އދ. ނުރުހުނަސް ލަންކާގެ ޑްރަގް އޮޕަރޭޝަން ދެ ގުނަ ފުޅާކުރަނީ

ސްރީ ލަންކާގައި މީގެ ކުރިން ހިންގި އޮޕަރޭޝަނެއްގައި އަތުލައިގެންފައި ހުރި މަސްތުވާތަކެތި. -- ފޮޓޯ: އޭއެފްޕީ

15 ޖެނުއަރީ 2024 - 05:58

މަސްތުވާތަކެއްޗާ ދެކޮޅަށް ސްރީ ލަންކާގައި ހިންގާ ބޮޑު އޮޕަރޭޝަނުގައި އިންސާނީ ހައްގުތަކާ ހިލާފް އަމަލުތައް ހިންގާ ކަމަށް ބުނެ އދ. އިން ކަންބޮޑުވުން ފާޅުކުރި ނަމަވެސް މި އޮޕަރޭޝަން އިތުރަށް ފުޅާކޮށް، އަދިވެސް އެތައް ހާސް ބަޔަކު ހައްޔަރުކުރާނެ ކަމަށް ލަންކާ ފުލުހުން ބުނެފި އެވެ.

މިދިޔަ ޑިސެމްބަރު މަހު "ޔުކީތާ" ގެ ނަމުގައި ފެށި އޮޕަރޭޝަންގައި މިހާތަނަށް 30،000 މީހަކު ހައްޔަރުކޮށްފައި ވާއިރު އިންސާނީ ހައްގުތަކަށް ވަކާލާތުކުރާ މީހުން ބުނަމުން ދަނީ ކޯޓު އަމުރު ނެތި ގާނޫނާ ހިލާފަށް މީހުން ހައްޔަރުކުރުމާއި ތަންތަން ފާސްކުރުން ބަލައިނުގަނެވޭނެ ކަމަށެވެ.

އެކަމަކު ފުލުހުން އިއްޔެ ބުނީ މި އޮޕަރޭޝަންގެ ދެ ވަނަ ފިޔަވަހި ވެސް ފަށާނެ ކަމަށާއި މިފަހަރު ހައްޔަރުކުރަން ޖެހޭ 42،248 މީހުން އެބަތިބި ކަމަށެވެ.

"ކުރިއަށް އޮތް މަސް ދުވަހު ފުލުހުންގެ ހުރިހާ މަރުކަޒުތަކަކުން 24 ގަޑިއިރު މަސައްކަތްކޮށް، 42،248 މީހަކު ހައްޔަރުކޮށް އިންސާފުގެ ކުރިމައްޗަށް ގެންދަންޖެހޭ،" ފުލުހުން ނެރުނު ބަޔާނެއްގައި ބުންޏެވެ.

ފުލުހުން މިހެން ބުނީ ގާނޫނީ ހިލާފް އެތައް ކަމެއް މި އޮޕަރޭޝަންގައި ހިންގާ ކަމަށް ބުނެ އދ.ގެ އިންސާނީ ހައްގުތަކާ ބެހޭ އެޖެންސީން ކަންބޮޑުވުން ފާޅުކުރިތާ ދެ ދުވަސް ފަހުންނެވެ.

Lanka ge drug aa dhekolhu operation alif dhaal ge nuruhun

The most trusted news source in the Maldives

Mihaaru

އދ. ހިއުމަން ރައިޓްސް ކޮމިޝަނަރު ވޮލްކާ ޓާކް ވަނީ މި އޮޕަރޭޝަން ރިވިއުކޮށް، އިންސާނީ ހައްގުތައް ލިބިދީގެން ކުރިއަށް ގެންދާ އޮޕަރޭޝަނަކަށް ބަދަލުކުރުމަށް ގޮވާލައްވައިފަ އެވެ.

"ކޯޓު އަމުރެއް ނެތި ތަންތަން ފާސްކުރުމާއި މަސްތުވާތަކެތި ބޭނުންކުރާ ކަމަށް ތުހުމަތުކުރެވޭ މީހުން ހައްޔަރުކުރުމާއި އެތައް ސަތޭކަ ބަޔަކު، އަސްކަރިއްޔާ އިން ހިންގާ ރިހެބްތަކަށް ގަދަކަމުން ފޮނުވާ ކަމުގެ ރިޕޯޓްތައް ދަނީ ލިބެމުން،" ނޫސްވެރިންގެ ބައްދަލުވުމެއްގައި ޓާކް ވިދާޅުވި އެވެ.

އޭނާ ވިދާޅުވީ ކޯޓު އަމުރެއް ނެތި ހައްޔަރުކުރުމާއި ފާސްކުރުމުގެ ތެރޭ މަގުމަތީގައި ވެސް މީހުން ބަރަހަނާކޮށް ފާސްކުރުން ފަދަ، އިންސާނީ ހައްގުތަކާ ހިލާފް ކަންކަން ކުރަމުން ގެންދާ ކަމުގެ ޝަކުވާ ލިބެމުންދާ ކަމަށެވެ.

"މަސްތުވާތަކެއްޗަކީ މުޖުމަތައުއަށް އޮންނަ ބޮޑު ގޮންޖެހުމެއް ކަމަށް ވިޔަސް ގަދަބާރުން ކަންކަން ކުރަން އުޅުމަކީ އަދި މައްސަލައިގެ ހައްލެއް ނޫން،" ކޮމިޝަނަރު ވިދާޅުވި އެވެ.

ލަންކާ އަކީ މިހާރު މަސްތުވާތަކެތި ޓްރެފިކްކުރާ މީހުންގެ ޓްރާންސިޓް ޕޮއިންޓަކަށް ވެފައިވާ ކަމަށް އެ ގައުމުގެ އޮފިޝަލުން ވިދާޅުވެ އެވެ.

