ޑިމޮކްރެޓްސް ރަޖިސްޓްރީ ނުކޮށްދީގެން އެ ޕާޓީ އުފެއްދެވުމުގައި އިސްކޮށް އުޅުއްވާ ބޭފުޅުން އީސީގައި.-- ފޮޓޯ: ޑިމޮކްރެޓްސް
18 ޖޫން 2023 - 20:18
24 comments
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއީދުކުރައްވާ ބޭފުޅުން އުފައްދަން މަސައްކަތްކުރައްވާ ސިޔާސީ ޕާޓީ "ދަ ޑިމޮކްރެޓްސް" ރަޖިސްޓްރީކޮށްދިނުމަށް އިލެކްޝަންސް ކޮމިޝަންގެ ދެ މެމްބަރަކު ހުރަސްއަޅުއްވާ ކަމަށް ތުހުމަތުކޮށް އެކަން ހައްލު ނުވަނީސް އީސީން ނުކުންނަން ދެކޮޅުހަދައިފި އެވެ.
އެ ޕާޓީ ރަޖިސްޓްރީ ނުކޮށްދީގެން، އެ ހަރަކާތުގައި އިސްކޮށް އުޅުއްވާ ބޭފުޅުން މިހާރު ވެސް ތިއްބެވީ އިލެކްޝަންސް ކޮމިޝަނުގަ އެވެ. މިއަދު ހަވީރުން ފެށިގެން އެތަނުގައި ތިއްބަވައި އެ ބޭފުޅުން ޑިމާންޑް ކުރައްވަމުން އަންނަނީ ޕާޓީ ރަޖިސްޓްރީ ކުރުމުގެ ކަންކަން އަވަސްކޮށްދެއްވުމަށެވެ. އަދި އީސީގެ މެމްބަރުންނާ އެކު ބައްދަލުވުމެއް ބާއްވައިދޭން އަންނަނީ އެދެމުންނެވެ.
އެ ޕާޓީ އުފައްދަން ހުށަހެޅުއްވި އެމްޑީޕީގެ ކުރީގެ ޗެއާޕާސަން ހަސަން ލަތީފު އީސީގައި ހުންނަވައި ވިދާޅުވީ ޑިމޮކްރެޓްސް ރަޖިސްޓްރީ ކޮށްދިނުމަށް އެ ކޮމިޝަންގެ ރައީސް ފުއާދު ތައުފީގު އާއި ނައިބު ރައީސް އިސްމާއިލް ހަބީބު ހުރަސް ނާޅުއްވާ ކަމަށެވެ. އެކަމަށް ހުރަސް އަޅަނީ އެ ކޮމިޝަނުގައި ހިމެނިވަޑައިގަންނަވާ އެހެން ދެ މެމްބަރަކު ކަމަށް އޭނާ ވިދާޅުވި އެވެ.
ޑިމޮކްރެޓްސް ރަޖިސްޓްރީ ނުކޮށްދީގެން ކަމަށް ބުނެ، އެ ޕާޓީ އުފެއްދެވުމުގައި އިސްކޮށް އުޅުއްވާ ބޭފުޅުން އީސީގައި.-- ފޮޓޯ: ޑިމޮކްރެޓްސް
"މިއީ މިހާރުން މިހާރަށް ވެސް ކުރެވެން އޮތްް ކަމެއް. އެހެން ނަމަވެސް ލަސްކުރަމުންދާ ތަންް އަޅުގަނޑުމެންނަށް މި ފެންނަނީ. އެއްގޮތަކުން ނޫނިއްޔާ އަނެއް ގޮތެއް ހޯދައިގެން ވެސް މި ޕާޓީ ރަޖިސްޓްރީ ވިޔަނުދޭން އިލެކްޝަންސް ކޮމިޝަނުގެ ދެ މެންބަރަކު މަސައްކަތް ކުރާކަން އަޅުގަނޑުމެނަށް ފާހަގަކުރެވިފައި ވަނީ," އޭނާ ވިދާޅުވި އެވެ.
ނަމަވެސް އެ ދެ ބޭފުޅުން ނަމެއް އޭނާ ވިދާޅެއް ނުވެ އެވެ. އީސީގައި ފަސް މެމްބަރުން ތިއްބަވަ އެވެ.
އީސީން ކުރިން ބުނި ގޮތުގައި، ޑިމޮކްރެޓްސް އިން ހުށަހެޅި މެމްބަރުންގެ ފޯމުތައް ޕްރޮސެސްކޮށް ނިމުމުން ޕާޓީ ރަޖިސްޓްރީ ކޮށްދޭނެ އެވެ. އެކަމަށް 3-4 މަސް ހޭދަވާނެ ކަމަށް އެ ކޮމިޝަނުން ބުނެފައިވެ އެވެ.
މިދިޔަ މަހު 24 ގައި ޑިމޮކްރެޓްސް އުފެއްދުމުގެ ހުއްދަ ދިނުމާއެކު އެ ޕާޓީ ރަޖިސްޓްރީ ކުރަން 3،560 ފޯމު މި މަހުގެ ފުރަތަމަ ދުވަހު އީސީއަށް ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިކުރޭ....
19 June 2023
މައުމޫނުދައުރުގައި ކަންތަށް ކުރިގޮތަށް މިހާރުކަންތަށްތަށް ނުކުރެވޭނެކަން ހަދާންކޮށްދެން، މުއައްސަސާތަށް ހިންގާ އިމާރާތްތަކަށް ވަދެ ނުފޫޒާއި ބާރު ބޭނުންކޮށްގެން ތިމާމެން ބޭނުން ކަންތަށް ތަށް ކުރުވުމަށް މަސައްކަތް ކުރުމަކީ ނާތަހްޒީބު ދަށުދަރަޖައިގެކަމެއް މިބޭފުޅުން ފެށީވެސް މިގޮތަށް ނިމޭނީވެސް މިގޮތަށް...
