ވާދަވެރިޔަކު ނެތުމުން އެމްޑީޕީން މާލޭ މޭޔަރުކަމުގެ ޓިކެޓް އާޒިމަށް

ވާދަވެރިޔަކު ނެތުމުން އެމްޑީޕީން މާލޭ މޭޔަރުކަމުގެ ޓިކެޓް ޕްރައިމަރީއަކާ ނުލާ ވަނީ އާދަމް އާޒިމަށް ލިބިފައި-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

02 ޑިސެމްބަރ 2023 - 15:56

25 comments

ވާދަވެރިއަކު ނެތުމުން މާލޭގެ މޭޔަރު ކަމަށް ޕްރައިމަރީއަކާ ނުލައި އެމްޓީސީސީގެ ކުރީގެ ސީއީއޯ އާދަމް އާޒިމަށް ޕާޓީގެ ޓިކެޓް ދޭން އެމްޑީޕީން ނިންމައިފި އެވެ.

އެމްޑީޕީން ބުނީ މާލޭ ސިޓީ ކައުންސިލްގެ ހުސްވެފައިވާ މަގާމުތަކަށް ޝައުގުވެރިކަން ފާޅުކުރަން ހުޅުވާލި މުއްދަތުގައި ކުރިމަތިލާފައި ވަނީ ކޮންމެ ދާއިރާކުން އެއް ކެންޑިޑޭޓް ކަމަށްވާތީ ޕްރައިމަރީއަކާ ނުލައި ބައެއް ދާއިރާތަކަށް ކުރިމަތިލި ބޭފުޅުންނަށް ޓިކެޓް ދޭން ނިންމީ ކަމަށެވެ. އޭގެ ތެރޭގައި މާލޭގެ މޭޔަރު ކަމުގެ މަގާމަށް އާޒިމް އެކަނި ކުރިމަތިލައްވާފައިވާތީ އޭނާއަށް ވެސް ވަނީ ޕްރައިމަރީއަކާ ނުލާ އެ ޕާޓީގެ ޓިކެޓް ލިބިފަ އެވެ.

ޕްރައިމަރީއަކާ ނުލާ ޓިކެޓް ލިބުނު އިތުރު ފަރާތްތައް:

- މެދު ހެންވޭރު ދާއިރާ - އަހުމަދު ރިޝްވާން ރަޝީދު – ހ. ވޭމައުތު / މާލެ

- ހެންވޭރު ދެކުނު ދާއިރާ - ހައްވާ ނިޙްލާ – ހ. ތަރަބޫޒުގެ / މާލެ

- މާފަންނު ދެކުނު ދާއިރާ - އަހުމަދު އިމްރާން – މ. ފަޅުމަތީގެ / މާލެ

މާލޭގެ މޭޔަރުގެ ގޮނޑި ހުސްވީ އެ މަގާމުގައި ކުރިން ހުންނެވި ޑރ. މުހައްމަދު މުއިއްޒު ރިޔާސީ އިންތިހާބުގައި ވާދަކުރައްވައި ހޯއްދެވި ކާމިޔާބީއަށް ފަހު ރައީސްކަމާ ހަވާލުވެވަޑައިގަތުމުން މިދިޔަ މަހުގެ 17 ގަ އެވެ.

އާޒިމް ކުރިން ވިދާޅުވި މޭޔަރު ކަމަށް ވާދަކުރައްވަނީ މާލޭގައި ވަރަށް ގިނަ މަސަައްކަތްތައް ކުރަން ހުރުމުންނާއި ރައްޔިތުން ދަތި ހާލުގައި އުޅޭތީ ކަމަށެވެ. އޭނާ ވިދާޅުވި ގޮތުގައި މޭޔަރު ކަމަށް ވާދަކުރައްވަނީ އެ ކަންކަން ހައްލު ކުރުމުގެ އަމާޒުގަ އެވެ. މިހާރު ހުރި ދަތިތަކަށް ހައްލު ހޯދައިދީ، އޭނާގެ މޭޔަރު ކަމުގައި ރައްޔިތުން އުޅޭ ހިތްވާ ފަދަ މާލެއަށް ހޯދައިދެއްވާނެ ކަމަށް ވިދާޅުވި އެވެ.

މޭޔަރުގެ ގޮނޑިއަށް އާ ބޭފަޅަކު އިންތިހާބުކުރުމަށް ބައި އިލެކްޝަން ބޭއްވުމަށް އިލެކްޝަންސް ކޮމިޝަނުން ނިންމާފައި ވަނީ އަންނަ މަހުގެ 13 ގަ އެވެ.

މާލޭގެ މޭޔަރު ކަމަށް ވާދަކުރެއްވުމަށް އެހެން ބައެއް ބޭފުޅުން ވެސް ވަނީ ޝައުގުވެރިކަން ފާޅުކުރައްވައިފަ އެވެ. އޭގެ ތެރޭގައި މިހާރު ސިޓީ ކައުންސިލްގެ ކައުންސިލަރަކަށް ހުންނެވި މުހައްމަދު ސައިފް ފާތިހު އާއި ކުރީގެ ބަންޑާރަ ނާއިބު އާއިޝަތު އާޒިމާ ޝަކޫރު އަދި ކުރީގެ ޕޮލިސް ކޮމިޝަނަރު ހުސައިން ވަހީދުގެ ވެސް ހިމެނެ އެވެ.

