ވިއްސާރައިގައި ގުރައިދޫގައި ފެންބޮޑުވެފައި.-- ފޮޓޯ: ގުރައިދޫ ކައުންސިލް
31 ޑިސެމްބަރ 2023 - 12:54
7 comments
މުޅި ރާއްޖެ އަށް މިހާރު ކުރާ ގަދަ ވިއްސާރައިގައި މާލެއާ އެކު، އިތުރު ފަސް ރަށަކަށް ގެއްލުން ލިބިގެން، ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އަށް ރިޕޯޓުކޮށްފި އެވެ.
އެ އިދާރާއިން މިއަދު ބުނީ، ވިއްސާރާގައި ގެއްލުން ލިބުނުކަމުގެ ރިޕޯޓުތައް މާލޭގެ އިތުރުން ފ. ނިލަންދު އާއި ކ. ގުރައިދު އާއި ލ. ގަމާއި އެ ރަށާ ގުޅިފައި އޮންނަ ފޮނަދޫ އަދި އައްޑޫ މަރަދޫ އިން މިހާތަނަށް ލިބިފައިވާ ކަމަށެވެ.
ވިއްސާރައިގައި ގުރައިދޫގައި ފެންބޮޑުވެފައި.-- ފޮޓޯ: ގުރައިދޫ ކައުންސިލް
ފެން ބޮޑުވުމުން ސިފައިންނާއި ފުލުހުން އަދި ކައުންސިލްތައް ގުޅިގެން މަސައްކަތް ކުރަމުން އަންނަ ކަމަށާއި މާލޭގެ ބައެއް ގޭގައި ފެންބޮޑުވެފައިވާތީ ވެލި ބަސްތާ ޖެހުމުގެ މަސައްކަތް ވެސް ސިޓީ ކައުންސިލްގެ އެހީތެރިކަމާއެކު ކުރަމުން އަންނަ ކަމަށް ބުންޏެވެ.
ފެން ބޮޑުވުމުގެ ހާދިސާތަކަށް އިޖާބަ ދިނުމުގެ މަސައްކަތް ސިފައިންނާއި، ފުލުހުން އަދި ކައުންސިލްތައް ގުޅިގެން އަންނަނީ ކުރަމުން. މީގެ އިތުރުންވެސް މާލޭގެ ބައެއްގޭގައި ފެންބޮޑުވެފައިވާތީ ވެލި ބަސްތާޖެހުމުގެ މަސައްކަތް ސިޓީ ކައުންސިލްގެ އެހީތެރިކަމާއިއެކު އަންނަނީ ކުރަމުން
— NDMA Maldives (@NDMAmv) December 31, 2023
އެ ރަށްތަކުގެ ތެރެއިން އެންމެ ބޮޑު ގެއްލުމެއް ލިބިފައިވަނީ ގުރައިދުއަށެވެ.
އެ ރަށު ކައުންސިލްގެ މެމްބަރު ފާތިމަތު ޒިރުފާ ވިދާޅުވީ ރޭ 8:00 ހާއިރު ވާރޭވެހެން ފެށި ގޮތަށް ހުއްޓާލީ މެންދުރުވާން އުޅެނިކޮށް ކަމަށެވެ. އެހެންވެ، މުޅި ރަށުގައި ފެން ބޮޑުވެފައިވާ ކަމަށް އޭނާ ވިދާޅުވި އެވެ. އޭގެ ތެރެއިން 15 ގެއަކަށާއި ތިން ފިހާރައަށް ގެއްލުން ލިބިފައިވެ އެވެ.
ވިއްސާރަވެ، ފެން ބޮޑުވުމުން ރަށެއްގައި ގޭގޭގައި ވެލި ބަސްތާ ޖަހާފައި.-- ފޮޓޯ: އެންޑީއެމްއޭ
ޒިރުފާ ވިދާޅުވީ މީހުންނަށް ނޫޅެވޭ ވަރަށް ހަތް ގެއެއްގައި ފެން ބޮޑުވެފައިވާތީ، އެ ތަންތަނުން އެހެން ގޭގެ އަށް މީހުން ބަދަލުކޮށްފައިވާ ކަމަށެވެ.
ބާކީ ހުރި ގޭގައި ވެސް ކޮޓަރިތަކަށް ފެން ވަނުމުން ފަރުނީޗަރާއި ހިފައި ގެންގުޅޭ ތަކެއްޗަށް ގެއްލުން ލިބިފައިވާ ކަމަށް އޭނާ ވިދާޅުވި އެވެ.
