މަކުނުދޫ ދާއިރާ އިން އެމްޑީޕީއާ އަލަށް ގުޅުނު މެމްބަރުންގެ ފޯމުތައް ޗެއާޕާސަން ފައްޔާޒް އިސްމާއިލްއާ ހަވާލުކުރަނީ: ޕާޓީއަށް މެމްބަރުން އިތުރުކުރުމުގެ ހަރަކާތްތައް ކުރިއަށް އޮތް ތަނުގައި ވެސް ކުރިއަށް ގެންދާނެ ކަމަށް ވިދާޅުވި. -- ފޮޓޯ | އެމްޑީޕީ
07 ޖޫން 2023 - 19:05
11 comments
ސަރުކާރު ހިންގާ މައި ޕާޓީ، އެމްޑީޕީއާ 2،500 މެމްބަރުން އަލަށް ގުޅިއްޖެ އެވެ.
އަލަށް ގުޅުނު މެމްބަރުންގެ ފޯމުތައް ހަވާލު ކުރުމަށް އެމްޑީޕީގެ އޮފީހުގައި މިއަދު ބޭއްވި ރަސްމިއްޔާތުގައި ފޯމުތަކާއި ހަވާލުވެވަޑައިގަތީ ޕާޓީގެ ޗެއާޕާސަން، އިކޮނޮމިކް މިނިސްޓަރު ފައްޔާޒު އިސްމާއީލް އެވެ.
އެ ރަސްމިއްޔާތުގައި ފައްޔާޒު ވިދާޅުވީ އެ މެމްބަރުންނަކީ މިދިޔަ މަހު އެ ޕާޓީން މުޅި ރާއްޖޭގައި ކުރިޔަށް ގެންދިޔަ ހަރަކާތުން ގުޅުނު މެމްބަރުންތަކެއް ކަމަށެވެ.
އޭނާ ވިދާޅުވި ގޮތުގައި އެމްޑީޕީ އަކީ އަބަދުވެސް އެ ޕާޓީ ކުރިއެރުވުމަށްޓަކައި މަސައްކަތް ކުރާ ބައެކެވެ. ކުރިޔަށް އޮތްތަނުގައި ވެސް ޕާޓީ އަށް މެންބަރުން އިތުރު ކުރުމަށް މަސައްކަތްތަކެއް ކުރަމުން އަންނާނެ ކަމަށް ވިދާޅުވި އެވެ.
"ތިންހާސް ހަމަވެގެންނެއް އަޅުގަނޑުމެން ހުއްޓައެއް ނުލާނަން. ޖުމްލަ ގާތްގަނޑަކަށް އަޅުގަނޑުމެންނަށް މި ކޮށްލެވުނު ކުޑަ މަސައްކަތަކުން 2،500 ފޯމު ލިބިއްޖެ. އަޅުގަނޑުމެންގެ ޓާގެޓަކީ ކުރިން ގާނޫނާ އެއްގޮތް ނޫންގޮތަށް އޮތް އަދަދާ ހަމަޔަށް ގާނޫނީ ގޮތުން މެންބާޝިޕް ރެޖިސްޓްރީ ގެންދިއުން،" ފައްޔާޒު ވިދާޅުވި އެވެ.
އެމްޑީޕީއާ އަލަށް ގުޅުނު މީހުންގެ ފޯމުތަކަކާ ފައްޔާޒް ހަވާލުވެވަޑައިގަންނަވަނީ. -- ފޮޓޯ | އެމްޑީޕީ
އެމްޑީޕީ އަށް 12 ދާއިރާއަކުން އަލަށް މެމްބަރުން ވަނީ ގުޅިފަ އެވެ.
އެމްޑީޕީއަށް މެމްބަރުން އިތުރު މިކުރަނީ އެ ޕާޓީގެ ރިޔާސީ ޕްރައިމަރީގެ ބޮޑު ނާކާމިޔާބީ އަށް ފަހު ކުރީގެ ރައީސް މުހައްމަދު ނަޝީދުގެ އަރިސް ބޭފުޅުން އިސްވެ އުފެއްދެވަން މަސައްކަތްކުރާ ޕާޓީ "ފިކުރެއްގެ ދިރުން" ފެކްޝަންގެ "ދަ ޑިމޮކްރެޓްސް" އަށް ވެސް މެމްބަރުން ހޯދަން ފަށާފައިވަނިކޮށެވެ.
އެ ޕާޓީން މިހާރު ވަނީ 3،000 މެމްބަރުންގެ ފޯމާއެކު ޕާޓީ ރަޖިސްޓްރީ ކުރުމަށް އިލެކްޝަން ކޮމިޝަނަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗދޗފރވތ
09 June 2023
ގިނަވާނީ ކުނަމެހިން..
