އެމްފައިސާ މެދުވެރިކޮށް މޮރޮކޯއަށް އެހީވާން ހުޅުވާލައިފި

މޮރޮކޯގެ ބިންހެލުމުގައި އިމާރާތެއްގެ ދަށުން މީހަކު ސަލާމަތް ކުރަން ރެސްކިއު ޓީމުން މަސައްކަތް ކުރަނީ: ބާރުގަދަ އެ ބިންހެލުމުގައި 800 އަށް ވުރެ ގިނަ މީހުން މަރުވި --- ފޮޓޯ: އޭއެފްޕީ

އައިޝަތު ޖަޒްލީ، މިހާރު

11 ސެޕްޓެމްބަރ 2023 - 10:48

ހުކުރު ދުވަހު މޮރޮކޯއަށް އައި ބާރުގަދަ ބިންހެލުމުގައި ހާލުޖެހިފައި ތިބި މީހުންނަށް އުރީދޫގެ އެމް-ފައިސާ މެދުވެރިކޮށް އެހީވުމުގެ ފުރުސަތު ހުޅުވާލައިފި އެވެ.

އުރީދޫގެ ޑިޖިޓަލް ވޮލެޓު އެމް-ފައިސާގެ ކަސްޓަމަރުންް އެހީ ފޮނުވުމަށް އެމް-ފައިސާ އެކައުންޓު ނަމްބަރު 9306501 އަށް ބޭނުން އަދަދެއްގެ ފައިސާ ޑޮނޭޓުކުރެވޭނެ އެވެ. މޮރޮކޯއަށް ބާރުގަދަ ބިން ހެލުމެއް އައީ މިދިޔަ ހުކުރު ދުވަހު އެވެ. މި ބިންހެލުމަކީ 6.8 މެގްނިޓިއުޑުގެ ބިންހެލުމެކެވެ.

✨ let’s come together and aid the victims of the devastating earthquake in Morocco. 🇲🇦 🤍

Donate via m-Faisaa.
1️⃣ Log in to #mFaisaa via Ooredoo App: https://t.co/XgVUPesGY1
2️⃣ Select Smart Pay & Scan QR
3️⃣ Enter Amount & confirm payment @IACMaldives pic.twitter.com/H1vgUedzVh
— Ooredoo Maldives (@OoredooMaldives) September 10, 2023

މި ބިންހެލުމުގައި އިއްޔެގެ 2،000 އަށް ވުރެ ގިނަ މީހުން މަރުވެ 2،000އަށް ވުރެ ގިނަ މީހުން ވަނީ ޒަހަމްވެފަ އެވެ.

މޮރޮކޯގައި އަދިވެސް މީހުން ސަލާމަތްކުރުމުގެ މަސައްކަތްތައް ކުރިއަށް ދާއިރު ހާލުގައި ޖެހިފައި ތިބި އެތައް ހާސް ބަޔަކަށް ކާބޯތަކެއްޗާއި ހިޔާވަހިކަމާއި ބޭސްފަރުވާ ބޭނުންވެ އެވެ.