ފެން ކޮތަޅުން ސަލާމަތްވާން އުޅެނިކޮށް ސައިކަލުން ވެއްޓުނު ޒުވާނާ ހޮސްޕިޓަލަށް ގެންދަން އެމްބިއުލާންސް އަށް އަރުވަނީ.-- ފޮޓޯ: ސޯޝަލް މީޑިއާ
23 އެޕްރީލް 2023 - 13:18
19 comments
ފުވައްމުލަކުގައި ފެން ކޮތަޅަކުން ސަލާމަތްވާން އުޅުމުގެ ތެރޭގައި ސައިކަލުން ވެއްޓި ހާލު ސީރިއަސްވި ޒުވާނާ އިތުރު ފަރުވާ އަށް ރޭ މާލެ ގެނެސްފި އެވެ.
އެ ތަނުގެ ސިޓީ ކައުންސިލްގެ މެމްބަރަކު ވިދާޅުވީ 20 އަހަރުގެ އަންހެނަކަށް އަނިޔާވީ މަގުމަތީގައި ފެން ޖަހަން އުޅުނު ބައެއްގެ ކައިރިން ނެއްޓުމަށް ސައިކަލު ބާރު ކޮށްލިތަނާ ވެއްޓިގެން ކަމަށެވެ. އެ ވަގުތު، ސައިކަލު ފަހަތުގައި އިތުރު މީހަކު އިނަސް، އޭނާއަށް މާ ބޮޑު އަނިޔާއެއް ނުލިބޭ ކަމަށް އޭނާ ވިދާޅުވި އެވެ.
ރަށުގެ އުތުރުކޮޅުގެ ދަނޑިމަގުފަންނުގައި މެންދުރުފަހު އެ ހާދިސާ ހިނގުމާއެކު އިތުރު ފަރުވާ ދިނުމަށް ހޮސްޕިޓަލަށް ގެންދިޔަ އެވެ.
ހޮސްޕިޓަލްގެ މެނޭޖަރު މުހައްމަދު ލިރާރު ވިދާޅުވީ ޒަހަމްވި މީހާ އެ ތަނަށް ގެންދިޔައިރު ވެސް ނޭފަތުންނާއި ކަންފަތުން ލޭ އަންނަ ކަމަށެވެ. ބޮލަށް ވެސް އަނިޔާތަކެއް ވެފައިވާތީ، އިތުރު ފަރުވާ އަށް މާލެ ފޮނުވާލީ ކަމަށް ލިރާރު ވިދާޅުވި އެވެ.
އޭގެ ފަހުން ހިނގި އެހެން އެކްސިޑެންޓެއްގައި 61 އަހަރުގެ މީހަކަށް ވެސް ވަނީ އަނިޔާވެފަ އެވެ. ސައިކަލާއި ޕިކަޕެއް ޖެހި ހިނގި އެކްސިޑެންޓުގައި އެ ފިރިހެން މީހާގެ ބޮލަށް އަނިޔާވުމުން އިތުރު ފަރުވާއަށް ވަނީ އައިޖީއެމްއެޗަށް ބަދަލުކޮށްފަ އެވެ.
ލާމިރު ވިދާޅުވީ އެ ދެ މީހުން ފޮނުވާލީ އާސަންދައިން ހަމަޖެއްސި ޗާޓާ ފްލައިޓެއްގަ އެވެ.
"ސީޓީ ސްކޭނެއް ހަދައި، ނިއުރޯސާޖަން އެއްގެ އެހީތެރިކަން ބޭނުންވާނެ ކަމަށް ޑޮކްޓަރު އެންގުމުން ފޮނުވާލީ." އޭނާ ވިދާޅުވި އެވެ.
އީދު ފާހަގަކުރުމަށް ފެން ޖެހުމުގެ ތެރޭގައި މީގެ ކުރިން އެކި ހާދިސާތައް ހިނގާފައި އެބަހުއްޓެވެ. ފުވައްމުލަކުގައި ވެސް ފެން ކޮތަޅުން ނެއްޓުމަށް މަސައްކަތްކުރުމުގެ ތެރޭގައި ނުރައްކާތެރި ހާދިސާއެއް ހިނގިއިރު، އެ ކައުންސިލުން ވަނީ ފެނާއި ކުލަ ޖެހުމުގައި މީހުންގެ ކަރާމާތަށް އުނިކަން އަންނަ ގޮތަށް އަދި މަގުން ހިނގާ ބިގާވެ އުޅޭ މީހުންނާއި މަގުން ދުއްވާ އުޅަނދުތަކަށް ގެއްލުމެއް ނުވަތަ އަނިޔާއެއް ކުރިމަތިވެދާނެ ފަދަ ގޮތަކަށް އެއްވެސް ކަމެއް ނުކުރަން އިލްތިމާސްކޮށްފަ އެވެ.
މިިދިޔަ ބުދަ ދުވަހު ނެރުނު އެންގުމުގައި ވަނީ ދީނީ އަދި އިޖުތިމާއީ މިންގަޑުތަކާއި އެއްގޮތަށް އެންމެން އަމަލުކުރުމަށް ވެސް އެދިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިދޫ
24 April 2023
ޖާހިލު އާދަކާދައެއް ތި ފެންކުޅި ކުޅުމަކީ... މަގުމަތީގަ ދުއްވާ އެއްޗެހީގަ އުޅޭއިރު، ކުރުން މަނާކުރަންޖެހޭ. މިއަށް ވުރެ މުޖްތަމައު ތަހުޒީބުވާން ވެއްޖެ!
