އެފްއޭއެމްގެ ޑެޕިއުޓީ ޓެކްނިކަލް ޑައިރެކްޓަރު އަބްދުﷲ ޝިބާއު: މުސާރަ ނުދޭ ސުވާލު ކުރުމުން އޭނާ އެދުނީ މެޗުގެ ކުރިން ނެގެޓިވް ވާހަކަ ނުފެތުރުމަށް --- ފޮޓޯ: އެފްއޭއެމް
29 ޖޫން 2023 - 10:44
16 comments
ގައުމީ ޓީމުގެ ކޯޗިން ސްޓާފުންނަށް މުސާރަ ނުދޭ ވާހަކަ މިޑިއާއިން ސުވާލުކުރުމުން، އެއީ ނެގެޓިވް ވާހަކައެއްގެ ގޮތުގައި އެފްއޭއެމުން ސިފަ ކޮށްފި އެވެ.
އިންޑިއާގައި މިހާރު ކުރިއަށްދާ ސާފް ޗެމްޕިއަންޝިޕްގައި އިއްޔެ ލެބުނާނާ ދެކޮޅަށް ރާއްޖެއިން ކުޅެން އޮތް މެޗުގެ ކުރިން، ގައުމީ ޓީމުގެ ކޯޗިން ސްޓާފުންނަށް މުސާރަ ނުދޭތާ އަށް މަސްވެފައިވާ ކަމަށް އަޑުފެތުރޭ ކަމަށާއި އެއީ ތެދެއްތޯ ސުވާލުކުރުމުން، އެފްއޭއެމްގެ ޑެޕިއުޓީ ޖެނަރަލް ސެކެރެޓަރީ އަދި ގައުމީ ޓީމުގެ މެނޭޖަރު އަބްދުﷲ ޝިބާއު އެދިވަޑައިގަތީ މެޗު ކުރިމަތީގައި ވަނިކޮށް ނެގެޓިވް ވާހަކަ ނުފެތުރުމަށެވެ.
"އަޅުގަނޑުގެ އިހްލާސްތެރި އެދުމަކީ މާދަމާގެ [އިއްޔެ ލުބުނާނާ ދެކޮޅަށް ކުޅުނު] މެޗަށްޓަކައި، ޓީމާ ބެހޭގޮތުން މީޑިއާގައި ދެކެވޭ ނޭދެވޭ ވާހަކަތަކުން މި ވަގުތަށް އަޅުގަނޑުމެން އެންމެން ދުރުހެލިވެވޭތޯ ބަލަމާ ހިނގާށޭ،" ކޯޗިން ސްޓާފުންނަށް މުސާރަ ނުދޭކަން ފާހަގަކޮށް އެކަމާ ބެހޭގޮތުން ސުވާލު ކުރުމުން އަންގާރަ ދުވަހު ޝިބާ ޖަވާބު ދެއްވި އެވެ.
އޭގެ ފަހުން އެފްއޭއެމްގެ ރައީސް ބައްސާމް އަދީލް ޖަލީލް މިޑިއާ ގުރޫޕަށް ފޮނުވި މެސެޖުގައި ވިދާޅުވީ، ނޫސްވެރިންގެ ކަންބޮޑުވުން ހުންނާނެކަން އޭނާ އަށް އެނގިވަޑައިގަންނަވާ ކަމަށެވެ. އަދި ޖުލައި 15 ގައި ނޫސް ކޮންފެރެންސެއް ބާއްވައި ނޫސްވެރިންގެ ހުރިހާ ސުވާލަކަށް ޖަވާބު ދެއްވާނެ ކަމަށް ވެސް ވިދާޅުވި އެވެ.
އިއްޔެގެ މެޗުގެ ފަހުން ވެސް، ގައުމީ ޓީމުގެ ކޯޗިން ސްޓާފުންނަށް މުސާރަ ނުދީ އޮތް މައްސަލައާ ބެހޭގޮތުން މީޑިއާ ގުރޫޕްގައި ސުވާލު ކުރި އެވެ. އެކަމަކު އަދި މިހާތަނަށް އެ ސުވާލަށް ޖަވާބެ ލިބިފައެއް ނުވެ އެވެ.
ގައުމީ ޓީމުގެ ކޯޗިން ސްޓާފުންނަށް މުސާރަ ނުދޭތާ ނުވަ ވަރަކަށް މަސްވެފައިވާކަން "މިހާރު" އަށް ވަނީ އެނގިފަ އެވެ. ޓީމުގެ ގޯލްކީޕިން ކޯޗު އަސްލަމް އަބްދުރަހީމް ވެސް ޓީމާ އެކު މުބާރާތަށް ނުދިޔައީ އޭނާ އަށް ދޭން ޖެހޭ އަށެއްކަ މަސް ދުވަހުގެ މުސާރަ ނުދީ އޮތުމުންކަން ވެސް "މިހާރު" އަށް އެނގިފައި ވެއެވެ.
