ގުޅިފަޅު ހިއްކުމުގެ މަސައްކަތް ކުރަނީ.-
20 ޖެނުއަރީ 2024 - 22:57
86 comments
ގުޅިފަޅު އަދި ގިރާވަރު ފަޅު ހިއްކައިގެން ދޭ ގޯތިތަކުގެ ތެރެއިން މިހާތަނަށް ނުހިއްކާ ހުރި ބިންތަކުން ގޯތި ލިބޭ މީހުންނަށް، އެ ތަން ހިއްކާ ނިމުމުން ރަޖިސްޓްރީ ލިބޭނެކަން ޔަގީންކޮށްދިނުމުގެ ގޮތުން ލިޔުމެއް ދޭން މަސައްކަތް ކުރައްވާނެ ކަމުގެ ޔަގީންކަން ރައީސް ޑރ. މުހައްމަދު މުއިއްޒު ދެއްވާފައިވާ ކަމަށް މާލޭ ބިންވެރިންގެ ޖަމިއްޔާތަކުން ބުނެފި އެވެ.
ހުޅުމާލެ ރައްޔިތުންގެ ކޮމިޓީ އާއި މާލެ ރައްވެހިންގެ ޖަމިއްޔާ އާއި ގުޅިފަޅު ރައްޔިތުންގެ އެސޯސިއޭޝަން އަދި ގިރާވަރު މާލެ ސިޓިޒަން އެސޯސިއޭޝަނުން ކަނޑައަޅާފައިވާ މަންދޫބު ސުނާދު ލަތީފު، ރައީސް މުއިއްޒާ ބައްދަލުކުރެއްވުމަށް ފަހު މައުލޫމާތު ހިއްސާކުރަން ބޭއްވި ބިންވެރިންގެ ސައްލާގައި ވިދާޅުވި ގޮތުގައި، ނުހިއްކާ ހުރި ބިންތަކުން ބިން ލިބޭނެ ކަމަށް ގެޒެޓުގައި އިއުލާނުކޮށްފައިވާ މީހުންނަށް ލިޔުމެއް ލިބުމަކީ މުހިންމު ކަމަށް ރައީސް ދެކިވަޑައިގަންނަވަ އެވެ.
"ބިން ހިއްކައި ނިމުމުން ރެޖިސްޓްރީގައި ކޯޑިނޭޓްތައް ހިމަނައި ހަވާލުކުރެވޭނެ ވާހަކަ ހިމެނޭ ގޮތަށް ރަސްމީ ލިޔުމެއް މި ސަރަހައްދުތަކުން ބިން ލިބުނު ފަރާތްތަކަށް ދިނުމުގެ މަސައްކަތް އިނީޝިއޭޓު ކުރައްވާނެ ކަމުގެ ޔަގީންކަން ރައީސުލްޖުމްހޫރިއްޔާ ދެއްވި،" އޭނާ ވިދާޅުވި އެވެ.
ނިމިދިޔަ ސަރުކާރުން ބައެއް ގޯތީގެ ރަޖިސްޓްރީ ހަވާލުކޮށްފައި ވިޔަސް، ނުހިއްކާ އޮތް ބިންތަކުގެ ރެޖިސްޓްރީ ދޫކޮށްފައިވާތީ އެ ރަޖިސްޓްރީން ޕްލޭނިން މިނިސްޓްރީން ހަދާފައިވަނީ ގާނޫނާ އެއްގޮތަށްކަމާ މެދު މިނިސްޓްރީން ވަނީ ސުވާލު އުފުއްދައިފަ އެވެ. އެކަމާ ހެދި، ރެޖިސްޓްރީ ދޫކުރުން ވެސް އޮތީ ހުއްޓާލައިފަ އެވެ.
ސުނާދު ވިދާޅުވީ، ބިން ލިބޭނެ ކަމަށް ގެޒެޓުގައިވާ މީހުންގެ އެ ހައްގު ލިބޭނެ ކަމަށާއި އެހެން ތަނަކަށް ބިން ބަދަލުނުކުރާނެ ކަން ކަށަވަރު ކުރައްވާނެ ކަމުގެ ޔަގީންކަން ރައީސް ދެއްވެވި ކަމަށެވެ.