މަގުމަތިން މަސްތުވާތަކެތި ޖޫން މަހުގެ ނިޔަލަށް ހުސްކުރުމުގެ އަމާޒާ އެކު ޑިސެމްބަރު މަހު ފެށި އޮޕަރޭޝަންގައި މިހާތަނަށް މަސްތުވާތަކެތީގެ 800 ކިލޯ އަތުލައިގެންފައިވާ ކަމަށް ފުލުހުން ވަނީ ބުނެފަ އެވެ. -- އޭއެފްޕީ

ސްރީ ލަންކާ މަސްތުވާތަކެތި ޑްރަގް ޓްރެފިކްކުރުން

8 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު

15 January 2024

ސާބަހޭ ލަންކާ މީހުންނަށް... ތިޔަކަން ކުރެވޭނީ ތަޔަ ހެން.. އެހެން ނޫނީ ގައުމު ހަލާކުވެ ހުލިވަންދެން ބަލަން ތިބެން ޖެހޭނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލީ

15 January 2024

ސާބަހޭ ލާންކާ. ވާންކޮށްފަ ބަހައްޓާތި. އިންސާނީ ހައްގުތަކޭ ކިޔައިގެން އުޅޭ މުނާފިގުން ކިޔާ އެއްޗެއް އަޑު ނާހާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ

15 January 2024

ކޯޓު އަމުރު ހޯދައިގެންތަ އެމީހުން ޑްރަގް ވިޔަފާރިކުރަނީ. ނުޖެހޭ ކޮންމެހެން ހޯދާކަށް. ހަމަ ތިހެން ކިޔައިއުޅުނު ދާޚިލީ ހަނގުރާމައިގެ ދުވަސްވަރުވެސް. އެކަން ރާޖަޕަކްސާ ކުރީމާ މިހާރު ކިހައި ފަސޭހަ. އދ. އިން ކިޔާ އެއްޗެއް އަޑުއަހާނެ ކަމެއް ނެތް. ގައުމު ޑްރަގުން ސާފުކުރޭ. އަހަރެމެންވެސް ވީ ހަމަ ތިހެން ހަދަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުރަބޯ

15 January 2024

ރާއްޖޭގައިވެސް މަސްތުވާތަކެތީގެ ވަބާ ދަނީ ހަލުވިކޮށް ފެތުރެމުން. އަލަށް މީގެތެރެއަށް ވަންނަ ޒުވާނުން ކަންބޮޑުވާހާ ގިނަ. ރާއްޖޭގައި މިހާތަނަށް ގާއިމުވި އެއްވެސް ސަރުކާރަކުން މިކަން ހުއްޓޭފަދަ ނުވަތަ މަދުވާފަދަ ފިޔަވަޅެއް ނާޅާ. މީގެ ކުރީގައި އޮތް ރީނދޫ ވެރިކަމުން މިކަމަށް އިތުރު ދޮރެއް ހުޅުވާދީފަ ވަނީ އެއީ ވަކި ފަންތިއެއްގެ ބަޔަކު ރާއްޖެއިން ބޭރުން އަންނައިރު ގެންނަ ލަގެޖް ޗެކް ނުކުރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔޫެއެން

15 January 2024

ޔޫއެން އަކީ އެމެރިކާއާއި ހުޅަނގުގެ އޭޖެންސީއެއް.އެމީހުން ކޮންމެކަމެއްކުރިއަސް އެއީ އިންސާނީ ހައްގުތަކަށް ފެތޭކަންކަން.އެއްވެސް ބަޔަކު ތިޔަ އޭޖެންސީއަށް ބޯލަނބާކަށް ނުޖެހޭނެ. ހުޅަނގާއި ހުޅަނގަށް ވާގިވެރިވާ ގައުމުތަކުން ބޯލަނބަން ނުޖެހޭކަމަށް ވަންޏާ އެހެން ގައުމުތަކުންވެސް ބޯލަނބާކަށް ނުޖެހޭނެ.ސާބަހޭ ލަންކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމީދު 1

15 January 2024

އދ. ބަހައްޓާ، އެމީހުން އެއީ ހުޅަނގު، ބޭނުންމެއް ނުވާނެ އެހެންބަޔަކު ހިންދެމިލާކަށް، އަހަރެމެން ތިބެންޖެހޭނީ އިނދަޖެހިފަ. ސާބަހޭ ލަންކާ. ރާއްޖޭންވެސް މިފޮހެލަންޖެހޭ. ދުވަހެއް ދުވަހަކަށްދަނީ ގޯސަވަމުން، ކުރިމަގުފެންނަނީ ވަރަށް ބަނަކޮށް، ބަޔަކު އަޑީގައި ތިބެގެން އެންމެން މި މަޅީގައިޖައްސައި ނަފާހޯދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

15 January 2024

ގަދަބާރުން ވެސް ކަންކަން ކޮށްގެން ހަމަމަގަށް އަޅުވަން އެބަޖެހޭ. ޑްރަގަކީ އޭގެޒާތުގައި ވެސް އިންސާނީ ޙައްގުތައްް ނަގާލާ އެއްޗެއް. އެންމެންނަށް އިންސާނީ ޙައްގު ހޯދައިދިނުމަަށްޓަކައި ޑްރަގް ނައްތާލަންޖެހޭ. މިރާއްޖޭގައި ތިފަދަ އޮޕަރޭޝަނެއް ވަރަށް އަވަހަށް ހިންގާނެ ކަމަށް އުންމީދުކުރަން.