ފެނަކަގެ އެމްޑީ ސައީދު: ތެޔޮ ޓޭންކްތައް އާކުރުމުގެ މަސައްކަތް އޭސީސީން ވަނީ ހުއްޓުވާފައި
19 އޮކްޓޯބަރ 2023 - 21:52
15 comments
ފެނަކަ ކޯޕަރޭޝަނުން ބޭނުންކުރާ ތެޔޮ ޓޭންކުތަކަށް ބޭނުންވާ ސާމާނު ގެނައުމުގައި ކޮރަޕްޝަން ހިމެނޭ ކަމަށް ބުނެ، އެންޓި ކޮރަޕްޝަން ކޮމިޝަން (އޭސީސީ) އަށް މައްސަލަ ހުށަހަޅައިފި އެވެ.
އެ މައްސަލައިގެ ތަހުގީގު އެ ކޮމިޝަނުން ފަށައި، އެކަމާ ގުޅޭ އެންމެހައި މުއާމަލާތުތައް ހުއްޓާލަން މިހާރު ވަނީ އަންގާފަ އެވެ.
ފެނަކަ ކޯޕަރޭޝަނުން މިރޭ ބުނިގޮތުގައި، ބައެއް ރަށްރަށުގައި ތެޔޮ ރައްކާ ކުރާ ޓޭންކުތައް އާކުރުމަށް ބޭނުންވާ ސާމާނު ގެނައުމުގެ މަސައްކަތްތައް ވަނީ އޭސީސީން އަންގާފައިވާ ގޮތަށް ހުއްޓާލައިފަ އެވެ.
ފެނަކަ އަކީ ވަރަށް ބޮޑަށް ކޮރަޕްޝަންގެ ތުހުމަތު އަމާޒުވެފައިވާ ކުންފުންޏެކެވެ. ގިނަ ދަރަނިތަކެއް ވެސް އޮތް ފެނަކައާ ގުޅޭ ގިނަ މައްސަލަތަކެއް އޭސީސީ އަށް ހުށަހަޅާފައި ވެ އެވެ.
ރައްޔިތުންގެ މަޖިލީހުގައި ބަހުސް ކުރައްވަމުން ހެންވޭރު ހުޅަނގު ދާއިރާގެ މެންބަރު ހަސަން ލަތީފް ވިދާޅުވެފައިވާ ގޮތުގައި ފެނަކައިގެ އެކި މަސައްކަތްތައް ކުރުވައި އެތައް މިލިއަން ރުފިޔާއެއް ކުންފުނިތަކަށް ނުދެއްކުމުގެ އިތުރުން، އެ ކުންފުންޏަށް ނިސްބަތްވާ 71.9 މިލިއަން ރުފިޔާގެ ކޮރަޕްޝަންގެ ތަފާތު 31 މައްސަލަ އޭސީސީގައި އެބައޮތެވެ.
ފެނަކައިން އެކި ކުންފުނިތަކަށް ދައްކަން ޖެހޭ ފައިސާގެ އަދަދު 2.8 ބިލިއަން ރުފިޔާ އަށް އަރާފައިވާކަން މިދިޔަ އޭޕްރީލް މަހު ވެސް އޮތީ އެނގިފަ އެވެ. މިހާރު އެ އަދަދު އެ އަށް ވުރެ ވެސް ބޮޑަށް ވަނީ އިތުރުވެފައި ކަމަށް ވެ އެވެ. އެ ފައިސާތައް ނުލިބިގެން އެކިއެކި އަމިއްލަ ކުންފުނިތަކުން ފެނަކައިގައި އާދޭސް ކުރާތާ އެތައް ދުވަހެއް ވެއްޖެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިބަނޭޝަން މޯޑް އޮން
22 October 2023
ފެނަކަ އަށް އައްޔަން ކޮށްފާއިވާ ސިޔާސީ ޕާޓިތަކަށް ނިސްބަތްވާ ވެރިން ގެ ކަންކަން މިއޮށް ހުރިހާ ދުވަހުނުފެނުނު އޭސީސީ އަށް މިހާރު ތައްމިނަށް ލޯ ހުޅުވެ އަނގަފަޅައިގެން ތި ދިޔައީ ކީއްވެ. މާ ލަސްވެއްގެތިކަންމާ އުޅެން.
