21 ސެޕްޓެމްބަރ 2023 - 12:24
49 comments
ވެރިކަން ކުރުމުގެ ނިޒާމު ބަދަލުކުރުމުގެ ވޯޓު އަންނަ މަހުގެ 30 ގައި ނަގަން ރައްޔިތުންގެ ހިޔާލު ހޯދަން ސީދާ ރައްޔިތުންގެ މަޖިލީހުން އިލެކްޝަންސް ކޮމިޝަން (އީސީ) އަށް އަންގަން ފާސްކުރި ގަރާރު މިއަދު ލިބިފައިވާ ކަމަށް އެ ކޮމިޝަނުން ބުނެފި އެވެ.
އެ ކޮމިޝަނުން މިއަދު ބުނީ ވެރިކަމުގެ ނިޒާމު ބަދަލުކުރުމާ ގުޅޭގޮތުން، ރައްޔިތުންގެ ހިޔާލު ހޯދުމުގެ އާންމު ވޯޓު ނެގުމަށް، މަޖިލީހުން އިއްޔެ ފާސްކުރި ގަރާރު ލިބިފައިވާ ކަމަށެވެ.
"މިކަމާ މެދު، އިލެކްޝަންސް ކޮމިޝަނުން އަމަލު ކުރާނެ ގޮތުގެ ގާނޫނީ ލަފާ މިހާރު ކޮމިޝަނުން ދަނީ ހޯދަމުން،" އީސީން ކުރި ޓްވީޓެއްގައި ބުންޏެވެ.
އެކަމުގެ އިތުރު ތަފްސީލު ދެއްވަމުން އެ ކޮމިޝަންގެ ނައިބު ރައީސް އިސްމާއިލް ހަބީބް "މިހާރު" އަށް ވިދާޅުވީ މަޖިލީހުން ފާސްކުރި ގަރާރާ މެދު ގާނޫނީ ލަފާ ހޯދައިގެން ކުރިއަށް ދެވޭނެ ގޮތަކާ މެދު ކޮމިޝަންގެ މެމްބަރުންގެ މެދުގައި މަޝްވަރާ ކުރާނެ ކަމަށެވެ.
"އަޅުގަނޑުމެންނަށް ލިބޭ މައުލޫމާތެއް މަޖިލީހުގެ އިދާރާއާ ވެސް ހިއްސާ ކުރެވޭނެ،" ހަބީބް ވިދާޅުވި އެވެ.
އިންތިހާބު ބޭއްވުމަށް މަދުވެގެން 30-45 ދުވަހާ ދެމެދުގެ މުއްދަތެއް ބޭނުންވާނެ ކަމަށާއި އެ ކަމަށް 40 މިލިއަން ރުފިޔާ ހޭދަވާނެ ކަމަށް ބެލެވޭ ކަމަށް އީސީން ކުރިން ވަނީ ބުނެފަ އެވެ.
މިފަދަ ވޯޓެއް ނެގުމުގެ ކުރިން އެންމެ މުހިންމު ކަމަކަށް ވާނީ އެ ވޯޓުގެ މަގުސަދާމެދު ވޯޓުލާ މީހުން ހޭލުންތެރިކުރުވުން ކަމަށް ވެސް ބުންޏެވެ.
ރިޔާސީ ނިޒާމަކަށް ރާއްޖޭގައި ވެރިކަން ކުރަން ފެށީ ގާނޫނުއަސާސީ އެކުލަވައިލުމުގެ ކުރިން ރާއްޖޭގައި އޮންނާނެ ނިޒާމަކާ ގުޅޭ ގޮތުން އޮގަސްޓް، 18، 2007 ގައި ފެންނަ ނުފެންނަ ވޯޓެއް ނެގުމަށް ފަހު އެވެ. އެ ވޯޓުގައި ބައިވެރިވި 149،380 މީހުންގެ ތެރެއިން 62 ޕަސެންޓް މީހުން ވަނީ ރިޔާސީ ނިޒާމަށް ތާއީދު ކޮށްފަ އެވެ.
