ހެލްތުގެ ސްޓޭޓް މިނިސްޓަރު ޑރ. ޝާހު މާހިރު މަގާމުން އިސްތިއުފާދެއްވައި ޑިމޮކްރެޓްސް އަށް ސޮއިކުރައްވަނީ.
28 އޯގަސްޓް 2023 - 19:30
29 comments
ހެލްތުގެ ސްޓޭޓް މިނިސްޓަރު ޑރ. ޝާހު މާހިރު މަގާމުން އިސްތިއުފާދެއްވައި ޑިމޮކްރެޓްސް އަށް މިއަދު ސޮއިކުރައްވައިފި އެވެ.
ޝާހު ސްޓޭޓް މިނިސްޓަރަކަށް ހުންނެވީ ސަރުކާރުގެ ކޯލިޝަންގެ ތެރެއިން ޖުމްހޫރީ ޕާޓީއަށް ދިން ސްލޮޓެއްގަ އެވެ.
އޭނާގެ އިސްތިއުފާގެ ސިޓީ މިއަދު ވަނީ ރައީސް އޮފީހަށް ފޮނުވައިފަ އެވެ.
އެ ސިޓީގައި ޝާހު ވިދާޅުވި ގޮތުގައި، ސްޓޭޓް މިނިސްޓަރު ކަމުން އިސްތިއުފާ ދެއްވަން ނިންމެވީ މި ވަގުތު އޭނާގެ ވިސްނުމާއި ފިކުރު، ޖޭޕީގެ ސިޔާސީ ވިސްނުމާ ތަފާތުވެ، އެ ޕާޓީން ވެސް އޭނާ އިސްތިއުފާ ދެއްވަން ނިންމަވާފައި ވާތީ އެވެ.
ރައީސް އިބްރާހިމް މުހައްމަދު ސޯލިހުގެ މި ސަރުކާރުގައި ފާއިތުވި ފަސް އަހަރު ދުވަހުގެ ތެރޭގައި ސިއްހީ ދާއިރާއަށް ހިދުމަތްކުރުމަށް ކުރެއްވި މަސައްކަތުގައި އޭނާގެ ފަންނީ ލަފަޔާއި އިރުޝާދުގެ ދަށުން އާންމުންނަށް މަންފާކުރާނެ ސިޔާސަތުތައް ކުރިއެރުވުމަށް ފުރުސަތު ނުދިން ކަމަށް ވެސް ޝާހު އެ ސިޓީގައި ވިދާޅުވި އެވެ.
ޝާހު ވިދާޅުވީ ރާއްޖޭގެ ސިއްހީ ދާއިރާއަށް ހުރި ގޮންޖެހުންތައް ފާހަގަކޮށް، އެކަންކަން ހައްލުކުރުމަށް ރައީސްއާ ބައްދަލުކުރައްވައި ވާހަކަދެއްކެވުމުން ވެސް ކުރިމަގެއް ފެނިވަޑައިނުގަތް ކަމަށެވެ.
މަގާމުން އިސްތުފާ ދެއްވުމަށް ފަހު ޝާހު ވަނީ ޑިމޮކްރެޓްސް އަށް ސޮއިކުރައްވައި، އެ ޕާޓީ އުފެއްދުވުމުގައި އިސްކޮށް ހުންނެވި މަޖިލީހުގެ ރައީސް މުހައްމަދު ނަޝީދާ މިއަދު ފޯމު ހަވާލުކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާރިހަތު ޖަލީލު
31 August 2023
ފާރިހީކުރީ މީނާއަކީ ވަރަށް ކޮލިފައިޑް ޔޫކޭގައި ރެކޮގްނައިޒްޑް ވަޒީފާ ލިބޭ ފެންވަރުގެ ޑޮކްޓަރެއްކަމަށް. އެކަމަކު އަސްލަކީ މިއީ ރާއްޖޭގެ ސިޔާސީ މައިދާނުގައި މަގާމް ފަހަތުން ދުވާ މީހެއް. ޔޫކޭގައިވެސް އުޅެފައިވަނީ އެހާ ކޮލިޓީ ޖޮބެއްގައިހެން ހިއެއް ނުވޭ. ފާރިވެސް ޑިމޮކްރެޓްސްއަށާއި ރައީސް ނަޝީދަށް ތާއީދުކުރަން. އެކަމަކު މިކަހަލަ އޮޕޮޗިއުނިސްޓުންނަކީ ކޮންބައެއްކަން ދަނެގެން އުޅުނީމަ ރަގަޅުވާނެ. ފަހަރެއްގައި މީނާގެ ބޭނުންހިފިވެސްދާނެ.
