ހުޅުމާލެ 2 ގައި އިމާރާތް ކޮށްފައިވާ ފްލެޓްތައް: ސޯޝަލް ހައުސިން ފްލެޓްތަކަށް ދައްކަން ޖެހި ނުދެއްކި ހުރި ފައިސާތައް ބަހާލައިގެން ދެއްކުމުގެ ފުރުސަތު އާބަންކޯ އިން މިހާރު ވަނީ ދީފައި.
31 ޑިސެމްބަރ 2023 - 16:54
61 comments
ސަރުކާރުން އިމާރާތް ކޮށްފައިވާ ސޯޝަލް ހައުސިން ފްލެޓްތަކުގެ ކުލި ނުދެއްކުމުން މިއަދުގެ ނިޔަލަށް އަރާފައިވާ ޖޫރިމަނާތައް ރައީސް ޑރ. މުހައްމަދު މުއިއްޒުގެ ވައުދާ އެއްގޮތަށް މިހާރު މާފުކޮށްދީފައިވާ ކަމަށް އާބަންކޯ އިން މިއަދު ބުނެފި އެވެ.
އެ ޖޫރިމަނާތައް މާފުކޮށްދިނުމަކީ ރައީސް ޑރ. މުއިއްޒުގެ ވެރިކަމުގެ ފުރަތަމަ 100 ދުވަހުގެ ތެރޭގައި ކުރަން ނިންމަވާފައިވާ ކަމެކެވެ.
އާބަންކޯ އިން ނެރުނު ބަޔާނެއްގައި ބުނީ، ޖޫރިމަނާ މާފުކޮށްދިނުމަށް ފަހު، ފްލެޓްތަކަށް ނުދެއްކި ބާކީ ހުރި ފައިސާތައް ބަހާލައިގެން ދެއްކޭނެ ނިޒާމެއް ހަމަޖައްސާފައިވާ ކަމަށެވެ. އެއީ އިސްލާމީ އުސޫލުތަކާ އެއްގޮތަށް އެއްބަސްވުން ބަދަލުކޮށްގެން ހަމަޖައްސައިދޭ އުސޫލެއް ކަމަށް އެ ކުންފުނިން ބުންޏެވެ.
އާބަންކޯ އިން ހަމަޖެއްސި އުސޫލު:
- ފްލެޓްތަކަށް ފައިސާ ދެއްކުން ލަސްވުމުން ނަގާ ޖޫރިމަނާއަކީ ކޮންމެ މަހެއްގައި ދައްކަންޖެހޭ އަދަދުގެ އެއް ޕަސެންޓް ކަމަށް ކަނޑައެޅުން.
- ޖޫރިމަނާ އަށް ކުރިން އަހަރަކަށް 18 ޕަސެންޓް ދައްކަން ޖެހޭއިރު، އާ އުސޫލުގެ މަތިން ކޮންމެ މަހަކު ނަގާ އެއްޕަސެންޓް ޖޫރިމަނާ ސޮދަގާތު ފައުންޑޭޝަން ހަދިޔާކުރުން.
އާބަންކޯ އިން ބުނިގޮތުގައި، ފްލެޓްތަކަށް ފައިސާ ދެއްކުން ލަސްވުމުން ނަގާ ޖޫރިމަނާއަކީ ކޮންމެ މަހެއްގައި ދައްކަންޖެހޭ އަދަދުގެ އެއް ޕަސެންޓް ކަމަށް ހަމަޖެއްސުމުން، ދުވަހުން ދުވަހަށް ޖޫރިމަނާ އިތުރެއް ނުވާނެ އެވެ. އެންމެ ބޮޑު އެއްފަސޭހައަކީ ޖޫރިމަނާގެ ގޮތުގައި ނަގާ އަދަދު ދެ ފަރާތަށް ވެސް އެނގެން އޮތުން ކަމަށް އެ ކުންފުނިން ބުންޏެވެ.
އާބަންކޯ އިން މިހާރު ވަނީ އިސްލާމީ އުސޫލުތަކާ އެއްގޮތަށް އެއްބަސްވުން ބަދަލުކުރުމަށް ނުވަތަ ދައްކަން ޖެހި، ނުދެއްކިވާ ފައިސާ ބަހާލައިގެން ދައްކަން ބޭނުންވާ މީހުންނަށް އަންނަ ޖެނުއަރީ 10 ގެ ކުރިން އެ ފުރުސަތަށް އެދި ހުށަހަޅަން ހުޅުވާލައިފަ އެވެ. އެ ކަމަށް އެދެން ޖެހެނީ ހާއްސަ ފޯމެއް ފުރައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުލްޝާން
02 January 2024
ރައީސް މުއިއްޒަކީ އެމަނިކުފާނު ވެވަޑައިގަންނަވާ ވައުދުތަށް ރަނުން ރަނަށް ފުއްދަވާ ރައީސެއްކަން ގައުމުގެ ހުރިހާ އެންމެން ދަންނާނެ.