އެމްޑީޕީ މާލެ ސިޓީ ކައުންސިލް އާދަމް އާޒިމް (މާލޭގެ މޭޔަރު)

25 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝއހލޑރ

03 December 2023

މަހްފޫލް ކުރިން ބުނި އެތި ކެންސަލް ވީތަ؟ ހަބަރުގަވެސް އެ ވާހަކަ ނެތީމަ އެބަ ހިތައްއަރާ އަހަރެންގެ ހަންދާނުގައި ކޮށިކަމެއް ހުރީބާއޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީއާރު ކާޕެންޓްރީ

03 December 2023

ވޮވް.. ފިއުޗަ ޕްރެސިޑެންޓް. ޝައްކެއް ވަސްވާހެއް ނެތް ގޮތުގައި އާޒިމްގެ މޭޔަރު ކަމުގައި ޔޫރަޕާއި އޭޝިއާގެ މަޝްހޫރު ޝަހަރުތައް ދޫކޮށް މާލޭގައި ވަޒަންވެރިވާން އެތަންތާ މީހުން އަންނަ ފެންވަރަށް ގެންދާނެ. މާލޭގެ އާބާދީ 2 ލައްކައިން 2 މިލިއަނަށް ބޮޑުކުރާނެ. ކޮންމެ މީހަކަށް 2 ގޯތި ލިބޭނެ. ދުނިޔޭގައި މުނިސިޕަލް ހިދުމަތްދޭގޮތަށް އިންގިލާބީ ބަދަލެއް ގެންނާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމާބެ

03 December 2023

އެސްޓީއޯ ދިރުވާލި، އެމްޓީސީސީ ދިރުވާލި، ދެން މާލެ ސިޓީ ދިރުވާލައިގެން އުންމީދު މިކުރަނީ ދިވެހިރާއްޖެ ދިރުވާލަން. މޭޔަރު ކަމުން ރައީސްކަމަށް. މާލޭ ސިޓީ ބަޖެޓުން ދައުލަތުގެ ބަޖެޓަށް. އާދަން އާޒިމަށް މާލޭ ސިޓީގެ ބަޖެޓް ފެންނާނީ ފެހި ވިނަ ތަކެއްގެ ތެރެއިން ހުދު މުސަޅުތަކެއް މަތިން އުދުހިފަ ދާ ބަޒަކަށް ފެންނަ ހެން. މީ ވަރަށޤ ވާހަކަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުޅު3

03 December 2023

މިކަންކަމަށް އާޒިމް ގެ ޕޮލިސީ އަކީ ކޮބާތޯ؟ 1. ސްޓެލްކޯ އިން ހިސާރުކޮށްފަ އޮތް މަގުތަކުން އެމީހުން ބޭލުން؟ 2. ބާ އިންޖީނުގެ (ސިޓީ ޕާކު) ތެރޭ މިހާރު އަޅަން އުލޭ ޢިމާރާތް ހުއްޓުވާ، އެތަނުގާ ބޮޑު ޕާކިންގް އެއް ހަދާ ބާ އިންޖީނުގެ ކުރިމަތި (އަލިކިލެގެފާނުމަގު) އަދި ފާށަނާކިލެގެމަގު އެއްކޮން ނޯ-ޕާކިންގް އަކަށް ހަދާނަންތޯ؟ 3. އެމްއެމްއޭ ސަރަހައްދު ޖެޓީ ރީ-ޑިސައިްނކޮށް ލޯންޗު ފެރީ ތަކަށް އަރާ ފައިބާ މީހުންނަށް ރައްކާތެރި ނިޒާމެއް ތަރުތީބު ކުރާނަންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރުވެރިޔާ

03 December 2023

ރަނގަޅު ޗޮއިސް އެެއް. އިންޝާ ﷲ ވޯޓު ދޭނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮއްލާ

03 December 2023

ފައްޔާޒު އެމްޑީޕީން ބޭރުކޮށްލާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައްލި

02 December 2023

މަހީކުރީ އަކުރަމް ކަމާލުއްދީން އެހުރިހާ ގޯއްޗާއި ފުލެޓް ބަހާފައި ނުކުންނާނެކަމަށް. ކިހިނެތްމިވީ. ޕާޓީގައި ކަމުދާ މީހަކު ނެތީމަ އައުޓްސޯސް ކުރަނީތާ. އަނެއްކާ ޑިމޮކްރެސީ ފައްކާވެ ތަބަކަށްލާފައި ޓިކެޓްދޭހިސާބަށް ޕާޓީ މިއޮތީ ސޮއްސާލައިފަދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީ

03 December 2023

އެމްޑީޕީއަކީ އެންމެންނަށް ހުޅުވާލެވިފަވާ ޑިމޮކުރެޓިކް ޕާޓީއެއް. ޕާޓީއަށް ޖޮއިންވެ، އޮންނަ ޕްރޮސެސްތެރޭން އެންމެންނަށް ވެސް ފުރުސަތު އެބައޮތް. އެމްޑީޕީގެ އަސާސީ ގަވައިދުގައި އޮންނަ ހަމަތަކާ ޑިމޮކްރެޓިކް އުސޫލުތަކާއި އެއްގޮތަށް ކަންކަން ހިނގަމުންދާނީ.