ނޫރުބާން
29 August 2023
މެޑިކަލް މާފިޔާގެ އައްޕަ ޖޭޕީ ދޫކޮށްލި ކަމަށް ހެޑްލައިންގައި އެބައޮތް. އެއީ ކާކު.
އަލިފުޅު3
29 August 2023
މީނާ އަކީ މީނާ ގެ ބައްޕާފުޅު ގެންގުޅުއްވާ ދޯދިޔާ އުސޫލުތައް ގެންގުޅުއްވާ ބޭފުޅެއް ދެއްތޯ!
އަލިފުޅު3
29 August 2023
ސެޕްޓެމްބަރު 10 ގަ އިސްތިއުފާ ދިންނަމަ، ސެޕްޓެމްބަރު މަސް ނިމޭއިރު މަހު މުސާރައިގެ 1/2 ލިބުނީހެއްނު! (މުސާރަ ހަދަނީ 25 އިން 25 އަށް، އެހެން ނޫންތޯ)
ޑރ.މައުސޫމް
28 August 2023
މިކަހަލަ މީހުން ދުވަހަކުވެސް ރަނގަޅެއް ނުވާނެ. ޖޭޕީގައި އުޅުނީވެސް ގާސިމަށް ހެޔޮ އެދިގެން ނޫން. ހަމަ މަގާމުގެ ބޭނުމުގައި. ދަނޑިބޮނޑިއަށް ވަނަސް މީނަ ވާނީ މީނައަށް.
ރެޓޭ
28 August 2023
ޑޮކްޓަރު ކުރިއަށް ލައިގެން މިފެންނަ ޕީ.އެޗް.ޑީ ހޯޑަރުންނެކޭ މަގުތީގަ ދަމާކަނޑާއުޅޭ މީހުންނާ ވަކިތަފާތެއް އެބަހުރިބާ! ޑޮކްޓަރުކަން ނަގާފަ ތިބި އެއްބަޔަކު މަހުޖަނެއްގެ ފަހަތަށްއަރާ ސަނާކިޔަނީ! މަހުޖަނު ހެޔޮ ބޯގޯސް ވާހަކަ ދެއްކިއަސް އަތް ޖަހާ އެބަ! މި އިސްތިއުފާ ދިން ޑޮކްޓަރު އޭނާގެ ވާހަކަ އަޑުނާހާކަން އެނގުނީ މިއަދުތޯ ވެރިކަން ނިމެން 12 ދުވަހަށް ވީމަތޯ! ތިޔަ ފާސްތަކުގެ އެއްވެސް އެއްވެސް އަގެއް ނެތެއް ނޫންތޯ؟
ދފސދސ
29 August 2023
ބަލ އެއީ މެޑިކަލް ޑޮކްޓަރެއް! ޕީއެޗްޑީ އެއް ނޫން
ޕަބޭ
28 August 2023
ރަނގަޅީވެސް ތި ކަހަލަ ދުނިޔޭގެ ދަހިވެތިކަމަށް އެނބުރޭ އަމާޒެއްނެތް މީހުން ނަޝީދު ކަހަލަ މީހުންނާ އެކު އުޅުނިއްޔާ. މި ސަރުކާރަކުން ތިޔަ ކަހަލަ މީހަކު އިސްތިއުފާދީފަ ގޮސްގެން އިސްތައްޓެކޭވެސް ހީނުވާނެ.. ކޮންމެހެން ޖޭޕީއެކޭ އިބޫ އެކޭ ނުކިޔަކަސް ދާ ތާކަށްދާންވީ.. ދެރައީ ވޯޓްލާން 12ދުވަހަށްވީމަ އެއްކަލަ 5 އަހަރޭ ދީނޭ ވަހުދަތޭ އަނިޔާޢޭ ކިޔާފަ އަނގަ ހުޅުވާތީ ކޮންމެ މީހަކު..
ގފދތ
28 August 2023
ބޯން އުޅުނު ބޮނޑި ތިޔަ ބުއީ. ވ ސަލާމް ބްރޯ
ސުލް
28 August 2023
ލޮލް. ލޫޒާރސް އުޅޭނީ މިހެން. މިމަހުގެވެސް މުސާރަ ލިބޭނެތާ ދޯ... ލަދުގެ ކަންފުޅެއްވެސް ނުހުރޭނު. މިހުރިހާ ދުވަހު އެތާ ހުރީ ވަޒީފާގެ ބޭނުމުގަ.
ނަދީ.
28 August 2023
ރޫޅާލާނަން. ..... ރޫޅާލާނަން. .... ރޫޅާލާނަން. ފޫވައް ވެއްޓިްޖެ.