ދިވެހި ފުލުހުންގެ ހިދުމަތަށް 90 އަހަރު ފުރުމުގެ މުނާސަބަތުގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަ ދައްކަވަނީ-- ފޮޓޯ: ރައީސް އޮފީސް
29 އެޕްރީލް 2023 - 22:16
7 comments
ފުލުހުންގެ ތަހުގީގު ލަސްވެގެން ސުވާލު އުފެދިދާނެ ކަމަށާއި ބައެއްފަހަރު ތަހުގީގުތަކަށް ވަގުތު ނެގިޔަސް އިންސާފު ގާއިމުކުރެވޭ މިންވަރަށް ތަހުގީގު ފުރިހަމަ ކުރުމަކީ އަދުލު އިންސާފު ގާއިމުކުރަން ކޮންމެހެން ކުރަންޖެހޭ ކަމެއް ކަމަށް ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
ފުލުހުންގެ ހިދުމަތަށް 90 އަހަރު ފުރުމުގެ މުނާސަބަތުގައި މިރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ ފުލުހުންގެ ތަހުގީގުގެ ހޯދުންތައް އާންމު ނުކުރާތީ ނުވަތަ ތަހުގީގު ކުރިއަށްދާ ގޮތް ނޭނގިގެން ވެސް ސުވާލު އުފައްދަފާނެ ކަމަށެވެ. އެކަމަކު އެމަނިކުފާނު ގަބޫލުކުރައްވާ ގޮތުގައި ބައެއް ފަހަރު ތަހުގީގެއް ލަސްވުމަކީ އެ ތަހުގީގެއް ބަލިކަށިވާ ކަމަކަށް ނުވެދާނެ ކަމަށް ވިދާޅުވި އެވެ.
"އަޅުގަނޑު ގަބޫލުކުރާ ގޮތުގައި ފުލުހުންގެ ތަހުގީގުތައް ކުރިއަށް އެ ގެންދަވަނީ ޕްރޮފެޝަނަލިޒަމްގެ އެންމެ މަތީ މިންގަނޑުގައި. ވަގުތު ނެގިޔަސް، އިންސާފު ގާއިމުކުރެވޭ މިންވަރަށް ތަހުގީގު ފުރިހަމަ ކުރުމަކީ، އަދުލު އިންސާފު ގާއިމުކުރުމަށްޓަކައި ކޮންމެހެން ކުރަންޖެހޭ ކަމެއް،" ދިވެހި ފުލުހުންގެ ހިދުމަތަށް ފުރިހަމަ އިތުބާރާއި ޔަގީންކަން އޮތްކަން ފާހަގަކުރައްވަމުން ރައީސް ވިދާޅުވި އެވެ.
President @ibusolih attended the official ceremony held to mark the 90th anniversary of @PoliceMv. At the ceremony, he presented plaques of appreciation to long-serving employees and those who had significantly contributed to the organisation.#MPS90thAnniversary pic.twitter.com/uQQ0E0crWB
— The President's Office (@presidencymv) April 29, 2023
ރައީސް ވިދާޅުވީ ކުށަކީ މިހާރު އިމްޕޯޓްކޮށް، އެކްސްޕޯޓް ވެސް ކުރެވޭ އެއްޗެއް ކަމަށާއި އެއް ގައުމެއްގައި ހުރެގެން، މާ ދުރުގައި އޮންނަ އެހެން ގައުމެއްގައި ޖަރީމާއެއް ހިންގުމަކީ ވެސް މިޒަމާނުގައި ކުރެވިދާނެ ކަމެއް ކަންތައް ކަމަށެވެ. ބޯޑަރުތަކާއި ސަރަހައްދީ އިމަކީ ކުށްވެރިން ދަންނަ އެއްޗެއް ނޫން ކަމަށާއި އެހެންވެ، ދިވެހި ފުލުހުންގެ ކަޅިތައް ރާއްޖެ ނޫން ހިސާބުތަކަށް ވެސް އަމާޒުކުރަންޖެހޭ ކަމަށް އެ މަނިކުފާނު ވިދާޅުވި އެވެ.
"ދިވެހިރާއްޖެ އާއި ރާއްޖޭގެ ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށްޓަކައި، ރާއްޖޭގެ ގަސްކަރަ ނުފެންނަ ހިސާބުން މާ ދުރަށް ދިވެހި ފުލުހުންގެ ލޯތައް މިއަދު ހުޅުވަންޖެހޭ،" ރައީސް ވިދާޅުވި އެވެ.
