އިނގިރޭސި ބަހަށް ކޮށި ކޯޗު ބުނެލި ދެތިން ބަހެއްގައި ބުނީ ފަންސަވީހަކަށް މިނެޓް ރަނގަޅަށް ކުޅުނު ކަމަށާއި އެކަމަކު މިއީ ރަނގަޅު މެޗެއް ނޫން ކަމަށެވެ.
ރާއްޖޭގެ ކޯޗު އިޓަލީގެ ފްރެންޗެސްކޯ މޮރިއޭރޯ ޕްރެސް ދޫކޮށް ދަނީ. -- ފޮޓޯ: ފަޔާޒް މޫސާ / މިހާރު
25 ޖޫން 2023 - 17:34
92 comments
ބަންގްލަދޭޝް އާ ދެކޮޅަށް ކުޅުނު މެޗުން މޮޅު ވުމަކީ ވާވަރުގެ ކަމެއް ނޫން ކަމަށް ބުނެ ރާއްޖޭގެ ކޯޗު އިޓަލީގެ ފްރެންޗެސްކޯ މޮރިއޭރޯ ނޫސްވެރިންގެ ބައްދަލުވުން ދޫކޮށް ހިނގައްޖެ އެވެ.
ޕްރެސް ފަށަމުން ކޯޗު ބުނީ މި މެޗުން މޮޅުވުމަކީ ވާވަރުގެ ކަމެއް ނޫން ކަމަށާއި، ހުރިހާ ދިވެހިންގެ ކިބައިން މާފަށް އެދޭ ކަމަށެވެ. އިނގިރޭސި ބަހަށް ކޮށި ކޯޗު ބުނެލި ދެތިން ބަހެއްގައި ބުނީ ފަންސަވީހަކަށް މިނެޓް ރަނގަޅަށް ކުޅުނު ކަމަށާއި އެކަމަކު މިއީ ރަނގަޅު މެޗެއް ނޫން ކަމަށެވެ.
"ހުރިހާ ދިވެހިންގެ ކިބައިން ވަރަށް ބޮޑަށް މާފަށް އެދެން، ޝުކުރިއްޔާ،" ކޯޗު ނުކުމެގެން ދަމުން އިނގިރޭސި ބަހުން ބުންޏެވެ.
މޮރިއޭރޯ ޕްރެސް ދޫކޮށް ދިއުމުން ރާއްޖޭގެ ޓީމުގެ ފަރާތުން ވާހަކަ ދެއްކީ މެނޭޖަރު އަބްދުﷲ ޝިބާއު (ޝިބާ) އެވެ. އޭނާ ބުނީ ބުނީ ޕްލޭނާ އެއްގޮތަށް މެޗު ނުކުޅެވުނު ކަމަށް ކޯޗު ބުނި ކަމަށެވެ.
"ނަތީޖާއާ މެދު ވެސް، ޕަފޯމަންސާ މެދު ވެސް ކޯޗު ހިތްހަމައެއް ނުޖެހޭ،" ރާއްޖޭން ލަނޑެއް ޖަހާފައި އޮއްވައި ބަންގްލާދޭޝް އިން ފަހަތުން އަރައި ތިން ގޯލް ޖަހައިގެން މޮޅުވި މެޗާ ބެހޭ ގޮތުން ޝިބާ ބުންޏެވެ.
މުބާރާތުގައި ދެން ކުރިއަށް ދިއުމުގެ އުންމީދު އޮތީ ކިހާވަރަކަށްތޯ އެހުމުން ޝިބާ ބުނީ އެއީ ވަރަށް ބޮޑު ގޮންޖެހުމަކަށް ވާނެ ކަމަށެވެ. އެކަމަކު މެޗާ ބެހޭ ގޮތުން ކުރި މުހިންމު ބައެއް ސުވާލުތަކަށް ޝިބާ ވަނީ އޭނާ އަށް ޖަވާބު ދޭން ހައިސިއްޔަތެއް ނެތް ކަމަށް ބުނެ ޖަވާބު ދޭން އިންކާރުކޮށްފަ އެވެ.
