ޑިމޮކްރެޓްސްގެ މުސްތަޝާރު އަދި ހެންވޭރު ހުޅަނގު ދާއިރާގެ މެންބަރު ހަސަން ލަތީފް-- ފޮޓޯ: މިހާރު
15 ސެޕްޓެމްބަރ 2023 - 23:23
79 comments
ރިޔާސީ އިންތިހާބުގެ ދެވަނަ ބުރުގެ ކުރިން ރާއްޖޭގައި ވެރިކަން ކުރާނެ ނިޒާމަކާ ގުޅޭ ގޮތުން ރައްޔިތުންގެ ފެންނަ ނުފެންނަ ވޯޓަކަށް ދިޔުމަށް އެމްޑީޕީ އާއި ޕީޕީއެމް އަށް ހުށަހަޅާފައިވާ ކަމަށާއި ނަމަވެސް އެއްވެސް އެއްބަސްވުމެއްގައި ސޮއި ކުރަން ޕީޕީއެމް އިން ބޭނުން ނުވާ ކަމަށް ދަ ޑިމޮކްރެޓްސް އިން ބުނެފި އެވެ.
ރިޔާސީ އިންތިހާބުގެ ފުރަތަމަ ބުރުގައި 15،839 ވޯޓާ އެކު ޑިމޮކްރެޓްސް ތިން ވަނަ އަށް ދިޔުމުން އެމްޑީޕީ އާއި ޕީޕީއެމް އިން އަންނަނީ އެ ޕާޓީއާއެކު ކޯލިޝަން ހެދުމަށް މަޝްވަރާ ކުރަމުންނެވެ.
އެހެން ނަމަވެސް ޑިމޮކްރެޓްސް އިން ހުށަހަޅާ ކަމަކީ އިންތިހާބުގެ ދެވަނަ ބުރުގެ ކުރިން މި މަހު 25 ގައި ނިޒާމް ބަދަލު ކުރުމާ ގުޅޭ ގޮތުން ފެންނަ ނުފެންނަ ވޯޓެއް ނެގުމަށެވެ.
ޑިމޮކްރެޓްސް އިން މިރޭ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެ ޕާޓީގެ މުސްތަޝާރު އަދި ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވީ އެ ޕާޓީގެ ވިސްނުން ހުރި ގޮތް ޕީޕީއެމް އާއި އެމްޑީޕީ އަށް ވެސް ހުށަހަޅާފައިވާ ކަމަށެވެ.
އެހެން ނަމަވެސް ޕީޕީއެމް އިން އެއްވެސް އެއްބަސްވުމެއްގައި ސޮއި ކޮށްގެން ކުރިޔަށް ދާން ބޭނުން ނުވާ ކަމަށާއި ސޮއި ނުކުރެވޭ ނަމަ އެއީ ސީރިޔަސް ކަމެއް ގޮތުގައި ނުބެލެވޭނެ ކަމަށް ހަސަން ލަތީފް ވިދާޅުވި އެވެ. އަދި އެގޮތަށް ދާ ކަމަށް ވާނަމަ ޕީޕީއެމް އާއެކު މަސައްކަތް ވަރަށް ދަތި ކަމަށް ވެސް އޭނާ ވިދާޅުވި އެވެ.
"ދެ ފަރާތުގެ ދެމެދުގައި ދެކެވޭ ވާހަކަތައް ކަމުގައިވިޔަސް އެއީ ޔައުމިއްޔާ ކަމުގައި ވިޔަސް އަދި ނިންމާ ނިންމުންތަކުގައި ވެސް ދެ ފަރާތުގެ މެދުގައި ސޮއި ކޮށްގެން މަސައްކަތް ކުރުމަށް ޕީޕީއެމް އިން އެއްބަހެއް ނުވޭ." ހަސަން ލަތީފް ވިދާޅުވި އެވެ.
