އާސަންދައިގެ 56 ޕަސެންޓް ހޭދަކުރަނީ ފާމަސީތަކަށް: ޒީނިއާ

އާސަންދަ މެނޭޖްމެންޓުގެ ބޭފުޅުން އެސްއޯއީ ކޮމިޓީގައި -- ފޮޓޯ: މަޖިލީސް

ފާތިމަތު ޝަނާ މުހައްމަދު، މިހާރު

12 ޑިސެމްބަރ 2023 - 13:40

އާސަންދައިގެ 56 ޕަސެންޓް ހޭދަކުރަން ޖެހެނީ ފާމަސީތަކަށް ކަމަށް އެ ކުންފުނީގެ މެނޭޖިން ޑިރެކްޓަރު އައިމިނަތު ޒީނިއާ ވިދާޅުވެއްޖެ އެވެ.

މިއަދު މަޖިލީހުގެ އެސްއޯއީ ކޮމިޓީގައި ޒީނިއާ ވިދާޅުވީ، އާސަންދަ ސްކީމުން އެންމެ ބޮޑު ހަރަދެއް ކުރަނީ ބޭހަށް ކަމަށާއި މިހާރު އަމަލު ކުރާ ބަލްކް ޕްރޮކިއުމަންޓުން އެއަށް ލުއިތަކެއް ލިބޭނެ ކަމަށެވެ. އޭނާ ވިދާޅުވީ، އެންމެ ބޮޑު ހަރަދެއް ހިނގާ 11 ބޭހެއް ބަލްކް ޕްރޮކިއުމެންޓް އުސޫލުން ގެންނަ ކަމަށެވެ.

ޒީނިއާ ވިދާޅުވީ، ބޭހަށް ކުރާ ހޭދަ ކުޑަކުރުމަށް ޑަބްލިއުއެޗްއޯ އާ އެކު މަސައްކަތްތައް ކުރި ކަމަށާއި އެގޮތުން މިދިޔަ މަހު، އެކަން ކުރެވޭނެ މޮޑެލްތަކެއް ވެސް އެ އިދާރާއިން އާސަންދައާ ހިއްސާކޮށްފައިވާ ކަމަށް އޭނާ ވިދާޅުވި އެވެ.

"ފުރަތަމަ ތިން މަހުގެ ތެރޭގައި އެކަން އިމްޕްލިމެންޓް ކުރެވޭތޯ މަސައްކަތް ކުރަމުން މިގެންދަނީ. އޭރުން ވެސް އަގުތައް ތަންކޮޅެއް ކުޑަކުރެވޭނެ ކަމަށް ގަބޫލު ކުރަނީ،" އޭނާ ވިދާޅުވި އެވެ.

ޒީނިއާ ވިދާޅުވީ، ފާމަސީތަކަށް ހުއްދަ ދީ ލިސްޓު އެކުލަވައިލުމުގައި އާސަންދަ އަށް ކޮންޓްރޯލެއް ނޯންނަ ކަމަށާއި އެކަން ނިންމަން ޖެހޭނީ ޕޮލިސީ ލެވެލްގައި ކަމަށެވެ.

"މިސާލަކަށް ވަކި ޕޮޕިއުލޭޝަނަކަށް ވަކި ވަރަކަށް ފާމަސީ ބެހެއްޓުން. ފާމަސީ އަށް ހަމަ އެންމެ ބޮޑު ކޮސްޓެއް ދަނީ،" އޭނާ ވިދާޅުވި އެވެ.

ބޭސް ފިހާރަތަކެއް: އާސަންދައިން އެންމެ ބޮޑު ހޭދަކުރަނީ ބޭސް ފިހާރަތަކަށް.-- ފޮޓޯ: ފަޔާޒު މޫސާ/ މިހާރު

ބޭސް ނަގާ އިރު ވެސް އޮންނަ އުސޫލުތަކާ ހިލާފަށް އެކަން ކުރާކަން ފާހަގަކުރެވޭ ކަމަށާއި އެފަދަ ކަންކަން ހުއްޓުވަން ބޭސް ނަގާ މީހާ ވެސް މިފަހަރު މެސެޖު ދާނެ ކަމަށް އޭނާ ވިދާޅުވި އެވެ.