އެ އިންތިހާބުގެ ކުރިން މަހެއްހާ ދުވަހުގެ ފޯރިގަދަ ކެމްޕެއިނެއް ކޮށްފައިވެ އެވެ. އޭރު ވެރިކަމުގައި ހުންނެވި ރައީސް މައުމޫން އަބްދުލްގައްޔޫމް ރިޔާސީ ނިޒާމަށް ތާއީދުކުރައްވައި ކެމްޕެއިނު ކުރެއްވިއިރު، އިދިކޮޅުގައި އޮތް ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ އެމްޑީޕީން ތިބީ ބަރުލަމާނީ ނިޒާމަށް ތާއީދު ކޮށްގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
21 September 2023
ރިޔާސީ ނިޒާމަކީ މޮޅު ރަގަޅު ނިޒާމެއް ނަމަ މިވީ މައުމޫންގެ 30 އަހަރާއި ދެންވޭތުވެމިދިޔަ 15 އަހަރު، ޖުމްލަ 45 އަހަރުން މި ރާއްޖެ އޮންނާނީ ތިބުނާ ނަތީޖާ ނެރެވިފައި. އޭގެ ބަަދަލުގައި ގައުމު މިދަނީ ފަހަތަށް. ކޮރަޕްޝަން އިތުރު. ނުފޫޒު އިތުރު. ގާނޫނެއް ނުހިންގޭ. ދައުލަތްވަނީ ބިޔަ. ތަރައްގީ ވަނީ ވަކިތަނެއް. ތޮއްޖެހުންވީ އިތުރު. މަސްތުވާތަކެތި އިތުރު. އިޖްތިމާއި މައްސަލަތައް އިތުރު.
ސިންގަޕޫރް
21 September 2023
ރިޔާސީ ނިޒާމްގަ އޮންނާނީ ކޮރަޕްޝަން
ފދސސ
21 September 2023
ނިޒާމުގަ ކޮރަޕްޝަން އޮންނާކަށް ނުޖެހޭ. މީހުން ކޮރަޕްޓީ. މަޖިލިސް ކޮރަޕްޓުވީމަ ރައިސް މީހާ ޤާނޫނު އަސާސީއާ ހިލާފުވެފަ ހުރިއިރުވެސް އަދި މިގައުމުގެ ދީން ހިމާޔަތް ނުކުރީމަވެސް މަގާމުގަ ބަހައްޓާފަ އެހުރީ. ދެން މަޖުލިހުން ވެރިއެއްލީމަ އެމީހާ ކޮރަޕްޓްވީމަ ވަކިކުރާނެތަ؟ ދައްކާ ދެބޯގެރިވާހަކަ
އަފްރާސިޔާބު
21 September 2023
ބަރުލަމާނީގައި ވެސް އޮންނާނީ 44 މެމްބަރުންގެ ޖީބު ފުރުން.
ޔޫގެންޑާ
21 September 2023
ރިޔާސީ ނިޒާމް
ޒިންބާބުވޭ
21 September 2023
މަމެންގެ ރިޔާސީ ނިޒާމް އެންމެ މޮޅީ
ޔޫގެންޑާ-ޒިންބާބުވޭ
21 September 2023
ރިޔާސީ ނިޒާމް އިޒް ދަ ބެސްޓް
ސިންގަޕޫރު
21 September 2023
އަހަރެމެން ތަރައްގީ ވީ ބަރުލަމާނީ ނިޒާމުން.
އަފްރާސިޔާބު
21 September 2023
ގާނޫނު ހިންގާ ގައުމުތަކުގައި މަޖިލީހުގެ މެންބަރުން ދަށުންދަމާ ނުކުޅެވޭ ގޮތަށް އޮންނަ ތަންތަނުގައި ކޮންމެ ނިޒާމެއް އޮތަސް ރަނގަޅުވާނެ. ދިވެހިރާއްޖެ ކަހަލަ ދަށުން ދަމާ ގައުމުތަކަށް އެންމެ ރަނގަޅީ ރިޔާސީ ނިޒާމު. އާންމު ރައްޔިތުން ކައިރިއަށް 5 އަހަރުން އަންނަން ޖެހޭ. 44 މެންބަރުން ގަތުމަކާ 200000 މީހުން ގަތުމާ ހާސްބައި ތަފާތުވާނެ.
