ފަހިދިރިއުޅުން ކޯޕަރޭޝަންގެ މެނޭޖިން ޑިރެކްޓަރު ސަލަފިއްޔާ އަންވަރު: އެ ކޯޕަރޭޝަނުން ދޫކުރި އެޕާޓްމެންޓުތަކުން އެޕާޓްމެންޓެއް އޭނާ އަށް ލިބުނު-- ފޮޓޯ: މިހާރު
06 ނޮވެމްބަރ 2023 - 11:20
108 comments
ފަހިދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ކުރިޔަށް ގެންދާ 4000 ފްލެޓު ލިބޭ މީހުންގެ ތެރޭގައި އެ ކުންފުނީގެ މެނޭޖިން ޑިރެކްޓަރު ސަލްފިއްޔާ އަންވަރު ވެސް ހިމެނިއްޖެ އެވެ. އެކަމަކު، އޭނާ ވިދާޅުވީ އެއީ މައްސަލައެއް އޮތް ކަމެއް ނޫން ކަމަށެވެ.
ނޭޝަނަލް ޕްލޭނިން ހައުސިން އެންޑް އިންފްރާސްޓްރަކްޗާ މިނިސްޓްރީން ހޮނިހިރު ދުވަހު ޕޮއިންޓުތަކާއެކު އާންމު ކުރި ލިސްޓުގައި ސަލްފިއްޔާ ވަނީ ތިން ކޮޓަރީގެ ލިސްޓުން 79 ޕޮއިންޓު ލިބިފަ އެވެ. އެހެންވެ އޭނާ އަށް ތިން ކޮޓަރީގެ އެޕާޓްމެންޓެއް ލިބޭނެ އެވެ. ސަލްފިއްޔާ އަށް ފްލެޓް ލިބޭކަން އާންމުވުމާ އެކު ގިނަ ބައެއްގެ ފާޑު ކިޔުން ވަނީ އަމާޒުވެފަ އެވެ.
މިއީ މަސްލަހަތު ފުށުއަރާ ކަމެއް ނޫންތޯ "މިހާރު"ން ސުވާލު ކުރުމުން ސަލްފިއްޔާ ވިދާޅުވީ އޭނާ ފްލެޓަށް ކުރިމަތިލުމަށް ޝަރުތު ހަމަވާ ކަމަށެވެ. އަދި އެއީ މަސްލަހަތު ފުށުއަރާ ކަމެއް ކަމަށް ދެކެވަޑައިނުގަންނަވާ ކަމަށް ވެސް އޭނާ ވިދާޅުވި އެވެ.
"މެނޭޖިން ޑިރެކްޓަރަކަށް [ފްލެޓުތަކަށް] އެޕްލައި ނުކުރެވޭނެއޭ ބުނެފައެއް ނީންދޭ އެއްވެސް ތަނެއްގައި. [އެހެންވެ] އެއްވެސް މައްސަލައެއް ކަމަށް ގަބޫލެއް ނުކުރަން،" އޭނާ ވިދާޅުވި އެވެ.
ސަލްފިއްޔާ ވިދާޅުވީ، އެފްޑީސީން ކުރަނީ ފްލެޓު އިމާރާތް ކުރުމުގެ އަމަލީ މަސައްކަތްތަކެއް ކަމަށެވެ. ފްލެޓަށް ކުރިމަތިލި މީހުން އިވެލުއޭޓް ކުރުމާއި އެފަދަ އެހެން އެއްވެސް މަސައްކަތެއްގައި އެ ކުންފުނިން ބައިވެރި ނުވާ ކަމަށް އޭނާ ވިދާޅުވި އެވެ.
"އަޅުގަނޑުގެ އެއްވެސް ނުފޫޒެއް ނޯންނާނެ. ހަމައެކަނި ކުރާ ކަމަކީ ފިޒިކަލީ އެތަނުގައި ކުރަން ހުރި ކަންކަން ކުރުން. އެކަން ވަރަށް ރަނގަޅަށް ކުރެވޭ ކަމަށް ގަބޫލު ކުރަނީ،" އޭނާ ވިދާޅުވި އެވެ.
ފްލެޓްތައް މެނޭޖްކުރުމާއި ފްލެޓްތައް ލިބޭ މީހުންނާ އެކު ކޮންޓްރެކްޓް ހަދަނީ ވެސް އެފްޑީސީންނެވެ.
ގެދޮރުވެރިޔާ ސްކީމްގެ ދަށުން 13،000 މީހުން ފްލެޓަށް ޝަރުތު ހަމަވި ނަމަވެސް މި އަހަރުގެ ތެރޭގައި ފްލެޓު ލިބެނީ ހުޅުމާލެ ދެވަނަ ފިޔަވަހީގައި މިހާރު މަސައްކަތް ފަށާފައިވާ 4000 ފްލެޓަށް ޝަރުތު ހަމަވާ މީހުންނަށެވެ.
