މާރާމާރީ ހިންގި މައްސަލައަކާ ގުޅިގެން ފައިހް ހޯދަން ފުލުހުން އާންމުކުރި ފޮޓޯ
20 އެޕްރީލް 2023 - 07:58
4 comments
މިދިޔަ ފެބްރުއަރީ މަހު މާލޭގައި ހިންގި ސިލްސިލާ މާރާމާރީތަކުގައި މީހަކަށް ހަމަލާ ދިނުމަށް ފަހު ފިލައިގެން މަސް ދުވަހު އުޅުމަށް ފަހު އަމިއްލައަށް ފުލުހުންނާ ހަވާލުވި އިބްރާހިމް ފައިހް ނިޒާމްގެ މައްޗަށް މި ފެށޭ ހަފްތާގައި ދައުވާކުރަން ކޯޓަށް ހުށަހަޅާނެ ކަމަށް ބުނެފި އެވެ.
އުމުރުން 25 އަހަރުގެ ފައިހް މިދިޔަ މަހުގެ 21 ވަނަ ދުވަހު އަމިއްލައަށް ފުލުހުންނާ ހަވާލުވި ފަހުން ހުންނަނީ ބަންދުގަ އެވެ. ބަންދުގެ މުއްދަތު ހަމަވާތީ އިއްޔެ ކްރިމިނަލް ކޯޓަށް ހާޒިރުކުރުމުން ހަތް ދުވަހުގެ މުއްދަތެއް އިތުރުކޮށް ނެރުނު އަމުރުގައި ބުނެފައިވަނީ މި ހަފްތާގައި ދައުވާކުރަން ކޯޓަށް ހުށަހަޅޭނެ ކަމަށް ދައުލަތުން ބުނެފައިވާ ކަމަށެވެ.
އަމުރުގައި ބުނެފައިވާ ގޮތުން ފައިހް އަށް ކުރާ މާރާމާރީ ހިންގުމުގެ ތުހުމަތުތަކަށް ބާރު ލިބޭ މިންވަރަށް ފުލުހުން ވަނީ ކޯޓަށް ހެކި ހުށަހަޅައިފަ އެވެ. އޭގެ ތެރޭގައި މަންޒަރު ފެނުނު މީހުންގެ ބަޔާނާއި އަނިޔާ ލިބުނު މީހާގެ ބަޔާނާއި ވީޑިއީ/އިމޭޖް އެނަލިސިސް ރިޕޯޓް ހިމެނެ އެވެ. އަދި ފައިހް އަކީ މީގެ ކުރިން ވެސް މި ބާވަތުގެ ކުށްތައް ކުރާ މީހެއްކަމުގެ ހެއްކެއް ގޮތުން ކުރީގެ ކުށުގެ ރެކޯޑްތައް ވެސް ހުށަހަޅާފައިވެ އެވެ.
ފައިހްގެ ބަންދުގެ މުއްދަތު އިތުރުކޮށްދޭން ނިންމުމުގައި، އޭނާ ދޫކޮށްލައިފި ނަމަ ހެއްކަށް ނުފޫޒު ފޯރުވައި ހެކި ނައްތާލަފާނެ ކަމުގެ ފުރުސަތު އޮތުމާއި މުޖުތަމައުގެ ސަލާމަތަށް ނުރައްކާވުމަށް ވަނީ ރިއާޔަތްކޮށްފަ އެވެ.
ފެބްރުއަރީ މަހު މާލޭގައި ހިންގި މާރާމާރީތަކުގައި މީހަކު މަރާލާފައި ވެސް ވެ އެވެ. އޭރު ހިންގި މާރާމާރީތަކަށް ފަހު ފިލައިގެން އުޅުނު މީހުން ހޯދަން ފުލުހުން ވަނީ އޮޕަރޭޝަންތަކެއް ހިންގައިފަ އެވެ. ފައިހް ހޯދަން ކުރި މަސައްކަތުގައި މާލޭގައި ކުށް ކުރުމުގައި އިސްކޮށް އުޅޭ ބައެއް މީހުން ވެސް ފުލުހުންގެ ބެލުމުގެ ދަށަށް ގެންދިޔަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓާރ. ބަނާނާ
20 April 2023
ތިޔާ ކުދިންކޮޅު އަނެއްކާވެސް ޖަލަށް ލުމުން އިތުރަށް ގޯސްވެ ބޭބެ މެންގެ އެކައުންޓް ގައި ހުންނަ ފައިސާކޮޅު ގެންދަނީ. އައްޑޫ އަތޮޅު މަގުތަށް ހަދަން ބުރަ މަސައްކަތާއި އެކު މާލެ ނާދެވޭހެން ލަކުޑި ބޯޓަކަށް އަރުވާފަ ރަށު ބަންދަށް ފޮނުވާލާ. ޢީދު މުބާރަކު!
ވަހީދުބެ
20 April 2023
އައްޑޫގައި ނޫނީ ތިލަދުންމަތީގައި ނަން އޮތަސް ވިހައިބޮޑުވީ މާލޭގައޭ.
ގޫ ބައިޑަން
20 April 2023
ޗައިނާ އިން ބްރިޖް އަޅައިލީ ޖަލުން ކުދިން ކޮޅެއް ގެނެސް ގެނޭ ބުނާތި އަޑޫއިވޭ..ރަގޅު މުސާރައެއް ދީފަ ޖަލުން ކުދިން ކޮޅެއް ލައްވާ ކުރުވަން ރަގަޅު މަސައްކަތެއް،
ގެދާނޯމޮސް
20 April 2023
ބެލުމުގެ ދަށައް ގެނެވޭ އެންމެ ނިކަމެތި މީހާނޫނީ ދެންތިބޭ ސިޔާސީ މާލޭކުދިން ގެ މައުލޫމާތު ފޯރުކޮށްދޭން ބަޔަކު ތިބެނީ ބިރުންނެވެ. ނޫންނަމަ މީހަކު މަރާފަ ހުންނަ މީހުން ދައުލަތަށް ލިބިދީގެން ވާބާރުގެ ދަށުން މިނިވަން ނުކޮށް ދޭނެއެވެ.