ދިވެހި ފުލުހުންގެ ހިދުމަތަށް 90 އަހަރު ފުރުމުގެ މުނާސަބަތުގައި ބޭއްވި ޖަލްސާގައި ރައީސް އިބްރާހިމް މުހައްމަދު ސޯލިހު ވާހަކަ ދައްކަވަނީ-- ފޮޓޯ: ރައީސް އޮފީސް
ރައީސް ވިދާޅުވީ ދިވެހި ފުލުހުންނަކީ ބައިނަލްއަގްވާމީ މުޖުތަމައުގައި ހިނގާ އޮއިވަރުތަކަށް ހޭލާއި ތައްޔާރީ ހާލަތުގައި ތިބި ބައެއް ކަމަށެވެ، އިންޓަޕޯލްފެ ޕިކްސްޑް ނެޓްވޯކް ޑޭޓާބޭސް އާއި ރާއްޖޭގެ ބޯޑަރު މެނޭޖްމަންޓް ސިސްޓަމް 2019 ގައި ގުޅާލާފައިވާއިރު 2020 ގައި ވަނީ ފުލުހުންގެ ހިދުމަތުގައި ބޭނުންކުރާ އިންފޮމޭޝަން ސިސްޓަމް ވެސް އިންޓަޕޯލްގެ ޑޭޓާ ބޭސްއާ ގުޅާލާފައި ކަމަށެވެ.
އޭގެ ސަބަބުން ގިނަ ފައިދާތަކެއް ރާއްޖެއަށް އަދި ބައިނަލްއަގްވާމީ މުޖުތަމައަށް ވެސް ލިބިގެންދާނެ ކަމަށް ރައީސް ވިދާޅުވި އެވެ. އޭގެ ތެރޭގައި ރާއްޖެއަށް އެތެރެވާ އަދި ބޭރުވާ ކޮންމެ ފަސިންޖަރެއްގެ މައުލޫމާތު، އިމިގްރޭޝަންގެ ބޯޑާ ކޮންޓްރޯލް ސިސްޓަމް މެދުވެރިކޮށް އިންޓަޕޯލްގެ ޑޭޓާބޭސްތަކުން ޗެކްކުރެވެ އެވެ. އަދި ފުލުހުންގެ ފްރަންޓްލައިން އޮފިސަރުން ބަލައި ފާސްކުރާ އެއްވެސް މީހެއްގެ މައުލޫމާތު، އިންޓަޕޯލްގައި ހުރި ނަމަ އެ މައުލޫމާތެއް ވެސް، އެ ނިޒާމުގެ ތެރެއިން ދިވެހި ފުލުހުންނަށް ފެންނާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
30 April 2023
ދިވެހި ރައްޔިތުން މިހާރު އެންމެބޮޑަށް އިންތިޒާރުކުރާ ކަމަކީ ބޭޅާގެ ދައުރު ހަމަވުމަށްއޮތް 4 މަސްދުވަސް ތަންކޮޅެއް އަވަސްވުމަށް އެދޭ އެދުމާއި ތިބޭޅާ ވެރިކަމުން "ވައްޓާލުމަށްޓަކާ" ރައްޔިތުންގެ އަތަށް ވޯޓް ގައި ފާހަގަ ޖަހާން ލިބޭ ފުރުސަތު ލިބުން އަވަސްވުން. # ދިވެހި ބަސްތަކުގެ ތެރެއިން "އަންނަނީ" ކޮށްދޭނަން "ފައްޓަނީ" ގެންނާނަން ފަދަ އެތައް ބަހެއް ބޮޑު ޖޯކް ތަކެއްގެ ގޮތަށް ކިޔާއުޅެނީ ތިބޭޅާގެ "ކާޓޫނު" ސަރުކާރުގެ ސަބަބުން ކަމެއް ނޭގޭތަ؟!
ސައިޚް
30 April 2023
ކޮފީ ސަމުސާ އޮފީހުންނެގި މީހާގެ މައްސަލަ ނޫނީ ކޮން މައްސަލައެއްބާ ނިމުނީ.؟ ރިލުވާންމައްސަލަ، ޔާމީން ރަޝިދު މައްސަލަ، އެތަށް މަރު ތަކެއްގެ މައްސަލަ އެތައް އަހަރެއްވެގެން ދިއައީ، ކޮންކަމެއް ނިމުނީ.؟އެމް.އެމް.ޕީ.އާރ.ސީ.ގެ މައްސަލަކޮބާ.؟ ރިޕޯރޓް އަތުގައޮވެ ނުބެލުނު، މޮޅުވާހަކަ ނުދެއްކުން ރަނގަޅު.