އެއީ ތިން ކޮޓަރީގެ ފްލެޓަށް ކުރިމަތިލި މީހުންގެ ތެރެއިން 76 ޕޮއިންޓަށް ވުރެ މަތިން ލިބިފައިވާ މީހުންނާއި ދެ ކޮޓަރީގެ ފްލެޓަށް ކުރިމަތިލި މީހުންގެ ތެރެއިން 73 ޕޮއިންޓަށް ވުރެ މަތިން ލިބިފައިވާ މީހުންނެވެ.
ފްލެޓު ދިން ގޮތްތަކާ ގުޅޭ ބޮޑެތި ކަންބޮޑުވުންތަކެއް މީހުން ފާޅު ކުރަމުންދާތީ އެންޓި ކޮރަޕްޝަން ކޮމިޝަން (އޭސީސީ) އިން ވަނީ އެ ފްލެޓުތައް ހަވާލު ކުރުން ހުއްޓުވައިފަ އެވެ. އަދި މިއަދު އެ ކޮމިޝަނުން ވަނީ ހައުސިން މިނިސްޓްރީ އަށް ގޮސް އެކަމާ ބެހޭ ތަހުގީގުތައް ކުރަން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެކަނިވެރި މައިމީހާ
07 November 2023
ތިމީހަކު ވާނީ ކުޑަ ކުޑަ އަކަފޫޓެއްވަރު ކޮޓަރިއެއްގަ ހުރިހާ ދަރިންނާއި ފިރިމީހާ އެކު އަދި ހަމަ އެކޮޓަރީަގއި ކައްކާ ކައި ހަދާ މީހަކަށް. އެހާލުގަ އޭނަޔަށް ފްލެޓް ލިބެންޖެހޭނެ.
ހާހެއްނެތް
07 November 2023
އަޅުގަނޑަށް އެއްޗެއް ލިބުން އަޅުގަނޑުގެ ގާތް މީހުންނަށް އެއްޗެއް ލިބުމަކީ މައްސަލައަކަށްނުވާކަމަށް ދެކޭ މީހުން މިހާރު ގިނައީ. އެހެންވެ ހަމަޔާ އުސޫލުން ނެއްޓިގެން ހުރިހާ ކަމެއްވެސް މިގައުމުގަ މިދަނީ. އެންމެންވެސް އެވާހަކަ ދައްކާނެ. އެކަމު ތިމާއާ ޖެހުނީމަ ތިމާއަށް ލިބޭ އެއްޗަކަށް ނޫނެކޭ ބުނެވިފައެއް ނޯވޭ. އެއްޗެއް ހޯދޭނެ ގޮތެއް ފެންނަން އޮތްނަމަ ދަހިވެތިކަން ހުންނަނީ މެކުހަށް އަރާފަ.
ލަދޭ
07 November 2023
އަޅުގަނޑަށް ފްލެޓް ލިބުމަކީ މައްސަލައެއް ނޫން: ސަލްފިއްޔާ އެއްގޮތަަކަށްވެސް! މި މީހުން ދެން ލަދު ގަންނާނީ ކޮން އިރަކުންބާ؟
ސަކަރާތް
07 November 2023
ހުޅުދޫގެ މުއްސަދި އާއިލާއެއް. ހަމަޖެހިގެން މާލޭގައި އުޅެނީ. ކިހިނެތް އާއިހާ ހުރިހާ ތިމާގެ އެންމެންނަށް ފުލެޓް ލިބުނީ. އެކަންވީގޮތް ބުނެދީފާނަންތޯ؟
ޕިސްޕިސް
07 November 2023
ނޫސްވެރިން ތަމްރީން ކުރަންވީނޫންތޯ؟ އަސްލު ކުރަނ ޖެހޭ ސުވާލެއް ނުކުރޭ؟ އެކަމަނާ އުޅުއްވަނީ ހަމަ ރޫމް އެހާގިނަ ބަޔަކާ ޝެއަރ ކޮއްގެންތޯ؟ އަދި ލިވިންގރޫމް ބަދިގެ އާ އެއްތަނެއްތޯ؟ މީ ޕޮިއިންޓްސް ލިބޭ ކަންކަން. މި ސުވާލުތއް ކުރަން ޖެހޭނީ...
ގުދުގުދާބެއްޔާ
07 November 2023
ދިވެހިންނައް ރަގަޅުއެއްގޮތެއްވެސް ނޯންނާނެ! ޕޮއިންޓް ލިބުނުގޮތުގެ ސަކުވާމިހާރު މިކުރަނީ! 13000 ހާސް މީހުން ގުރުލީނަމަ ބުނާނީ ޕޮއިންޓް ދިނީމަ މާރަގަޅުވާނެޔޭ. ޕޮއިންޓް ދިނީމަ ދެން ބުނާނީ ގުރުލީނަމަ މާރަގަޅުވާނެޔޭ!