އެކަމަކު އެކަމާ ބެހޭގޮތުން މީޑިއާއާ ވާހަކަ ދައްކާކަށް އަސްލަމް ބޭނުމެއް ނޫނެވެ.
ޓީމުގެ ހެޑް ކޯޗު ފްރެންޗެސްކޯ މޮރިއޭރޯ އަށް ވެސް ބަރާބަރަށް މުސާރަ ނުދޭކަން ވަނީ އެނގިފަ އެވެ. އޭނާގެ ކޮންޓްރެކްޓް މިދިޔަ އަހަރު އާ ކުރި އިރު ވެސް އޭނާ އަށް މުސާރަ ނުދީ ގިނަ މަސްތަކެއް ފާއިތުވި އެވެ.
އޮކްޓޯބަރު 2021 ގައި ޅ. ކުރެއްދޫ ރިސޯޓްގައި ކުޅުނު މެޗުން ގައުމީ ޓީމަށް ލިބުނު މިލިއަނަކަށް ވުރެ ގިނަ ރުފިޔާ ހުރިހާ ކުޅުންތެރިންނަށް އެފްއޭއެމުން އަދި ވެސް ދީފައެއް ނުވެ އެވެ. ސާފް ޗެމްޕިއަންޝިޕްގައި ގައުމީ ޓީމާ އެކު ދިޔަ ބައެއް ކުޅުންތެރިންނަށް ވެސް އެ ފައިސާ ދީފައެއް ނުވެ އެވެ.
ސާފް ޗެމްޕިއަންޝިޕްގައި ކުރިމަތިވި ނާކާމިޔާބާ އެކު ގިނަ ބަޔަކު ދަނީ އެފްއޭއެމަށް ވަރަށް ބޮޑަށް ފާޑު ކިޔަމުންނެވެ. ސާފް ޗެމްޕިއަންޝިޕްގައި ގުރޫޕް ސްޓޭޖުން ރާއްޖެ މި ކެޓީ މުޅިން އަލަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްލާހު
01 July 2023
ޖުލައި 15 ގައި ކޮންމެހެން ނޫސް ކޮންފަރެންސެއް ބޭއްވުން މުހިންމެއް ނޫނެވެ. މުހިންމީ ތިމާމީހާގެ ނާގާބިލް ކަން އަމިއްލަ އަށް ޤަބޫލުކޮއް އިސްތިއުފާ ދިނުމެވެ. ފުޓްބޯޅަ ހަލާކުކުރުމުގައި ލައްކަ ގިނަ ދުވަސް ހޭދަކުރެވިއްޖެ ތާއެވެ.
ރެފްރީން
30 June 2023
ރާއްޖޭގައި އެމްފަހުން ބޭއްވުނު ސާފް ޗެމްޕިއަންޝިޕްގެ ރެފްރީންނަށާއި، މެޗް ކޮމިޝަނަރުންނަށްވެސް އެފް،އޭ.އެމުން އަދިވެސް އެލަވަންސް ނުދޭ. ސާފުން ވަނީ ހުރިހާ އެލަވަންސެއް އެފް،އޭ.އެމާ ހަވާލުކޮށްފަ، އެފައިސާއަށް ވީގޮތެއް އަދިވެސް ނޭގޭ! އަދި ރާއްޖޭގެ ރެފްރީންނަށް ދޭންޖެހޭ ފައިސާއެއް އެއްގޮތަކަށްވެސް ނުދޭތާ އެތަކެއް އަހަރުތަކެއްވެދާނެ. މިކަން ބަލާނެ އެއްވެސްފަރާތެއް ނެތް. ހާދަ ދެރައޭދޯ
ބަރުބަރީ ރަސްގެފާނު
30 June 2023
މަށަށް ފެންނަނީ ސިޔާސީ ޕާޓީތަކުގެ ކްލަބުތަކާ، ސިފައިންގެ ކުލަބާ، ޕޮލިސް ކުލަބަ، ސަރުކާރުގެ އޮފީސްތަކުގެ ކުލަބުތަކެއް ބާއްވަން ފުރަތަމަ ޑިވިޝަނުގަ. އެނޫންގޮތަކަށް ރާއްޖޭގަ ދެނެއް ފުޓުބޯޅަ ނުކުޅެވޭނެ. ގައުމީ ޓީމަށް ނަގާނީ ގައުމަށް ހިލޭ ސާބަހަށް ކުޅެދޭން ބޭނުންވާ މޮޅެތި ކުޅުންތެރީން. މުސާރައެއް ދޭނެކަމެއް ނެތް މޮޅުވީމަ ދޭ އިނާމަކާ މުބާރާތައް ދޭ އެލަވަންސެއް ފިޔަވާ! އަބަދު ފައިސާ ފައިސާ ގޮވާ މީހުން އޭގެ ފަހުން ކޯޓު ދޮރުމަތީގަ ބައިތިއްބާ.