މުރުސީގެ ކާފަ
30 April 2023
ކިތަންމެ ވަރަކަށް މުސާރަ ބޮޑުކުރިޔަސް ޓެކްސީދުއްވުމާއި މާރުކޭޓް ގޮޅިހިންގުމާއި ކުދި ގުޅަ ޑެލިވަރީކުރުމާއި ބޯކޮށާތަނާއި ފަަހާތަނާއި ކަންމަތީ ފިހާރަ ތައް ހިންގުމުގައި އަވަދިނެތި ފުލުހުންގެ ގިނަމީހުން އުޅޭނީ. ޑިއުޓީތަކުގައި އުޅޭވަގުތުކޮޅުގައިވެސް އެކަންތަކަށް މަގުފަހިވާ ކަންތައްކުރަން ހަދައިގެން ރައިޔަތުންނަށް ދޭންޖެހޭ ހިދުމަތްތަކެއްނުދެވޭ. .
56789
30 April 2023
ތަހްޤީޤު އަވަސްވުމަކީ އިންސާފު ހޯދުމަށް ހުރަސްއެޅޭކަމެއްކަމަށް ގާނޫނީ ފަންނުގެ އެންމެން އިއްތިފާގުވާކަމެއް. އެކަމަކު މިއީ ހުރިހާ ފަންނެއްގައިވެސް ދުނިޔެދުއް އެންމެ މޮޅު މީހާވީމަ މީނަ ބުނާނީ ހެޔޮކޮށް ކަމަށް ޝާހިދު ބުނާނެ. އެހެންތާވާނީ. އިގްތިސާދާ ބެހޭ އިލްމެއް ހިލްމެއް ނޭނގޭ އިރުވެސް މީނަ ނެރުނު މޮޅު އިގްތިސާދީ ފޯމިއުލާއަކީ މިއަދު ހަތް ފޮށީގެ އަޑިއަށް ލާފަ އޮތް އޭގެ އަގު ނުކުރެވޭވަރުގެ މޮޅުފޯމިއުލާއެއްވިއްޔާ.
2000
30 April 2023
ކުރަންވި ކަމަކީ ގޭންގު ތައް ނައްތާލުން. މީހުން މަރާ މީހުން ދެވަނަ މީހަކު މެރުމުގެ ފުރުޞަތު ނުދިނުން. ޑްރަގް އެތެރެ ކުރާ މީހުން ސިންގަޕޫރުގައި ހަދާ ގޮތަށް މަރަންވީ. ސިންގަޕޫރު ތަރައްޤީވީ ހަމަ އެކަނި ނަމެއްގައެއް ނޫން. މައުމޫން ކިތަންމެ ދެކޮޅު ހެދިޔަސް މަރުގެ ހުކުން ތަންފީޒު ކުރަން ޖެހޭ ހިސާބަށް ރާއްޖެ ކަންކަން ހިގައްޖެ . އަވަސް ހައްލު ބޭނުން
1828
30 April 2023
މައްސަލައިގެ ބާވަތުން ތަހުޤީޤް ދިގުދެމިގެން ގޮސްދާނެ. ދިގުދެމިގެން ގޮސްފައި މައްސަލަ 'ޗޮކުން' ދިޔައީމައި ކަމަކުނުދޭ. 2008ގައި ފުލުހުންގެ ތުހުޤީޤްތައް ކުރިގޮތަށް 2023 އޭޕްރީލް 30ވަނަ ދުވަހުވެސް ތިޔަކުރަނީ. ކަމެއްވާއިރަށް ފިންގަރ ޕްރިންޓް ނަގަން ފުލުހުން ތެޅިގަންނަނީ. މިހާރު ކުށެއްކުރާ ކުޑަކުއްޖާވެސް ކުށެއްކުރަނީ އަތަށް އަންގައި ނުވަތަ ކޮޅަތެއް ލައްވައިގެން. އެކަން އެންމެ ރަނގަޅަށް އިނގެނީވެސް ފުލުހުންނަށް. އެކަމަކުހަމަ ފިންގަރ ޕްރިންޓް. ކަމަކުނުދޭ
އީސަގެ އާދަނު
29 April 2023
90 ފުރުމުގެ މުނާޞަބަތުގައި ފުލުހުންނަށް ތަހުނިޔާ އާއި މުބާރިކު ބާދީ ދަންނަވަން