ރ. ރަސްމާދު، ހުސެއިން ޔޫސުފް "މިހާރު"އަށް އިންޓަވިއު ދެނީ.
15 ޖުލައި 2023 - 10:18
11 comments
ރ. ރަސްމާދު އަކީ ގާމަތީ ރަށެކެވެ. އެހެންވެ، ރަށަށް އަރައި ފޭބުމުގެ ކަންކަމުގައި ވަރަށް ދައްޗެވެ. އެކަމަކު، މިހާރު އެއީ މާޒީ އެވެ.
ފުރާވަރުން ފެށިގެން މުޅި އުމުރުން މަސްވެރިކަމުގައި ހޭދަކުރި، އެ ރަށު ހުސެއިން ޔޫސުފް މިހާރު ހުރީ ހިތްހަމަޖެހިލައިގެންނެވެ. ރަށުގެ ބަނދަރު ހެދުމުން، މިހާރު އުމުރުން 75 އަހަރުގެ ހުސެއިން އަށް ބޮޑު ތަކުލީފެއްގެ ނިމުން އައީ އެވެ.
ހުސެއިން ކުރިން އަމިއްލަ މަސްއޮޑިއެއް ވެސް ގެންގުޅުނެވެ. އެކަމަކު، ވަރަށް ފަހުން އެ އޮޑި ވިއްކާލައިފައި ޑިންގީއެއް ގަތީ އެވެ. މިހާރު އޭނާ މަހަށް ދަނީ އޭގަ އެވެ. ގިނަ ދުވަސްދުވަހު ދަނީ ވެސް އެކަންޏެވެ.
"ދޯނި ބަދަލުކޮށްލީ މިހާރު ބޭބެމެންނަށް [މި އުމުރުގައި] ދޯނި އެހެލާ ބާލަން އުނދަގޫވާނެއެއްނުން، އެހެންވެގެން،" ހުސެއިން ބުންޏެވެ.
ހުސެއިން ބުނީ ބަނދަރު ނަހަދާއިރު އުޅެން ޖެހުނީ ވަރަށް ހާލުގައި ކަމަށެވެ. އެއް ފަހަރަކު މަހުން އައި، ގަދަ ދުވަހެއްގައި ރަށަށް ލަފަން އުޅެނިކޮށް ދޯނި ބަންޑުން ވެސް ޖަހާލި ކަމަށް އޭނާ ބުންޏެވެ.
"އޭރު ގާމަތީ ރަށެއް މިއީ. ރާޅު ބޮޑު ވީމާ، މާ ބޭރުން ރާޅު ނަގައިގެން އަންނަނީ. އެވަރު ބަލާ ނުލާ އެ ދުވަހު ގާތްކޮށްލެވުނު ބޮނޑީގައި ދޯނި ބަންޑުން ޖަހާލީ،" އޭނާ ބުންޏެވެ.
ރާޅު ބޮޑުކަމުން ރަށަށް ނުފޭބިގެން އެއް ފަހަރަކު، އެއް ދުވަސް ވަންދެން ރަށް ބޭރުގައި އޮންނަން ޖެހުނު ކަމަށް ވެސް އޭނާ ބުންޏެވެ.
"މިހާރު ވަރަށް ފަސޭހަ ބޭބެމެންނަށް، ވަރަށް ފަސޭހަ ބަނދަރު ހެދީމަ،" އޭނާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަރަނި ދަންތުރަ
15 July 2023
ރަށަށް އަރާ ފައިބަން ފަށޭހަ ވީއިރު ބޭބެގެ ބޮޅުގައި 160 ބިލިޔަން ރުފިޔާގެ ދަރަނި އެޅިފައިވާކަން އެނގޭތޯ
ގުނާލަމާ
15 July 2023
ރަށަށް ފަސޭހައިން އެރޭ ގޮތްވީއިރު ރަށަށް ތިހެން އަރަން މިހާރު ތިބީ ކިތައް މީހުންބާ؟ 75 އަހަރުވީ ދުވަސްވީ ބޭބެއިން ތިހެން ޑިންގީއެއްގަ އެކަނި މަހަށް ދިއުމަކީ އެހާ ރައްކާތެރި ގޮތެއް ނޫން. އަތްގާތްކޮށްދޭނެ ދަރިއަކު ނޫނީ ދިވެއްސަކު މިހާރު ލިބޭނެހެން ހީނުވޭ. އެއެއް މިއެއް ނުބަލާ ބަނދަރުތަކާ އެހެނިހެން ކަންކަން ފުރިހަމަކޮށްދެނީ ފަޅުވެފައިވާ ނޫނީ ބިދޭސީން އަރާ ތިބި ރަށްތަކަކަށް. ދިވެހިން އަމިއްލަ އުފަން ރަށްތައް އެކަނިކޮށް ފަޅުކޮށްލައިފި.