ސޯނީނިގަމް
19 June 2023
ނޫނޭ އިބޫ ހާދަ ބިރެއްގަނެއޭދޯ ހައް ހައް އެއްގޮތަކުން ނުވިއްޔާ އަނެއްގޮތަކުންވެސް ވެރިކަން ހޯދޭތޯ ޔާމީނު މެނަށް އެއްޗެހި ކިޔާވަރުވެޔ ކަލޭމެން ބަލަ އިބޫ ނުލިބޭނެ މިފަހަރު ވެރިކަމެހ އިރާދަކުރެއްވިއްޔާ މިޅި އުމުރު ތިޕާޓީއަށް ވޯޓުދިން މީހުންމީ ތިހާ ޛުދުމުޛުތާރުވީމް ސަލާމް
ވަގަ ކަލޯގެ އިބުރާ
19 June 2023
ދެން ތި މީހުންނަށް އެންމެ ރަނގަޅުވާނީ ޕީޕީއެމާއި ގުޅިގެން ކެންޑިޑޭޓަކު ނެރުން! އެ ނޫން ގޮތެއް ނެތް!!! އަވަސް އަވަސް
ފުއާދާއި ހަބީބަށް ވެދުން ސަލާމް
19 June 2023
ތި ދެބޭފުޅުންނާ ދަޑިމޮކްރެޓްސް އުފަންދަން އުޅޭމީހުނާ އޮތީ ކޮން ގުޅުމެއްތޯ؟ ޕާޓީ އުފެއްދިޔަނުދޭން އުޅެނީ ތިބޭފުޅުން ފިޔަވާ ކޮމިޝަންގެ އެހެން މެންބަރުން ކަމަށް ބުނީމަ ވެސް އެއްޗެއް ވިދާޅު ނުވެވުނީ ކީެއްވެތޯ؟ ތީ ޓީމެއްގެ ގޮތުގައޮ މަސްއްކަތްކުރަން ޖެހޭ ކޮމިޝަނެއް ނޫންތޯ؟ރަޖިސްޓްރީ ނުކުރާ ޕާޓީއެއް ހަރަކާތް ތެރިވާއިރު ރަސްމީގޮތުން އެގިފަނެތޭ ބުނެ ނުހުއްޓުވުނުތާގަ ކޮމޮޝަންގެ ބައެއް މެންބަރުން ބަދުނާމު ކުރާއިރުވެސް އެއްޗެއް ބުނުމެއްނެއްތޯ.
ޖަމަލް ފާޓް
19 June 2023
މި ހުރިހާ ގަނޑެއް ގަނެފަ. ފޭކް ފޯމް ފުރާފަ ނަޝީދު އަރާމުގަ އެމްޑީޕީގަ. ހުރިހާ ޢިއްޒަތެއްގަ. 2011 ގައި ކެބިނެޓަށް ވެސް ޖެއްސި ހާލު. ޑރ. ވަހީދު އިސްތިޢުފާ ނުދިނީ. އެހެންވެ އެކަން އަތަށް ގޮވީ!
ސުންދުސް
19 June 2023
މީހުންނަށް އޮޅުވާލައިގެން ވަގު ފޯމްތައް ފުރީމައި ވާނެގޮތް. ކިތަންމެ ފޯރިއެއް ދެއްކިޔަސް 3000 ސައްހަ ފޯމް ހަމަނުވަންޏާ ރަޖިސްޓްރީ ނުކޮށްދޭނެ. އެކަން ހަޖަމް ނުވަންޏާ ޗާގޯސްއަށް ދޭ!
އަންދަލޫސިޔާ
19 June 2023
ވަގުފޯމް ހުށަނޭޅިނަމަ 3000 ހަމަވާނެބާ؟ މަ ވެސް ތިޔަ ބަޔަކު އެބައޮތް ނަން ހުށަހަޅާފަ.
ގުދުގުދާބެއްޔާ
19 June 2023
މިކަމަށް ހައްލެއް އިލެކްޝަން އިން ހޯދާދޭންޖެހޭނެ!
ފާތިންދީ
19 June 2023
އެހެން ނުތިބެވޭނެ އެތަނުންނެރޭ. މަޖިލިސް ހިސޯރުކޮއްފަ އީސީވެސް ހިސޯރުކުރީތަ. ކޮންމެކަމެއްް ގަދަކަމުން...
ބޮޑުމީހާ
18 June 2023
ސިޔާސީ ޕާޓީ އުފެއްދުމަކީ ކޮންމެ މީހަކަށްވެސް ގާނޫނު އަސާސީން ލިބިދީފައިވާ ހައްގެއް. އިންޑިއާގައިވެސް 100 މީހުންނާއިގެން ސިޔާސީ ޕާޓީ ހެދޭ. ސިޔާސީ ޕާޓީތަކުގެ ދަފްތަރު އީސީން ބެލެހެއްޓުމަކީ ކުރާ ބޭކާރު ކަމެއް. އަދި 3000 މީހުންގެ ލިިމިޓްވެސް އުވާލާ، ދައުލަތުން ޕާޓީތަކަށް ފައިސާ ދޭނީ އިލެކްޝަންސްތައް ވިންކުރާ ރޭޓަށް ބަލައިގެން ކަމަށް ނިންމައި، ޕާޓީތަކުގެ ދަފްތަރު ބެލެެހެއްޓުން އެޕާޓީއަކާއި ހަވާލުކުރަންވީ!