ބޮޑުމީހާ
21 October 2023
ސޯލިހާއި ފެނަކަ ސައީދުގެ މޮނިއުމެއްނޓެއް ހަދަންޖެހޭ. ގައުމު 129 ބިލިއަނުން ދަރަނި. 40 އަހަރުން 4 ވެރިންގެ ދަރަނި 48 ބިލިއަން. އެވޯޑް ހައްގު ދެމީހުން
ޕިޗިސް
21 October 2023
ގުދާރުމަތީ ތަޅާ ވައްޓާލާފަ އޮތް ފެނަކއިން އަދިވެސް މިބަލަނީ ގޮހޮރު ފުލުންވެސް ވައިބަޑިއެއް އިނަސް ކުރިމަތިން ގޮއްވާލަން. ބަލާވެރިކަމެއްނު.
މުހައްމަދ
20 October 2023
މިކަމުގައި ދައުލަތުގެ އިހްމާލް ބޮޑު އަދި ހާއްސަކޮށް ފިނޭސް މިނިސްޓަރުގެ އިހްމާލް ބޮޑު އަދި މިކަން މިހިސާބަށް ދިޔައީ މިކުންފުނީގެ ބެލެނިވެރިން އަދި ބޯޑްގެ ވެސް ފަރުވާ ކުޑަވެގެންނެވެ.
ޓެރޭސް
20 October 2023
ވަރަށް ވެސް ހިތާމަ ހުރި ކަންކަން... ދައުލަތުގެ ވެރިން ތިބެފައި ބަޔަކު މާލިއްޔަތު އެއްކޮށްހެން ހުސްކުރާކަން އެނގި ތިބުމަކީ އެއްގޮތަކަށް ވެސް ގަބޫލު ކުރެވޭނެ ކަމެއްނޫން.
ބަރުބާދު
20 October 2023
އިބޫއައް އެގުނީ ރައިއްޔަތުންވޯޓުނުދިނީމަ ނުދިންކަން، ހަމައެކަނި ތިޔަ ފެނަކައަކުން އެހިންގިހާކޮރަޕްސަންވެސް ނޭގެނީ ހަމައެކަނި އިބޫއައް. ކުންފުނީގެ ފައިސާ މިލިއަނުން ޖަމާކުރަނީ ފައިނޭންސް ބޮޑެއްގެ އެކައުންޓައް، މަސައްކަތް ލަސްވާތީޔޯ؟
އަހައްމަދޫ
20 October 2023
ތިތަނުގެ ކޮރަޕްޝަންގެ ވާހަކަ އަބަދު އަޑުއިވެނީ. އެއްވެސް މުސައްސަސާއަކުން ފިޔަވަޅެއް އަޅާތަނެއް ނުފެނޭ. ނަމަކައް ހުރޭ ޕްރައިވަޓައިޒޭޝަން ބޯޑެއް. އެތަނުގެ ޒިންމާއަކީ ހަމައެކަނި ކުންފުނިތަކުގެ ބޯޑަށް މީހުން އައަޔަނުކުރުން އެކަނިތަ. ދެން ހުރޭ އޭސީސީއެއް ނަމަކައް. މަސްއަލަ އަބަދުވެސް ބަލާ ޚަބަރު ލިބެނީ. ދުވަހަކު ކަމެއް ވާތަނެއް ނުފެނޭ
ފަނިކާ
20 October 2023
ތިޙާލަތުގައި ނެތް މުއައްސަސާއެއް މިނިމޭ 5 އަހަރުގެ ދައުރުގައި އެބަހުރިތަ
ފެނަކަ
20 October 2023
މީހަކު މިހާ ފާޅުކަންބޮޑުގޮތެއްގައި ރައްޔިންތުންގެ ފައިސާ . ހަމަ އެހެން ކިޔާލަކިޔާލަ ތިބެންވީތަ؟؟
ގައުމެއް ހިންގާލި ގޮތް
20 October 2023
މިއީ ބަޔަކު ކުޑަރަށެއް ބޮޑުރަށެއް ތަފާތު ނުކުރަމޯ ކިޔައިގެން ފޮނިކެނޑި، "އޯގާތެރި ސަރުކާރެއް" ހިންގާލި ގޮތް. މަށަށްވެސް ނުވާވަރުން މީހުންއަތުން ބޮޑެތި ދަރަނިތައް ނަގައި، އެ ދަރަނި ނުދައްކައިހުރެ، މަގޭ އާއިލާއަށް ގަނޑުވަރެއްވެސް އަޅައިދެވިދާނެ. އެ ވާނެތަ މަށަކީ މާ ހަރުދަނާ ބަފަޔަކަށް. 4 ދައުރުގެ ވެރިން އެއްކޮށްލީމާ ވާވަރަށްވުރެ ބިޔަ ދަރަނި މި 5 އަހަރު އެކަނި. މާދަމާ ދަރަނި ނުދެއްކި ގައުމު އިނދަޖެހުނީމާ އެއްބަޔަކަށް ވިސްނޭނީ "އޯގާތެރި ސަރުކާރު"