އިސޫ އާއި މުއާގެ މައްސަލަ ވެސް ބޭރު، ޓެގް ނައްޓަން އަމުރުކޮށްފި

ދެ މަރާ ގުޅިގެން ދައުވާ އުފުލި ތިން މީހުން: ތިން މީހުން ވެސް ވަނީ މިނިވަންވެފައި

ނާޒިމް ހަސަން، މިހާރު

22 ނޮވެމްބަރ 2023 - 12:41

ނޫސްވެރިޔާ އަހްމަދު ރިލްވާނާއި ބްލޮގަރު ޔާމީން ރަޝީދުގެ މަރުގެ މައްސަލައިގެ ތުހުމަތަށް ހައްޔަރުކޮށް ދައުވާ އުފުލި އިސްމާއިލް އަބްދުއްރަހީމް (އިސޫ) އާއި އަހްމަދު މުއާޒު (ގަޓު މުއާ) އަަށް ކުރާ ދައުވާ މަދަނީ މިންގަނޑުން ކުރިއަށް ނުގެންދެވޭނެ ކަމަށް ކަނޑައަޅައިފި އެވެ.

މިގޮތަށް ނިންމުމާ އެކު މިހާރު ވަނީ، އެ މީހުން ބަންދުން ދޫކޮށްލި އިރު ފައިގައި އެޅުވި "މޮނިކޮން" ޓެގް ނައްޓާލުމަށް އަމުރުކޮށްފަ އެވެ.

"މިހާރު" އަށް އެނގިފައިވާ ގޮތުގައި އެ ދެ މީހުންގެ މައްޗަށް ކުރާ ޓެރަރިޒަމްގެ ދައުވާތައް ސާބިތު ކުރެވޭ މިންވަރަށް ހެކި ނެތް ކަމަށް ކަނޑައަޅައި، މަދަނީ މިންގަނޑުން ބަލާއިރު މައްސަލަ ކުރިއަށް ނުގެންދެވޭނެ ކަމަށް ނިންމައި ކްރިމިނަލް ކޯޓުން އިއްޔެ ވަނީ މައްސަލަ އަނބުރާ ޕްރޮސިކިއުޓާ ޖެނަރަލްގެ އޮފީހަށް ފޮނުވާލައިފަ އެވެ.

މީގެކުރިން މި މައްސަލާގައި ދެން ތުހުމަތު ކުރެވޭ އަހްމަދު އިސްމާއިލް (އަހަނދު)ގެ މައްޗަށް ކުރާ ދައުވާ ވެސް ކުރިއަަށް ނުގެންދެވޭނެ ކަމަށް ކްރިމިނަލް ކޯޓުން ވަނީ ނިންމައިފަ އެވެ. އެ ނިންމުމާ އެކު އަހަނދުގެ ޓެގް ނެއްޓުމަށް ވެސް އަމުރުކުރި އެވެ.

ބޮޑު ދެ މަރުގެ ތުހުމަތުވާ އިސޫ އާއި މުއާ ވެސް ޝަރީއަތް ކުރިއަށް ދަނިކޮށް ބަންދުން ދޫކޮށްލީ ފައިގައި ޓެގް އަޅުވައިފަ އެވެ. ޓެގް އަޅުވައިގެން މޮނިޓަކުރުމަށް އެ ދެ މީހުންގެ މައްޗަށް ނެރުނު އަމުރު ވެސް އިއްޔެ ވަނީ ބާތިލްކޮށްފަ އެވެ.

މި ނިންމުމާ އެކު، މިދިޔަ ސަރުކާރުގައި އުފެއްދި މަރުތައް ބަލާ ކޮމިޝަނުން ދައުވާ ކުރަން ނިންމި ތިން މީހުން ވެސް މިނިވަންވީ އެވެ.

ރިލްވާނާއި ޔާމީންގެ ރަޝީދުގެ މަރުގެ މައްސަލައިގައި މިހާތަނަށް އެއްވެސް މީހެއްގެ މައްޗަށް ކުށް ސާބިތެއް ނުވެ އެވެ. މީގެ ކުރިން މުހައްމަދު ނޫރައްދީން އަދި އަހުމަދު އާލިފް ރައޫފަށް ވެސް ދައުވާކުރި އެވެ. ނަމަވެސް، އެމީހުންގެ މައްޗަށް ވެސް ކުށް ސާބިތު ކުރެވޭ މިންވަރަށް ހެކި ހުށަހަޅާފައި ނެތް ކަމަށް ވަނީ ނިންމައިފަ އެވެ.

ކްރިމިނަލް ކޯޓް ޕީޖީ އޮފީސް އަހުމަދު ރިލުވާން ޔާމީން ރަޝީދު މަރާލުން

15 ކޮމެންޓް, 22 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސާފު

23 November 2023

ވެރިކަން ބަދަލުވުމާއެކު މުޖުރިމުންތައް ކުށްފާފަތައް ދޮވެވި ސާފުވީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެއިސްތިއުފާ

22 November 2023

ޕްރޮސެކިއުޓަރ ޖެނެރަލްގެ އޮފީހުން މި މީހުންގެ މައްސަލަތައް އިސްތިއުނާފު ނުކުރަނީ ކީއްވެ؟ މިފަދަ ބޮޑެތި ކުށްތައް ކޮށްފައިވެސް ސަލާމަތް މިވަނީ ޕްރޮސެކިއުޓަރ ޖެނެރަލްގެ އޮފީހާއި ކްރިމިނަލް ކޯޓުގެ ސަބަބުން. ހައްޔަރު ކުރިއިރު ހެކި ހުރި. ހައްޔަރު ދެމެހެއްޓިއިރު ހެކި ހުރި. އޭރު ހުރި ހެކި މިހާރު ނެތީތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެއިލްޑް

22 November 2023

އެހެން ވީމަ ތިޔަ ރިޔާޒާ ހަމީދާ މަރުކޮމިޝަނާ ކީއްހޭ ކުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުލް

22 November 2023

ދެން އަތްޖަހާ ދެން އަތްޖަހާ ( އެމިނެމްގެ ޕްލީޒް ސްޓޭންޑަޕް ރާގަށް )

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަކަތީބު

22 November 2023

މިސޮރުމެންނަށް ކޯޓުންް ބޭރުން ބައިތުލްމާލު ހުސްކޮށްްދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމާވަރު

22 November 2023

ފިލްމުތަކާއި ސީރީޒްތަކުގަ މަދު ފަހަރަކު ނޫނީ ކުށްކުރި މީހާ ފަޅާއަރާތަން ފެނުނަސް، ކުށްކުރި މީހާ ސާބިތުނުވާނެ ކުށްތައް މިދުނިޔެމަތީ ވަރަށް ގިނަވާނެ. ބައެއްމީހުނަށް އޮޅިފަ އޮތަސް ހަގީގަތަކީ ހުޅަނގުގެ ގައުމުތަކުގަވެސް ކުށްކުރިމީހާ ސާބިތުނުވާ ކުށްތައް ވަރަށް ގިނަ. ކުށްކުރިމީހާ ސާބިތު ނުވާ ފަހަރު ފަހަރު ހިތަށްއެރިހާ މީހަކަށް އަދަބުދޭން އުޅުނަސް، ހަގީގީ ކުށްވެރިޔާއަށްވެސް، ބޭއިންސާފު އަދަބުދޭ މީހުނަށްވެސް މަޙްޝަރު ދުވަހު ސަލާމަތް ނުވެވޭނެ.