ޢަސްލު ސުވާލު
07 November 2023
ޢަސްލު ސުވާލަކީ އެކަމަނާއަށް އެހާގިނަ ޕޮއިންޓް ލިބުނު ގޮތެކެވެ.
ގަބުޅި ޕޮލިސީ
07 November 2023
ފުރަތަމަ ބުރުގަ 20 ހާސް ދެވަނަ ބުރުގަ 40 ހާސް. މުޅިއެކު 60 ހާސް ނިކަމެތި އާއިލާ؟ މިހެންވަނީ މިގައުމުގެ މިޑްލް ކްލާސްއައް ދާނެމަގެއް އެއްވެސް ސަރުކާރަކުން ދައްކައިނުދޭތީ. ތިމާގެ ދަރިން ޕްރައިވެޓް ސްކޫލައްދާނަމަ، އަހަރަކު އެއްފަހަރު ރާއްޖޭން ބޭރައްދާނަމަ، އެންމެ ފަހުގެ އައިފޯނު ގެންގުޅޭނަމަ މީންއެއްވެސްކަމެއް ދިމާވާނަމަ ތިމާގެ އާއިލާއަކީ އެންމެ ނިކަމެތި މީހުންގެތެރޭ ހިމެނެންޖެހޭ އާއިލާއެއްނޫން އެކަމަކު އެމީހުންނައް އެއްވެސް މަގެއްނެތް ފެންނާކައް.
ގަބުޅި ޕޮލިސީ
07 November 2023
ބޮޑެތި މުއްސަދިންނައް 10 މިލިއަން ނޫނީ 20 މިލިއަންއައް ހުޅުމާލެއިން ގޯއްޗެއް ގަނެވިދާނެ. "ނިކަމެތިންނައް" ނޫނީ ފައިސާ ހޯދަން މަސައްކަތްނުކޮއްތިބޭތީ ފައިސާ ނުލިބޭ މީހުންނައް ނިކަމެތިންގެ ކެޓަގަރީން ހިލޭ ގޯއްޗެއްލިބިދާނެ އެކަމަކު ބުރަކޮއް މަސައްކަތްކުރާ މީހަކައް އެއްވެސް ގޮތެއްނެތް. ތަންކޮޅެއް ސަހަލު އަގެއްގަ ގޯއްޗެއްގަންނަންލިބޭނަމަވެސް އެއީވެސް މަގަކައްވާނެ އެކަމަކު އެފުރުސަތެއްވެސްނެތް.
ބޮއެހަލާކު
06 November 2023
މީނާ އެމް.ޑީ އަކަށް ޝަރުތު ހަމަވީ ކިހިނެތް؟ އެތިކްސް އެންޑް ގުޑް ގަވަނެންސް ހޭކިފަވެސް ނެތީމަތާ އެހާ ފަސޭހަކޮށް ބުނެލަން ކެރޭނީ "ލިޔެފަ ނެތީއޭ". ބަލަ ލިޔަން ތިބީވެސް ތިޔަވެރިން ނޫންތޯ؟
ފަރޭބެ
07 November 2023
ކޮންމެސް ކަތި ޗެނަލްއަކުން. މެރިޓު ބެސިސް އަށް މި ފަދަ ވިސްނުމުގެ މީހުން ނުހޮވޭނެ!
ޔޭސް
07 November 2023
އެވްރިތިން އިޒް ޕްލޭންޑް ފްރޮމް ދި ބިގިނިން
ނެތޭނެތޭ
06 November 2023
އެއްޗެއްގަ ނުކުރެވޭނެކަމަށް ލިއެފަ ނެތީމަ މިގައުމުގަ ކުރަން ކެރޭ، ކުރެވޭ ކަންކަން މިހާރު އެހާ ގިނަ. ގާނޫނުތަކާ ގަވައިދުތައްވެސް ހިތުހުރި ގޮތަކަށް މާނަކޮށްގެން އިއްޒަތްތެރި މެމްބަރުންނަށް އެބަ ކެރޭ ގައުމުގެ ހިންގުން ހުއްޓާލަންވެސް. ގައުމެއްގައި ބައެއް ކަންކަން އެއްވެސް ހާލަތެއްގަ ހުއްޓިގެންނުވާނެކަން އެނގޭވަރު ބަޔަކު މިހާރު ތިބޭހެން ހީނުވޭ. ކުރަން އޮންނަ ރަގަޅު ކަމެއް ގަބޫލުކޮށްލަނީވެސް ތިމާމެން ސަޕޯޓްކުރާ ޕާޓީގެ ކޮޅަށް އެކަމެއް ބުރަވާނަމަ އެކަނި.