އޭނާ ވިދާޅުވި ގޮތުގައި، ގޯތި ދޫކޮށްފައިވާ ސަރަހައްދުތަކުގެ ލޭންޑް ޔޫސް ޕްލޭންގެ މަސައްކަތް ކުރަމުން އަންނައިރު، ބިންވެރިންގެ ޖަމިއްޔާގެ ހިޔާލާއި ލަފާ ހޯއްދަވާނެ ކަމަށް ވެސް ރައީސް ވިދާޅުވި އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ވަނީ ހުޅުމާލެ 2 އާއި އަލަށް ހިއްކާ ހުޅުމާލެ 3 އާއި ގުޅިފަޅާއި ގިރާވަރުފަޅުން 9،000 ގޯތި ދޭން ނިންމައިފަ އެވެ. އޭގެ ތެރެއިން ގިނަ މީހުންނަށް ރަޖިސްޓަރީ އަދި ބައެއް މީހުންނަށް ބިންތައް ވެސް އޭރު ހަވާލު ކުރި އެވެ. މެދުކެނޑުމަކަށް ފަހު މި މަހު އަނެއްކާ ވެސް ވަނީ ރަޖިސްޓަރީ ދޫކުރަން ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮގޭ
22 January 2024
ދޮގު، މަކަރު، އޮޅުވާލުން، މިއީ ސިޔާސީ ބޭފުޅުން ވަރަށް ފަރިތަ ބަސްކޮށާރެކެވެ.
ރަންދެލި
21 January 2024
2018 ވަނަ އަހަރުގެ ނޮވެމްބަރު މަހު 16 ވަނަ ދުވަހުގެ ރޭ މެންދަމުން އަލިވެ 2 ޖެހި އިރުވެސް އޭރުގެ ހައުސިންގް މިނސިްޓްރީ އިން ދިޔައީ ފުށިދިއްގަރު ފަޅުން ދޫކުރާ 1000 އަކަފޫޓުގެ ގޯތީގެ ލިޔުން ދެމުން. އެއްވެސް ބޭފުޅަކު މިކަން ހަނދުމަ އެބަ ހުރިތޯ؟ އޭރުގަ އެއީ ހިކިފާ، ގަސްހެދިފަ އޮތް މާބަގީޗާ އެއްތޯ؟
ސަލީމްް
21 January 2024
ހަމަ ކަނޑައެޅިގެން ދޮގެއް.
މާއިންް
21 January 2024
ޑރ.މުއިއްޒު ވެރިކަމުގަ އެންމެންގެ ހައްޤު ކަށަވަރު ކޮށްދޭނެކަން ޔަގީން މިވަނީ. ތަފާތު ދައްކާނެ މި ވެރިކަމުގަ
ޖައިޝަމްް
21 January 2024
ގޯތި ދޭން ބުނެފަ ހުރި މީހަކަށް ވިއްޔާ އެތަނެއް ދޭނެ. އެއްވެސް ކަމަކާ ކުދިން ހާސް ވާނެ ކަމެއް ނެތް
މާމަކާފަ
21 January 2024
ގޯތި ދިނުމަކީ ޕޮލިޓިކަލް ކަމެއް. ނިމިދިޔަ ސަރުކާރުން ވެރިކަމަށް އަންނަން ކެމްޕެއިން ކުރި އިރު ގޯތި ދޭނޭ ވާހަކަ ވިއްކި. 5 އަހަރު ހަމަވާން 2 މަހަށްވީމަ ފަޅު ހިއްކަން ފެށީ. އެއްމެ ކުރިން ވެސް ގޯތި ލިބޭމީހުން ހޮވާފަ ރަޖިސްޓްރީ ދީފަ ފަޅުހިއްކަން ފެށިނަމަ، މި ސަރުކާރުން ވެސް 5 އަހަރު ހަމވާން ވާއިރަށް ކޮންމެސް ކުޑަގޮތެއް ވާނެ ކަމަށް ބަލަމާ ހިނގާ.
ރައީސް އިބޫ އަށް ތައުރީފް ހައްގު.
21 January 2024
ކިތަންމެ ހިތްހަމަ ނުޖެހުނަސް ރައީސް އިބޫ މިފެށި ގެދޮރުވެރި ކުރުމުގެ މަޝްރޫއަކީ ވަރަށް ބޮޑު އިންގިލާބެއް. އަބަދުވެސް ރައީސް އިބޫ އަދި ރައީސް މުއިއްޒު މިކަން ކޮށްދެއްވައިފިނަމަ އެހައްގު ޝުކުރު އަދާ ކުރާނަން.
