން ތިކުރާ މަތިވެތި މަސައްކަތް ކާމިޔާބު މިންވަރުކުރައްވާށި. އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

12 April 2023

މިއަކީ ރަނގަޅު ބިޑިންގ ޕްރޮސެސް އަކުން އިންސާފުވެރިކަމާއިއެކު އެވޯޑް ކުރެވުނު ކޮންޓްރެކްޓެއްބާ. ދުވަހަކު އަޑުއެހި ނަމެއްވެސްނޫން. ކިހާ ތަޖުރިބާއެއްހުރި ބައެއްބާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

12 April 2023

ތިޔަކަންކުރެވޭވަރު ބޔަކާތަ ތިޔަހަވާލުކިރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

11 April 2023

ތިރަށުގައި އަޅާ މިސްކިތް ތައް 3 ބުރިއަށް އިމާރާތްކޮށް ތިރީ ބުރީގައި އެއްކޮށް ސައިކަލް ޕާކް ކުރެވޭގޮތަށް މިސްކިތްތައް ޑިޒައިން ކުރާކަށް ނުވިސްނަންތޯ؟ އަދި ސޯޝަލް ހައުސިންގ ފްލެޓްތައް ކައިރީގައި ހުންނަ މިސްކިތް ތަކަކީ ކޮންމެހެން ވަކިން ހުންނަ އިމާރާތެއްގެ ގޮތަށް ހެދުމުގެ ބަދަލުގައި ފްލެޓްގެ 1 ފްލޯގެ ބައެއްގެ ގޮތުގައި ކަޑައަޅާ އެފަދަ މިސްކިތްތަކެއް ތައާރަފް ކުރުން ވަރަށް މުހިންމު.