ޒީނިއާ ވިދާޅުވީ، ދެވަނަ އަށް އެންމެ ބޮޑު ހަރަދެއް ހިނގަނީ ޕްރައިވެޓް ހޮސްޕިޓަލުތަކަށް ކަމަށެވެ. އޭނާ ވިދާޅުވީ، ޕްރޮސީޖަރުތަކުގެ ހަރަދު ކުޑަ ނަމަވެސް ފައިނަލް ބިލް އަންނަ އިރު ވަރަށް ބޮޑުވާ ކަމަށެވެ. އެކަން ހެލްތް މިނިސްޓްރީން ކޯ-ޕޭމެންޓެއް ހަދާފައި ނެތުމުން އެކަން ކޮންޓްރޯލު ކުރެވޭނެ ގޮތެއް އާސަންދައަށް ނޯންނަ ކަމަށެވެ.

"މިސާލަކަށް ސިޒޭރިއަނަކަށް 1،000ރ. ކަނޑައަޅާފައި އޮންނަ އިރު ބަލިމީހާ ނުކުމެގެން އަންނަ އިރު އެބަ އަރާ ތިން ލައްކަ ވަރު. އެ ހަރަދުތައް ކުޑަކޮށްގެން، ހަމަ ރާއްޖޭން ބޭރަށް ކުރާ ހޭދަ ބައެއް ޕްރައިވެޓް ހޮސްޕިޓަލުތަކަށް ކުރަން ޖެހޭ،" އޭނާ ވިދާޅުވި އެވެ.

ޒީނިއާ ވިދާޅުވީ، ޕްރައިވެޓް ހޮސްޕިޓަލުތަކަށް ދާ ހޭދަ ކުޑަކުރެވޭނީ އައިޖީއެމްއެޗްގެ ހިދުމަތް ރަނގަޅުކޮށްގެން ކަމަށެވެ.

މި އަހަރުގެ މިހާތަނަށް 1.7 ބިލިއަން ރުފިޔާ އާސަންދަ އަށް ވަނީ ހޭދަކޮށްފަ އެވެ. މި އަހަރު ނިމޭ އިރު އާސަންދަ އަށް 2.3 ބިލިއަން ރުފިޔާ ހޭދަކުރަން ވަނީ ކަނޑައަޅައިފަ އެވެ.

އާސަންދަ އާސަންދަ ޕްރައިވެޓް ލިމިޓެޑް އައިމިނަތު ޒީނިއާ (އެމްޑީ، އާސަންދަ)

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފާމަސީތަކައް

13 December 2023

ބަލިވެގެން ޑޮކްޓރައްދެއްކީމަ ސިޓީލިޔެދެންޏާ ފާމަސީތަކަށް ދާނެ އެއީ އާސަންދަ އޮފީހުގަ އިންނަ މީހަކާބެހޭކަމެއްނޫން މިހާރު އާސަންދައަކާހުރެ ބޮޑު ނޮހޮރުއްޕާނަކައްވެއްޖެ އަންނަ ކޮއްމެ ސަރުކާރަކުން އާސަންދައިން ނެއްޓެނަ ނޭގިގެން މިއުޅެނީކީއްވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެއްޔާ

13 December 2023

56 ޕަސެންޓް ހަރަދު ކުރަނީ ޕާކިސްތާން އައި އިންޑިއާ އިން ގެންނަ ފޭކް ބޭސްތަކަށް. އިހްލާސްތެރި ނަމަ ތީކީ ހައްލުކުރަން އެހާ އުދަގޫ ކަމެއް ނޫން. މިހާރު ކޮންމެ ރަށެއްގައި އެސްޓީއޯ ފާރމަސީ އެއް ހުންނާނެ. ހަމަ އެކަނި އެސްޓީ އޯ ފާރމަސީ ތަކުން އާސަންދަ ލިބޭގޮތް ހަދަން ވީ. ނުވަތަ ސަރުކާރު ހޮސްޕިޓަލް ތަކުގައި ފާރމަސީ ހުޅުވާފައި އެތަނުން ބޭސް ލިބޭ ގޮތައް ހަދާ. ތިކަން ހައްލު ކުރާކަށް އެކަކު ވެސް ނޫޅޭ. ތީ އެންމެންނަށް ބައި އެޅިގެން ކުރާ ބޮޑު ވިޔަފާރިއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒީނިއާ ދައްތަ

12 December 2023

އާސަންދައިން ކުރާ ބޮޑު ހަރަދެއް ހިނގަނީ އޭޑީކޭއަށް. އެހެންކަމުން، އާސަންދަ ސަލާމަތް ކުރެވެން އޮތީ އެތަނުގައި ސަރުކާރުގެ ހޮސްޕިޓަލެއް ހިންގައިގެން. އަދި ދައުލަތުގެ ހަރަދުގައި ކިޔެވި ޑޮކްޓަރުން ސަރުކާރު ހޮސްޕިޓަލްތަކުގައި ހިދުމަތްދޭ ވަގުތު އިތުރު ކޮށްގެން. މިސާލަކަށް، އައިޖީއެމްއެޗްގެ މެޑިކަލް ޑިޕާޓްމަންޓްތަކުގެ ވެރިން އެތަނުގައި މަސައްކަތް ކުރަނީ ހަފުތާއަކު އެއް ދުވަހު. ދެން ހުސް އަމިއްލަ ކުލިނިކުތަކުގައި ގިނަ ފައިސާ ހޯދުމުގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނިޔަ

