ވެމްކޯއިން ކުނި އެޅުމަށް ވިއްކާ ކޮތަޅު ބޮޑިއެއް. ކޮތަޅުން ނަގާ ފީގެ ގޮތުގައި މިދިޔަ މަހު 1.1 މިލިއަން ރުފިޔާ ލިބިފައިވޭ-- ފޮޓޯ: ފަޔާޒް މޫސާ / މިހާރު
12 ޖޫން 2023 - 14:17
6 comments
ޕްލާސްޓިކް ކޮތަޅު ޓެކްސް އިން 1.1 މިލިއަން ރުފިޔާ ލިބިއްޖެ އެވެ.
ޓެކްސް އިދާރާ، މީރާ އިން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި ޓެކްސް ނޫން އެހެނިހެން ފީތަކުން ލިބުނު އާމްދަނީގެ ގޮތުގައި 220 މިލިއަން ރުފިޔާ ލިބިފައިވެ އެވެ. ޕްލާސްޓިކް ކޮތަޅުން ލިބުނު އާމްދަނީއަކީ ފީތަކުން ލިބުނު އާމްދަނީގެ 0.50 ޕަސެންޓެވެ.
ކޮތަޅުން 2ރ. ގެ ފީއެއް ނަގަން ފެށީ އޭޕްރީލް މަހުގެ 18 ވަނަ ދުވަހުން ފެށިގެންނެވެ. ކުނި މެނޭޖުކުރުމާ ބެހޭ ގާނޫނަށް ގެނައި އިސްލާހަށް އަމަލުކުރަން ފެށުމާ އެކު ވިޔަފާރިކުރުމުން ފިހާރަތަކުން ދޭ ކޮތަޅަށް ވެސް މި ފީ ނަގާނެ އެވެ.
ޕްލާސްޓިކް ކޮތަޅުން ފީއެއް ނަގަން ފެށީ، އާންމުން ކޮތަޅު ބޭނުންކުރާ ވަރު މަދު ކުރުމުގެ ބޭނުމުގަ އެވެ.
ޕްލާސްޓިކް ކޮތަޅުން ފީ ނަގަން ފެށުމާ އެކު، ކުރިން ފިހާރަތަކުން ހިލޭ ލިބުނު ޕްލާސްޓިކް ކޮތަޅު މިހާރު ވިޔަފާރިތަކުން ވަނީ ވިއްކަން ފަށައިފަ އެވެ. އެހެންވެ، ކޮތަޅުގެ ފީގެ އިތުރުން، ކޮތަޅު ގަތުމަށް ވެސް އިތުރަށް ފައިސާ ދައްކަން ޖެހެ އެވެ.
ޕްލާސްޓިކް ކޮތަޅުން ދެ ރުފިޔާގެ ފީއެއް ނެގި ނަމަވެސް އެ ފީ ދައްކަން ނުޖެހޭ ގޮތްތައް ވެސް ކުނި މެނޭޖުކުރުމާ ގުޅޭ ގާނޫނުގައި ވަނީ ބަޔާންކޮށްފަ އެވެ. ބަންދު ނުކޮށް ހުންނަ ހުރިހާ ބާވަތެއްގެ ތާޒާ މަސް ވިއްކާ ނަމަ އެ އަޅަން ބޭނުން ކުރާ ކޮތަޅުން ފީއެއް ނުނެގޭނެ އެވެ. އެހެންވެ މާރުކޭޓުންނާއި އެ ނޫން ގޮތްގޮތަށް ވެސް ބަންދުނުކޮށް ހުންނަ މަހުގެ ބާވަތްތައް ގަންނަ ނަމަ އެ ތަންތަނުން ކޮތަޅުން ފީއެއް ނުގެނޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިޖިޔޯ
13 June 2023
ހާދަ ކުޑަ އެއްޗެކޭ ތިޔަ ޖަމާވީ، މި ޤައުމުގަ ވިޔަފާރިކުރާ ވަރަށް ބަލާފަ... އެހެންވީމާ ޕްލާސްޓިކު ބޭނުންކުރާ މިންވަރު މަދުވެއްޖެތާދޯ... ނޫނީ ވިޔަފާރިވެރިން ފޮރުވީތަ ދިން ލާރިކޮޅު.
މުޖުތާޒު
13 June 2023
ޓި 1.1 މިލިޔަން ރުފިޔާ ޖަމާވީ މީރާގެ އެކައުންޓަށްބާ ނުވަތަ ކޮތަޅުބޭގެ އެކައުންޓަށްބާ
ކޮރަލް
12 June 2023
ރާއްޖޢގަ ކޮތަޅު އުފައްދަނީ އެންމެ ބައެކެވެ. އެމީހުން މަސައްކަތް ކުރަނީ ހުޅުމާލޭގަ އެވެ. 25 ރ އަށް ދިން ކޮތަޅު ބޮނޑީ އެއް ކުލިއަކަށް 200 ރ އަށް ބޮޑުވީ އެވެ. އިތުރު ބަޔަކު ކޮތަޅު ރާއްޖޭ ހަދައިގެން ނޫނީ އަގު ތިރި އެއް ނުވާނެ އެވެ. ސަރުކާރުން ބޭޏުންވީ ޕްލާސްޓިކް ކޮތަޅު ހުއްޓުވާށެވެ. އެކަން ހުއްޓުވަން ކުރި ކަމަކުން ސަރުކާ ރަށް އެތައް މިލިއަނެއް އެބަ ލިބެ އެވެ. ބޮޑޫ ވިޔަފާރި އަކަށް ވެއްޖެ އެވެ. ސިނގިރޭޓް އަށް ވީ ގޮތަށެވެ.
ނެކްސްޓް
12 June 2023
މިޓެކްސް ނަގައިގެން ތިމާވެއްޓަށް ވާނެ ފައިދާއަކީ ކޮބާ؟ ޢެކި ނަންނަމުގައި ސިޔާސީމީހުން ޖީބަށް ދާއެއްޗެއް
ސަސި
12 June 2023
އަހަރުމެެންދެކެ ލޯބިވާ މެންބަރު އެތިބީ ކޮތަޅު ގާނުނު ފޮރުވައިގެން ހެވިފަ.
ނަވަރަތުނަ އިބްރާހިމް ދީދީ
12 June 2023
މެމްބަރުން ބޮލަށް ޖަހާނެ ކަމެއް ނެތް. އޭގަ އޮއް އެއްޗެއް ނުކިޔާތަ ކަލޭމެންގެ ވެރިމީހާ ސޮއެ ކުރީ. ހަމަ އެއްޗެއް ދޭއިރަށް ކޮށްލާ ދޯ.