ޔުނާން ޝަރުތާ ހިލާފުވެ ބޭރުގައި އުޅޭތީ ބަންދުކޮށްދޭން އެދިއްޖެ

ޔުނާން: އޭނާ ގެއިން ބޭރަށް ނުކުމެ އުޅޭތީ އަލުން ބަންދުކޮށްދޭން ޕީޖީން ވަނީ އެދިފައި - ފޮޓޯ: މިހާރު

ނާޒިމް ހަސަން، މިހާރު

26 ޑިސެމްބަރ 2023 - 14:31

ކުޑަކުއްޖަކަށް ޖިންސީ ގޯނާކުރުމުގެ ތުހުމަތުގައި ދައުލަތުން ދައުވާކޮށް، ޝަރީއަތް ނިމެންދެން ބަންދު ކޮށްފައިވަނިކޮށް ދޫކޮށްލި ފިލްމީތަރި މުހައްމަދު ޔުނާން އަލުން ހައްޔަރުކުރުމަށް އެދިއްޖެ އެވެ.

ޕްރޮސިކިއުޓާ ޖެނަރަލް އޮފީހުގެ އޮފިޝަލަކު ވިދާޅުވީ ޔުނާން އަލުން ބަންދުކޮށްދޭން އެދި ހުޅުމާލެ މެޖިސްޓްރޭޓް ކޯޓަށް ހުށަހަޅާފައިވާ ކަމަށާއި އެގޮތަށް އެދުނީ ޔުނާން ބަންދުން ދޫކޮށްލަމުން ކޯޓުން ކަނޑައެޅި ޝަރުތަކާ ހިލާފުވެފައިވާތީ ކަމަށެވެ.

އެނގިފައިވާ ގޮތުގައި ޔުނާން ބަންދުން ދޫކޮށްލީ ޒަރޫރީ ކަމެއްގައި ނޫނީ ގެއިން ބޭރަށް ނުދިއުމަށް ޝަރުތުކޮށްފައި ވިޔަސް އޭނާ ގެއިން ބޭރުގައި އުޅެ އެވެ. ގެއިން ބޭރަށް ނުދިއުމުގެ އިތުރުން ކޯޓުގެ ހުއްދަ ނެތި ފުރައިގެން ނުދިއުމާއި ދިރިއުޅޭ ތަން ކޯޓަށް އެންގުން ފަދަ ޝަރުތުތަކެއް ވެސް ޔުނާންގެ މައްޗަށް ކޮށްފައިވެ އެވެ.

ކުޑަކުއްޖަކަށް ޖިންސީ ގޯނާކުރުމުގެ ތުހުމަތުގައި ޔުނާން އާއި އޭނާގެ އަނބިމީހާ ފާތިމަތު ރިހުލާ ހައްޔަރުކޮށް، ދައުވާކުރީ ޑިސެމްބަރު 2020 ގަ އެވެ. އެ މައްސަލައިގައި އެ ދެ މީހުން ޝަރީއަތް ނިމެންދެން ބަންދުކުރިތާ ދެ އަހަރު ފަހުން މިދިޔަ މާޗް މަހު ރިހުލާ ވަނީ ގޭ ބަންދަށް ބަދަލުކޮށްފަ އެވެ.

ޔުނާން ބަންދުން ދޫކޮށްލަން ނިންމި ނިންމުން އިސްތިއުނާފު ކުރަން ދައުލަތުން މަސައްކަތް ކުރަމުން އަންނަ ކަމަށް ވެސް އެނގިފައިވެ އެވެ. އެ މައްސަލާގައި ޔުނާންގެ މައްޗަށް ނުވަ ދައުވާއެއް ކުރާއިރު، ރިހުލާގެ މައްޗަށް ފަސް ދައުވާއެއް ކުރެ އެވެ.

އެ މައްސަލަ މިހާރު އޮތީ ހުޅުމާލޭ ކޯޓުގައި ނިމުމަކާ ހިސާބުގަ އެވެ.

ކްރިމިނަލް ކޯޓް ޕީޖީ އޮފީސް ކުދިންނަށް ޖިންސީ ގޯނާކުރުން

7 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެޝަރުތު

28 December 2023

'ޒަރޫރީ ކަމެއް'ގެ މާނަ އޭނައަށް އެނގޭނެބާ؟ ތިޔަ ޒާތުގެ އަމަލުތައް ކުރާ މީހުންނަށް ކަންކަން އޮޅުންފިލުވައިދޭންޖެހޭނީ ތަންކޮޅެއް ތަފްސީލުކޮށް. އާއްމު މިންގަނޑު ނޭނގިގެން ނޫނީ އެނގުނަސް އެއަށް ނުބަލާ ކުށްކުރާ މީހުންނަށް ކަންކަމުގެ މާނަ ނެގޭ ގޮތް ތަފާތުވެދާނެ.