ތުރާކުނުގައި ރައީސް ވާހަކަ ފައްކަވަނީ: ރައީސް ވިދާޅުވީ މިދިޔަ ފަސް އަހަރަކީ އެންމެ ކުއްމަދު ފަސް އަހަރު ކަމަށް ފުލުހުންގެ ތަފާސްހިސާބުތަކުން ދައްކާ ކަމަށް.-- ފޮޓޯ: އެމްޑީޕީ
19 ޖުލައި 2023 - 15:30
21 comments
މި ސަރުކާރުގެ މިދިޔަ ފަސް އަހަރަކީ ފަހުގެ ތާރީހެއްގައި އެންމެ ކުށް މަދު ފަސް އަހަރު ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ސެޕްޓެމްބަރުގައި އޮންނަ ރިޔާސީ އިންތިހާބުގެ ކެމްޕެއިނަށް މިހާރު ހއ. އަތޮޅަށް ރައީސް ކުރައްވަމުން ގެންދަވާ ދަތުރުފުޅުގައި އެ އަތޮޅު ތުރާކުނު ރައްޔިތުންނާ ވާހަކަފުޅު ދައްކަވަމުން ރައީސް ވިދާޅުވީ މި ސަރުކާރުގެ ތަރައްގީގެ މަޝްރޫއުތައް ކުރިއަށް ގެންދެވެނީ މުޖްތަމައު އަމާންކޮށް ކުރިއަށް ގެންދެވޭތީ ކަމަށެވެ.
"މި ވޭދުވެދިޔަ ފަސް އަހަރުގެ ތަފާސް ހިސާބުތަކަށް ބަލާއިރު، މިއީ ފަހުގެ ތާރީހެއްގައި އެންމެ ކުށް މަދު ފަސް އަހަރު ކަމަށް ފުލުހުން ރިޕޯޓްތަކުން ދައްކާ. ކުރިއަށް އޮތް ފަސް އަހަރުގައި އެ އިންސައްތަ ކުރިއަށްވުރެ ދަށް ކުރާނަން،" ރައީސް ވިދާޅުވި އެވެ.
އެމަނިކުފާނު ވިދާޅުވީ ކުރިއަށް އޮތް ތަނުގައި އެންމެ މުހިންމު ސިޔާސަތަކަށް ވާނީ ރާއްޖެއަކީ އަމާން ތަނަކަށް ހެދުން ކަމަށެވެ.
މި ސަރުކާރުން ކުދި ރަށްރަށުގައި ކުރިއަށް ގެންދާ ތަރައްގީގެ މަޝްރޫއުތަކަށް އަލިއަޅުއްވާލައްވައި ރައީސް ވިދާޅުވީ މިހާތަނަށް އެ ރަށުގެ ތަރައްގީއަށްޓަކައި ކުރަންޖެހޭ ގިނަ މަސައްކަތްތަކެއް ނުކޮށް ހުރި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލާހޯދިންގ
20 July 2023
ދެން ހަމަ ބްލައިންޑްލީ އާއެކޭވެސް ނުބުނެ ޕޮލިސް ވެބްސައިޓް ބަލާކިޔާލިއިރު ދޮގެކޭ ބުނާވަރަށް ކުއްގިނަ ކަމަށް ފެނުނެވެ.
1206
20 July 2023
ބުހުތާނު ދޮގު
ކެކެކެކެކެކެ
20 July 2023
ކުއްމަދު ވީ ސާބުތި ނުވެގެން ތޯ ނުވަތަ ކުއްނުކޮއްގެންތޯ؟
ޙުސެއިނުބެ
20 July 2023
ކުށްކުރާ މީހުން ނުހޯދައި އެމީހުން ބޭނުން ގޮތަކަށް އުޅެން ދޫކޮށްލުމުން ތަފާތު ހިސާބުތަކުން ކުށްމަދުވާނެ. ނިމިދިޔަ 5 އަހަރު ކިތައް މަރު، ކިތައް ވައްކަން ކުރި. މިހާރު ނޫހުން މިކަހަލަ ޙަބަރުތައް ގެނެސްދޭއިރު ތަފާތުހިސާބު ޖަހާލުން ރަގަޅު.
2000
20 July 2023
އެންމެ ކުށް ގިނަ އަހަރު. ރޯޔަލް ރޭޕް. ނުބެލި ދޫކޮށްލީ، ކިތައް މަރު ކިތައް ވީގޮތެއް ނޭގި ކިތައްމީހުން. އަލަންގިރި މައްސަލަ ހިންދާލި. އިސްލާމް ދީނަށް ފާޅުގައި ފުރައްސާރަ ކުރީ މިފަސް އަހަރު. ސޭޚަކު ހޯމް މިނިސްޓަރކަށް ލައިގެން މިގައުމު ރައްޔިތުން ސޭކް ނުހައްދަބަލަ. މިތިބީ ސެޕްޓެމްބަރ 9 ނައިސްގެން ކެތް މަދުވެފައި
ޣަނިއަ
20 July 2023
ފަހުގެ ތާރީހުގަ މި 5 އަހަރު މީ މަސްވެރިން ބާނާމަހުގެ އަގު ދައްކުރި ސަރުކާރު އެވެސް ވައުދުވީ 30 ދޭނަމޭ ކިޔާގެން
މުކޭ.ފެޓީކޭސް
19 July 2023
ތަރައްގީގެ މަސްރޫއެއް ނުނިމި ދިޔަ ދައުރަކީ މީ
ކަހަނަލަ
19 July 2023
ވައްކަމާއި މާރާމާރީ މަސްތުވާތަކެއްޗާއި ޑުރާގާއި ހިޔާނާތައްގިނަ މަކަރުވެރި ފަސްއަހަރު . ބީއެމްއެލް އެތަކެއް ހާސް ކަސްޓަމަރުންގެ އެކަންޓުތަކުންކުރި ވައްކަންތައް ނުބެލުން ، ރާއްޖެއަށް ޑުރަގް އެތެރެކުރި ބޮޑެތި ޑީލަރުން ބަލިމީހުނަށްހަދާ އަނބުރާ ގައުމަށް ފޮނުވާލުން ....މަތިމައްޗަށް މާލިއްޔަތުން ވައްކަންކޮށް ފެލި ތިޖޫރީތައް ނުފަޅާކަމަށް ހެދުން . ....އަދި ރޯޔަލްރޭޕް ފަދަ މައްސަލަތައް ނުބެލީމައި ކުށްމަދު 1000 އަހަރޭ ވެސް އަނގަ އޮތީީމައި ބުނެވިދާނެ.
ނޯ ކިމް
19 July 2023
އަސްލު އޮޅުވާލާ ވާހަކަ ދެއްކިމަކީ ސީދާ އިޒުރާއިލު ބާގަައިގެ ސިފައެއް.
ކަންވާރު އިބްރާހީމްް
19 July 2023
ރާއްޖޭގެ ޖުޑިޝަރީގައި މިނިވަންކަން އޮވެފައި، ވައްކަން ކުރާ މީހުންނަށް ދީނުގައި އޮންނަ އަދަބުދޭނަމަ މަނިކުފާނާއި އެކު ކެމްޕޭން ކުރާމީހުން އާސަންދަ ޚަރަދުގައި ޕޮރެސްތެޓިކް ގުނަންތައް ޖަހައިގެން ނޫނީ ކެމްޕޭނަކަށް ނުދެވޭނެއެވެ. ދެން ކޮން ކުށެއް މަދުވާހަކަތޯ ތިޔަ ދައްކަވަނީ؟؟