ބޭހޮއްކޮ
21 September 2023
މަޖިލީހުން ފާސްކުރާ ގަރާރަކީ އެ މައްޗަށް އަމަލުކުރުން ލާޒިމު ގަރާރެއްތަ. އެހެންވިއްޔާ މިހާތަނަށް މަޖިލީހުން ފާސްކުރި ހުރިހާ ގަރާރަކަށް އަމަލުކުރަންޖެހޭނެ. ވަކި ގަރާރަކަށް އަމަލުކޮށްފައި ވަކި ގަރާރަކަށް އަމަލުނުކޮށް ބާއްވައިގެން ނުވާނެ. ގާނޫނުގެ މައްޗަށް އަރައިގެން ފަޔަށް ހިނިއަރައިގެން މިއުޅެނީ މެންބަރުން.
އަފްރާސިޔާބު
21 September 2023
އެއީ ކޮންމެހެން ގާރާރެއް ފާސްކުރަން ޖެހޭ ކަމެއްނޫން. ރައްޔިތުން އޮތީ ރިޔާސީ ނިޒާމެއް ކަމަށް ނިންމާފައި. ތިޔައީ ނަޝީދު ބޭނުންވެގެން ނިންމި ކަމެއް. އަންބާނީ އާއި ނަޝީދަކީ ކަރަޕްޓް މީހުން.
ގަލްން
21 September 2023
ވެރިކަމަށް މިވަރަށް ދަހިވެތިވާ މީހަކަށް ވެރިކަންދޭން ހެޔޮނުވާނެ. އަންނިގެ އަމިއްލައެދުން ބޮޑުކަން ފެނިފައި ހަމަ ހައިރާންވޭ. ކައިރީގަ ގެންގުޅޭ ޕަޕެޓް ކުދިންކޮޅަށް ހަމަ އެއްޗެއް ރޭކާވެސް ނުލަނީ؟
ބޭގަރާރު
21 September 2023
މަޖިލީހުން ފާސްކުރާ ގަރާރަކީ ދައުލަތުގެ އެއްވެސް އިދާރާއަކުން އަމަލުކުރުން ލާޒިމު ގަރާރެއް ނޫން. ރައްޔިތުން ދަރާ ވިކިފައި ތިއްބާ 40 މިލިޔަން ރުފިޔާ ޚަރަދުކޮށްގެން ތިކަން ކުރާކަށް ނުވެސް ޖެހޭނެ. ރައްޔިތުން މިތިބީ ރިޔާސީ ނިޒާމެއްގައި ރައީސަކު ހޮވުމަށް ވޯޓުދޭން ތައްޔާރުވެފައި. ނިޒާމު ބަދަލުކުރަން އުޅެންވާނީ އެކަމަށް ވަގުތުދީގެން ރައްޔިތުންވެސް ވިސްނައި ފިކުރުކުރަން ވަގުތުދީގެން. އަދި މުޅި މަޖިލީހުގެ އަޣްލަބިއްޔަތުން އެކަން ފާސްކޮށްގެން.
އަދީބު-ފައްޔާޒް
21 September 2023
ރިޔާސީ ނިޒާމްގަ ރައީސް އާއި ބްރޯ ކާން ގައުމުގަ ލާރި އޮވޭތަ
007ބޮންޑް
21 September 2023
ރައީސް ތަސްދީގު ނުކުރާހާ ހިނދަކު ތީގާނޫނީ ގޮތުން އިލެކްށަން ކޮމިށަނަށް ކުރެވޭނެ ކަމެއްނުން މިއުޅެނީ ޓެސްޓަކުން ރައްޔަތުން ފާސް ނުވެގެން ރިޕީޓް ޓެސްޓް ފާސްވަން ދެން ހަދަންތޯ
އަފްރާސިޔާބު
21 September 2023
ރަނގަޅުވާހަކައެއް. ތިކަމާ އުޅޭކަށް ނުޖެހޭނެ. އެއީ ގާނޫނީ ގޮތުން މަޖިލީހަށް ކުރެވޭނެ ކަމެއްވެސް ނޫން. މަޖިލީހުން ފާސްކުރާ ގަރާރަކަށް ރައްޔިތުން ތަބައަވާކަށްވެސް ނުޖެހޭނެ.