އިސްކަންދަރު ސްކޫލުގެ ދަރިވަރުންތަކެއް މި އަހަރުގެ ފުރަތަމަ ޓާމުގެ މިޑް ބްރޭކްގެ ރިޕޯޓު ފޮތް ނަގައިގެން ދަނީ.--- ފޮޓޯ: ފަޔާޒް މޫސާ / މިހާރު
21 ޑިސެމްބަރ 2023 - 09:37
3 comments
ދަރިވަރުންނަށް ރިޕޯޓު ފޮތް ދީ، ފުރަތަމަ ޓާމުގެ ކުއާޓާ ބްރޭކް މިއަދު ފަށައިފި އެވެ.
މި އަހަރުގެ ކިޔެވުން ފެށީ މިދިޔަ އޮގަސްޓް މަހުގެ ހަ ވަނަ ދުވަހު އެވެ. އެއީ 216 ސްކޫލެއްގައި ޖުމުލަ 84،200 ދަރިވަރުންނާ އެކު އެވެ.
އެކަޑެމިކް ކަލަންޑަރުގައިވާ ގޮތުން ފުރަތަމަ ޓަމުގެ ދެވަނަ ކުއާޓާ ކިޔަވައިދޭން ސްކޫލުތައް ދެން ހުޅުވާނީ ޖެނުއަރީ ހަތެއްގަ އެވެ.
ދަރިވަރުންނަށް ލިބޭ 17 ދުވަހުގެ ޗުއްޓީއަކަށް ފަހު އަންނަ މަހުން ފެށިގެން ސްކޫލުތަކުގެ ކިޔެވުން ފަށަން ނިންމާފައި ވަނީ ގައުމީ ސަލާމުންނެވެ.
ރައީސް ޑރ. މުހައްމަދު މުއިއްޒު، އެ ނިންމެވުން ނިންމެވީ ގައުމު ދެކެ ލޯބިވާ ކުދި ބަޔަކަށް ދަރިވަރުން ހެދުމަށް ކަމަށާއި ގައުމީ ސަލާމާއި ގައުމީ ދިދަ ދެކެ ލޯބިވާ ބަޔަކަށް ތުއްތު ކުދިން ހެދުމަށް ކަމަށް ރައީސް ވަނީ ވިދާޅުވެފަ އެވެ.
ދިރާސީ އާ އަހަރު ފެށުން 2025 ވަނަ އަހަރު އަނެއްކާ ވެސް ޖެނުއަރީ މަހަށް ބަދަލުކުރަން ވެސް މި ސަރުކާރުން ވަނީ ނިންމައިފަ އެވެ. ނަމަވެސް އެ ބަދަލު ގެނެސް ކިޔަވައިދޭން ފަށާނެ ގޮތެއް އަދި ސަރުކާރުން ހާމައެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަހުރ
21 December 2023
ޗުއްޓީއަށް 17 ދުވަސް ވާގޮތެއް ނުވިސްނުނު
ތޮށަލި
21 December 2023
ސްކޫލް ކުދިންތައް ޗުއްޓީގައ އުޅޭތާ ދެތިން ހަފްތާ މިހާރުވެސް ވެއްޖެ. ސްކޫލްތަކުގައި ޓާރމެއްގަ މި ކިޔަވާދެނީ ނުވަދިހަވަރަށް ދުވަހު ކަމަށްވަނީ. އޭގެތެރެއިން 1 ހަފްތާ ރިވިޝަނަށް އަނެއް ހަފްތާ ޓެސްޓަސް އަނެއް ދެހަފްތާ ޕޭޕަރު މާރކު ކުރުމާއި ރިޕޯޓް ފޯމު ތައްޔާރު ކުރުމަށް. ގާތްގަޑަކަށް ތިންބައިކޮށްފަ އެއްބައިދަނީ މިކަހަލަ ގޮތަށް. ކުދިންނަށް އެއްޗެއް ރަގަޅަށް ކިޔަވާދެވެނީ ޓާރމެއްގަ ފަންސާހަކަށް ދުވަހު. މިވަރުން ކިހިނެތް ރަގަަޅަށް ސިލަބަސް ކަވަރުކުރާނީ
ޅިންޑި
21 December 2023
84،000 ހާދަ ކުޑަ އާބާދީއެކޭ.