ވާރޭގައި މީގެ ކުރިން ވެސް ގުރައިދޫގެ ބޮޑު މަގުގައި ފެން ބޮޑުވެ އެވެ. އެކަމަކު މުޅި ރަށުގައި އެ ގޮތަށް، މި ފަހުގެ ތާރީހެއްގައި ފެން ބޮޑުވެފައިނުވާ ކަމަށް ގުރައިދޫ ކައުންސިލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޟަޒްރާ
31 December 2023
ފެން ބޮޑުވަނީ ބިމުގެ ޓޮޕޯގުރަފީއަށް ބަދަލު ގެނައުމުން. ބިން ހިއްކުމާއި ބަނދަރު ހެދުމުގެ ސަބަބުން ފުލަޑް މިޓިގޭޝްން ލިމިޓް ވޭ. ލިމިޓްވަނީ އަލަށް ހިއްކާ ބިން ރަށުގެ އަސްލު ބިމަށް ވުރެ އުސްވެ ، އުސް ތަނުން ތިރި ބިމަށް ފެން ފައިބައިގެން ދިއުން.
ކޮރަލް
31 December 2023
އެންޑީއެމްއޭ އުވާލަން ވީ އެވެ . އެމީހުން ވާ އެހީ އެއް ނުބުނެ އެވެ . އަބަދުވެސް ދައްކަނީ ދިރާސާ ކުރާ ވާހަކަ އެވެ. ކައުންސިލް އަދި ފުލުހުން ކުރަން ޖެހޭ ކަމެއް ކުރާނެ އެވެ . ތިތަ އޮފީހުން ވީ އެހީ އެއް ބުނެ ބަލާށެވެ . ބޭރުގެ އެހީ ލިބޭ ތަނެކެވެ . މުވައްޒަފުންނާ އޮފީސް ހުރެ އެވެ . ވާ އެހީ އެއް ހާމަ ކޮށް ބަލާށެވެ .
މާސީ
31 December 2023
ކުރީ ޒަމާނުގައިވެސް ގެތަކަށް ފެން ވަދޭ ވާރޭ ވެހޭއިރު. އެހާ ބޮޑު ކަމަކަށް ހަދައިގެން އުޅޭވަރުގެ ކަންކަމެއް ނޫން. ވާރޭ ނިމުނީމަ ހިނދޭނެ ފެން އިރުކޮޅަކުން.
ސިކުނޑި
31 December 2023
އަޖައިބެއް. ކުރީ ޒަމާނުގަައި އެލެކްޓްރޯނިކް ސާމާނެއް ނުހުރޭ، ކަރަންޓު ހުންނަ ޒަމާނެއް ނޫން. އޭރާ މިހާރާ ވަރަށްވެސް ތަފާތު.
ދިސްވޭއިން
31 December 2023
ވިއްސާރައިގައި ބޮޑެތި ގެއްލުން ރާއްޖެތެރޭގެ ރަށްރަަށަށް ލިބެނީ އެއީ ނުބައި އިންޖިނިއަރިންގް އަށް މިދެންނެވުނު ތަންތަނުގައި އިމާރާތް ތައް ކުރެވި އަދި ބިލްޑިންގް ސާރވިސެސް ނުބައި އިންޖިނިއަރިންގް ހުންނާތީއޭ ރާއްޖެތެރޭގެ ހުރިހާ ރަށެއްގެ ވެސް ފުރާޅުގެ ދިޔަދޮވި ހުންނަނީ މަގަށް ނެރެފައޭ މީ މައިގަނޑު މައްސަލައަކީ ދިޔަދޮވި ހޮޅީގެ ފެން ގުޅަން ޖެހޭނީ ފާޚާނާ ނިޒާމަށޭ އެއީ ރީތި ފެނޭ ދެން އެފެން ޖެހޭނީ އެންމެ ފަހު ލިފްޓިންގް ސްޓޭޝަނުން ކަނޑަށް އުކާލާށޭ
އެންމެ އިގޭ
31 December 2023
ތިބުނާ މާލޭގަ ފެން ނެއްތާ؟ ތާހިރު ވާހަކައެއް ދައްކާނަމަ ރަގަޅު!
ސޭކުސްތާން
31 December 2023
ކޮބައިތޯ އާދަން ؟ އަވަހައް ވަޱައިގަންނަވާ ރައްޔިތުންގެ ހާލުބަލަން. ވަރައްދެރަ ހަމައެކަނި އައްޱުއަށް ވަޱައިގެންފަ އެހެން ރައްޔިތުންގެ މަތިން ހަނދާންނެތުނީމަ. ތަފާތުކުރުން މެކުހައް.