ައަނަސްް
02 January 2024
ފްލެޓްތަށް ލިބެނީ ނިކަމެތި ރައްޔިތުންނަށް. ބޮޑު ހަރަދުކޮށްފަ ފްލެޓަށް ބަދަލުވުމަށް އެކި ގޮތްގޮތުން ލޯނު ހޯދައިގެން ދަރައި ވިކިގެން ލިބޭ މުސާރައިން ދެކޮޅުނުޖެހިގެން އުޅޭއިރު އަނެއްކާ އޮންނާނީ ޖޫރިމަނާއިން ފުރިފަ. ރައީސްއަށް މިކަން އިހްސާސްވީތީ ވަރަށް އުފާ ކުިރަން.
ހާފިޒާާ
02 January 2024
އަހަރެމެންފަދަ ނިކަމެތިންނަށް މިސަރުކާރަށް ވުރެ އަޅާލި ބަޔެއް އަދި ނާދޭ.
ސަމަދް
02 January 2024
ރައީސް މުއިއްޒު މި ކޮށްދެއްވަނީ އިބްރާހިމް ސޯލިހަށް 5 އަހަރުން ނުކުރެވުނު ކަންތަށް އެންމެ އެއް މަސް ދުވަހުން. އަދި މިވެރިކަން އޮރީ ކުރިޔަށް. ރައްޔިތުން މިތިބީ ވަރަށް ފޮނި އުންމީދުން ފުރިފައި.
އިލްހާމްް
02 January 2024
ރައީސް މުއިއްޒު މިދަނީ މަދު ދުވަސްކޮޅެއް ތެރޭ ރައްޔިތުންނަށްޓަކާ މިފަދަ އެތަށް ކަމެއް ކޮށްދެއްވަމުން. މި ސަރުކާރު ފެށުނީ މިފަދަ ކަންތައްތަކުން. ޗޯރު އިބުރޭ ހެން ވެރިކަމުގެ ފަހު ދުވަސްކޮޅު ރައްޔިތުން ގުނބޯ ހައްދާނެ ވެރިޔަކަށް ރައީސް މުއިއްޒު ނުވާނެ، ރައީސްއަށް ދެވަނަ ދައުރެއްދޭންވެސް ހައްޤު.
ޖައިލަމްް
02 January 2024
މީ ކޮންފަދަ ވެރިޔެއްތޯ. ރައީސް މުއިއްޒުއަށް ފަށްފަށުން ޝުކުރު އަދާކުރަން.
މުލާން
02 January 2024
ރައީސް މުއިއްޒުއަކީ ދިވެހި ރައްޔިތުންގެ އިހްސާސްތަށް ދަންނަ ހިތްތިރި ވެރިޔެއް.
157.01.02
02 January 2024
މިއީ އަޖާއބެއް! ހިޔާ ފްލެޓްގަ އުޅޭމީހުންނަށް އެކަނިބާ! މި ނޫން ފްލެޓެއްގައ ބަޔަކު ނެތީތޯ!
ހަސަންކަލޯ
01 January 2024
ކީއްތަވާނީ ވިނަރެސް ފްލެޓްގެ އަގުވެސް ދަށްކޮށް ދިނިއްޔާ، މޮޅު ފެންވަރުގަޔޭ ކިޔާފައި ބޮޑު އަގު ނަގާ، ސީލިންގ އިން ފެން ފައިބާ، ތަޅުތައް ހަލާކުވެފައި، ފާރުތައް ރެދުއަޅާ ހަލާކުވެފައި މުސާރައަށް ލިބެނީ 10 ވަރަކަށް ހާސް ރުފިޔާ، އެކަމު 17500 ހަމައެކަނި ކުލި ދައްކަންޖެހޭ، ޢުއްމީދު ކުރަން އަހަރެމެން ހޮވި ރައީސް މިކަމަށް ޙައްލެއް ހޯއްދަވައި ދެއްވާނެ ކަމަށް
ނުއުނާ
01 January 2024
މީވެސް އަހަރެމެނަށް ލިބުނު ވަރަށް ބޮޑު ހިންހަމަޖެހުމެއް. ޝުކުރިއްޔާ މުއިއްޒު