ލ. އަތޮޅުގެ މަޝްހޫރު ރުއްގަނޑު: އަނެއްކާވެސް އެތަން ވަރުވާއަށް ދޫކުރަން ވަނީ އިއުލާންކޮށްފައި.-- ފޮޓޯ: ޝަންނަ މަހުރީން
16 މެއި 2023 - 11:44
5 comments
ލ. އަތޮޅުގެ މަޝްހޫރު ރުއްގަނޑު އަނެއްކާވެސް ވަރުވާ އަށް ދޫކުރަން ނިންމައި، އެ ތަން ބަލަހައްޓާނެ ބަޔަކު ހޯދަން ގަމު ކައުންސިލުން މިއަދު އިއުލާންކޮށްފި އެވެ.
އެ އިއުލާނުގައި ބުނީ، ލ. މާންދޫ ރުއްގަނޑު ވަރުވާ އަށް ދޫކުރުމަށް ބޭނުންވާތީ، އެ ކަމަށް ޝައުގުވެރިވާ ފަރާތްތަކަށް ބީލަމުގައި ބައިވެރިވުމުގެ ފުރުސަތު މިހާރު ހުޅުވާލާފައިވާ ކަމަށެވެ.
ބީލަމުގައި ބައިވެރިވާން ޝައުގުވެރިވާ ފަރާތްތަކުން މި މަހުގެ 21 ގެ ކުރިން ފޯމު ހުށަހަޅަން ޖެހެ އެވެ.
ގަމު ކައުންސިލުގެ ރައީސް އަހުމަދު ޒަކީ "މިހާރު" އަށް ވިދާޅުވީ ރުއްގަނޑު ވަރުވާ އަށް ދޫކުރަން އަނެއްކާވެސް އިއުލާންކުރީ ކުރިން އެތަން ބަލަހައްޓަމުން އައި މީހުން ދޫކޮށްލުމުން ކަމަށެވެ. އެ މީހުން މިދިޔަ ތިން އަހަރު އެތަން ބެލެހެއްޓި ކަމަށް އޭނާ ވިދާޅުވި އެވެ.
ލ. އަތޮޅުގެ މަޝްހޫރު ރުއްގަނޑު: އަނެއްކާވެސް އެތަން ވަރުވާއަށް ދޫކުރަން ވަނީ އިއުލާންކޮށްފައި.-- ފޮޓޯ: ނަޖުނަޖު
"އެ މީހުންނަށް އެތަން ނުބެލެހެއްޓިގެން ދޫކޮށްލީ، އެހެންވެ އެހެން ބަޔަކު ހޯދަން އިއުލާންކުރަން ޖެހުނީ،" އޭނާ ވިދާޅުވި އެވެ.
މާލޭޝިއާގެ މުޑުވަށް ބޭނުންކޮށްގެން މީގެ 26 އަހަރު ކުރިން އާލާކޮށްފައިވާ މި ރުއްގަނޑަކީ ރާއްޖޭގައި މިހާ ތަރުތީބުކޮށް ހައްދާފައިވާ އެންމެ ބޮޑު ރުއްގަނޑެވެ. ކުރީގެ އެޓޮލްސް މިނިސްޓަރު އިލްޔާސް އިބްރާހިމްގެ އިރުޝާދުގެ ދަށުން ހައްދާފައިވާ ރުއްގަނޑަކީ ލ. އަތޮޅުގެ ލޭންޑްމާކެކެވެ. އެ އަތޮޅަށް ދަތުރުކުރާ މީހުންގެ މެދުގައި ވެސް އެ ތަން ވަރަށް މަގުބޫލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޮހިތު
16 May 2023
އިއްލަބެމެން ކަންތައް ކޮށްފަ އެބަހުެއްޓެއްނު! މިޒަމާނުގެ ޓްވިޓާ ޕޮލިޓީޝަނުން ގޮވައިގެން ނުވާނެ އެއްވެސް ކަމެއް!
ކުޑަކަތީބ
16 May 2023
އާނ! އިއްލަބޭ ރ. ކިނޮޅަހުގައިވެސް އޮފީސް އެޅީ އޭރުގެ ވަލުތެރޭގައި ، މީހުން ވަރަށް އެހިސާބުދުރުގައިވީމަ، އިލްޔާސް ވިދާޅުވީ މިރަށް އާބާދުވެ މިސަރަހައްދު ރަށުގެ މެދަށްވާނެއޭ ، މިހާރު އެއި ކައުސިލް ހުންނަން އެންމެ ސަޅި ހިސާބު. އައްސު އެބޭފުޅާ އެޓޮލްސް ގައި ހުންނވެރި ވަރަށް ރަނގަޅު ކަންތައްކުރެއވި، އަދި އަތޮޅުވެރިންނަށާއި ކަތީބުން ނުހަނު މޮޅެތި ވިސްނުމާއި ޚިޔާލުދެއްވައި ލީޑަރޝިޕްދެއްކެވި
އުދުހޭ
16 May 2023
ކާބަފައިން ދިޔައީ މުސްކުޅި ރުށްތަށް ކަނޑާ ލަކުޑީގެ ބޭނުންކުރަމުން ރުއްގަނޑު ޒުވާންކުރަމުން. މިހާރު ރާއްޖޭގެ ގިނަ ހިސާބުތަގައި ގިނައީ މުސްކުޅި ރުށްތަށް. ދުނިޔޭގައި ބޮޑު ހަނގުރާމައެއް ފެށިޖެއްޔާ ބަނޑަށް ޖެހުން ގާތް. މިކަމާ ސަރުކާރުން އަޅައެއްނުލާ
ޜުކުކޮ
16 May 2023
އިއްލަބޭއަކީ ގަދަމީހެއް.
ފައިބާ
16 May 2023
ލިންކްރޯޑުގެ އިރުމަތީގައިވާ ރުއްގަނޑޭ ނުކިޔާ މާންދޫ ރުއްގަނޑޭ ކިޔާބަލަ.. ލިންކް ރޯޑުގެ އިރުމަތި ގޮސް ނިމޭނީ ގަމު ތުނޑި އަވަށުގެ ކޮޅަށް...