އިންސާނުންނާއި އޭއައިގެ ހަނގުރާމައަށް ތައްޔާރުތަ؟

"ދަ ކްރިއޭޓާ"ގެ ލީޑު ރޯލު ކުޅޭ ޖޯން ޑޭވިޑް ވޮޝިންޓަން އެ ފިލްމުގެ މަންޒަރެއްގައި.

18 ޖުލައި 2023 - 06:54

އިންސާނުންނާއި އާޓިފިޝަލް އިންޓެލިޖެންސް (އޭއައި)އާ މެދު ހިނގާ ހަނގުރާމައެއް ދައްކާ ސައިންސްފިކްޝަން ފިލްމެއް ކަމަށްވާ "ދަ ކްރިއޭޓާ"ގެ ޓްރެއިލާ އިއްޔެ ނެރެފި އެވެ.

ސްޓާ ވޯސްގެ "ރޯގް-ވަން"ގެ ޑައިރެކްޓަރު، ގެރެތު އެޑްވާޑްސް ޑައިރެކްޓުކޮށް، ކޯ ރައިޓްކޮށް އަދި ޕްރޮޑިއުސްކޮށްފައިވާ "ދަ ކްރިއޭޓާ" އަކީ ސައިންސްފިކްޝަން ފިލްމުތަކަށް ލޯބިކުރާ މީހުންނަށް ވަރަށް ހާއްސަ ފިލްމަކަށް ވާނެ އެވެ. އަދި މިއީ މި އަހަރު ނެރޭ އެ ޖޯންރާގެ ފިލްމުތަކުގެ ތެރެއިން ގިނަ ބަޔަކު އެންމެ އިންތިޒާރުކުރާ ފިލްމެވެ.

މި ފިލްމުގައި ލީޑު ރޯލު ކުޅެނީ ޖޯން ޑޭވިޑް ވޮޝިންޓަން އެވެ. އޭނާ ކުޅެނީ އެމެރިކާގެ އަސްކަރިއްޔާގެ ކުރީގެ އޭޖެންޓެއްގެ ރޯލެވެ. މުސްތަގުބަލުގައި ހިނގާ ކަންތައްތަކެއް ދައްކާ މި ފިލްމުގެ ވާހަކަ ބިނާކޮށްފައި ވަނީ އިންސާނުންގެ ރައްކާތެރިކަމަށް އުފެއްދި އާޓިފިޝަލް އިންޓެލިޖެންސް ރޮބޮޓްތަކެއް، އިންސާނުންނާ ދެކޮޅުވެ ހިނގާ ކަންތައްތަކެއްގެ މައްޗަށެވެ. އެކަމުގެ ތެރެއިން ހިނގާ ހަނގުރާމައެކެވެ.

ވޮޝިންޓަންއާ އެކު ފިލްމުގެ މުހިންމު ރޯލުތަކުން ފެންނާނީ ގެމާ ޗެން، ކެން ވޮޓަނަބީ، އަމަރު ޗަންދާ ޕަޓޭލް، ބެނެޓިކް ވޯންގް، ސްޓާގިލް ސިމްޕްސަން، މެޑެލީން ޔޫނާ ވޮއިލްސް އަދި އެލިސަން ޖޭނީ އެވެ.

"ދަ ކްރިއޭޓާ" ސިނަމާތަކުގައި އަޅުވަން ނިންމާފައި ވަނީ އަންނަ ސެޕްޓެމްބަރު މަހު 29 ގަ އެވެ.

ހޮލީވުޑް ފިލްމު

2 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދާށޯމޮސް

18 July 2023

މިހާރުވެސް އިންސާނުންގެ ބްރެއިން ވޯކްކުރަމުން ދަނީ އެބަޔެއްގެ އަތްތަކުން ހަދާފަވާ ސްމާރޓް ފޯނުތަކުގެ ބާރުންނެވެ. މީ ކާއިނާތުގައި އިންސާނާ ގެ ބްރެއިން ވޯކްކުރާ އެތަށް ބިލިޔަން ސްޓާތަކާ ދެކޮޅަށް ބިމުގަ އިންސާނާ ހަލާކުވުމަށް ބޭނުން ކުރެވޭ ވަސީލަތެކެވެ. މިކަމުގެ އެއްހެކި ލޮލުގެ ރެޓީނާ ފަނާވެދިޔުން ނުވޭހެއްޔެވެ. އޭއައި ރޮބަރޓް އިންސާނުން ހަދަނީ އިންސާނީ ކަރާމާތަށް އިހާނެތި ކޮށްހިތުމަށެވެ. ރޫހާނީ ބާރުނެތި މާއްދީރޫހުން އިންސާނާ ގެ ދުނިޔެ ނެތިކޮށްލާށެވެ.