އެމްޑީޕީ ގައުމީ މަޖިލީހުގެ ރޫހު ހުރީ "ބަރުލަމާނީ ނޫން ގޮތެއް" ހޯދަން

އެމްޑީޕީ ގައުމީ މަޖިލިސް.-- ފޮޓޯ: ނިޝާން އަލީ/ މިހާރު

މުހައްމަދު ވިޝާމް، މިހާރު

03 އޮކްޓޯބަރ 2023 - 21:57

ނިމުނު ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުހައްމަދު ސޯލިހާ ދެކޮޅަށް އެ ޕާޓީގެ ކުރީގެ ރައީސް މުހައްމަދު ނަޝީދާއި ޑިމޮކްރެޓްސް އިން މަސައްކަތް ކޮށްފައި، ނަޝީދު އެދިވަޑައިގަންނަވާ ބަރުލަމާނީ ނިޒާމު ގެންނަން ތާއީދުނުކުރާ ކަމަށް އެމްޑީޕީގެ ގައުމީ މަޖިލީހުގެ މެމްބަރުން މިރޭ ވިދާޅުވެއްޖެ އެވެ.

ވެރިކަމުގެ ނިޒާމު ބަދަލުކުރަން އާންމު ވޯޓެއް ނަގަން އިލެކްޝަންސް ކޮމިޝަން (އީސީ)އަށް އަންގައި ރައްޔިތުންގެ މަޖިލީހުން ފާސްކޮށްފައިވާ ގަރާރާ ގުޅޭގޮތުން އެމްޑީޕީން ގޮތެއް ނިންމުމަށް މިހާރު ކުރިއަށްދާ އެ ޕާޓީގެ ގައުމީ މަޖިލީހުގެ ބައްދަލުވުމުގައި ވާހަކަ ދެއްކެވި ހުރިހާ މެމްބަރުންގެ ފަރާތުން ވެސް ފެނުނީ ނިޒާމީ ބަދަލަކަށް ވުރެ ޑިމޮކްރެޓްސް އާ މެދު އޮތް ހިތްހަމަނުޖެހުމެވެ.

އެމްޑީޕީގެ ޑެޕިޔުޓީ ޗެއާޕާސަން އިބްރާހިމް ވަހީދު (އިބުރޭ) ވިދާޅުވީ ރިޔާސީ އިންތިހާބުގެ ތެރެއިން ނަޝީދު ފަހަތުގައި ހުންނަވައިގެން ޑިމޮކްރެޓްސް އިން ބުނަމުން ދިޔައީ "އިބޫ ނޫން ގޮތެއް" ކަމަށެވެ.

"އަޅުގަނޑުމެން މިއަދު ބޭނުންވަނީ ބަރުލަމާނީ ނޫން ގޮތެއް،" ނިޒާމީ ވޯޓެއް ނެގުމަށް ވަގުތު ބޭކާރު ކުރުމުގެ ބަދަލުގައި އަންނަ އަހަރު ބާއްވާ ރައްޔިތުންގެ މަޖިލީހުގެ އިންތިހާބަށް ތައްޔާރުވުން މާ ރަނގަޅު ވާނެ ކަން ފާހަގަކުރައްވައި އިބުރޭ ވިދާޅުވި އެވެ.

Vote akah gosfinama, riyaasee nizaamu baavvan amalee gothun masakkaiy kuraana: Raees

The most trusted news source in the Maldives

Mihaaru

ފޮރިން މިނިސްޓަރު އަބްދުﷲ ޝާހިދު ވިދާޅުވީ އެމްޑީޕީ އަކީ ފެށުނީއްސުރެ ޒިންމާދާރު އިދިކޮޅު ޕާޓީއެއް ކަމަށާއި އިންތިހާބަކުން ނާކާމިޔާބުވުމުން ވާދަވެރި ކެންޑިޑޭޓަށް ވެރިކަން ކުރުމުގެ ފުރުސަތު ނުދިނުމަކީ އެމްޑީޕީގެ ގަބޫލުކުރުންތަކާ ހިލާފު ކަމެއް ކަމަށެވެ.