ކީކޭ ބުނާނީ
21 January 2024
ކޮމެންޓް ކުރާ ކުދިން ތަންކޮޅެއް ޅައީ ހެން ހީވަނީ، މަދެއް ނުވާނެ ރާއްޖޭގަ ބާޑިތަންތަން ދީގެން އަމިއްލައަށް އެތަންތަން ހިއްކުނު ގޮތަކަށް ހިއްކައިގެން ގެ އެޅި މީހުނެއް، ވީމަ އަމިއްލަ ބިންކޮޅެއް ބޭނުން ވާ މީހަކަށް އެއީ ވަރަށް ބޮޑުވަރެއް، އެރަޖިސްޓްރީ ގަނޑު ހިފައިގެން ނިމިދިޔަސް. އިރާދަކުރެއްވިއްޔާ ރައީސް މުއިއްޒު ވެސް މިކަމުގަ ރާއްޖޭގެ އެންމެނަށް މަސްލަހަތު ހުރި ގޮތަކަށް ކަން ކުރައްވާނެ ކަމަށް އުއްމީދު ކުރަން.
ހޯޑޭ
21 January 2024
މިތާ ގިނަބޭފުޅުން ރައީސް ސޯލިހް އަށް ބަދުބަސް ބުނާއިރު ހިތައް އަރަނީ ރައީސް ސޯލިހް މިކަން ނުފެށިނަމަ މާލޭ މީހުނަށް ގޯތި ދިނުމުގެ ވިސްނުން ރައީސް މުއިއްޒު ގެންގުވުއްވާނެ ބޭއޭ. އެހެންކަމުން ކޮންމެސްވަރެއްގެ ކްރެޑިޓް ރައީސް ސޯލިހް އަށް ހައްގު މިކަމުގައި، ގުރުއަތުލުން ކަހަލަ ކަންކަމުގައި ބޮޑެތި މައްސަލަ ހުރިކަމުގައިވީ ނަމަވެސް.
ކަނޑުރޮނގު
21 January 2024
ގޯތި ދޭނެ ވާހަކަ އެންމެ ފުރަތަމަ ދެއްކީ އިބޫ ސޯލިހެއް ނޫން. މި ސަރަހައްދު ހިއްކައި ގޯތި ދެވޭނެ ކަމަށް އާންމުކޮށް އިއުލާނުކުރީ ޔާމީން. އެއީ ޔާމީނުގެ ވިސްނުމެއް ކޮޕީކުރުން. ޔާމީނު އެ ދެއްކި ވާހަކައެކޭ އިބޫ ގޯތި ދިނުމެކޭ ތަފާތެއް ނެތް. ކަނޑުގައި ރޮނގުއަޅާފައި ދިނުމެކޭ ޔާމީން އެކަން ކުރެވޭނެއޭ ބުނުމާ ދެމެދު ތަފާތެއް ނެތް.
ލޮއްލަ
21 January 2024
ގުޅީފަޅުން މާލޭ މީހުންނަށް ބިން ދީފިއްޔާ ރަސްމާލެއިން މާލޭ މީހުންނަށް ބިން ދިނުން އިންސާފުވެރިއެއް ނޫން. ހުރިހާ ތާކު ހުސް މާލެ މީހުންނަށް ބިން ދޭން ޖެހޭ ސަބަބެއް ނެތް. އާބާދީ ބޮޑުބައި އޮތީ ރާއްޖެތެރެއަށް. ދައުލަތު އާމްދަނީ ވެސް ބޮޑަށް ގުޅިފައިވަނީ ރާއްޖެތެރޭ އާބާދީއަށް. އެކަމު ހުރިހާ މޮޅެއް މާލޭ މީހުންނަށް.
ސީތާ
21 January 2024
ހުޅުމާލެއިން އަހަރެންނަށް ގޯއްޗެއްލިބުނީ ބޮޑުއަގުގައި ގަންނަން. އެވެސް އެތައްމިލިޔަން ރުފިޔާއަކަށް. އޭގެފަހުން މިއަންނަނީ ކޮންމެމަހަކު ލިބޭމުސާރައިން އެތަނުގެއަގުދައްކަމުން. އަދިވެސްދިގުމުއްތަކަށް ކުލިދައްކަންޖެހޭއިރު އަހަރެންފަދައަނެކާއަށް، ހަމަ އެރަށުން ގޯތިލިބިފައިއެވަނީދިމާހިލޭ. އަހަރެން ކަފުންކޮށް ސަންދޯކަށްލާއިރުވެސް އެދަރަނިއެގޮތަށް އޮންނާނެ. މީ ކިހާބޮޑު ބޭއިންސާފެއް. ކިހާބޮޑުއަނިޔާއެއް. މިދަރަނިން މިނިވަންކޮށްދެއްވުމަށް ސަރުކާރަށްގޮވާލަން
މޮޔަފީފު ދީދީ
21 January 2024
އަގު ދީފާ ގަނެފަ އޮތް ގޯތި ދޫކޮށްލާފާ ދެން އޮންނަ ބުރަކަށް ރެޑީ ވޭ! އޭރުން ހިލޭ ލިބޭނެ!