އެކްސިޑެންޓުގައި ނިޔާވި އަބްދުއްރަޝީދު އޭނާގެ ދޯނީގައި ހުއްޓާ ނަގާފައިވާ ފޮޓޯއެއް.--
05 ނޮވެމްބަރ 2023 - 13:00
5 comments
ހއ. އިހަވަންދޫ ކައިރީ ލޯންޗަކާއި ދޯންޏެއް އެކްސިޑެންޓުވެ މީހަކު މަރުވުމުގައި އިހުމާލެއް އޮތްތޯ ބަލަމުން އަންނަ ކަމަށް ފުލުހުން ބުނެފި އެވެ.
މިދިޔަ ހަފުތާގެ ހޮނިހިރު ދުވަހުގެ ރޭ ހިނގި ހާދިސާގައި މަރުވީ ދޯނި ދުއްވަން ހުރި އިހަވަންދޫ މީހެއް ކަމަށްވާ އަބްދުއްރަޝީދު، 68، އެވެ.
އެ އެކްސިޑެންޓު ހިނގިއިރު ރަޝީދާ އެކު ދެން ހުރީ އޭނާގެ ދަރިފުޅު އަލީ ޝަރީފު އެކަންޏެވެ. އެއީ ލޯންޗު ދުއްވަން ތިބި މީހުންގެ އިހުމާލުން ހިނގި އެކްސިޑެންޓެއް ކަމަށާއި އެކްސިޑެންޓަށް ފަހު ލޯންޗުގައި ތިބި މީހުން އެހީތެރި ވެސް ނުވި ކަމަށް ތުހުމަތުކޮށް ބައެއް މީޑިއާތަކުގައި އޭނާ ވަނީ ވާހަކަ ދައްކައިފަ އެވެ.
އިހަވަންދޫ ބޭރު ކަނޑުމަތީ ހިނގި އެކްސިޑެންޓްގައި ގެއްލުން ލިބުނު ދޯނި.-- ފޮޓޯ: ކައުންސިލް
އެކަމަކު ފުލުހުން ބުނީ އެކްސިޑެންޓާ ގުޅިގެން އެހީތެރިކަން ފޯރުކޮށްދިނުމުގައި އިހުމާލުވި ކަމަށް ބުނެ އާއިލާގެ ފަރާތުން އަދި އެހެން މީހަކު ވެސް މައްސަލައެއް ހުށަހަޅާފައި ނެތް ކަމަށެވެ. ނަމަވެސް އެ އެކްސިޑެންޓާ ގުޅިގެން ކުރިއަށް ގެންދާ ތަހުގީގުގެ ތެރެއިން، އެއްވެސް ފަރާތެއްގެ އިހުމާލެއް އޮތްތޯ ބަލަމުންދާ ކަމަށް ފުލުހުން ބުންޏެވެ.
އެކްސިޑެންޓުވި ދޯންޏަކީ އިންޖީނު އެޅި ކުޑަ ދޯންޏެކެވެ. ރޭގަނޑު އަނދިރީގައި ލޯންޗު ގޮސް ޖެހުނީ ދޯނީގެ ކޮޅުފަސްކޮޅުގަ އެވެ. އެ ދިމާލުން ދޯނީގެ ބައެއް އޮތީ ވަރަށް ބޮޑަށް ހަލާކު ވެސް ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
05 November 2023
މާލޭގެ މަގެއްގެ މަތިން، ފަތިސްނަމާދު ވަގުތާ އިރުއެރުމާ އެދެމެދު ފުލުހަކު ފެނުމަކީ ހަމަ ނުވާނެ ކަމެއް. އެކަމަކު އެގަޑީގައި ހަކުރުބޮއި އެ ފަތުރާމީހުން ސައިކަލް ތަކުގައި ވައިސޫރި ކަނޑާފައި ދުއްވާ ނަގާނެ.
ފަހުދު.
05 November 2023
ދިވެހި ފުލުހުންނަކީ 8-5 އައް މަސައްކަތް ކުރާބައެއް. ޙުކުރު ހޮނިހިރު އަދި ސަރުކާރު ބަންދު ދުވަސް ތައްވެސް އޮފް. ކުއްވެރިން އުދުހިފަ
ކޮރަލް
05 November 2023
ގަވާއިދާ ހިލާފް ވާ ، ފަރުވާ ކުޑަ ވާ އެކްސިޑެންޓް ތަކުގަ މަރުވާ މީޙުންނަށް ބަދަލު ދިނުމުގެ ކަންކަން އަވަސް ކުރަން ޖެހެ އެވެ. ހަމަ އެކަނި ތަހުގީގް ކޮށް ފައިލް ލައްޕާ ލިޔަސް ކަމަކު ނުދާނެ އެވެ.
އިހަވަންދޫ
05 November 2023
އިހަވަންދޫ ޕޮލިސްއިން ނެއިބަހުޑޭ ކިޔައިގެން މަންޑިކުޅުމާއި ވޮލީކުޅުން ނޫންކަމެއް ނުކުރޭ ރަށުގެ އިޖުތިމާއި ފޭރާން ހަލާކުވެއްޖެ. ލަފާފުރާ ޖެޓީގަޔާ ކުޑަކުދިންގެޕާކާ މަގުފާރުތަކުގައި އޮތީ އަވަގުރާނަ ލިޔެފަ. ދަރިން ގޮވާގެން އެތަނަށްދާން ލަދުގަނޭ. ކަމެއް ހައްލުނުކޮށްދޭތާ ޑްރަގުވިއްކާ ހުތުރު ބަސް ބުނެއުޅޭ މީހުންނަށް އިސްއުފުލާ ބަލާލަންނުކެރޭ ފިނޑި ރަނޑާލި ފުލުހުންތަކެއް. ޕޮލިސްއެކޭ ކުލަބު ޖަމިއްޔާއެކޭ އެއްވެސް ތަފާތެއް ނެތް. މިކަން ރަނގަޅު ކުރަންޖެހޭ
ފިލާމް
05 November 2023
މައްސަލަ ދަނީ ބަލަމުން އެނިމުނީ..ކަންކަންވީ ގޮތް ރައްޔިތުންނަށް ކިޔައިދޭންޖެހޭ..މިސާލަކަށް ނެރުމަށްޗަށް މަސްހިފަން ފޭބުން..ޖީޕީއެސް ލައިޓްތައްނެތި މަސްވެރިކަންކިރަން ނުކުމެއޮތުން ރޭގަނޑު..ކަންވީގޮތް ކިޔައިދޭނަމަ ހޭލުންތެރިކަން އިތުރުވާނެ..