ހުޅުމާލޭގައި ހިންގި ސަގާފީ ހަރަކާތެއްގައި ޖޯން ބައިވެރިވަނީ: އޭނާ ހައްޔަރުކުރީ ފުލުހުންނާއި އިމިގްރޭޝަން ގުޅިގެން ހިންގި އޮޕަރޭޝަނެއްގައި.
13 ފެބުރުއަރީ 2017 - 10:33
6 comments
ބަޔަކު ލަނޑުދިނުމުގެ ސަބަބުން ހުޅުމާލޭގައި ގަވާއިދާ ހިލާފަށް އުޅެން މަޖުބޫރުވީ ކަމަށް ބުނާ އެމެރިކާގެ ރައްޔިތެއް ކަމަށްވާ ޖޯން ސޭފާޓް އަށް އަދިވެސް ފުރޭގޮތެއް ނުވެ އެވެ.
މިދިޔަ މަހު ކުރީކޮޅު ޖޯން ހައްޔަރުކުރީ ފުލުހުންނާއި އިމިގްރޭޝަން ގުޅިގެން ހުޅުމާލޭގައި ހިންގި އޮޕަރޭޝަނެއްގަ އެވެ. އިމިގްރޭޝަންގެ ބެލުމުގެ ދަށުގައި ހުރި ޖޯން މިދިޔަ މަހުގެ ތެރޭގައި ފުރުވާލަން އެތަނުން މަސައްކަތް ކުރި އެވެ.
އިމިގްރޭޝަންގެ މީޑިއާ އޮފިޝަލް، ހަސަން ހަލީލް ވިދާޅުވީ ޖޯން ފުރުވާލުން ލަސް ވަނީ، އިދާރީ އިންތިޒާމްތަކެއް ހަމަނުޖެހިގެން ކަމަށެވެ. ކަމާގުޅޭ އިދާރާތަކުން އެކަން ހަމަޖައްސަމުން އަންނަ ކަމަށް އޭނާ ވިދާޅުވި އެވެ.
"އިދާރީ ބައެއް ކަންތައްތައް ނުނިމިގެން ލަސްވަނީ. އެކަންކަން ހަމަޖެހުނުހާ އަވަހަކަށް އޭނަ ފުރުވާލާނެ،" ހަލީލް ވިދާޅުވި އެވެ.
ޖޯންގެ ގާތް މީހުން ބުނާ ގޮތުގައި މީގެ ހަތް އަހަރު ކުރިން އޭނާ ރާއްޖެ އަށް ދިރިއުޅުން ބަދަލުކުރީ ދިވެއްސަކާ އެކު ހުޅުމާލޭގައި ގެސްޓު ހައުސް ވިޔަފާރި ހިންގުމަށެވެ. ޖޯން ވެސް ފައިސާ ހޭދަ ކޮށްގެން ގެސްޓް ހައުސްގެ ވިޔަފާރި ފެށުމަށް ފަހު، ވަކި ހިސާބަކުން އޭނާ ބޭރުކޮށްލީ ކަމަށް ބައެއް މީހުން ބުނެ އެވެ.
ޖޯންގެ ޕާސްޕޯޓު ވަގަށް ނެގުމުން އެކަން ކަމާބެހޭ އިދާރާތަކަށް އޭނާ ހުށަހެޅި ކަަމަށް ވެ އެވެ. ޖޯން ރާއްޖޭގައި މަޑުކުރީ، ގެސްޓުހައުސް އަށް އޭނާ އިންވެސްޓްކުރި ފައިސާ ލިބެންދެން ކަމަށް ޖޯންގެ ގާތް މީހުން ބުނެ އެވެ.
ވިއްސާރަ ދުވަހެއްގައި ހުޅުމާލޭ ބީޗުގައި ޖޯން ދިވެހި ދިދައެއް ނަގަނީ --ފޮޓޯ: ކިޔުންތެރިއެއް
ވިޔަފާރިން އޭނާ ބޭރުކުރި މައްސަލަ ޖޯން ސިވިލް ކޯޓަށް ވެސް ހުށަހެޅި އެވެ. އެ ކޯޓުން ވަނީ ޖޯން އަށް ފައިސާދޭން އެ ވިޔަފާރީގެ އަނެއް ހިއްސާދާރަށް ހުކުމް ކޮށްފަ އެވެ. ޖޯންއާ އެކު ވިޔަފާރިކުރި އަނެއް ހިއްސާދާރުގެ މައްޗަށް މިދިޔަ އަހަރު ޖޫން މަހު ކޯޓުން ހުކުމް ކުރީ ޖޯންގެ ފަރާތުން އެކި ފަހަރު މަތިން އަނެއް ހިއްސާދާރަށް ދިން 42،000 އަށް ވުރެ ގިނަ ޑޮލަރު (ހަ ލައްކަ އަށް ވުރެ ގިނަ ރުފިޔާ) ދެ މަސް ތެރޭގައި އަނބުރާ ދެއްކުމަށެވެ. ހިއްސާދާރުގެ އެކައުންޓަށް ފައިސާ ޖަމާކުރީ ޖޯން މެދުވެރިވެގެން އެހެން ގައުމެއްގެ އިތުރު ދެ މީހަކާއި ޖޯން ކަމަށް ހުކުމުގައިވެ އެވެ.