ޑިމޮކްރެޓްސްގެ ހުށަހެޅުންތަކަށް އެމްޑީޕީގެ ފަރާތުން އަދި ވަކި ޖަވާބެއް ނުލިބޭ ކަމަށް ހަސަން ލަތީފް ވިދާޅުވި އެވެ. އެހެން ނަމަވެސް މަޝްވަރާތައް އަދިވެސް ކުރިޔަށް ދާ ކަމަށް އޭނާ ވިދާޅުވި އެވެ.
"އެމްޑީޕީން ދެ ބަހެއް ނުވޭ އެހެން ނަމަވެސް އެއްބަހެއް ނުވޭ." އޭނާ ވިދާޅުވި އެވެ.
ހަސަން ލަތީފް ވިދާޅުވީ ރިޔާސީ އިންތިހާބުގެ ފުރުތަމަ ބުރުން ރައީސް އިބްރާހިމް މުހައްމަދު ސޯލިހު ނާކާމިޔާބު ވެއްޖެ ކަމަށެވެ. އެހެންވެ އެމަނިކުފާނަށް ދެން ވެސް ގާނޫނުއަސާސީގެ ތެރެއިން ކުރެވެން ހުރި ކަންކަން ކޮށްގެން ފެންނަ ނުފެންނަ ވޯޓެއް ނެގުމަށް މަސައްކަތް ކުރެވޭނެ ކަމަށް ހަސަން ލަތީފް ވިދާޅުވި އެވެ.
"އެ ބަދަލު ގެނައުމަކީ މުހިންމު ކަމެއް ކަމުގައި ދެކެން. ރައިސުލްޖުމްހޫރިއްޔާ މިކަމާ ވިސްނާވަޑައިގަތުމަށް މިއީ އެންމެ އައުލާކަން ބޮޑު ވަގުތު،" އޭނާ ވިދާޅުވި އެވެ.
ޑިމޮކްރެޓްސްގެ ހުށަހެޅުންތަކުގައި ސޮއި ކުރަން ޕީޕީއެމް އިން ދެކޮޅު ހަދާ ކަމަށް ބުނާ ވާހަކަތަކާ ގުޅިގެން އެ ޕާޓީގެ ބަހެއް އަދި ނުލިބެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަގުތީ
17 September 2023
ރައްޔިތުންނަށް ގެއްލުންހުރި ކަމެއްގައި ވަގުތުގެ ބޭނުންހިފާ ކަލޭމެން ނަގަން އުޅޭ ނާޖާއިޒު ފައިދާ އަށް އާއެކޭ ބުނާނެ ބަެއެއްނޫން އެއީ. ބޭނުންވަނީ ރައްޔިތުންގެ ބާރު ހިނގާ ޤަޢުމަކަށް މި ޤައުމުވާން. މަޖްލިސް މެންބަރުންނަކީ ހޮވުމަށް ފަހު ވިކކޭ ބަެްއެއް. ދިވެހިންނަށް އެކަންއޮޅިފައިނެތް. ވޯޓް ބައްކޮށްގެން ތިއްބަވާ. ނޫނީ ވެރިކަުމުގެ ދަހިވެތިކަމުގައި ޝަރުތު ޤަބޫލުކުރާ ފަޅިއަކަށް ނައްޓާލާ
ދަނޑިގެ ޒަކިއްޓޭ
17 September 2023
ބަލަ . ޕާޓީ 2ވަނަ ބުރުގަ އެމްޑީޕީ ކޮޅަށް އެރިޔަސް މުއިޒް އަށް ލިބުނު ވޯޓާ އެއްވަރެއް ނުވެއޭ، އަދި ހަމަ ތި ދަނޑި ބޮނޑިތެރޭގައި އެމްޑީޕީ އަށް ވޯޓު ނުދޭނެ މީހުންނާއި މުއިޒަށް ވޯޓު ދޭނެ މީހުންވެސް އެބަތިބިކަން ދަނެ ލިބުނު %7 އާއެކު މައިތިރިވެގެން ތިބިއްޔާ މާ ރަނގަޅުވާނެ، ވަހީދަށް %5 ލިބިގެން މަލާމާތާއި ފުރައްސާރަކުރި ބަޔަކަށް %7 ލިބުމަކީ ލަދުވަތިކަމެއް
މެންގްރޫވު
16 September 2023
އެހެން ކަމަކާ އުޅެބަލަ. އަންނި އަކީ އެއްވެސް ޗޮއިސް އެއްނޫން. ރައްޔިތުން މިހާރު ބަލައިގަންނަ މީހެއްނޫން. އެކަން އެއޮތީ ސާފުކޮށް ފެންނަން. މިއުޅެނީ ނިޒާމު ގޯސްވެގެން ނޫނޭ! ކަލޭމެންގެ މަޖިލިސް މެންބަރުންގެ ކޮރަޕްޓް ކަމުން ޤައުމު ކުރިއަށް ނުކަނޑައިގެން.
