މޯލްޑިވިއަން އިން އޮކްޓޫބަރު މަހު ބެންގަލޫރަށް ދަތުރުތައް ފަށަނީ

މޯލްޑިވިއަން އެއާލައިންގެ މަތިންދާ ބޯޓެއް. މޯލްޑިވިއަން އިން ބެންގަލޫރަށް އޮކްޓޫބަރުގައި ދަތުރު ފަށަނީ

ފާތިމަތު ޝަނާ މުހައްމަދު، މިހާރު

16 އޯގަސްޓް 2023 - 12:11

ގައުމީ އެއާލައިން، މޯލްޑިވިއަން އިން ފުރަތަމަ ފަހަރަށް އިންޑިއާގެ ބެންގަލޫރަށް ޝެޑިއުލް ދަތުރުތައް ފަށަން ނިންމައިފި އެވެ.

މޯލްޑިވިއަން އިން ބުނީ، އޮކްޓޫބަރު މަހުގެ 30 އިން ފެށިގެން ބެންގަލޫރަށް ދަތުރުތައް ކުރާނެ ކަމަށެވެ. ބެންގަލޫރަކީ ސިއްހީ އަދި ތައުލީމީ ބޭނުންތަކަށް ގިނަ އަދަދެއްގެ ދިވެހިން އަބަދުވެސް ދަތުރުކުރާ މަންޒިލެކެވެ.

މޯލްޑިވިއަން އިން ކޮންމެ ހަފްތާއެއްގެ ހޯމަ އާއި ބުރާސްފަތީގައި ބެންގަލޫރަށް ދަތުރުތައް ކުރާނެ އެވެ. އެ އެއާލައިނުން ބުނީ، ބެންގަލޫރަށް ދަތުރުތައް ފަށަން ނިންމީ އެ އެއާލައިންގެ އިންޓަނޭޝަނަލް ރޫޓުތައް އިތުރުކޮށް އާންމުންނަށް އިތުރަށް ފަސޭހަކޮށްދިނުމަށެވެ.

މިއަދުން ފެށިގެން އެ އެއާލައިނުން ބެންގަލޫރަށް ދާން ބޭނުންވާ ފަރާތްތަކަށް ޓިކެޓް ގަނެވޭނެ އެވެ.

މޯލްޑިވިއަން އިން މިހާރު ދަތުރުކުރަނީ އިންޑިއާގެ ޓްރިވެންޑްރަމް އާއި ކޮޗިންއަށެވެ. މޯލްޑިވިއަން އިން 2021 ވަނަ އަހަރާ ހަމައަށް އިންޑިއާގެ ދިއްލީއަށް ވެސް މޯލްޑިވިއަން އިން ދަތުރު ކުރި އެވެ. އިންޑިއާގެ އިތުރުން މޯލްޑިވިއަން އިން މިވަގުތު ދަތުރު ކުރަނީ ބަންގްލަދޭޝްގެ ޑާކާއަށެވެ.

މޯލްޑިވިއަން އިން ރާއްޖެ އިން ބޭރުގެ ގައުމުތަކަށް ދަތުރުކުރަން މިވަގުތު ގެންގުޅެނީ އެއާބަސް އޭ 320 ބޯޓެވެ. އިތުރު އެއާބަސް ބޯޓެއް ހޯދުމަށް ގައުމީ އެއާލައިނުން އަންނަނީ މަސައްކަތް ކުރަމުންނެވެ.

މޯލްޑިވިއަން އެއާލައިން އިންޓަނޭޝަނަލް ފްލައިޓްތައް

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައިނަ

17 August 2023

ޓިކެޓް އަގަކީ ކޮބަޔޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 August 2023

ޤައުމީ އެއަރލައިން ބަޤުރޫޓްނުވެ ސަލާމަށްކޮށް ކުންފުނީގެ މުސްތަޤުބަލް އުޖާލާކޮށް ދިނުމަށްޓަކާ ކަމެއް ކުރާނަމަ ސަރުކާރުން އެންމެ ފުރަތަމަ ކުރާންޖެހޭ ކަމަކީ ކުންފުނީގެ ސީނިއަރ ބޯޑް އަދި މެނޭޖްމަންޓަށް އިސްކޮށްފައިތިބި ވަޒީރުންގެ ޅިޔަން ފަހަރިންނާއި މާބޮޑެތިކަމަށް ހީކޮށްގެންތިބި އަބުއި އާއިލާތަކުގެ ބޮޑުން ބަދަލުކޮށް ދާއިރާގެ ތައުލީމް ލިބިފައިވާ ކަންކަން ކުރެވޭނެ ޤާބިލް ބަޔަކާއި ކުންފުނި ހިންގާން ޙަވާލުކުރުން. މިހެންނަހަދާ ތިތަން ސަލާމަތް ނުކުރެވޭނެ.