ގުރޫޕް ސްޓޭޖުގެ ފަހު މެޗުގައި ރާއްޖޭން ނުކުންނާނީ ލެބަނަން އާ ދެކޮޅަށެވެ. ރާއްޖޭން ސެމީ ފައިނަލްގެ ޖާގައެއް ހޯދަން ލެބަނަން އަތުން މޮޅުވުން މަޖުބޫރެވެ.
މުބާރާތުގެ ގަވައިދު ބުނާ ގޮތުން މެޗުގެ ޕްރެސް ކޮންފަރެންސްތަކުގައި ކޯޗު ޖަވާބުދޭން ޖެހެ އެވެ. އެހެންވެ، ކޯޗު ޕްރެސް ދޫކޮށް ދިޔަ މައްސަލައާ ބެހޭ ގޮތުން ނޫސްވެރިން ސުވާލުކުރުމުން ޝިބާ ބުނީ އެކަން ބަލާނެ ކަމަށާއި ކޯޗު ވެސް މުބާރާތުގެ ގަވައިދަށް އަމަލުކުރަންޖެހޭނެ ކަމަށް ގަބޫލުކުރާ ކަމަށެވެ.
މުބާރާތުގައި ރާއްޖޭން ފުރަތަމަ ކުޅުނު މެޗުގައި ބޫޓާން އަތުން 2-0 އިން މޮޅުވިޔަސް އެ ދުވަހުގެ މެޗަކީ ރާއްޖޭގެ ގައުމީ ޓީމު ދުވަހަކު ވެސް ނުކުޅޭހާ ދަށް މެޗެއް ކަމަށް ބުނެ އެތައް ބައެއްގެ ފާޑުކިޔުން އޮތީ އަމާޒުވެފަ އެވެ.
މިއަދުގެ މެޗަކީ ބަންގްލަދޭޝް އިން ސާފް ޗެމްޕިއަންޝިޕްގައި 20 އަހަރު ފަހުން ރާއްޖެ ބަލިކުރި ފުރަތަމަ މެޗެވެ. އެންމެ ފަހުން ސާފް ޗެމްޕިއަންޝިޕްގައި ބަންގްލަދޭޝް އަތުން ރާއްޖެ ބަލިވީ އެ ގައުމުގައި 2003 ވަނަ އަހަރު ބޭއްވި މުބާރާތުގެ ފައިނަލްގައި ޕެނަލްޓީ ޖަހައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދުނޭ
27 June 2023
ޔަޤީންކަންނެތީ ކޯޗަށާއި، ސަޕޯޓަރުންނަށް އެކަނި! އަހަރެމެންނަކަށް އޯޅިފައިއޮތްކަމެއް ނޫން، ފުރަތަމަކިޅުގައި ލަނޑެއް ޖަހާލެވުނީމައި ލިބޭ ހިތްވަރާ އުންމީދު ބޮޑު ޔަޤީންކަން ކަށަވަރުވެގެން މިހާތަނަށް ވެފައިވާ ބަލި! ފެށުމުގެތެރޭން މޮޅަށްކުޅެ، ފުލަށް ބަރުވެ، ބަލިވަނީ "މަމޮޅު" ފަޚުރުން ވިސްނި ފަހަތަށްފައިބާ ވަރުބަލިވެ ހިތްވަރު އެލޭތީކަން!
ޒިންމާދީ
27 June 2023
އަދި އަހަރު ދުވަހު ރާއްޖެއިން ބޭރުގަ ބައިތިއްބާލަން ފެންނަނީ ކުޅުންތެރިން ޕްރެކްޓިސްކޮށްލާ "ހިތް އުފާކޮށްލަން"... މަހު ލޫފު ބުނަނީ ކިޔެކޭ މިކަމަށް؟
ހޮޓްކިންގ
26 June 2023
ކުޅިވަރު ކުޅެންމީހާގެ އަޚްލާޤް ހުންނަންޖެހޭ. ސިނގިރޭޓާއި މަސްތުވާތަކެތިން ސަލާމަތްވެ ތިބެންޖެހޭ. މިކަންކަން ހުރިތޯ؟ ކޮބާތޯބުންވަރު. ދަނޑުތެރޭގަވެސް ސިނގިރޭޓެއްބޯނުލާ ފަރުނުޖެހޭ ކުޅުންތެރިން ލައިގެން ކޮންފުޓްބޯޅައެއް ކުޅެވޭނީ؟
އަފްރާސިޔާބު
26 June 2023
ބަންގާޅު މީހުންނަކީ ޑިސިޕްލިން އެއް ހުންނަ ބަޔެއް. ދިވެހިން ކޯޗަށްވުރެ މޮޅުވާނެ. ސުއްޓާ، ސިނގިރެޓް، ގުޑުގުޑާ ސީޝާ ބޯނެ.
