ހޯމް މިނިސްޓްރީން ބުނި ގޮތުގައި، މި ހަރަކާތްތަކުގައި 1،000 ވުރެ ގިނަ ބައިވެރިން ހިމެނޭ. މާލޭގެ ސްކޫލްތަކާއި ސިފައިންނާއި ރަށްރަށުން ވެސް އައިޓަމްތައް ހުށަހެޅި.
58 ވަނަ މިނިވަން ދުވަސް ފާހަގަކުރުމަށް ގަލޮޅު ދަނޑުގައި ބޭއްވި ހެވިކަމާއި ކުޅިވަރުގެ ހަރަކާތްތަކުގައި ސިފައިން އައިޓަމެއް ހުށަހަޅަނީ.-- ފޮޓޯ: ނިޝާން އަލީ | މިހާރު
26 ޖުލައި 2023 - 23:57
8 comments
ރާއްޖޭގެ 58 ވަނަ މިނިވަން ދުވަހުގެ މުނާސަބަތުގައި ބާއްވާ ރަސްމީ ކުޅިވަރުތަކާއި ހެވިކަމުގެ ހަރަކާތްތައް ގަލޮޅު ދަނޑުގައި މިރޭ ބާއްވައިފި އެވެ.
މި ރަސްމިއްޔާތު ޝަރަފުވެރިކޮށްދެއްވީ ރައީސް އިބްރާހިމް މުހައްމަދު ސޯލިހުގެ ދެކަނބަލުންނެވެ. އަދި މިނިސްޓަރުންނާއި ދައުލަތު އެހެން އިސްވެރިންނާއި ޑިޕްލޮމެޓުން ވެސް ބައިވެރިވެވަޑައިގަތެވެ.
ކުޅިވަރުތައް ބަލައިލުމަށް ގިނަ އަދަދެއްގެ އާންމުން ވެސް ގަލޮޅު ދަނޑަށް ގޮސް ތިއްބެވެ.
ހޯމް މިނިސްޓްރީން ބުނި ގޮތުގައި، މި ހަރަކާތްތަކުގައި 1،000 ވުރެ ގިނަ ބައިވެރިން ހިމެނެ އެވެ.
58 ވަނަ މިނިވަން ދުވަސް ފާހަގަކުރުމަށް ގަލޮޅު ދަނޑުގައި ބޭއްވި ހެވިކަމާއި ކުޅިވަރުގެ ހަރަކާތްތަކުގައި ބައިވެރިވި ދަރިވަރުންނާ ރައީސް އިބްރާހިމް މުހައްމަދު ސޯލިހު ސަލާންކުރައްވަނީ.-- ފޮޓޯ: ނިޝާން އަލީ | މިހާރު
ރަސްމިއްޔާތު ފެށުމުގެ ގޮތުން އޮތީ ސިފައިންނާއި ސްކޫލްތަކުގެ ކެޑޭޓް ކުދިންގެ ފަރާތުން ރައީސަށް ރިޔާސީ ކުރުނީހެއް އެރުވުމެވެ. އޭގެ ފަހުން ސިފައިންނާއި ސްކޫލްތަކުގެ ބޭންޑުން ގައުމީ ސަލާމް ކުޅުނެވެ. އަދި ސިފައިންގެ ލަޝްކަރީންނާ އެކު ސްކޫލްތަކުގެ ކެޑޭޓުން ހިމެނޭ ހެވިކަމުގެ ޝަރަފުގެ ހިނގާލުން ވެސް އޮތެވެ.
މާލޭގެ 14 ސްކޫލްތަކުން ހަތަރު އައިޓަމެއް މިރޭ ހުށަހެޅި އެވެ. އޭގެ ތެރޭގައި ގިނައީ ތަފާތު ލަވަތަކަށް ހުށަހަޅައިދިން ނެށުންތަކެވެ.
ރަށްރަށުން ވެސް ތިން އައިޓަމެއް ހުށަހެޅި އެވެ. އެއީ ކ. ކާށިދޫ ރައްޔިތުންގެ ފަރާތުންނާއި ހއ. ވަށަފަރު ރައްޔިތުންގެ ފަރާތުން އަދި މ. ދިއްގަރު އެކުވެރި ޒުވާނުންގެ ގުޅުމުގެ ފަރާތުން ހުށަހެޅި ސަގާފީ ހަރަކާތްތަކެވެ.
58 ވަނަ މިނިވަން ދުވަސް ފާހަގަކުރުމަށް ގަލޮޅު ދަނޑުގައި ބޭއްވި ހެވިކަމާއި ކުޅިވަރުގެ ހަރަކާތްތަކުގައި ސްކޫލް ކުދިން އައިޓަމެއް ހުށަހަޅަނީ.-- ފޮޓޯ: ނިޝާން އަލީ | މިހާރު
ރަސްމިއްޔާތު ނިންމާލީ އެމްއެންޑީއެފުން ހުށަހަޅައިދިން މިއުޒިކަލްއަކުންނެވެ. އެ މިއުޒިކަލް ތައްޔާރުކޮށްފައި ވަނީ ޕޯޗުގީޒުންގެ އަތްދަށުން ރާއްޖެ މިނިވަންވި ގޮތުގެ މައްޗަށެވެ. އަދި އެ މިއުޒިކަލް ނިންމަައި ހަވާ އެރުވި އެވެ.