ރެއްކާ އައްޑޫ
16 September 2023
ކޯޗެއް އޮވެގެންތަ ތެޅިއަރުވަނީ %7 އެވަރުންވެސް މޮޅެތި ވާހަކަ އެބަދައްކާ ، ފެއިލް ވީމަވެސް ބޮޑޭވާން އުޅެނީ، ބަލަ ނިޒާމީވޯޓް އޮތީ ނަގާފައޭ ..
ވަޒީރުލް އައުޒަމް
16 September 2023
ނިޒާމަކުނެތް އެއްވެސް މައްސަލައެއް. މައްސަލަ މިއުޅެނީ ކުޑަ ފައިސާކޮޅެއް ހަރަދުކޮށްގެން ރައްޔިތުން އޮބިއަޅުވާފަ ބައިތިއްބަން ވިސްނާމީހުންގެ ފިކުރު. އެމީހުންނަށް ހީވަނީ ފައިސާވެރިންގެ ބާރުގަ ބޮޑުވަޒީކުކަން ދެމެހެއޓުމަކީ މާ ރަގަޅު ގޮތެއްކަމަށް.
ހޭބަލިވާ
16 September 2023
7% މޮޔަނުގޮވާ ހުރޭ
ޕެޓް
16 September 2023
އަހަރެން އަބަދުވެސް ތާއީދު ކުރަނީ ރައީސް ނަޝީދުއަށް. އެކަމު މީ ދެން ތަންކޮޅެއް ބޮޑުވަރު . މިއީ މިކަން ކުރަން އެންމެ ރަގަޅު ވަގުތެއް ނޫން . އަންނަ އަހަރުގެ މަޖްލިސް އިންތިހާބް ނުވަތަ 2028 ގެ ރިޔާސީ އިންތިހާބުއާއި އެއްކޮށް ، މި ވޯޓް ނެގުން ރަގަޅުވާނެ. ރައްޔިތުންނަށް ރަގަޅަށް ވާނުވާ ކިޔާދީފަ. އެމްޑީޕީ ވެސް، ޕީޕީއެމް ވެސް މި ބައި މީހުންނާއި ގުޅޭނެ ކަމެއް. އަޅާވެސް ނުލާ ބަހައްޓާ. ނިޒާމީ ނިޒާމީ ކިޔާލަ ކިޔާލަ ތިބެދާނެ.
އަލިމަނިކުފާނު
16 September 2023
ޕީޕީއެމަކީ ތިހެން ދަމާލާ ގުއިރޯރެއްގައި ޖެހޭނެ ބައެއްނޫން.
ބްރޯސް
16 September 2023
ޝުކުރިއްޔާ ޕީޕީއެމް އަދި އެމްޑީޕީ ލީޑަޝިޕް... 15،000 މީހުން ކުރިމަތީ 200،000 މީހުން ކުޑަކަކޫ ޖަހާކަށް ނުޖެހޭ.
ބޮޑުމީހާ
16 September 2023
ގައުމުގެ ގިނަ މީހުން ބޭނުންވަނީ ރިޔާސީ ނިޒާމު އޮންނަން. ޑިމޮކްރެޓުން ތިހާ ގައުމަށް ހެޔޮއެދޭނަމަ ރިޔާސީ ނިޒާމުގައި ހުރި މައްސަލަތައް ހައްލުނުކުރަނީ ކީއްވެބާ