އަޝަރަފް
29 June 2023
ބާއްސާމުގެ މުވައަޒަފުންނަށްވެސް އަދި ކަޑާލި މުވައްޒަފުންނަށް ވެސް މުސާރަ ނުދޭތާ 4 މަސް އަދި 5 މަސް ވެދާނެ. އެކަމަކު ހުރިހާބޮޑުން (ބައްސާމް، ދޮނާ، އަލީ އުމަރު، ޖަވާ) ވީޙައަޖަށް ގޮސް. އީދު ބަންދުގެ ފަހުން މުސާރަ ނުލިބެނީސް މުވައްޒަފުން އޮފީހައް ނުނުކުންނަން ވިސްނަނީ.
ހުލޫލުލް ބާލޫލް
29 June 2023
އެއީ ބައްސާމު ހިންގާ ވިޔަފާރި ކުންފުންޏެއްތަ އޭނާ ދަރަންޏަށް ޒިންމާ ނަގަން؟
ކޮންސްޓޭ
29 June 2023
ދެން މަގުމައްޗަށް ނުކުންނަންވީ ޒިންމާދާރު ކުރުވޭތޯ ބަލަން؟ އެފްއޭއެމް ދޮށަށް އެއްވެ އަޑުގަދަ ކުރަންވީ؟ ގައުމުގެ ލަދަށްޓަކާވެސް އިސްތިއުފާދީފަ ދުރަށް ދާންވީނުންތޯ ކަންކުރަން އިނގޭ ބަޔަކާ ހަވާލުކޮށްފަ؟
ބައްސާމު މާމަ
29 June 2023
ކަލޭ ގޭގަ މުޒާހަރާ ކޮށްބަލަ.! ގައުމެއް ހަލާކު ކޮށްފިއޭ މިބާވަތުގެ ކަންކަން ގިނަވެގެން.
މައު
29 June 2023
އެތަނުގެެ އިދާރީ މުވަައްޒަފުނަށް މުސާރަ ނުދޭވާހަކަވެސްް ދައްކަވާ، މުސާރަ ލިބެނީ ހަމައެެކަނި އެތަނުގެ ބޮޑުންނަށް
މީމް އަލިފު
29 June 2023
ކުލަބްތައް ބައްސާމްގެ ޖީބުގައި ތާށިވެ ސަލާމަތް ނުވެވޭވަރުގައި ދެން ކޮންފުޓުބޯޅަައެށް މިގައުމުގަ ކުޅުވޭނީ
ގައުމީ ނޫސްވެރިކަން ދަހެއްނުވޭ
29 June 2023
އަޅެފަހެ ގައުމީ ޓީމަށް ނޭގެނީތަ އެފްއޭ އޮތް ހާލަތެއް؟ ގައުމަށް ރީތި ނަމާ ޝަރަފަށް ކުރާ މަސައްކަތަކީ ބައެއް ފަހަރު ހާލަތަށްވެސް ރިއާޔަތް ކޮށް ކަށިން ހިތްވަރު ނެރިގެން މަސައްކަތް ކުރާން ޖެހޭ ވަގުތު ތަކެއް. ނޫސްތަކުން އެކަން އެގޮތަށް ގެނެސް ކުޅުންތެރީންނަށާ ޓީމަށް ހިތްވަރު ދޭނަމަ ގައުމީ ކަންކަން ފައިސާ އަކަށް ނުކިރާނެ. ގައުމަށް ހޯދާދެވޭ ރީތި ނަމާ ޝަރަފަކީ ހުރިހާ ކަމަކަށްވުރެ އަގު ބޮޑު ގުރުބާނީ ތަކެއްގެ ފޮނި މީރުކަން. ނޫސްވެރީން މައިތިރި ވާންވެއްޖެ.
ހޯރަބޭ
29 June 2023
ރިކޯޑެއް ހެދިއްޖެންނު
މޯޑަ
29 June 2023
ސިބާއަށް މުސާރަ ދޭތޯ އެހިނަމަ