ޚަބަރު / ރާއްޖެ-ފަލަސްތީން

ފަލަސްތީނަށް އެހީވުމަށް ދިވެހި މަސްދޯނިތަކުން މިއަދު އެކަނިވެސް 170،000 އަށް ވުރެ ގިނަ ރުފިޔާ ހަދިޔާކޮށްފި

ފަލަސްތީނަށް އެހީވުމަށް ގއ. ކޮލަމާފުށީގެ މަސްދޯންޏަކުން 127،000ރ. ހަދިޔާކުރުން.-- ފޮޓޯ: މައިމޫން | ފޭސްބުކް

އިފްރާޒް އަލީ، މިހާރު

20 އޮކްޓޯބަރ 2023 - 20:11

3 comments

ފަލަސްތީނަށް އެހީވުމަށް ދިވެހި މަސްދޯނިތަކުން މިއަދު އެކަނި ވެސް 170،000 އަށް ވުރެ ގިނަ ރުފިޔާ ހަދިޔާކޮށްފި އެވެ.

ފަލަސްތީނަށް އެހީވުމަށް ހުޅުވާލާފައިވާ ފަންޑަށް މިއަދު އެންމެ ގިނަ އަދަދެއްގެ ފައިސާ ހަދިޔާކުރީ ގއ. ކޮލަމާފުށި "ރާސްތާ" ދޯނިންނެވެ. އެ ދޯނިން ވަނީ 127،433ރ. ހަދިޔާކޮށްފަ އެވެ.

ގއ. މާމެންދޫގެ ދެ ދޯންޏަކުން ވެސް މިއަދު ވަނީ އެ ފަންޑަށް ފައިސާ ޖަމާކޮށްފަ އެވެ. އެއީ އެ ރަށު ދުވެލި 6 ދޯންޏާއި ހުޝިޔާރު ދޯނިންނެވެ. ކޮންމެ ދޯންޏަކުން ވަނީ 25،000ރ. ހަދިޔާކޮށްފަ އެވެ.

ފަލަސްތީނަށް އެހީވުމަށް ގއ. މާމެންދޫގެ މަސްދޯންޏަކުން 25،000ރ. ހަދިޔާކުރުން.-- ފޮޓޯ: މުހުތާޒް މުހުސިން | ފޭސްބުކް

މީގެ ކުރިން ވެސް އެކި މަސްދޯނިތަކުން ވަނީ އެ ފަންޑަށް ފައިސާ ހަދިޔާކޮށްފަ އެވެ. ގއ. ކަނޑުހުޅުދޫ މަސް ދޯންޏަކުން ބޭނި ދެ ޓަނުގެ މަހަށް ވާ 50،000ރ. ވަނީ މިދިޔަ ހަފުތާގައި އެ ފަންޑަށް ޖަމާކޮށްފަ އެވެ.

ފަލަސްތީނަށް އެހީ ފޯރުކޮށްދެމުން އަންނަ ދިވެހި އަމިއްލަ ޖަމިއްޔާއެއް ކަމަށްވާ އިންޓަނޭޝަލް އެއިޑް ކެމްޕެއިން (އައިއޭސީ) އިން ހުޅުވާލާފައިވާ ފަންޑަށް މިހާތަނަށް ވަނީ 12 މިލިއަނަށް ވުރެ ގިނަ ރުފިޔާ ލިބިފަ އެވެ.

އިޒްރޭލުގެ ލާއިންސާނީ އަނިޔާތަކުގައި ހާލުގައި ޖެހިފައިވާ ފަލަސްތީނަށް އެހީވުމަށް ރާއްޖޭގެ އެކި ރަށްރަށުގައި އަންނަނީ ތަފާތު ހަރަކާތްތައް ބާއްވަމުންނެވެ.

މަސްވެރިން ފަލަސްތީން މަސް ދޯނި ރާއްޖެ-ފަލަސްތީން ފަލަސްތީން-އިޒްރޭލް އަގްސާ ތޫފާން

3 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

21 October 2023

އިންސާނިއްޔަތަޓަކައި ދެއްވި އެހީތެރިކަމެއް. ދިވެހިންނަކީ އަބަދުވެސް ދީލަތި ބައެއް. މާތްﷲ މުދަލުގައި ބަރަކާތްލައްވައި، ގިނަކުރައްވާފާންދޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

20 October 2023

ھل جزا الاحسان الا الاحسان ހަމަ ކަށަވަރުން އިޙްސާން ތެރި ކަމުގެ ޖަޒާއަކީ ހަމަ އިޙްސާން ތެރި ކަމެވެ. ގާޒާއަށް ފަހު މިކުޑަރާއްޖެ ފޭރެން އިންޑިޔާ އާއި އެކު އިޒްރޭލް އުޅުމަކީ މިހާލަތުގަ މި ގައުމަށް އޮތްބިރެކެވެ! ދުނިޔެއަކީ މުސްލިމުންނަށް އޮތް ހުރަގެޔެކެވެ! އަދި ޢާޚިރަތް އެއީ ގައިމު މުސްލިމުންނަށް ލިބިގެންދާނެ ޙަގީގީ ތަނަވަސްކަމުގެ ގަނޑުވަރު ތަކެވެ . " މަރު " ހަނދުމަކުރުން ހިތުގެ ދަބަރު ފިލުވުންކަމުގަ ވެދެއެވެ...!