ހުވޭ
15 July 2023
އެއްމެ މަސްދޯންޏަކާ ދެޑިންގީ ވަންނަން ބަނދަރު ބޮޑުކޮށް ފުންކޮށް ފުޅާކުރުމަށް މިލިޔަންރުފިޔާ ބުރުއްސައިފި.
ޕެރެސް
15 July 2023
މިކަހަލަ ބޮޑެތި ބަދަރުތައް ހަދާފަ އެންމެ އައިސް ހިޔާ ފުލެޓުގަ. ރަށުގަ ހުކުރަށް 40 ހަމަނުވޭ. ސަރުކާރުން މިކަހަލަ ބޮޑެތި އިޝްރާފު ކުރުން ހުއްޓަން ވެއްޖެ.
މާހިރު.
15 July 2023
ޔާމީނު ކީއްތަ މިކުރީ އަތޮޅު ތެރެއަށް.
ޖަމީލުބެ
15 July 2023
الحمد لله
ހިމާރުލްގައުމު
15 July 2023
ކިތައްމެވަރަކަށް ހިންނަވަރޭ ޕްރޮމޯޓް ކުރިޔަސް އޭނަ ބޭރުކުރާނަން މިފަހަރު.
1828
15 July 2023
ކޮންމެ ރަށެއްގައި ބަނދަރެއް، ހޮސްޕިޓަލެއް / ސިއްޙީމަރުކަޒެއް، ސްކޫލެއް، ރަށު ކައުންސިލެއް، ޕޮލިސް ސްޓޭޝަނެއް، ބޭންކްގެ ބްރާންޗެއް، މަގުމަތަކިގައި ތާރު. މިއީ ދައުލަކަަށް އުފުއްލަން ފަސޭހަކަމެއްނޫން. މިކަންކަން ފަސޭހަވާނީ އެއްފަސްކޮށްގެން. މިހާރު ދައުލަތަށް މިއީ ބޮޑު ބުރައެއް.
ސަލީމު އިދުރީސް
15 July 2023
ކޮއްގައުމެއްގަ ތޯފަސޭހައިން ކަންކިރެވެނީ ސުއިޒަ ލެއްޒުގަ ވެސް ފަރުބަތައް ތޮރުފައިގެން ޓަނަލު ނުހަދަ ވާންހުރި ހިސާބުގަ ދިރިއުލުންނަމަ އެހިއްގައި ސުއިޒަލެންޑު ބަދަލުގަ ފެނުނީހީ ހުސްކޮން ކޮންކުރިޓު ސިޓީތަކެއް! ދިވެހި ރާއްޖެެެއަކީ ޖަޒީރާރައްތަކެއް މިތަނުގަ ހުރި ގޮންޖެހުން ތަކާއެކު އުޅެވޭގޮތައް މިތަން ތަރައް ގީކުރަން ވާނީ
އިރުފުހޭ
15 July 2023
3 މީހުން އުޅޭ ރަށްރަށުގައި މިކަހަލަ ކަންކަން ކުރުމަކީ ވިޝަނަރީ ލީޑަރަކު ކުރާނެ ކަމެއް ނޫން. ބޮޑުރަށަކަށް ބަދަލުވެވުނަސް އެބޭބެ ކުރާ މަސައްކަތްކުރެވޭނެ. 2 ވަނަ ދައުރަކަށް ދަހިވެތިވެގެން ދައުލަތުގެ ޚަޒާނާ އިސްރާފުކުރަނީ ތިބެގެން. ވިސްނާ ބަޔަކަށް އެނގޭނެ މިވާގޮތް.
އަފްރާސިޔާބު
15 July 2023
ކުރީމާވެސް ގޯސް. ނުކުރީމާވެސް ގޯސް. މީދިވެހިންގެ ހާލަތު ހުރިގޮތަކީ. ކީއްކުރާނީ. މާލޭގެ ކުލީ އަޅުން ނަށް ހަދަން މިތަން ބޮޑުކުރާ ވާހަކަ.