12 December 2023

އިންޑިޔާގެ އާސަނަދަ ލިބޭ ހޮސްޕިޓަލް ތަކުން ކީތްވެބާ Bali މީހާއަށް އޭނަގެ ބިލަށް އެރިވަރު ބުނެ ނުދެނީ؟ ހިތަށްއަރާ އެމީހުން އާސަނަދައަށް ބިލުކުރަނީ Hama އަސްލުވެސް ބަލިމީހާއަށް ދިން ޚިދުމަތަށްބާއޭ. kithanme ޓެސްޓެއް ހެދިކަމަށް ބިލުކޮށް އާސަންދައިން laari ނެގިޔަސް ރައްޔިރުންނަށް ކޯއްޗެއްތޯ އެނގޭނީ ވަކި މިއީ އާސަންދައިގެ ނަމުގަ ބަޔަކު ހިންގާ viyafaari ގަނޑެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިދޫދޫ

13 December 2023

އަހަރުމެންނަށް ލިބޭ ބިލް. އަދި އެ ހިދުމަތް ލިބުނު ކަމަށް ސޮއިވެސް ކުރަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

12 December 2023

ތިކުންފުނި އުވާލާ ރައްޔަތުންނައް ޝަރުތަކާ ނުލާ ހިލޭ ބޭސްފަރުވާކުރެވެންޖެހޭނެ. ކޮން އެންސުޕާ އަކާ އާސަންދައެއް ހިންގާކައް.... ތިވައްތަރައް ކުންފުނި ހިންގައިގެން ރައްޔިތަކައް ވާކަމެއް ހަރާމް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭހަށް ކުރާ ހޭދަ ކުޑަކުރެވޭނީ........

12 December 2023

ކުދިބޮޑު އެންމެން ކަސްރަތަށް އަހުލުވެރި ކުރެވިއްޖެނަމަ ބޭހަށް ކުރާ ހޭދަ ބޮޑުތަނުން ކުޑަކުރެވޭނެކަން ކަށަވަރެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

12 December 2023

ސޯސަންމަގު ވިލާޓިޥީ ގޯޅިގަ އިންނަ ބޭސް ފިހާރައަކީ 100 ޕަސަންޓު އިންދިޔާ މީހެއްގެ ތަނެއް. އެކަމަކު ލަމެއްނުވާނެ ވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

12 December 2023

އެހެންވެގެންދޯ ކޮންމެ މީހަކުވެސް ހައެއްކަ ތަން މިހުޅުވަނީ؟ އެބައި މަދުކުރަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭ1

12 December 2023

ފެންނަ ފެނުމަށް މުޅި ދުނިޔޭގަވެސް ޑަކްޓަރީ ބޭސް އެންމެ ގިނައިން ބޭނުން ކުރާ ގައުމަކށް ދިވެހިރާއްޖެ ވާނެ. ކިރިޔާ ކަމެއް ވާއިރަށް ދުއްވައިގަންނަނީ ސްޕެލިސްޓުން ކާރިއަށް ދެން އެމީހުން ލިއެދެނީ ބޮޑު ބޭސް ސިޓީއެއް. ޑަކްޓަރުން ފާމަސީ ތަކާ ކުލިނިކު ހިންގާ މީހުންނާ މިތިބެނީ ލާމެހިފަ. އެހެންވީމަ ބޭސް ވިކުނީމަ ވާ ފައިދާ ވަރަށްބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 December 2023

މާލެ އާ ރަށރަށުގެ އެސްޓީއޯ ގެ ބޭސް ފިހާރަތައް ވަރުގަދަ ކުރަން ވީ އެވެ. އޭރުން ފައިސާ ވަންނާނީ ސަރުކާރަށެވެ. ހުޅުމާލޭ ހޮސްޕިޓަލް ހުޅުމާލޭ އާބާދީ އަށް ވ ކުޑަ އެވެ. ސަރުކާރުން ބޭރު ބަޔަކާ ގުޅިގެން ބޮޑޫ ހޮސްޕިޓަލް އެއް އަޅަން ވީ އެވެ.