އަސްތާރު
08 June 2023
ސާބަހޭ ހިންނަވަރު އިބުރާހިމު
ވާދޫ މޯޑް
08 June 2023
ހަމަ ކުރީގަ ތިބި މީހުންގެ ފޮޓޯ ނެގީ.
ގރވތވތ
08 June 2023
ޕުރައިމަރީއަށް ކަނޑާލި 38000+ މެންބަރުންގެ ތެރެއިން ލޯޔަލް ވަރަށް ގިނަ ބަޔަކު ކަނޑާ އެއްލާލި ހަނދާންވޭތޯ؟ މިހާރު ތިޔަ ސޮއެކުރާ ބަޔަކު ކުރަނީ 1. މަގާމަކަށް 2. ޖަލުގަ އޮތް މީހަކު ނެރެން 3. ކޯޓުގަ އޮތް މައްސަލައެއް ވަކި ގޮތަކަށް ނިންމަން 4.ގޯތި މީހަކަށް ޖޮބު ދޭތީ
އަދުން
08 June 2023
ރާއްޖޭގެ ވެރިކަމުގައި ތިބެ އެންމެ ބޮޑު ޕާޓީ 2500 ފޯމް ލިބުނޭ ބުނުމަކީ ވެސް ލަދުވެތި ކަމެކެވެ. ފޯމް ހޯދުމަށްޓަކައި މަގާމު ދިނުމާއި، ދޭން ބުނުމާއި ޕްރޮޖެކްޓް ދިނުމާއި، ދޭން ބުނުމާއި ކޯސް ދިނުމާއި ދޭން ބުނުމާއި އަދި ނުފޫޒް ބޭނުން ކޮއްގެން ލިބުނީ އެންމެ ތިވަރު ނޫންތޯއެވެ. ރިޔާސީ އިންތިޚާބުގައި ތިވަރު ސުލޯ ސްޕީޑަކުން ހިންގާ ލެވިދާނެ ތޯއެވެ. ކަންޒު ކަހަބުގެ ސުޕީޑެވެ.
ފިނރުޓޭ
08 June 2023
ގަދަ އެމްޑީޕީ! އަހަރުމެން މި ތިބީ އިބްރާހިމް މުހައްމަދު ސާލިހަށް ދެވަނަ ދައުރެއް ދީ ރާއްޖޭ ހަމަމަގަށް އަޅުވަން ކުރަން ޖެހޭ ހުރިހާ ކަމެއްގައި ފުރިހަމަ އެއްބާރުލުން ދީ އެކަމުގައި ބައިވެރިވުމަށް ކެރިގެން އަތުރުކުޅި އޮޅާލައިގެން!
ވަަރަށް ވާހަކަ
08 June 2023
ވެރިކަމުގައި ނެތި ފޮޓޯަގައި ތިބި އެކަކުވެސް ފޯމަށް ސޮއި ނުދޭނެ ކަމަށް ބުރަވެވެނީ ......................
މިސްޓަރ ކުރުކުރުސީ
07 June 2023
ފައްޔާ މިވަރަށް ޕާޓީއަށް މީހުން ވަންނައިރު ގައުމު ހިންގާންއުޅެބަލަ.
1206
08 June 2023
ޕާޓީ ނުހިންގޭ މީހަކަށް ކޮން ގައުމެއް ހިންގޭނީ. ފެއިލްޑް މީހުން މި ތިބެނީ ތަންތަނުގައި.
ރޯޒް.
07 June 2023
2500 ފޯމެެއް ނުލިބޭނެ. މަ ލޮނުލައިގެން ބަތެއް ނުކާނަން އެމްޑީޕީއިން ވަކިވި އަދަދު ކަމައްވަނީ. ތިޔައީ މާކުރީގެ ފޮޓޯތަކެއް
ކެކެނީ
07 June 2023
ފައްޔާޒު ބޮޑު ބިޔަ ޕާޓީ އިން 3500 އޭ ބުނިނަމަ ތަންކޮޅެއް ރަނގަޅުވީސް. މިހާރުދެން ތިހެދުނީ ޅަ އެއްޗެކޭ. ކަމަކާ ނުލާ މުޅި ރާއްޖެއިން 2500 ފޯމު ވީމަ އަސްލުވެސް ޑިމޮކްރެޓްސްވެސް ގަދަކަން އެބަ އިނގޭ. ވަރަށް ކަޑަ ކަމެއް ތިކުރީ. މިދަނޑިވަޅުގަ އުޅުނީ މުގުރާލަން އެކަމަކު ތި ޖެހުނީ ބައިގޯލެއް. ހެހެ