ހައުސިން މިނިސްޓަރު މުހައްމަދު އަސްލަމް މެޖޯރިޓީ އަށް ތަބާވުމަކީ ޑިމޮކްރަސީގެ އަސާސީ ސިފަ ކަމަށެވެ. އެހެންކަމުން، ރައްޔިތުން ގޮތެއް ނިންމާފައިވަނިކޮށް، އެ ނިންމުމަށް ގޮންޖަހައި، މުޅިން އެހެން ގޮތަކަށް ވެރިކަން ހޯދަން ތާއީދުނުކުރައްވާ ކަމަށެވެ.

އެމްޑީޕީ ގައުމީ މަޖިލިސް.-- ފޮޓޯ: ނިޝާން އަލީ/ މިހާރު

އެމްޑީޕީގެ މަޑުއްވަރީ ދާއިރާގެ ރައީސް މޫސާ އަލީ މަނިކު (މޫކޭ) ވިދާޅުވީ އިންތިހާބުގައި އެމްޑީޕީއަށް އެންމެ ބޮޑަށް ގެއްލުން ލިބުނީ ޑިމޮކްރެޓްސްގެ ފަރާތުން ކަމަށާއި، ކެމްޕޭނުގެ ތެރެއިން ވައްކަމާއި ކޮރަޕްޝަންގެ ސީރިއަސް ތުހުމަތުތައް ސަރުކާރަށް އަމާޒު ކުރަމުން ދިޔަ ކަމަށެވެ.

އެމްޑީޕީއަށް އިންތިހާބު ނާކާމިޔާބު ކުރުމަށް އެތައް މަސައްކަތެއް ކޮށްފައި، ނަޝީދު އަލުން އެމްޑީޕީ އާ ގުޅިވަޑައިގަންނަން އެދިވަޑައިގެންނެވެމުން އެކަމަށް ވެސް މޫކޭ ފާޑުވިދާޅުވި އެވެ.

އޭނާ ވެސް ވިދާޅުވީ "ބަރުލަމާނީ ނޫން ގޮތެއް" ގެންނަން އެމްޑީޕީއަށް ކުރެވެނު ކޮންމެ ކަމެއް ކުރަންޖެހޭ ކަމަށެވެ.

އެމްޑީޕީ އެމްޑީޕީ ގައުމީ މަޖިލިސް ބަރުލަމާނީ ނިޒާމު ދަ ޑިމޮކްރެޓްސް

33 ކޮމެންޓް, 46 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

04 October 2023

ރާއްޖޭގައި ހިގަމުންދާ ވިރާސީ ރަސްކަމެއްފަދަ "ޤަދީމީ ބޯދާވިސްނުމަކަށްހިންގާ، ރިޔާސީވެރިކަމުގެ ބަދަލުގައި" މަލްޓިޕާޓީ ޑެމޮކްރަސީތަކާއި، ދުނިޔޭގެ ތަހުޒީބު ހުރިހާ ދައުލަތްތަކެއްގައި ކަހަލަގޮތަކަށް ކާމިޔާބުކަމާއިއެކު ވެރިކަން ހިންގާ Parliamentary System ރާއްޖެއަށްގެންނާން މަސައްކަތްކުރި ޒުވާނުންގެޕާޓީ The Democrats އަކީ ސިޔާސީގޮތުން ތިމާމެނަށް އޮތް ބިރަކަށް ނުވަތަ ހުރަހަކަށްވާތީވެ، އެ ޙަސަދަ ވެރިކަމުގެސަބަބުން ތިކުރީ އެއްވެސް ގޮތަކުން މަޅޮކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުލަމާނީ

05 October 2023

7% ދެކެ އެއްވެސް ބަޔަކު ބިރުގަންނަންޖެހޭ ސަބަބެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޜ ނަޝިދު ނުލާ

04 October 2023

އެމްޑީޕީއަށް 5 ގޮނޑިލިބުނަސް ސާބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުއާން

04 October 2023

އަންނި ނޫންގޮތެއް މިހާރު އެބައޮތް. ހިތުން އޭނަ ވަރަށްމުހިއްމު އެކަމު ހަގީގަތުގަ މީހުން މިހާރު ބަލައެއްނުގަނޭ މީނާ. ބަރުލަމާނީ ހިފަިގެން އޮވޭގޭގަ ދެން އަންނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުދެމުން ނޫންގޮތެއް

04 October 2023

ނަޝީދާއެކު ބަރުދަމާނެ މީހަކު ނުވި. ފޫވައް ވެއްޓިގެން އެދިޔައީ ހާދަ ސަޅިކޮށޭ. މިހާރު އެނގޭނެ ނަޝީދާ ނުލާވެސް އެމްޑީޕީ ދެމި އޮންނާނެކަން. ސަޕޯޓަރުންވެސް އެމްޑީޕީގަ އެބަ ތިބިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބިންމަން

04 October 2023

2024 ވެސް އެކީ ގެއްލިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގ‫ަރާރުވެއްޖެ

04 October 2023

އ‫ިބުރޭމެންނަކަށް ނަޝީދު ޖަހާލާފަ ނުދެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެކިފުތާ

04 October 2023

ހިތުން ޖެއްސުން މިކުރަނީ އަންނިއަށް. މިގައުމަށާއި ރައްޔިތުންނަށް އެންމެފައިދާ ކުރާނެގޮތުގެ ވާހަކަ އަބަދުވެސް ދައްކާމީހަކީ އަންނި. ކޮންމެ 5 އަހަރަކުން ވެރިއަކުއައިސް އޭނާބޭނުންގޮތަކަށް ވެރިކަންކޮށްފައި ފައިބާގެންދާއިރު ގައުމު އޮންނަނީ އިނދަޖެހިފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޔާ ނޫން ގޮތެއް އެބަ ބޭނުންވޭ!

04 October 2023

ހަމަ ގައިމުވެސް ފަޔާ މޑޕ ހުންގާނުގަ ހުރެގެނެއް ރައްޔިތުން ދެނެއް މޑޕ ޢެއް ނުހޮވާނެ! ކިރިޔާވެސް ޗާންސް އެއް އޮތީ ރ މުއިއްޒު ވަރައް ބޮޑައް ފެއިލް ވެ، ‘މިނޫންގޮތެއް’ ހިސާބައް ހިނގައްޖިއްޔާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

03 October 2023

ބަރާބަރު! ޑިމޮކްރަސީގެ ރީތި ނަމޫނާ ދިވެހިން ދުނިޔެއަށް ދައްކައިފި. މިކަން ޚަރާބުކޮށް ސަމާލުކަން ހޯދަން އުޅޭ ސިޔާސީން ޖެހޭނީ އެއްފަރާތްކުރަން. އަބަދު ސިޔާސީ ހައިޖާނުގެ ތެރޭގައި ދިވެހިންނަކަށް ނޫޅެވޭނެ. މުޅި އުމުރު ތިމާއާއި އާއިލާ މީހުން ވެރިކަމުގައި ތިބެން ޖެހޭނެކަން ގަބޫލުކޮށް ގެން ރައްޔިތުން މަގުމައްޗަށް ނެރެ ގުނބޯހައްދައިގެން ސިޔާސީ ޑުރާމާތައް ޖައްސަން ފުރުސަތު ދީގެން ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާ

03 October 2023

އަންނި ބޭރުކޮށްގެން ނޫނީ މި ގައުމަށް ހަމަޖެހުމެއް ނެތް. އިބޫ ކުރިމަތިލާންވީ އަންނި ކުރިމަތިލާ ގޮނޑިއަށް. ދިވެހިން އަންނިގެ މައްޗަށް އިބޫ އިސްކުރާނެކަމީ ކަށަވަރު ކަމެއް. ވަރަށް އާދޭހާއެކު އިބޫ މަޖިލީހަށް އައުން އެދެން