އެނގިފައިވާ ގޮތުގައި އެ ހުކުމް މިހާރު ވަނީ ހައި ކޯޓުގައި އިސްތިއުނާފް ކޮށްފަ އެވެ. ޖޯންގެ ފަރާތުން މަސައްކަތް ކުރި ވަކީލަކު ވިދާޅުވެފައިވާ ގޮތުގައި، ލިޔެކިޔުމުން ސާބިތުވީ 42،000 ޑޮލަރުގެ ދަރަނި ކަމަށް ވިޔަސް އެ ވިޔަފާރި އަށް ޖޯން ވަނީ 250،000 އެއްހާ ޑޮލަރު ޚަރަދުކޮށްފަ އެވެ. ޖޯން ރާއްޖެ އިން އެނބުރި ގައުމަށް ނުގޮސް ހުރީ އެ ފައިސާ ނުލިބެނީސް ނުދާންވެގެން ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަލްކު އެންޑް ބަލަކް
13 February 2017
ޖޯންދޮންބެ ދެރަނުވޭ. އޮންސާފު ލިބޭނެދުވަސް އަންނާނެ.
ކޮމެންޓު:
13 February 2017
ކޮމެންޓު
ދިރާސާ
13 February 2017
އެމެރިކާ އެމްބަސީއިން ދެތިން ބަޔާން ނެރޭއިރަށް ސައިޒްވެއްޖެދޯ؟ އުއްމީދުކުރަން އޭނާގެ ހައްޤު ލިބޭނެކަމަށް.
އެމްސް
13 February 2017
ހީވާގޮތުން މިކަމުގަ އެންމެ އަޑިގަ ހުންނާނީ ކޮންމެވެސް ސިޔާސީ ފަރާތެއް!
ދޫނި ރާއްޖެ
13 February 2017
ޖޯން އަށް އިންސާފް ލިބޭނެކަމަށް އުއްމީދު ކުރަން. ފަހަރެއްގައި އޭނާއަށް ލަނޑުދިން މީހުންނަށް މިކުޅެވުނީ ކިހާވަރެއްގެ ކަމެއްކަމަށް ވިސްނުނީކަމަށް ބެލެވެނީ!
GAN Island
13 February 2017
އެމަރިކާގެ ރަށްވެއްސެއް ކަމުގައިވާ John Seyfert ތިހާ ފަސޭހައިން ފުރުވާލުން (ޑީޕޯޓް ކޮށްލުން) އެއީ ޔާމީން އަބުދުލް ޤައްޔޫމް ގެ ސަރުކާރަށް ''ކުރަން ކެރޭނެ'' ކަމެއްނޫން. . . އަދި ކޯޓް ހުކުމެއް ކޮށްފިނަމަ ''އެހުކުމް ތަންފީޒު ކުރުމުގައި މިސަރުކާރު ފަސްނުޖެހޭނެ'' ކަމަށް ކިތަންމެ ވަރަކަށް ވިދާޅުވިޔަސް John Seyfert ހިމެނޭ މައްސަލައިގަ ސިވިލްކޯޓުން ކުރި ހުކުމް ޔާމީން އަބުދުލް ޤައްޔޫމް ގެ ސަރުކާރުން ވަނީ ތަންފީޒުނުކޮށް ''ދިގުދަންމާފައި'' ކަން ހާމަވާން އެބައޮތް.. މިހާރު ދެން ހުކުމް ތަންފީޒު ކުރެވޭކަށްވެސް ނެތް. ހުކުމް ތަންފީޒު ކޮށްފިނަމަ އިތުރު މައްސަލަތަކަކާއި ސަރުކާރަށް ކުރިމަތިލާން ޖެހި ރާއްޖޭގެ އަދުލު އިންސާފު އޮތް މިންވަރު ހާމަވެގެންދާނެ