އެމްޕީއެލުން ވަޒީފާ ދިން ނުކުޅެދުންތެރިކަން ހުންނަ ބައެއް މީހުން ރޭ މާލެ އައުމުން އެ މީހުންނާއެކު އެ ކުންފުނީގެ ސީއީއޯ މުހައްމަދު ޖުނައިދު ފޮޓޯއަކަށް ހުއްޓިވަޑައިގެން-- ފޮޓޯ/ އެމްޕީއެލް
29 ޖެނުއަރީ 2017 - 14:58
5 comments
ނުކުޅެދުންތެރިކަން ހުންނަ 20 މީހަކަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވަޒީފާ ދީފި އެވެ.
ހދ. ކުޅުދުއްފުއްޓާއި އައްޑު އާއި ޏ. ފުވައްމުލަކުގައި ހުންނަ އެމްޕީއެލްގެ ބަނދަރުތަކާއި އޮފީސްތަކުން ވަޒީފާ ދިން މި މީހުން، އެކަމުގެ ލިޔުމާ ހަވާލު ވުމަށް ރެ އާއި އިއްޔެ ރޭ ވަނީ މާލެ އައިސްފަ އެވެ.
އެމްޕީއެލުން ބުނީ ވަޒީފާ ލިބުނު ކަމުގެ ލިޔުން އެ މީހުންނާ ހަވާލު ކުރާނީ މާދަމާ ހެނދުނު ރައީސް އޮފީހުން ބާއްވާ ހާއްސަ ރަސްމިއްޔާތެއްގައި ކަމަށެވެ.
އެމްޕީއެލްގެ އޮފިޝަލަކު ވިދާޅުވި ގޮތުގައި ނުކުޅެދުންތެރިކަން ހުންނަ މީހުންނަށް ވަޒީފާ ދިނުމަށް ސަރުކާރުން ގެންގުޅޭ ސިޔާސަތުގެ ދަށުން 20 މީހަކަށް ވަޒީފާ ދީފައިވަނީ ކުޅުދުއްފުށީ ޕޯޓުންނާއި އައްޑު އާއި ފުވައްމުލަކުގައި އެމްޕީއެލުން ދޭ ބަހުގެ ހިދުމަތުންނާއި ހުޅުމީދޫގައި ހުންނަ އެމްޕީއެލް ކޯ އިންނެވެ.
އެމްޕީއެލުން ވަޒީފާ ދިން ނުކުޅެދުންތެރިކަން ހުންނަ ބައެއް މީހުން ރޭ މާލެ އައުމުން އެ ކުންފުނީގެ ސީއީއޯ މުހައްމަދު ޖުނައިދު މަރުހަބާ ކިޔުއްވަނީ-- ފޮޓޯ/ އެމްޕީއެލް
"ވަޒީފާ ދިނުމުގައި އެމްޕީއެލުން ބަލާފައިވާނީ އެ މީހުންނަށް ފަސޭހަ އިން އަދާ ކުރެވޭ ކަހަލަ މަސައްކަތެއް ހަވާލު ކުރުމަށް. މި ތަނުގެ މަގްސަދަކީ އެ އެންމެންނަށް ވެސް އާމްދަނީ ހޯދޭނެ މަގު ފަހިކޮށްދިނުން،" އޮފިޝަލް ވިދާޅުވި އެވެ.
ނުކުޅެދުންތެރިކަން ހުންނަ ބައެއް މީހުންނަށް އެމްޕީއެލުން މީގެ ކުރިން ވެސް ވަޒީފާގެ ފުރުސަތު ދީފައިވާކަން ފާހަގަކޮށް، އޮފިޝަލް ވިދާޅުވީ، ވަރަށް އަވަހަށް މާލޭގައި ވެސް މި ފަދަ މީހުންނަށް ވަޒީފާގެ ފުރުސަތު ހުޅުވާލާނެ ކަމަށެވެ.
"ވަޒީފާ ދިނުމުގައި ވަކި ކަހަލަ ބަޔަކަށް އަޅުގަނޑުމެން ނުބަލަން. ފުރުސަތު އޮތް ވަރަކުން، ނުކުޅެދުންތެރިކަން ހުންނަ މީހުންނަށް ވެސް އެކަން ފަހިކޮށްދެމުން މިދަނީ،" އޮފިޝަލް ވިދާޅުވި އެވެ.