ތުއްތޮންބެ
26 June 2023
ރާއްޖޭގެ ފުޓްބޯޅަދަނީ ދުވަހުންދުވަހައް ފަހަތައް މިކުރާހަރަދާބަލާފަ ހަމަސުމެއް.
ކަރުނައިން ތެމި ފޯވެފައި
26 June 2023
ދިވެހި ފުޓްބޯޅައަށް މިވާގޮތެއް ދިރާސާކުރުމަށް ހުރިހާ ކޮލެޖްތަކަށް ގޮވާލަން. އަހަރުމެން ކުޑައިރުވެސް ކުޅެނީ މިހެން. މިހާރުވެސް ކުޅެނީ މިހެން. ނުވަތަ އެއަށްވުރެވެސް ހާލަތު ދަށް. އިންޓަރ ސްކޫލް ފުޓްބޯޅަ މުބާރާތްވެސް މިއަށްވުރެ ބަލާހިތްވޭ.
ސައިކް
26 June 2023
ރާއްޖެ ޓީމްގެ 4 ނަމްބަރ ބަދަލު ނުކޮއް ގިނައިރު ވެގެން މެޗް ގެއްލުނީ، ދެން ފަހުން ބަދަލު ކުޅުންތެރިއަކަށް އެރުވި ފޯރވާޑު އެވެސް ބޭކާރު އެއްވެސް ތަޖުރިބާއެއް، ހުނަރެއް ނެތް މީހެއް، ކޮސް ހެދިފަ އޮތީ މެނޭޖުމަންޓަށް،
ގަމާރުވިޔަސް ބޮޑުވަރު!
26 June 2023
މުޅި ކައުނުގަ ދެވަނައެއް ނެތް ފެންވަރުގެ މަތީފާސް ނަގައިގެން އުޅޭ ކޯޗުތަކުގެ ލަދު ކޮބާ!! ސުޒޭނޫނނނ! ކީއްހޭ ތިކުރަނީ!
ޒިގްކާ
26 June 2023
ކޯޗު މައްސަލައެއް ނޫން..ކޮންމެ ކޯޗެއް ހުއްޓަސް މިކަހަލަ ކަޑަ އެފްއޭ އެއް އޮވެގެން ހަމަ ޗޮކޮންދާނީ.. ކޯޗުބޮލަށް ކަނޑަން ނޫޅޭ..އެ ސޮރަށްވެސް މުސާރައެއް ނުދޭ..
ށުމާ
26 June 2023
ޓީމް ފަޤީރު ކަމުން ޖާރޒީގަ ނަންޖަހާލާނެ ލާރިކޮޅެއްވެސް ނުލިބުނު ލޮލް
ކަނޑުވެއްޖެ
26 June 2023
ކަނޑުވިތާ ކިތަންމެ ދުވަހެއް، ދިޔަވާން ފެށިތާވެސް ކިތަންމެ ދުވަހެއް. މިހާރުއެފެށީ ފެތެން. އެކަމަކު ކައްޕިއެހެރީ ދުރައްނުޖެހޭން ފައިވިއްދާފަ. އާދޭސްކުރިތަން ފެނިއްޖެ، ކައްޕިއައް އިންޒާރުދީ ބިރުދެއްކިތަންވެސް ފެނިއްޖެ އެކަމަކު އޭނައައްވަރިހަމަ. ކޮންމެ ގޮތެއްވިޔަސް މަގާމުގަ ދެމިހުންނަންބޭނުން. މިހާރުގެ ހާލަތަކީ ބޮޑުމަރާމާތަކައް އޮޑިއެހެލައިއެކަން ކުރެވޭނެ ވަރުގެ ބަޔާކާ ހަވާލުކޮއްގެންނޫނީ ސަލާމަތްނުވާނެ ހާލަތެއް. އެކަމަކު އަދިވެސް ކައްޕިހުރީދޫނުދޭން