ހޯޑެއްދޫ
24 April 2023
ފެނަށް ޖެހިފަ އޮތް އިރެއްގައި ފެން ކުޅި ކުޅުން ބަލައެއްނުގަނެވޭ
ބިންބި
23 April 2023
ދުވަސްވާވަރަކަށް ނާތަހުޒީބު
ވާދޫ މޯޑް
23 April 2023
މިއީ ދީނީ ކަމެއް ނޫން. ހުއްޓާލަން ޖެހޭ ކަމެއް. އީދު ދުވަހު ނޯވޭ ދީނުގައިވާ ގޮތަށް މަގުމަށްޗަށް ނުކުމެވޭކަށް. މިއީ ސަރުކާޜުން ކުރުވާކަމެއް.
ކުރުސީދީ
23 April 2023
ކޮބާ ހަސަން ކުރުސީ.. އީދުގަ ފެންޖެހުލެއް މަދުކަމަށް ޓްވީޓެއް ކޮށްލާކަށް ނުވޭތަ.
2000
24 April 2023
ކުރުސީގެ ނޮހުރުޕާން ބޮޑުވެގެން މިއުޅެނީ ޕާޓީގަނޑުވެސް ނުހިންގިގެން. އޭނާ އަށް އިތްޒަތް ދީފައި އިންއިރުވެސް މަޑުން ހުރެވެނީކީ ނޫން.
ހިޔަޅު
23 April 2023
ތިކަން ހުއްޓޭހަށް ނެތް. ފުލުހުންގެ ބެލެނިވެރި މީހާވެސް ފެންކޮތަޅު ހިފައިގެން ބެލްކަނީ ގައި ހުއްޓާ ދުށިން
ބާރެއްނެތް
23 April 2023
ޢީދު ހެދުން ދަރިފުޅަށް ގަތްދިނީ ގާތްގަޑަކަށް ހާހެންހާ ރުފިޔާއަށް, މަގުމަތިން ދަނިކޮށް ކުލަޖަހާ ހެދުން ޚަރާބް, އެކަން ނުކުރުމަށް ބުނުމުންވެސް ކުލަޖެހީ, އެޖެހި ކުއްޖާ ހޯދާ ހެދުން ގަތްދޭށޭ ނޫނީ އަނގުދޭށޭ ދަރިފުޅު ބައްޕް ގުޅާފަ ބުނުމުން ބުނީ ބެޭބޭ ދެން ނުގުޅާތި, މާރީއްޗެއް ނުވާނެ, ފަހުން އެނގުނީ އެތިކޮޅެއް ބޯލާގެއް އުޅޭ 20 އަހަރުގެ ބާރުގަދަ ޒުވާެނެއްކަން. ވ. ދެރަ,
ކަލަރ ރަން
23 April 2023
ކުރިން ރާއްޖޭގައި އީދުދުވަސް ދުވަހު ޖަހަނީ ހަމަައެކަނި ފެން. ކުލަ ގިރުވައިގެންނެއް ނުޖަހާ. ކުލަޖެހުން މިއީ ތަންކޮޅެއް ފަހުން ފެށިގެން އުޅޭކަމެއް.
އަހުމަދުއަލޯ
23 April 2023
ފެން ޖަހަން އުޅުނު މީހުނަށް ދައުވާ ކުރަން އެބަ ޖެހޭ. ކަމާ ނުބެހޭ މީހުން ގަޔަަށް އެއްޗެހި އުނކިގެން ނުވާނެ. އަދި އަމުދުން ދުއްވާފަ ދާ ސައިކަލަކާ ދިމާލަށް އެއްޗެހި އުނކިގެން ނުވާނެ.
ފުވަމުލަކު މޭރީ
24 April 2023
ކަލޯ އެގޮއްޔެވެސް ސައިކަލުގަ ނިކުމެ އުޅުނީ ފެންކުޅިކުޅެން ވަންޏާ ދެން ކާކު ކުށްވެރިވަނީ؟
ޖިކް
23 April 2023
އީދަކީ ދީނުގާ އަންގްވާފައިވާ މތިވެރި އިސްލާމީ ޝިއާރެއް. ދެން ކީއްކުރަންތަ ފެން އިސްރާފު ތި ކުރަނީ. ނިއުމަތުގަ ކޮޅުފައިން ޖަހަންވީ ދުވަހެއް ނޫން އީދަކީ
ދަލޭކަ ދައިތަ
23 April 2023
ފެންކުޅި ކުޅެން ބޭނުންވާ ފަރާތްތަކަށް ޚާއްސަކޮށް، ކޮންމެ ރަށެއްގައިވެސް ވަކި ސަރަހައްދެއް ކަޑައަޅައި ފެންކުޅި ކުޅެވޭނެ ދުވަހާ ވަގުތު ކަޑައަޅާ އެނޫންތަންތާ ފެންޖެހުން މަނާކޮށް އަދަބު ކަޑައަޅަންޖެހޭ. އެންމެންނަކީ ފެންކުޅި ކުޅޭބައެއްނޫންވީމަ އެފަދަ ފަރާތްތަކަށްވެސް ހަމަޖެހިލައިގެން މަގުމަތީ އުޅެވޭނެގޮތެއް. ފެންކުޅިއޭ ކިޔާފައި ޖަހާފާނެ ކޮންމެފަދައެއްޗެއްވެސް. ހަސަދަ ފިލުވާލަން ކަޅުތެޔޮވެސް ޖަހާފާނެ. މިހާރުމީ ކޮންމެފަދަކަމެެއްވެސް ހިގާފާނެ ރާއްޖެއެއް.
20000
24 April 2023
ކުމުންދޫ ގާކޮޅު ގޮތައް