ނުކުޅެދުންތެރިކަން ހުންނަ 100 މީހަކަށް ފެނަކަ ކޯޕަރޭޝަނުން ވެސް މިދިޔަ ޑިސެމްބަރު މަހުގެ ތެރޭގައި ވަނީ ވަޒީފާ ހަމަޖައްސައިދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވޯލް
30 January 2017
މީވަރަށް ދެރަކަމެއް، ނުކުޅެދުންތެރިކަން ހުރި މީހުން ހުރިހާ ހިއްސެއް ރަގަޅަށް ތިބި މީހުންނާއެކު މަސައްކަތުގެ މައިދާނުގައި އުޅެން ޖެހުން. އެފަދަ މީހުންނަށް ދައުލަތުގެ ޚަރަދުގައި ފަސޭހަ ކަމާއި އެކު އުލެވެންޖެހޭނެ. ބޮޑެތި ޓެކްސަތައް މިދައްކަނީ ރައްޔިތުން މަޖިލީހުގެ މެމްބަރުންނާއި ސަރުކާރުގެ ވަޒީރުން އަރާމުގައި ބޮޑު މުސާރައާއި ހިލޭ ބޭސްފަރުވާ ކޮށްގެން ތިބޭކަށްނޫން.
ޢަސްލު
30 January 2017
ނުކުޅެދުންތެރިކަން ނުހުންނަ މީހުން ވަޒީފާ ނުލިބި މަގުމަތިވެފަ
ސެންސިޓިވް
29 January 2017
ނުކުޅެދުންތެރިކަން ހުންނަ މީހުންނަށް ވަޒީފާ ދިނުން ކިތަންމެހާވެސް ރަނގަޅު. އެކަމު ވަރަށް ފަހުން އަޑުއެހިން ތިޔަގޮތަށް ސަރުކާރުގެ އެހެން މުއްސަސާއަކުން ފުރުސަތުދީފައިވާ ކުދިންތަކަކަށް މަސައްކަތާ މުޅިން ނުބައްދަަލު މުސާރައެއްދީފައި އިތުރު ގަޑީގަވެސް މަސައްކަތް ކުރުވާ ވާހަކަ. ނަމަވެސް ނުކުޅެދުންތެރިކަން ހުރި މީހުންނަށް ވަޒީފާ ލިބުން ދަތިވީމާ އެމީހުން މަސައްކަތްކުރަމުންދަނީ. އެހެން ވީމާ ވަޒީފާ އަދި ދިނަސް ކަމަކު ނުދާނެ، ވަޒީފާގެ ވަގުތާ މުވައްޒަފުގެ ފެންވަރަށް ބަލާ، އެހެން އެންމެނެކޭ އެއްހަމައަކުން އެކަށޭނަ މުސާރައެއް ނުކުޅެދޭ މުވައްޒަފުންނަށްވެސް ދޭން ޖެހޭ.
ޑްރީމް
29 January 2017
ނުކުޅެދުންތެރިކަން ހުންނަ 20 މީހަކަށް އެމްޕީއެލުން ވަޒީފާ ދިނުން އެއީ އުފާވެރިކަން ހިތަށް ގެނެސްދޭ ކަމެކެވެ. ރާއްޖޭގެ ތާރީޚް ގައި ވެސް ނުކުޅެދުން ތެރިކަން ހުންނަ ކުދިންނަށް އެންމެ ގިނައިން ވަޒީފާ މިދެނީ ސަރުކާރުގެ ކުންފުނި ތަކުން އެއީ މަމެންގެ ބިއުޓިފުލް އެން އޯސަމް އެން ފްލޯލެސް ވެރިކަމުގައެވެ. އުފާވެރި ކަމުގެ ވައިރޯޅި އާއި އެކު ނަށާލާ ހިތްވަނީ ، ކުޅެދޭ މީހުންނާއި އެއްފަދައިން އަމިއްލަ އަށް އާމްދަނީ ލިބެނީ އޭ. ދޭ އާރ ގެޓިންގް އަ ބިއުޓިފުލް ލައިފް، ހޯލްޑް އޮން އިޒް ދިސް އަ ޑްރީމް ދެން ރެސްޕެކްޓް އިން ދިސް ޑްރީމް..
އުމަރު
29 January 2017
އެމްޕީއެލްއިން އެކުދިންނަށް މިހާރު ވަޒީފާ ތިޔަދެނީ ސިޔާސީ ބޭނުމަކަށް، އެހެންކަމުން ސިޔާސީ ބޭނުމަކަށް ތިޔަކުދިން ސަރުކާރުގެ ކުންފުނިތަކުގެ ބޭނުންނުކުރުމަށް ގޮވާލަމެވެ.