މި އަހަރުގެ މިނިވަން ދުވަސް ފާހަގަކުރަން މާދަމާ ހަވީރު މާލޭގެ މަގުތަކުގައި ޕެރޭޑާއި ރޭގަނޑު ފުޅަނދުބުރު ބާއްވަން ވެސް ވަނީ ނިންމައިފަ އެވެ. އަދި ހުކުރު ދުވަހުން ފެށިގެން އަންނަ މަހު ހަތަރެއްގެ ނިޔަލަށް ހުޅުމާލޭގައި ކާނިވަލެއް ބާއްވަން ވެސް ވަނީ ނިންމައިފަ އެވެ. އެ ކާނިވާ ފެށުމުގެ ގޮތުން ހުކުރު ދުވަހުގެ ރޭ ހުޅުމާލޭގައި ހަވާ އަރުވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމެންޓްކުރާމީހާ
27 July 2023
ބަލައިލަން ހަމައެކަނި ބޭނުންވަނީ ރައްޔިތުންގެ ޓެކްސް ފައިސާއިން ކިހާ ފައިސާއެއްތޯ ތިޔަ އިވެންޓްތަކަށް އިސްރާފުކޮށްލީ..
ވ ހަޑި
27 July 2023
މިހާތަނަށް ފެނުނު އެންމެ ފިކަޅާ މިނިވަންދުވަހުގެ ހަރަކާތްތައް. ޓީވީ ބަލަން ތިބި އިރުވެސް ދެއްކުނީ 90 ގެ އަހަރުތަކުގަ ސްކޫލްތަކުގެ ހަރަކާތްތައް ކްރިއޭޓްވެފަ ރީތިވާހަކަ. އެއާ ބަލާ ފަ ރޭގެ އައިޓަމް އަށް 0 ވެސް އެއީ ވަރަށް މަތީ މާކުހެއް. ބޮޑު ފުޓުބޯޅަ ދަނޑެއްގަ އެންމެ ވިއްސަކަށްކުދިން. ސީރިއަސްލީ? ސްކޫލްތައް ބަންދުގަ ކުދިން ނެތަސް ދެތިނމަސްކުރިން އުޅުނުނަމަ ސްކޫލަކުން ދުއިސައްތައެއްހާ ކުދިން ބައިވެރިކޮށްގެން ތަންކޮޅެއް ތާހިރުކުރެވުނިސް
ވަރަބިންދާލި
27 July 2023
60އަހަރުތަކުންވެސް ދަށުގަ އުޅެނީ . ސުކޫލުކުދިން ގެ އައިޓަމް ތަކަކީ މީގެ ކުރިން ކޮލިޓީ ހިފަހައްޓާ ބަލާފޫހި ނުވާ އައިޓަމް ތަކެއް . އިމްރާނު ސްޓައިލް އިބޫ ސްޓައިލް މާބޮޑަށް ވެސް ސްލޯ . ފޫހި ވެގެން ބޭރު ޑިޕްލޮމެޓުންވެސް އާފުރޭތަން ނިދިޖެހިފަ ތިބި ތަން ފެނުނީ ،
ނަލް
27 July 2023
ސިފައިންގެ އައިޓަމް ފިޔަވައި މިހާތަނަށް ފެނުނު އެންމެ ފެންވަރު ދަށް މިނިވަންދުވަހުގެ އައިޓަމްތައް.
އާކޫރޭ
27 July 2023
ކަމުދާޢެއްވެސް އައިޓަމެ އެއްނެތް. ފެންވަރު ފެންނަނީ 90ގެ އަހަރުތަކާއަޅާބަލާއިރު ވަރަށް ދައްކޮށް
ސަނައްޓޭ
27 July 2023
އެއްވެސް ކްރިއޭޓިވިޓީ އެއް ނެތް. އެއްޗަކަށް އެއްޗެއް. ބަލަންތިބި މީހުން ފޫހިވެފަ. ހަޔާާތުގަވެސް މިހާ ފޫހި މިނިވަން ދުވަހުގެ ހަރަކާތްތައް ނުބަލަން. ރީތި ލަވައެއްވެސް ނޭނގުނު ހަދާކަށް.
ރަދީފްއޮފިޝަލް
27 July 2023
މިނވަން 25ގެ އަހަރުތަކުގަ ބޭއްވި އައިޓަމްތައް ކޮލިޓީވެފަ ހިތް ދަމައިގަންނަ ގޮތް ހުރޭ.މިހާރު ބާއްވާ އައިޓަމްތަކުގަ އެއްވެސް ކޮލިޓީއެއް ނުހުރޭ.ސްކޫލްތަކުން ކީއްބާ މިކުރަނީ.ވ.ވެދުން
ދިވެހިންގެތެރެއިން
27 July 2023
ފެދަރ ހަރުކޮށްފަ ހުންނަ ހެދުން ލައިގެން ކުދިން ލައްވާ ޖެއްސުވި ވައްތަރުތަކާ ދިވެހި ރާއްޖެގެ މިނިވަން ދުވަހާ އޮތީ ކޮންގުޅުމެއް ބާ؟ އިސްކަންދަރު ސްކޫލްއިން ބައިވެރިވި އައިޓަމްގެ ފެންވަރު ވަރަށް ދަށް.... މިނިވަން ދުވަހުގެ އައިޓަމެކޭ ބުނެވޭވަރުގެ ފެންވަރެއް ނެތް... އިސްކަަންދަރު ސްކޫލަށް ވެސް ހުތުރު... ޕްރިންސިޕަލް އަށް އާލާސްކަންފުޅު ޖެހުން ފަހުން ސްކޫލް މުޅިން އަޑިއަޅާލަން ފައްޓައިފި...